din xadimi دین خادمی

برگزاری جشن سالگرد پیروزی انقلاب اسلامی در بیمارستان سینا
به گزارش روابط عمومی بیمارستان سینا، در سی و نهمین سالگرد پیروزی انقلاب اسلامی ، مراسم بزرگداشت ایام دهه فجر و تجلیل از خانواده های شهدا و ایثارگران در مورخه 21/11/95 در سالن آمفی تأتر مرکز برگزار گردید . مراسم با سخنرانی ریاست مرکز  آقای دکتر اباسعد قره داغی و امام جماعت مرکز حجت الاسلام و المسلیمن صمد کامران قراملکی آغاز شد. دکتر قره داغی با تبریک دهه فجر و سالگرد پیروزی انقلاب اسلامی و همچنین روز پرستار از زحمات پرسنل بیمارستان قدردانی نمود در ادامه حجت الاسلام کامران قراملکی با تبریک پیروزی انقلاب اسلامی و بیان اینکه عامل اصلی انقلاب اسلامی حفظ کرامت انسان بود به روایاتی از معصومین اشاره نموده که کرامت انسان ذاتی است و به نژاد و ملیت و دین و جنسیت نیست. وی همچنین با اشاره به نامه حضرت علی (ع) به مالک اشتر که موقع منصوب نمودن وی به عنوان والی مصر، به وی نوشته بودند وظیفه مسئولین دانست که با انسانها با عدالت رفتار نماید و هیچ کس را به چشم تحقیر ننگرند. اجرای نمایش ، برگزاری مسابقه ، و اهدای جوایز و لوح تقدیر به پرستاران نمونه و همچنین ایثارگران و خانواده معزز شهدا از دیگر برنامه های این مراسم بود .

سعادت آختاران قرآن اؤرگشسین

قال رسول اللّه(ص): «إِنْ أَرَدْتُمْ‏ عَیْشَ‏ السُّعَدَاءِ وَ مَوْتَ الشُّهَدَاءِ وَ النَّجَاةَ یَوْمَ الْحَسْرَةِ وَ الظِّلَّ یَوْمَ الْحَرُورِ وَ الْهُدَی یَوْمَ الضَّلَالَةِ فَادْرُسُوا الْقُرْآنَ فَإِنَّهُ کَلَامُ الرَّحْمَنِ وَ حِرْزٌ مِنَ الشَّیْطَانِ وَ رُجْحَانٌ فِی الْمِیزَان‏». پیغمبر اکرم (ص) بویوروب: سعادتلی‌لرین یاشاییشین و شهیدلرین اؤلومونو، حسرت گونون نجاتینی، یاندیران گونون کؤلگه‌سینی، ضلالت گونون هدایتینی ایسته‌سز حتماً قرآنی اؤرگشین. البته او رحمان الله‌ین کلامی و شیطان مقابلینده قالخان و قیامت ترازیسیندا آغیرلیقدیر.  بو شریف حدیثده بویورمور کی قرآنی اوخویون بلکه اونون اؤرگشیلمه‌سینه تأکید بویورور. یعنی صرفا اوخوماق و اوندا درینلشمه‌مک فایداسیز اولماسا دا ایشی یاریمچیق گؤرمک ساییلیر. قرآن انسانین یاشاماسی اوچون برنامه‌دیر. برنامه‌نی خوش سسله اوخویوب عمل ائله‌مه‌مک البته کی لازم اولان نتیجه‌نی وئرمیه‌جک.

هاوانین چیرکینی اودا بیلن 3 مایل اوجالیغیندا گؤی دَلن

کلیکین وئردیگی خبره گؤره، Arconic شرکتی‌نین مهندسلری هاوانین چیرکینی جذب ائده‌ بیلن 3 مایل اوجالیغی اولان گؤی دلن دوزلتمک طرحینی چکیرلر.  بو شرکتین عالملریندن اولان شِری مَک کِلری دئییر: EcoClean آدلانان بو طرح اَن ضروری و هیجانلی پروژه‌لرین بیریدیر. بو پروژه اساسیندا ساختمانلار اؤزلرین تمیزله‌ییب اطراف هاوانی‌دا تمیزلیرلر. او دئییر: بو پروژه بیرینجی دفعه 2011 ده مطرح اولدو و چوخ دَیَرلی مزایاسی وار. بو پروژه سو بوخاری و ایشیقلا ایشلیر و اؤرتوده اولان شیمیایی ماده‌لرله قاریشماقلا آزاد رادیکال‌لار اتوملارینی تولید ائلیر. بو آزاد رادیکال‌لار هاوانین چیرکینی آلیب سطحدن قوپورلار کی ساختمانی توز تورپاقدان و توستودن تمیز ساخلاسینلار. عیناً انسانین دریسی‌نین تدریجله تؤکولوب تازالانماسی کیمی.

کاییناتین 8 مرحله‌ده تشکیل تاپماسی

ایلکین ثانیه‌لرین نئجه تشکیل تاپماسی باره‌ده منجم‌لردن یوخ بلکه فیزیک بیلنلردن سوروشماق لازمدیر. بو فیزیک بیلنلر کاییناتین تاریخینی 8 مرحله‌یه بؤلوبلر. بیرینجی مرحله: صفردن 10 به توان 43 ثانیه‌یه قدر) هله بیزه بللی اولماییب کی ثانیه‌نین بو ایلکین اجزاسیندا نه‌منه اود توپونا چئوریلیب کی کایینات اوندان یارانسین. او زمانین یوخاری حرارتین اؤلچمه‌سی اوچون هئچ معیار و معادله یوخدور. ایکینجی مرحله: 10 به توان 43 دن 10 به توان 32 ثانیه‌یه قدر)کوارک‌لار، الکترون‌لار کیمی ماده‌نین ایلکین تمل داشلاری یارانیر. بو تمل داشلارین بعضیسی بیر بیرینه چاققیشیب تشعشع شکلینده تؤکولورلر. چوخ ایلکین آنلاردا فوق آغیر X ذره‌لری یارانا بیلردیلر. X ذره‌لری فقط ثانیه‌لرین او ایلکین کیچیک جزءلرینده اولا بیلردی. اوچونجو مرحله: 10 به توان 32 دن 10 به توان 6 ثانیه‌یه قدر) کایینات کوارک‌لار، لیتونلار، فوتونلار و آیری ذره‌لرین ترکیبیندن دوزلدی. بیر حالداکی بیر بیرنی نابود ائتمکده و حرارت آزالتماقدادیلار. دؤدونجو مرحله: (10 به توان 6 دان 10 به توان 3 ثانیه‌یه قدر) آز ما چوخ بوتون کوارکلاری و ضد کوارکلار انرژی‌یه تبدیل اولورلار. حرارتین آزالماسی اوچون داها تازا کوارکلار یارانمیرلار و کوارکلارین ضد کوارکلاردان داها چوخ اولدوقلارینا گؤره کوارکلارین بعضیسی اؤزلرینه جوت تاپا بیلمیرلر و آرتیق قالیرلار. اوچ کوارک بیرلیکده بیر پروتون و یا نوترون دوزلدیرلر. گله‌جک اتوملارین تمل داشلاری یارانیب. بئشینجی مرحله: 10 به توان 3 دن 100 ثانیه‌یه قدر) الکترونلار و ضد الکترونلار بیر بیرینه چاققیشماقلا اشعه‌یه چئوریلیرلر. الکترونلارین بیر تعدادی قالیر چونکی ضد الکترونا گؤره سایلاری چوخدور. بو الکترونلار سونرا اتوملارین مدارلارین تشکیل وئریرلر. آلتینجی مرحله: 100 ثانیه دن 30 دقیقه‌یه قدر) ایندیکی اولدوزلارین چردگینده تاپیلا بیلن حرارتده، یونگول اتوملار مخصوصاً چوخ قالارگی هلیوم چردکلری دوزلیر. هله بو مرحله‌ده دمیر و کربون کیمی آغیر اتوملارین چردگی دوزلمه‌ییب. یارانیشین اوّلینده هرزاددان یونگول اولان هلیوم و هیدروژن واریدیلر. یئددینجی مرحله: (30 دقیقه‌دن یارانیشدان بیر میلیون ایل سونرایا قدر) 300 ایلدن سونرا اود توپو اتوم چردکلری و الکترونلارین 3 مین درجه‌ده بیر بیرینه یاپیشیب اتوملاری تشکیل وئره بیلن حرارته قدر سرینله‌ییر. نتیجه‌ده گؤرونمه‌ین قاریشیق ذره، ایندی گؤرونور. سککیزینجی مرحله: (یارانیشدان بیر میلیون ایل سونرادان ایندی‌یه قدر) کهکشانلارین هیدورژن بولوتلاریندان اولدوزلار و سیاره‌لر یارانیر. اولدوزلارین ایچینده اکسیژن و دمیر کیمی آغیر اتوملارین چردگی تشکیل تاپیر کی سونرالار اولدوزلارین پارتلاماسیندا آزاد اولورلار و اولدوزلار و سیاره‌لرین و تازا یاشاییشین دوزلمه‌سی اوچون ایشلنیر. بیگ بنگ (بؤیوک پارتلاما) نظریه‌سی کاییناتین قورولوشونا باخماقلا مطرح اولوب. بو پروژه‌نی «وستو اسلیفر»  1912 ده  باشلادی. بو نظریه‌ ایله مخالف اولانلار دا وار.

قان فشارینی اؤلچمگه بیلَکده بالاجا بیر دیسک کفایت ائلر

دیل میلین وئردیگی خبره گؤره، محققلر بیلکده eCoin  آدلانان سکه اندازه‌سینده دیسکی قویماقلا قانین فشارینی و کلسترولو کنترل ائیلیرلر. eCoin، اؤزوندن برقی پالسلار گؤندره‌رک بیلکده‌کی عصبلری تحریک ائله‌مکله سیگنال‌لاری بئیینده‌کی قان فشارینی کنترل ائله‌ین  مرکزه گؤندریر. بو دستگاهین اولیه آزمایشلرینی 48 نفر اوستونده نیوزلند، تایوان و کانادا دا آپاریبلار. بو آزمایشلر بو مئتودون آیری مئتودلارا گؤره داها ال‌وئریشلی اولدوغونو گؤستریب. ایندی‌ده قراردی بو مئتود آمریکانین باشا باش مریض‌خانالاریندا 360 نفرین اوستونده سینانسین.