مریخده ایلانا بنزر موجودون تاپیلماسی
یازار : میرزه عبدالصمد ملکی | بؤلوم : تكنولوژی
+0 به یه ن
 | ||
تانینمامیش فضایی موجودلار همیشه انسانلارین دقت مرکزینده اولوب. ایندی‌یه قدر بئله موجودلارین اولماسی باره‌ده ایناندیریجی دلیل اله گلمه‌ییب. آما اخیراً ناسا سازمانی ادعا ائلیر فضایی بیر موجودون کشفینه موفق اولوب. یاییلان سون ویدیویی تصویرلرلرده، ناسا سازمانی مریخ کره‌سی داشلاری آراسیندا زویوب گدئن بیر ایلانین تصویرینی منتشر ائله‌ییب. بو تصویرده فضایی ایلان ایکی داش آراسیندا حرکت حالیندادیر. SecureTeam فضایی علملر توسعه مرکزی، بو سورونگنین ویدیویی تصویرلرینی یوتیوپ سایتیندا اشتراکا قویوب و بئله بیر موجودون فضادا ایلک دفعه گؤروندویونو ادعا ائدیب. ناسا ایش بیلنلریندن اولان «اسکات سی» بالاجا ایلانا اوخشایان بو موجود باره‌ده دئییر: بو فضایی سورونگنین بویو یاریم مترجندیر. بو ایلانین کشفی آیری کره‌لردن جانلی موجودلارین اولماسی نظریه‌سینی تقویت ائلیر». | ||
ائوه تبدیل اولا بیلن80 سانتیمترلیک سیغیناجاق
یازار : میرزه عبدالصمد ملکی | بؤلوم : تكنولوژی
+0 به یه ن
| ||
طبیعی و غیر طبیعی بؤیوک بلالارین باش وئردیگی زمان سیغیناجاغین اولماسی دایمی دغدغه‌لردندیر. آما ایندی تورکیه‌لی بیر عالم و مخترع ییغیلا بیلن و راحت حمل اولان بیر سیغیناجاق دوزلدیب کی بو مشکلی حل ائلیر. A' Design 2016 طراحلیق مسابقه‌سی‌نین قیزیل جایزه‌سینی اله گتیرن «هاکان گورسو» ییغیلمیش حالتینده 80 سانتی متر اولان بو سیغینجاغی طراحلیق ائله‌ییب. بو سیغیناجاق آچیلاندا بوتون تجهیزاتی ایله 4 تختلی بیر خواب اوتاغی، آشپزخانا و یئمک ائوی اولور. بو سیغیناجاغین 12 عددی بیر کامیون ایله داشینا بیلیر و اونون قوشماسی فقط نئچه ساعت زمان آپارار. بو سیغیناجاغین پنجره‌لری سقفینده‌دیر کی بو جهتندن مصنوعی ایشیقدان استفاده‌یه چوخ آز احتیاجی اولور. دیوارلاری سو کئچیرمز و نئچه لایه‌دیر کی انرژی‌نین اتلافی‌نین قاباغینی آلیر. بو کابین 129 فوت مربع یئر توتور و نئچه آی یاشاماغا مناسب شرایطه مالکدیر. | ||
اسلام پیغمبری (ص) تاریخ بویو دیانت و بنده‌لیک محوریدیر
یازار : میرزه عبدالصمد ملکی | بؤلوم : دین
+0 به یه ن
| ||
الله تعالی قرآن کریمده بویورور: «یا ایها الذین آمنوا قوا انفسکم و اهلیکم نارا» یعنی ائی ایمان گتیرنلر اؤزوزو و اهلیزی اوددان قورویون. دونیا جغرافیاسی و تاریخ بویوندا دیانت و بنده‌لیک محوری پیغمبریمیزین مبارک وجودودور. اؤزو الله‌ین مطلق عبدی اولان بیری، عبودیتی دونیایا یایماغا گلیب. عبدلیگین بوتون یوکونو و حتی اؤزگه‌لرین یوکونو ده چیگنینده داشیماغا گلیب. پیغمبر اکرم (ص) انسانلیغین سرپرستی کیمی بو بؤیوک عایله‌نی سعادته چاتدیرماغا چالیشیب. صافی تفسیری‌‌نین اوّل‌لرینده امام صادقدن (ع) بئله بیر حیدث نقل اولور کی او حضرت بویوردو: روحلار عالمینده بیزیم پیغمبریمیز بوتون انبیانین نبیسی ایدی. یعنی بوتون پیغمبرلر او حضرتین ولایتی آلتیندایدیلار. علل الشرایع کتابیندا دا بئله نقل اولوب: بیر نفر امام رضانین (ع) محضرینه گلیب سوروشور: نییه پیغمبره ابوالقاسم دئییلیر؟ امام بویورور: پیغمبرین قاسم آدلی اوشاغی اولدوغونا گؤره او حضرته ابوالقاسم دئییلیر. او شخص عرض ائله‌دی: منی اهل بیلسز بیر آز آرتیق بویورون. امام بویوردو: مگر علی بن ابی طالب (ع) قاسم دئییل؟ (قسیم النار و الجنه معناسیندا). عرض ائله‌دی: بلی. حضرت بویوردو: پیغمبر ابوالقاسمدیر یعنی امیرالمؤمنین و بوتون ایلاهی اولیالار، پیغمبرین نظری آلتیندادیلار. مجمع البیان تفسیرینده یازیلدیغی کیمی پیغمبر بوتون انسانلارا بیر آتا گؤزو ایله باخاردی. گؤرسه ایدی بیری اونون دعوتینی قبول ائله‌مه‌ییب ضلالتده قالیر. عیبی و ضعفی اؤزونده آختاریردی و عبادتلرینه آرتیریردی. گئجه‌لری او قدر آیاق اوسته قالیردی کی آیاقلاری شیشیردی و یوخوسوزلوقدان مبارک چهره‌سی سارالیردی. سونرا «مَا أَنزَلْنَا عَلَیْکَ الْقُرْآنَ لِتَشْقَی» آیه‌سی نازل اولدو. یعنی ائی پیغمبر بیز سنی اؤزونو مشقّته سالماقدان اؤترو بو قرآنی نازل ائله‌میشیک. | ||
تبریز مشهد قطار حادثه‌سی‌نین ویژه کمیته‌سی آراشدیرما نتیجه‌لرینی اعلام ائله‌دی
یازار : میرزه عبدالصمد ملکی | بؤلوم : خبرلر
+0 به یه ن
| ||
قطار حادثه‌سی‌نین ویژه کمیته‌سی‌نین مسئولو دئدی: بو حادثه اتوماسیون سیستمینده یوخ بلکه ال حرکت سیستمی نتیجه‌سینده باش وئردی. او آرتیردی: گؤروشلرین و آراشدیرمالارین نتیجه‌سینده بللی اولدو کی بو اسفناک حادثه، هله بللی اولمایان دلیل‌لره گؤره اتوماسیون سیستمی‌نین خاموشلانماسی و ال سیستمی کنترل اولماغیله باش وئریب. بو زمینه‌ده قصور و تقصیرین کیمده اولدوغو هله بللی اولماییب. رئیس جمهورون باش معاونی‌نین امری ایله، رئیس جمهورون مخصوص مشاوری اکبر ترکان، رئیس جمهورا مخصوص بازرسی دفترین رئیسی، دمیر یولونون اسبق رئیسی، رئیس جمهور باش معاونی‌نین مشاوری و شرقی آذربایجان و سمنان استانلارینی اوستاندارلاری‌نین حضورو ایله، قطارلارین چاققیشماسینی آراشدیرماق اوچون، مخصوص کمیته تشکیل تایپ. | ||
یول و شهر سالما وزیری آذربایجان ملتینده عذر ایسته‌دی
یازار : میرزه عبدالصمد ملکی | بؤلوم : خبرلر
+0 به یه ن
| ||
یول و شهر سالما وزیری بیر نامه ضمنینده آذربایجان ملّتیندن عذر ایسته‌دی. جناب وزیر کی قاباقکی صحبتلرینده حادثه‌دن سونرا قطارین و بوتون مسافرلرین بیمه اولدوغونا اشاره ائله‌مکله نگرانچیلیغا یئر اولمادیغینی بیان ائله‌میشدی بو نامه‌نین بیر بؤلومونده بئله یازیب: ایندی بیلمیشم کی سؤزلریمین بعضیسی، سیزلرین ناراحتلیغیزا سبب اولوب. اجازه ایستیرم او چتین شرایطده دانیشیقلاریمدا نقص اولموش اولسا کی بیریلرینی ناراحات ائله‌میشم، بونا گؤره اونلارین تک به تکیندن عذر ایسته‌یم. من سیزین خدمتیزده وارام. | ||