دونیانین اَن سورعتلی دوربینی‌ایله ایشیق سورعتینی گؤرمك
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
ماساچوست تكنولوژی مؤسیسه‌نین(MIT) موحقیقلری موفق اولدولار دونیانین اَن سورعتلی دوربینینی دوزلتسینلر كی دقیقه‌ده بیر تریلیون تصویر گؤتورور. ایشیغین سورعتی خلأده هر ثانیه‌ده 299 میلیون متردیر و بونا گؤره معمولی دوربینلرله بیر جیسمدن كئچن ایشیغین تصویرینی ثبت ائله‌مك اولماز. MIT موحقیقلری دقیقه‌ده بیر تریلیون تصویر گؤتورن دوربینی طراحلیق ائله‌مكله, بیر شوشه‌نین ایچیندن ایشغین كئچمه‌سی‌نین عكسینی سالیبلار و بو تصویرلرله یاواش حركت‌ایله بیر فیلم دوزلدیبلر كی ادینبورگدا اولان TED تكنولوژی كونفرانسیندا نوماییش وئریلیب. بو كونفرانسدا نوماییش وئریلن تكجه فیلمده, لیزر ایشیغی بیر ثانیه‌نین میلیارددا نئچه‌سینده شوشه‌نین آلتیندان ساچیر و قاپاغیندان ائشیگه چیخیر و بو زماندا سورعتلی دوربین, ایشغین كئچمه‌سیندن تصویر گؤتورور. موحقیقلر اینانیرلار كی, هزینه‌لر آزالسا و بو تكنولوژیدن تیجاری ایستیفاده ائله‌مك اولسا, جماعت گله‌جكده بیر ایسكنردن ایستیفاده ائله‌مكله میوه و گؤیون ایچینه ایشیق سالماقلا او محصولون تازا اولماسیندان موطمئین اولاجاقلار. | ||
هندلی شیركت 125 دولارلیق لپ تاپ تولید ائدیب*شركة هندیة تطرح كمبیوتر «لوحی» جدیدًا بـ125 دولارًا
یازار : میرزه عبدالصمد ملکی | بؤلوم : تكنولوژی
+0 به یه ن
|
|
||
|
هندلی«كاربون موبایلز» شیركتی اعلام ائله‌دی تازا بیر لپ تاپ دوزلدیب كی آندرویید سیستم عامیلی‌ایله ایشله‌ییر و قیمتی 125 دولادان چوخ اولمایاجاق. تازا كامپیوترین آدی «سمارت تاپ» قویولوب كی دونیادا كئچن ژوئن آییندا گوگل طرفیندن ایستیفاده‌یه وئریلن «نیكسوس 7» دن سونرا ایكینجی كامپیوتر ساییلیر كی آندرویید 4.1 سیستمی‌ایله ایشله‌ییر. بو لپ تاپین 7 اینچلیق مانیتورو, 1.2 گیگاهرتز CPU سی و 2 مگا پیكسئللیك دوربینی و 32 گیگابایت حافیظه‌سی وار. منبع: http://www.akherakhbar.info/article.asp?id=20253 شركة هندیة تطرح كمبیوتر «لوحی» جدیدًا بـ125 دولارًا أعلنت شركة «كاربون موبایلز» الهندیة، طرح كمبیوتر لوحی جدید یعمل بإصدار نظام تشغیل أندروید «جیلی بین» لا یزید سعره عن 125 دولارا. ویحمل الجهاز الجدید اسم «سمارت تاب» ویعتبر ثانی كمبیوتر لوحی فی العالم یعمل بنظام أندروید 4.1 الذی یشتهر باسم «جیلی بین» بعد جهاز «نیكسوس 7» الذی أزاحت شركة جوجل النقاب عنه یونیو الماضی. ویحتوی الجهاز على شاشة سبعة بوصة ومعالج «إم.إی.بی.إس» بسرعة 1.2 جیجاهیرتز وكامیرا أمامیة بدرجة 2 میجابكسل وذاكرة سعة 32 جیجابایت. | ||
كائیناتین بؤیوك سیرّلریندن بیری كشف اولدو
یازار : میرزه عبدالصمد ملکی | بؤلوم : تكنولوژی
+0 به یه ن
|
|
||
|
ایندیكی نظریه‌لر چوخ بؤیوك و زیرپی اولدوزلارین اولماسین ردّ ائله‌سه‌ده عالیملر دؤرد اولدوز تانی‌ییبلار كی بو قایدالاری بوتونلوكده نقض ائلیر. آلمانین بن دانیشگاهیندا اولان تازا تحقیقلر گؤسه‌دیر كی بؤوه دومانلیغی كهكشهانیندا اولان بو اولدوزلار, بؤیوك ماژلان بولوتوندا (LMC) یئرله‌شن عظمتلی R136 اولدوزلار سالخیمی‌نین بیر قیسمتی‌دیلر كی یئردن 160 مین ایل ایشیق ایلی اوزاقلیقدادیلار. ایسنانین معلوماتینا گؤره, 2010-جو ایلده ناسا موحقیقلری گونون 300 برابری اولان دؤرد بؤیوك اولدوز تاپیبلار. بوندان قاباق موحقیقلر سامان یولو كهكشانی و آیری كهكشانلاری رصد ائله‌مكله, اولدوزلارین ان بؤیوك اولماقلارینی گونون 150 برابر اولماسی قدر موعین ائله‌میشدیلر. آما تاپیلان اولدوزلار نظریه‌ده دئییلن اندازه‌نین ایكی برابریدیلر. آلمانین بن دانیشگاهیندا اولان تازا تحقیقلر گؤسه‌دیر كی بؤوه دومانلیغی كهكشهانیندا اولان بو اولدوزلار, بؤیوك ماژلان بولوتوندا (LMC) یئرله‌شن عظمتلی R136 اولدوزلار سالخیمی‌نین بیر قیسمتی‌دیلر كی یئردن 160 مین ایل ایشیق ایلی اوزاقلیقدادیلار. بؤیوك ماژلان بولوتو (LMC) سامان یولو كهكشانینا یاخین اولان اوچونجو كهكشاندیر.
بو دانیشگاهین موحقیقلری بیر كامپیوتری برنامه‌ده, R136 اولدوزلار سالخیمینا اوخشار مودئل دوزلدیبلر كی اوندا 170 مین اولدوز طبیعی جِرمله بیر-بیری‌نین كنارینا دوزولوبلر. بو عظمتلی اولدوز سیستمی‌نین زمان بویو دَییشمه‌لرینی حسابلاماق اوچون, جاذیبه اثرلری, اولدوزلار آراسی هسته‌ای عكس‌العمل‌لر و ایكی اولدوزون بیر-بیرنه دَیدیكلری زمان هر اولدوزدان آزاد اولان انرژی باره‌سینده, 150 مین موحاسیبه انجام تاپیب. پروفوسور «پاول كروپا» بو تحقیقی یازانلاردان بیری دئدییر: اولدوزلارین دوغولما یئرین نظرده آلمادان اونلارین دوغولماسی و شكل تاپماسی بیر موطلق و كولّی پدیده‌دیر و R136 اولدوزلار سالخیمیندا یئرله‌شن بو دؤرد عظمتلی اولدوز, اولوزلارین بؤیوكلویونون آخیر حدّینی گؤسه‌دیرلر.
سولدان ساغا: بؤوه دومانلیغی, R136 اولدوزلار سالخیمی
جوان اولدوزلارین نیسبی اؤلچولری. قیرمیزیدان آبی یه قدر | ||
پنجره‌دن برق تولید ائتمك
یازار : میرزه عبدالصمد ملکی | بؤلوم : تكنولوژی
+0 به یه ن
|
|
||
|
تازالیقدا هلندین«دلف» دانیشگاهیندا بیر جور پنجره دوزلدیبلر كی انرژی تولید ائلیه بیلیر. بو پنجره‌لر باهالی دئییل و بیر جور نازیك لایه‌نی معمولی شوشه‌نین اوستونه یاپیشدیرماقلا اله گلیر. بو انرژی تولید ائدن پنجره‌لر انرژی اوچون اوجوز منبع ساییلا بیلر و ان آز هزینه‌ایله انرژی اله گتیرمگه كؤمك ائده‌جك. بؤیوك شهرلرده شوشه نومالی بورجلار و بینالاردا بو پنجره‌لردن چوخ یاخشی ایستیفاده ائله‌مك اولار. بو ایش اوچون كیفایت ائلر كی شوشه‌نین اوستونه پاریلدایان نازیك لایه یاپیشسین و پنجره اطرافیندا گونش سلول‌لاری نصب اولسون. پاریلدایان لایه گونشی جذب ائلیر و اونو گونش سلول‌لارینا گؤنده‌ریر. البته بو لایه‌نین رنگی‌ده موهومدور. بو پاریلدان لایه رنگی و كیفیتینه باغلی اولماقلا هر متر موربعده اونلار وات برق تولید ائلر. بیر نازیك لایه ان چوخ 20 وات برق تولید ائلیه بیلر. دوزدور كی شاید بو میقدار برق بینانین بوتون انرژیسین گؤرمه‌یه آما مثلاً 4 متر موربع اولان پنجره بیر كامپیوتر دستگاهین برقینی یئتیره بیلر. | ||
سویو تجزیه ائتمگه تازا یول تاپیلدی
یازار : میرزه عبدالصمد ملکی | بؤلوم : تكنولوژی
+0 به یه ن
|
|
||
|
كالیفورنیا تكنولوژی مؤسیسه‌سی‌نین عالیملری سویو اكسیژن و هیدروژئنه بؤلمك اوچون تازا مكانیزم تاپیبلار. ساینسین وئردیگی معلوماتا گؤره, ایندیه‌دك سویو تجزیه ائله‌مك یوللاری چوخ بوروشوق ایدی و بعضی جانیبی محصول‌لارین تولیدینه مونجر اولوردو, اوندان علاوه بو یوللارین بعضیسی زهرلیدی و موحیط زیستی آلوده ائدیردی. تازا یول ساده و ال‌وئریشلیدیر و اونون اَن موهوم مزیّتی بودور كی آشاغی دمادا انجام تاپیر. دئمك اولار كی هیدروژئن یاشاییش و صنعتین بوتون شاخه‌لرینده, قره نفتدن گوگوردو آییرماقدان توتدو مصنوعی ویتامینلر دوزلتماقدا ایشله‌نیر. عالیملر بئله اینانیرلار كی چوخ یاخین گله‌جكده اینسانین یاناجاغی هیدروژئندن تأمین اولاجاق نیه كی شیمیایی مادّه‌لر بو یولونان یاناندا گولخانا گازی تولید ائله‌میرلر. اوندان داها موهوم بو كی یئرین دؤردن اوچو سودور و اینسان بو منبعه ال تاپماقدا موشكولو اولمایاجاق. | ||
