نفتی تحریملر جولایین اوّلیندن باشلیر
یازار : میرزه عبدالصمد ملکی | بؤلوم : خبرلر
+0 به یه ن
 |
||
|
اروپا ایتحادیه‌سی‌نین خاریجی سیاست مسئولو ایران جماعتینه اورك یاندیرما ژستی توتدو و البته رسمی اولاراق غربی‌لرین اؤلكه‌میزین نفتینی تحریم ائله‌ماقدان خبر وئردی. عربی اسكای نیوزون وئردیگی معلوماتا گؤره, كاترین اشتون اروپا ایتحادیه‌سی‌نین خاریجی سیاست مسئولو, اوروپا ایتحادیه‌سی عضو اؤلكه‌لری خاریجی ایشلر وزیرلری ییغینجاغی‌‌نین آخیرینده خبر وئردی كی ایرانین هسته‌ای برنامه‌سی باره‌ده هرجور موذاكیره‌نین پیشرفتی‌نین اولماماسی‌ایله جولایین اوّلیندن ایران نفتی تحریم اولاجاق. اشتون رسماً ایران علئیهینه نفت تحریمی‌نین باشلاماسیندان خبر وئردی و البته ایران جماعتینه اورك یاندیرما ژستی توتوب ایدعا ائله‌دی كی ایران جماعتینی تحریملرین تبعاتیندان اوزاقدا ساخلایاجاییق. هابئله اشتون توركیه طیاره‌سی‌نین سوریه طرفیندن وورولماسینا ایشاره ائدیب اعلام ائله‌دی كی سوریه علئیهینه تحریملرین ایدامه‌سی اولاجاق. | ||
شرقی آذربایجانین 160 مین هكتار یئری صحرایا چئوریلیر
یازار : میرزه عبدالصمد ملکی | بؤلوم : خبرلر
+0 به یه ن
|
|
|
|
 |
|
|
شرقی آذربایجانین طبیعی منبعلر ایداره‌سی‌نین رئیسی دئدی: اوستاندا 160 مین هكتاردان چوخ 7 بؤحران مركزی وار كی اونلارین چوخو ارومیه دریاچاسی‌نین اطرافیندا یئرله‌شیر. فارسین تبریزدن وئردیگی معلوماتا گؤره, سیروس داودی صحرالاشمانین قاباغین آلما گونو موناسیبتینه خبرنیگارلارا دئدی: صحرالاشماغین ضررلری‌نین قاباغین آلماغا گؤره اوستاندا چوخلی ایشلر گؤرولوب كی او جومله‌دن 140 هكتار یئرده آغاج اكیلماقدان آد آپارماق اولار. 338 هكتارلیق اكین یئرلرین اطرافیندا یئل‌سیندیران قوشولوب و 175 هكتار یئرده مرتعلرین احیاسی اوچون توخوم سپیلیب و ایصلاح عملیّاتلاری آپاریلیب. او دئدی كی ایداره‌نین اصلی برنامه‌سی جماعتین موشاریكتیندن حداكثر ایستیفاده‌نی آپارماقدیر. شرقی آذربایجانین طبیعی منبعلر ایداره‌سی‌نین رئیسی آرتیردی: بونا اینانیریق كی صحرالاشماغین قاباغین آلماغا تكجه یول هامی‌نین موشاریكتی‌ایله یاشیل فضانین آرتیرماسی و آغاج اكماقدیر. داودی بونا ایشاره ائله‌مكله كی صحرالاشماغین قاباغین آلماق مسئول‌لارین اصلی هدفیدیر, دئدی: امیدیمیز وار بو بخشه لازیم اولان بودجه‌نین تخصیص وئرماغی‌ایله صحرالاشماغین قاباغین آلماغا بیر ایشلر گؤروله. شرقی آذربایجانین طبیعی منبعلر ایداره‌سی‌نین رئیسی هابئله اوستان جماعتیندن ایسته‌دی اكین یئرلری‌نین اطرافیندا آغاج اكمكله صحرالاشماقلا موباریزه‌ده بیر آددیم گؤتورسونلر. |
ویتناملی بیر قیزین عجیب گوجو
یازار : میرزه عبدالصمد ملکی | بؤلوم : خبرلر
+0 به یه ن
11 یاشلی ویتناملی قیز كونترول اولمایان گوجو ایله اطرافینداكی زادلاری اودا چكیر.
ویتنامین محلی رسانه‌لری‌نین گوزاریشینه گؤره، بو قیزین كونترول اولمایان گوجو باعیث اولوب تا بو میلادی آیین 12-سینده اونلارین ائولری‌نین اوچونجو قاتین بیر بؤلومو اود توتسون.
بو قیزین آتاسی بئله اینانیر كی اونون یاخینلیغیندا اود یاندیرما وساییلی اولمادان اونون بدنینده كی انرژی اود توتماغا سبب اولوب.
بو قیزین والدینی اوندا كی بینانین سیم‌كئشلیغی ایتّیصال ائله‌دی و هم‌ده اونداكی بو قیزین پالتارلاری سببسیز اود توتدو، اونون بو مخصوص گوجونه متوجّیه اولدولار.
دؤكتورلر بو ایدعانی ائشیدندن سونرا بو قیزی موعاینه ائدیب اعلام ائله‌دیلر: بو قیزین بئینی‌نین ساغ یاریسیندا عجیب و مشكوك مورید وار.
oddity central اینترنتی سایتین گوزاریشینه گؤره، بو نادیر ایتّیفاق فیزیك، طیب، روانشیناسی و جامیعه‌شیناسی كیمی موختلیف ریشته‌لرین عالیملرین اؤزونه جلب ائله‌ییب.
هندده بؤیوك تور آتانلار بیر كنده حمله ائدیبلر
یازار : میرزه عبدالصمد ملکی | بؤلوم : خبرلر
+0 به یه ن
هندده بیر كندین ساكینلری دوشنبه گونو اعلام ائله‌دیلر كی چوخ بؤیوك تور آتانلار اونلارین كندینه حمله ائدیب كی محلی ایش‌بیلنلر اونلارین هانسی نوعدان اولماقلارینی بیلمیرلر.
فرانسه خبرگوزاریسی‌نین گواهاتی‌دن وئردیگی گوزاریشه گؤره, یئرلی رسانه‌لر اعلام ائله‌دیلر كی 10 نفر بو تور آتانلارین سانجماسی اثرینده بیماریستانا دوشوبلر و ایكی نفر ده اؤلوب.
آسام ایالتینده اولان سادیا كندی‌نین بیر آغ‌ساققالی فرانسه خبرگوزاریسینه دئییر: اوّلده بیز ائله بیلیردیك كی بو بیر شوخلوقدور آما سونرا بو تور آتانلار كند اهالیسی‌نین چوخونو سانجدیلار.
ایش‌بیلنلردن بیر مخصوص گروه آسام ایالتی‌نین مركزی گواهاتی‌نین آلتی یوز كیلومترلیگینده اولان بو كنده یوللانیبلار.
آسام ایالتی دانیشگاهی‌نین چئوره یاشاییش علملر بؤلومونون بیر ایش‌بیلنی دئدی: بیز منطقه‌نی آختاردیق و بیر جور تور آتان تاپدیق آما اونون نوعوندان هله موطمئین دئییلیك.
او دئدی: نظره گلیر بو نوع هجوملی تور آتان عادی نوعدان آما قودرتلی تورلاری اولسون.
لیتوانیدان بیر تیجاری فرهنگی گروه تبریزه گلدی
یازار : میرزه عبدالصمد ملکی | بؤلوم : خبرلر
+0 به یه ن
لیتوانی اؤلكه‌سی‌نین تیجاری تحقیقاتی تیمی شرقی آذربایجانا اولان سفرلرینده ایپك یولو و كهریبا یولونون فرهنگی موبادیله‌لری‌نین تازادان رونق‌لشمه‌سینه اومودوارلیق اعلام ائله‌دی.
كهریبا یولونون بامتیك شیركتی‌نین خدمات بؤلومونون رئیسی دئدی: كهریبا و ایپك یولونون اصلی شهرلرندن اولان تبریزین, بو تحقیقاتی سفرده بیزیم اوچون یوخاری اهمیتی وار.
روكاس والونگویشس بو گروه و شیركتین تحقیقاتی سفرلردن نظرده آلدیغی مقصدینه ایشاره ائدیب دئدی: بیزیم اجدادیمیز یوزلر ایل بوندان اوّل لیتوانیدا كهریبا داشی تیجارتی ائدیردیلر و بیز ایللر سونرا بو تیجارتی ایپك یولو و كهریبا یولوندان تازادان باشلامیشیق.
او كهریبا یولونون تحقیقاتی گروهونون تبریزه گلماقلارینی لیتوانی ایله شرقی آذربایجان آراسیندا بیرینجی رابیطه‌نین یارانماسی بیلیب آرتیردی: بو سفر فقط تانیشلیق سفری ایدی و تبریزین موختلیف فرهنگی و تیجاری زمینه‌لردن پوتانسیئل‌لرین نظرده آلماقلا بو رابیطه داها دا گئنیشله‌نه‌جك.
والونگویشس هابئله دئدی: سیزین اؤلكه‌نین جماعتی مهریبان, چوخ یاخشی و فرهنگلی جماعتدی و بیزه چوخ جالیب ایدی كی هر كیمدن سوروشودوق لیتوانی هاردادی, بیلیردیلر كی هاردادیر.
بو تحقیقاتی گروهون رئیسی دئدی: بو اوستانا اولان گله‌جكده كی سفرلریمیزده تبریزدن علاوه آیری شهرلر و منطقه‌لره‌ده گئده‌جگیك.
كهریبا یولونون تحقیقاتی تیجاری گروهو آذربایجان موزه‌سی, مشروطه موزه‌سی, جومعه مسجیدی و تبریزین بؤیوك تاریخی بازاریندان گؤروش ائله‌دیلر.