رجبین 25 موصادیفدی ایمام موسی كاظم (ع) شهادت گونو ایله.
كرامتلی
ایمام كی حضرت ایمام صادقین(ع) بالاسی و ایكی كرامتلی نین آتاسی یعنی
حضرت ایمام علی بن موسی, ایمام رضا(ع) و حضرت فاطمه معصومه(س)
حضرت ایمام موسی كاظم(ع) كرامتلی
آتالاریندان سونرا ظولمله موباریزه‌ده اؤز اجدادی‌نین یولون ایدامه وئردی و
اونلارین علمی و عملی سیره‌لرین ایدامه وئریب و جعفری فیقهین ترویج
وئره‌نی اولدولار.
او حضرتین آدی «موسی», آتاسی ایمام صادق (ع) و آناسی حمیده‌ایدی و او حضرتین لقبلری عبدصالح، كاظم، باب الحوائج، صابر و امین ایدی.
او
حضرتین دوغوم یئر و زامانی یكشنبه گونو سحر واختی, 128 هیجری قمری ایلین
صفر آیی‌نین 7 «ابواء» آدیندا كندده (مكه و مدینه آراسیندا بیر كند)
اولموشدور. او حضرت شهادتی 55 یاشیندا 183ه.ق. رجب آیی‌نین 25 بغداددا
هارونون زیندانیندا هارونون دستوری ایله مسموم اولماق اثرینده اولدو. شریف
مرقدلری كاظمین شهرینده (بغداد یاخینلیغیندا) یئرله‌شیر.
ایمام موسی
كاظمین(ع) یاشاییشین ایكی یئره بؤلمك اولار: ایمامتدن قاباق, 128 دن 148
هیجری قمری ایلینه‌قدر (20 ایل) و ایمامت زامانی, 148 دن 183 هیجری قمری
ایلینه‌قدر(35 ایل)
اونلارینان بیر عصرده اولان خلیفه‌لر منصور دوانیقی،
مهدی عباسی، هادی عباسی و هارون الرشید ایدیلر و او حضرتین ایمامت
زامانی‌نین چوخ بؤلومو (15 ایلی)عباسیلرین بئشینجی خلیفه‌سی هارونون
خلافیتینده اولدو كی او حضرت بو ایللرده نئچه ایل زیندانلاردا قالدی. 10
ایل منصور عباسی زامانیندا, 10 مهدی عباسی خلافتینده و بیر ایل‌ده هادی
عباسی دؤرونده اولدو.
ایمام موسی كاظم(ع) لوح حدیثینده
آللاه تعالا
لوح حدیثینده, كی جبرئیل اونو حضرت زهرایه(س) گتیردی ایمام موسی كاظمین(ع)
باره‌سینده دئییر: «موسی, منیم بنده‌م و منیم دوستوم و منیم سئچدیگیمدیر.»
ایمام كاظم (ع)
او
حضرت هئچ‌واخت طاغوتلارا باش اگمه‌ییب تسلیم اولمادی بلكه اونلارین
قاباغیندا دایاندی و اونلارین قاباغیندا پیس ایشلری‌نین محكوم ائله‌مگینده و
مونكرلردن نهی ائله‌مگینده او قدر توتولاردی كی اونا «كاظم» دئییردیلر,
چونكی اونون آدی موسی ایدی و ظالیملر قاباغیندا قیافه‌لی و قاش قاباقلی
اولدوقلاری اوچون اونا «كاظم» دئییردیلر و بو لقب نیشان وئریر كی او حضرت
اؤز عصری‌نین ظالیملریندن ناراضی‌ایدی.
علمیه حوزه‌سی و ایمام كاظمین (ع) شاگیردلری
او
حضرت آتاسی‌نین بؤیوك شاگیردلرین اؤز دؤره‌سینه ییغدی و اونلارا مخصوص
عینایت ائله‌مكله جعفری دانیشگاهین ساخلاماسیندا چوخلو تلاش ائله‌دی و
سونّی‌لرین بؤیوك عالیملری و خلیفه‌لرله موناظیره ائدیب هامیسینا اثر
قویدو. او حضرتین كؤمكلری او جومله‌دن بهلول بن عمرو، صفوان، یونس‌بن
عبدالرحمان، محمدبن ابی عمیر ایدی كی هر بیری شیعه‌لیگین سوتونلاری
ساییلیردیلار. سیاسی جهتدن چتین شراییطده اولماقلارینا رغماً اؤز یوخاری
هیمّتلری‌ایله جعفری دانیشگاهین ساخلادیلار.
+0 به یه ن
