شهید
اوّل «الذكری» كیتابین موقدمه‌سینده یازیر: ایمام صادیق (ع) اؤزلری شخصاً 400
كیتاب یازیبلار.
تأسوفله
ایمام صادقین كیتابلاری آرادان گئدیب و موختلیف دؤره‌لرده ضید شیعه جریانلاری
طرفیندن محو ائدیلیب. تأسوف یئری وار كی رحمتلیك صدیق "من لایحضر الفقیه"
كیتابیندا دئییر كی منده ایماملارین ال یازیسی وار, آما ایندی اهمال و دیقّتسیزلیك
اثرینده آرادان گئدیب و بیزه چاتماییب. بیز بورادا نئچه كیتاب كی ایندی وار و
ایمام صادقه (ع) منسوب اولور تانیتدیراجاغیق.
ایمام
صادیقه (ع) منسوب اولان كیتابلارا كیچیك ایشاره.
آللاهین
رسولوندان صلی الله علیه و آله سونرا معصوملارین بقیه‌سی كیتاب یازاردیلار و
اؤزلریندن علاوه صحابه‌لرینی‌ده یازماغا تشویق ائدردیلر. ایماملارین ایچینده شاید
ایمام صادق (ع) اونلارین هامیسیندان چوخ كیتاب یازیب, نئجه كی آیریلاریندان چوخ
حدیث بویوروب.
- " تفسیر جعفر الصادق" : " ابوعبد الرحمن سلمی اثرلری
مجموعه‌سی‌نین" باشلانیشیندا صفحه 21-دن 63- ـه جن عیرفانی سبكله بیر
تفسیر بیان اولوب كی ایمام صادقه (ع) منسوب اولور. بو تفسیری كشیش «پولس
نویا» تحقیق و چاپ ائدیب. بو تفسیر چوخ موختصردیر و فقط توحید سوره‌سینه قدر
شامیل اولور.
- "تفسیر القرآن كریم عند جعفر الصادق":
بو تفسیر ده ایمام جعفر صادقه (ع) نیسبت وئریلیر و "كتابا الصادق: حقائق
التفسیر القرآنی و مسباح الشریعه" كیتابیندا دؤكتور علی زیعورون ایشرافی‌ایله
بیروتون عزالدین مؤسیسه‌سینده چاپ اولوب. بو تفسیر 92 صفحه‌دیر و فاتحه سوره‌سیندن
دهر سوره‌سینه قدر بیر سئری آیه‌لری سئچیب ایشاری و عیرفانی تفسیر ائدیب.
- و 4. ایمام صادقه (ع) منسوب اولان " كامل التفسیر الصوفی العرفانی
للقرآن" كی بیروتدا دؤكتور علی زیعورون تحقیق ایله دارالبراقدا چاپ
اولوب. بو كیتابین 272 صفحه‌سی وار و حقیقتده ایكی تفسیره شامیلدیر. بیری
قورآنین اوّلیندن دهر سوره‌سی‌نین آخیرینه قدر و بیری قورآنین اوّلیندن
ایخلاص سوره‌سی‌نین آخیرینه قدر.
- "التفسیر المنتسب الی مولانا ابی عبدالله
جعفربن محمد الصادق علیهما السلام". بو تفسیر ایستانبولون نافیذ پاشا
كیتابخاناسیندا ساخلانیلیر. بو تفسیر 317 صفحه‌دیر و او بیری تفسیرلرین
عكسینه قورآنین بوتونلوگونه شامیل اولور.
- " تفسیر الامام الصادق علیه السلام"
هندین پتنای دانیشگاهی‌نین مركزی كیتابخاناسیندادیر كی سید نذر علی رضوی هندی
اونو تحقیق ائدیب و ایكی جیلدده اؤز دؤكتورا ریساله‌سی كیمی اوندان دیفاع
ائدیب.
- علی بن ابراهیم قمی هیجری قمری ایلین اوچونجو عصرینده شیعه
موحدیثلریندن, "تفسیر القمی" آدیندا بیر قورآن تفسیری یازیب. بو
تفسیرین چوخ یئرینده «قال» دئییر. و بیر عیدّه موحقیقلرین نظرینجه علی ابن
ابراهیمین «قال» دن منظورو «قال الصادق (ع)» دیر. ائله بونا گؤره بو تفسیره "
تفسیر الامام" دا دئییرلر.
- "كتاب مصباح الشریعه" اخلاقی و
عیرفانی كیتاب كی علامه مجلسی و ایمام خمینی رضوان الله علیهما كیمی شخصیتلر
اونو قطعی صورتده ایمام صادقدن(ع) بیلیبلر و اعتیماد ائدیب اوندان حدیث نقل
ائدیبلر.
آیری
كیتابلار وار كی اونلار دا ایمام صادقه (ع) نیسبت وئریلیرلر مثلاً "توحید مفضل"،
"رساله اهلیلجیه"، " نجاشی‌یه ریساله " ،" بعضی صحابه‌یه
ریساله" و...
+0 به یه ن
