كانادانین تهرانداكی سیفارتی باغلاندی
یازار : میرزه عبدالصمد ملکی | بؤلوم : خبرلر
+0 به یه ن
 |
||
|
جام جم آنلاین: كانادانین خاریجی ایشلر ویزارتی آمریكانین سیاستی‌ایله همراهلیق چرچیوسینده, جومعه گونو بو اؤلكه‌نین خاریجی ایشلر وزیری‌نین ایمضاسی اولان بیر بیانیه صادیر ائله‌مكله تهرانداكی سیفارتی‌نین باغلانماسیندان خبر وئردی. كانادانین خاریجی ایشلر وزیری بو بیانیه‌ده دئییر: كانادا ایرانداكی سیفارتینی باغلادی و اعلام ائدیر كی اؤلكه‌سینده‌كی ایرانلی دیپلوماتلاری رسمیّته تانیمیر و بونا گؤره ایرانلی دیپلوماتلار كانادانی ترك ائتمه‌لیدیلر. بو بیانیه‌نین ایدامه‌سینده كانادانین خاریجی ایشلر وزیری مودعی اولوب: كانادانین ایران باره‌سینده‌كی موضعی بللی‌دیر و بیز ایرانی دونیا صولحی و بین‌المیلل امنیّتی اوچون تهدید حسابلیریق. ایرانین سوریه‌دن حیمایت ائله‌مگی, جومهوری ایسلامی‌نین هسته‌ای برنامه‌سی و ایرانین اسرائیل قیبالیندا توتدوغو موضع, كانادانین ایرانلا قطع رابیطه‌سی دلیللریندن ساییلیب. بو بیانیه‌ده گلیب كی ایرانلی دیپلوماتلارین 5 گون واختی وار كانادانی ترك ائتسینلر. | ||
