موجاهید روحانی, شیخ محمد
خیابانی شمسی ایلین1259-جو ایلینده تبریز
یاخینلیغیندا خامنه شهرینده دونیایا گلدی. او موقدمات علملرین آیةالله سیّد ابوالحسن
انگجی و میرزا عبدالعلی محضرینده اؤرگشندن سونرا, فیقه, اصول و هئیأت و نجوم
علملرین اؤرگشدی و بیر مودّت سونرا تدریسه باشلادی. شیخ محمد خیابانی‌نین یاشاییشی
1285-جی ایلینده مشروطه‌نین ظفریندن سونرا تازا مرحله‌یه داخیل اولدو و تبریزین
موحاصیره‌سینده شهردن دیفاع ائتمكده اونون موهوم نقشی اولدو. شیخ محمد خیابانی
اوردان كی مركزی حكومتی ضعیف و باغلی گؤروردو, ایران دؤلتی 1919 قراردادینی قبول
ائدندن سونرا تبریزده قیام ائله‌دی. او بو قیامدا كی 1299 فروردینین 17-نده
باشلادی آذربایجانین دؤلتی یئرلرین اؤز تصروفونه كئچیتدی و اونا آزادیستان آدی
وئردی. آما نیرولارین آزلیغی, قازاقخانا نیرولارین تبریزین یاخینیلیغیندا
اولماقلاری و اونلارین مركزی حكومتله همكارلیقلاری و بیر عیدّه‌نین خیانتی اثرینده
بو قیام 6 آی سونرا شیكست یئدی. شیخ محمد خیابانی 1299-جو ایلین شهریور آیین 21-ده
قیرخ یاشیندا اولاندا شهادته چاتدی و اونو تبریزین سید حمزه قبریستانلیغیندا
تورپاغا تاپیشیردیلار. سونرالار بو قبریستانلیق دینی مدرسه‌یه تبدیل اولدو.
+0 به یه ن
