امام حسن(ع) و امام حسینین(ع) یاش فرقلری نه قدر ایدی؟
یازار : میرزه عبدالصمد ملکی | بؤلوم : دین
+0 به یه ن
امام حسن(ع) و امام حسینین(ع) یاش فرقلری نه قدر ایدی؟
شیعه عالمی‌نین ایكینجی امامی امام حسن (ع)، حضرت علی ایله (ع) پیغمبرین قیزی حضرت فاطمه‌نین (س) ائولنمه‌سی‌نین بیرینجی مولودو ایدی.هجرتین اوچونجو ایلینده رمضانین یاریسیندا دنیایا گؤز آچدی. امام حسن (ع) كرامتلی جدّی‌نین دورانیندان نئچه ایلدن آرتیق گؤرمه‌دی. اسلامین عزیز پیغمبری رحلت ائدنده، اونون تقریباً یئددی یاشی واریدی. پیغمبرین رحلتیندن سونرا تقریباً اوتوز ایل آتاسی امیرالمؤمنینین كناریندا اولدو. حضرت علی‌نین (ع) شهادتیندن سونرا اون ایل بویو مسلمانلارین امامتینی عهده‌لرینه آلدیلار. و نهایت 50-جی هجری ایلینده معاویه‌نین توطئه‌سی ایله 48 یاشیندا مسمومیت تأثیرینده شهید اولوب مدینه‌نین بقیع قبرستانیندا دفن اولدو.[1]
امام حسین (ع)، هجرتین دؤردونجو ایلی‌نین شعبانین اوچونجو گونونده مدینه شهرینده دنیایه گؤز آچدی.
او حضرت عمرونون آلتی ایلینی كرامتلی جدّی‌نین دورانیندا یاشادی. پیغمبرین (ص) رحلتیندن سونرا اوتوز ایل آتاسی حضرت علی‌نین(ع) كناریندا اولدو. امیرالمؤمنینین شهادتیندن سونرا اون ایل قارداشی‌نین كناریندا اولدو. قارداشی‌نین شهادتیندن سونرا اون ایل بویو معاویه ایله مخالفت ائله‌دی، اونو اؤلوموندن سونرا دا اوغلو یزیدین قاباغیندا دایانیب 61-جی هجری ایلی‌نین محریمین عاشورا گونونده كربلا وادی‌سینده شهادته چاتدی.[2]
ابن شهر آشوبون یازدیغینا گؤره او حضرتین ولادتی قارداشی امام حسندن (ع) اون آی ایرمی گون سونرا اولوب. او گون سه‌شنبه و پنجشنبه گونو ایدی. بیر آیری روایتده، او حضرتین قارداشی ایله یالنیز بیر حمل مدّتی فاصله اولدوغو ذكر اولوب. حمل مدّتی آلتی آیدیر.[3]