چینلی عالملرین، گؤزه گؤرونمزلیك تكنولوژیسینده ادّعالاری
یازار : میرزه عبدالصمد ملکی | بؤلوم : تكنولوژی
+0 به یه ن
چینلی عالملرین، گؤزه گؤرونمزلیك تكنولوژیسینده ادّعالاری
چینلی عالملر، گؤرونمز اؤرتوگونون دوزلتمه‌سینه اطمینان‌لاری‌نین
چوخالماسیندان خبر وئردیلر. كئچن اوچ ایل بویو، چین دؤلتی‌نین بودجه‌سی ایله
آزیندان 40 تحقیقاتی گروه، گؤرونمز اؤرتوگون دوزلتمه‌سی تحقیقلرینده ایشله‌ییرلر.
ائله بیر موضوع كی، سون ایل‌لرده فیلملرین و كتابلارین موضوعسونا چئوریلیب.
البته كی بو تكنولوژی‌نین اساس هدفی نظامی ایشلر او جمله‌دن طیّاره‌لرین گیزلتمه‌سی‌دیر آما پكنین ایناندیغینا گؤره، بو تكنولوژی آیری زمینه‌لرده ده وسیع صورتده ایشلنه‌جك.
چینین علملر آكادمیسی و سیگهوا دانشگاهیندا بیر گروه، بو پروژه‌نین اوستونده ایشلیرلر.
اساس هدف ائله بیر موادّین دوزلتمه‌سیدیر كی ایشیغی ایسته‌نیلن طرفه انعكاس وئرسین. یعنی ایشیق بیر جسمه دَینده مسیرینی دگیشمه‌سین و سیر ائله‌دیگی مسیرده مستقیم گئتسین.
بو گؤرونمز اؤرتونون اوستونده ایشله‌ین پروفسور ئانگ گوپینگین دئدیگینه گؤره، چینلی عالملر بو زمینه‌ده گؤزه گلیم موفّقیّتلره ال تاپیبلار.
بلاگا گؤره
هر بیر انسان یاشاییش بویو, بوینوندا اولان وظیفهلری یئرینه یئتیرمهلیدیر. منده یازماغی اؤزومه وظیفه بیلیب یازیرام.