قانات چالان طیّاره
یازار : میرزه عبدالصمد ملکی | بؤلوم : تكنولوژی
+0 به یه ن
قانات چالان طیّاره
هلندلی عالملر خلبانسیز چوخ كیچیك طیاره دوزلدیبلر كی 9 دقیقه انسان كنترلو اولمادان قوشلار كیمی قانات چالیب اوچور.
«دلفلای اكسپلورر» آدلانان بو طیّاره، اؤز-اؤزونه اوچا بیلن بیرینجی طیّاره‌دیر.
بو طیّاره قوشلار كیمی اوچماق و حركت اوچون قانات چالیر و مانعلره دَیمه‌مك اوچون بیر استریو گؤرمه سیستمیندن استفاده ائلیر.
هابئله یوكسكیگی اؤلچمك اوچون بیر بارومتره مجهز اولوب. اوندان علاوه اونون كنترلی و ثابتلیگی اوچون اونون ایچینده بیر سیستم قوشولوب.
18 گرم آغیرلیغیندا اولان دلفلای اكسپلورر، یئردن قالخیب بللی بیر یوكسكلیگه چاتاندان سونرا 9 دقیقه بویوندا اوچور. بو طیّاره هلندین دلفت دانشگاهی‌نین لابراتوروندا موفقیّتله تست اولوب.
بو طیّاره‌نین اساس قسمتی اونون استریو گؤرمه سیستمیدیر كی گؤز كیمی طیاره‌نی مانعه دَیمكدن ساخلیر.
بو طیّاره‌نین دوزلدنلری‌نین دئدیگینه گؤره، اونون آز زماندا اوچماسی‌نین سببی باطریدان استفاده ائله‌مگه گؤره‌دیر.