تازا بوز دؤرو باشلیر
یازار : میرزه عبدالصمد ملکی | بؤلوم : عمومی
+0 به یه ن
تازا بوز دؤرو باشلیر
ژاپنلی عالملر یئرین 200 ایل چكن تازا بوز دؤرونه داخل اولماسینا اینانیرلار.عالملرین بیر عده‌سی اوقیانوس شناس ژاپنلی عالم موتوتاكا ناكامورانین مدیریّتی ایله تحقیقلردن سونرا، یئرین تازا بوز دؤرونه داخل اولماسیندان خبر وئردیلر. اونلارین دئدیگینه گؤره بوز دؤرو او قدر شدّتلی اولاجاق كی یئرین ایستی یئرلری‌ده بوز باغلایاجاق.
ایندیلیكده پولكوفسكایا رصدخاناسیندا گونشی تحقیق ائله‌ین تانینمیش روس عالمی «خابابولا عبدالسلاموو» بو باره‌ده دئییر: «علامتلر یئرین تازا بوز دؤرونه داخل اولماسیندان خبر وئریر».
او آرتیردی: «اخیر ایللرده گونش فعالیّتی‌نین آزالماسی مشخص اولدو و بو مسأله اوقیانوسلارین سرینله‌مه‌سینه سبب اولار و نتیجه‌ده دنیا سرینلشر.
محققلر دئییرلر: «گونشین فعالیّتی ایكی سوز ایل موقّتی اولاراق آزالیر و گونشین حرارتی‌ده آزالاجاق. حرارتین آزالماسی دا یئری سرینله‌ده‌جاق و بوز دؤرونو باشلاداجاق.
یئرین آخر بوز دؤرو ۱۶۵۰ و ۱۸۵۰ ایللری آراسیندا اولدو كی كیچیك بوز دؤرونو معروفدور.
محققلرین دئدیگینه گؤره تازا بوز دؤرو 2030 و 2040 ایللری آراسیندا باشلایاجاق.
بونونلا بئله بو نظریّه‌نین مخالفلری چوخدور.