حضرت علی علیه السلامین حكمتلی سؤزلری 2
یازار : میرزه عبدالصمد ملکی | بؤلوم : دین
+0 به یه ن
حضرت علی علیه السلامین حكمتلی سؤزلری 2
2.
قَالَ علیه السلام أَزْرَى بِنَفْسِهِ مَنِ اسْتَشْعَرَ الطَّمَعَ وَ رَضِیَ بِالذُّلِّ مَنْ كَشَفَ ضُرَّهُ وَ هَانَتْ عَلَیْهِ نَفْسُهُ مَنْ أَمَّرَ عَلَیْهَا لِسَانَهُ
امام علی (علیه السلام) (تاماح، حریصلیك، چتینلیك و یوخسوللوغو باشقالارینا بیلدیرمك و دوشونمه‌دن دانیشماغین مذمّتینده) بویورموشدور:
تاماح و حریصلیگی (باشقالاری‌نین الینده اولان شئیلره گؤز تیكمگی) اؤز شعاری ائتمیش كس اؤزونو كیچیلدیب. (چونكی تاماح محتاجلیغا و انسانین اؤزونو ایمه‌سینه سبب اولور. محتاجلیق و اؤزونو ایمك ایسه آلچاقلیق و كیچیكلیگه سبب اولور.) اؤز چتینلیك و پریشانلیغینی (باشقاسی‌نین یانیندا) بیلدیرن كس ذلت و خوارلیغا قول قویوب. (چونكی چتینلیك و پریشانلیغی آشكار ائتمك حقیرلیك و خوارلیقدیر.) دیلینی اؤزونه حاكم ائدن (فكرلشیب دوشونمه‌دن دیلینه گلنی دانیشان) كس اؤز یانیندا دا خوار و ذلیلدیر.
بلاگا گؤره
هر بیر انسان یاشاییش بویو, بوینوندا اولان وظیفهلری یئرینه یئتیرمهلیدیر. منده یازماغی اؤزومه وظیفه بیلیب یازیرام.