«بیاض قالا» رومانی تبریزده «نباتی» نشریاتی طرفیندن یاییلدی
یازار : میرزه عبدالصمد ملکی | بؤلوم : عمومی
+0 به یه ن
اورهان پاموكون «بیاض قالا» رومانی آذربایجان توركجه سینده تبریزده «نباتی» نشریاتی طرفیندن یاییلدی. كتابی خانم رباب حیدرزاد آذربایجان توركجه سینه چئویریب.
بو رومانین ایكی اساس قهرمانلاری: 1.عثمانلی لارا اسیر دوشموش بیر بیزانسلی و 2.عثمانلی درباری نین عالمی دیلر.
«بیاض قالا» رومانیندا بیزیم اؤیرشدیگیمیز سنّتی شرق-غرب مسأله‌سی بعضی مقاملاردا اویونا چئوریلیر. و یازار اونو ادعا ائتمگه چالیشیر كی، بؤیوك انسان اوچون بو توققوشما‌لار یوخدور. شرق-غرب دَیری یوخدور، ساده‌جه دَیر وار و بؤیوك انسان یالنیز اؤز دنیاسینی دوشونوب آددیم آتیر. شرق-غرب مسأله‌سی ایكی انسان آراسیندا اؤز حلّینی تاپیر. (بلكه ده، تاپمیر). یعنی، جهانی‌لشمه رژیمینی بئله فردلر اداره ائدیر. بوتون عمومی مسأله‌لر ده فردلرین مناسبتیندن دوغور و آرادان گئدیر. اونا گؤره اورهان پاموك عمومیّتده، مدنیتلرین قارشیلاشماسیندان بیر قدر سوووشا‌راق، ایكی انسان آراسیندا چیخیش یولو آختاریر.
رومان ایكی اوخشار انساندان بحث ائدیر. ایكی آیری-آیری «مدنی قطب» ون آداملاری بیر-بیری‌نین سنّتلرینه، عادتلرینه بیر قدر خور باخیرلار. غربلی شرقده قالسا بئله، یئنه ده، شرقلی اولا بیلمیر. شرق و غرب مدنیتی بیر-بیری‌نین ایچینده اریمه‌دیگیندن بو بئله اولور. اثرده كؤله و آغا مناسبتی وار. بو ایكی آیری-آیری مدنیتین مناسبتی كیمی تظاهر اولونور. آما مناسبت فرقلی و یاد مناسبتدیر. كؤله آغا‌سیز ضعیفدیر. آغا دا كؤله‌سیز.
«بیاض قالا» رومانیندا بیزیم اؤیرشدیگیمیز سنّتی شرق-غرب مسأله‌سی بعضی مقاملاردا اویونا چئوریلیر. و یازار اونو ادعا ائتمگه چالیشیر كی، بؤیوك انسان اوچون بو توققوشما‌لار یوخدور. شرق-غرب دَیری یوخدور، ساده‌جه دَیر وار و بؤیوك انسان یالنیز اؤز دنیاسینی دوشونوب آددیم آتیر. شرق-غرب مسأله‌سی ایكی انسان آراسیندا اؤز حلّینی تاپیر. (بلكه ده، تاپمیر). یعنی، جهانی‌لشمه رژیمینی بئله فردلر اداره ائدیر. بوتون عمومی مسأله‌لر ده فردلرین مناسبتیندن دوغور و آرادان گئدیر. اونا گؤره اورهان پاموك عمومیّتده، مدنیتلرین قارشیلاشماسیندان بیر قدر سوووشا‌راق، ایكی انسان آراسیندا چیخیش یولو آختاریر.
رومان ایكی اوخشار انساندان بحث ائدیر. ایكی آیری-آیری «مدنی قطب» ون آداملاری بیر-بیری‌نین سنّتلرینه، عادتلرینه بیر قدر خور باخیرلار. غربلی شرقده قالسا بئله، یئنه ده، شرقلی اولا بیلمیر. شرق و غرب مدنیتی بیر-بیری‌نین ایچینده اریمه‌دیگیندن بو بئله اولور. اثرده كؤله و آغا مناسبتی وار. بو ایكی آیری-آیری مدنیتین مناسبتی كیمی تظاهر اولونور. آما مناسبت فرقلی و یاد مناسبتدیر. كؤله آغا‌سیز ضعیفدیر. آغا دا كؤله‌سیز.
كتاب رقعی قطعده 156 صفحه ده و 7000 تومن قیمتله حاضرلانیب.
یاییم مركزلری:
1. تبریز. شهریار تجارت مركزی. نباتی نشریاتی (تهراندان اولان 10-20 گونلرینده، كتاب سرگیسینده ده اولاجاق)
2. تبریز. گولوستان باغی فرهنگی علمی دائمی كتاب سرگیسی. غرفه 22
بلاگا گؤره
هر بیر انسان یاشاییش بویو, بوینوندا اولان وظیفهلری یئرینه یئتیرمهلیدیر. منده یازماغی اؤزومه وظیفه بیلیب یازیرام.