|
اوروجلوق آییندا تغذیه
|
اوباشدانلیق یئمگی
|
افطار یئمگی
|
|
-اوروجلوق آییندا قیزارتما و یاغلی یئمه‌لیلردن استفاده
اولونماسا داها یاخشی اولار. چونكی قانداكی یاغین مقدارینی آرتیرماقدان
علاوه سوء هاضمه و معده ورمی و كؤكلوگه سبب اولار.
|
-چوخلاری گون بویو آجالماغین قاباغینا آلماقدان اؤترو
اوباشدانلیقدا یاغلی و كالوری‌لی یئمكلرین مصرفی‌نین فایدالی اولدوغونو
دوشونورلر. آما یاغلی و كالوری‌لی یئمگین جذبی اوچون بدنین سو مصرفی یوخاری
گئدر و سوسوزلوغا سبب اولار.
|
- یاغلی و قیزاردیلمیش سوغانی اولان یئمكلر اوروجلوق اوچون
مناسب یئمه‌لی دئییللر . یاخشی اولار بو آیدا یاغی آز و قیزارتماسی
اولمایان یئمكلر مصرف اولونسون.
|
|
-چوخ چای ایچمك مخصوصاً اوباشدانلیقدا توصیه اولمور. چونكی چای آیاق یولونا تئز-تئز آپارار و بدنین سویونو الدن وئرمگه سبب اولار.
|
-اوباشدانلیقدا میوه و گؤی كیمی فیبرلی و یاغسیز یئمه‌لیلر
مصرف ائله‌یین. چونكی فیبرلی یئمكلر داها چوخ سویو اؤزونده جذب ائلر و بدن
اونو آراملیقلا جذب ائلر و گئج سوسار.
|
-یاخشی اولار شام یاریم ساعت افطاردان سونرا یئییلسین و
یاتماقدان اوّل ایكی لیوان رنگسیز چای ، بیر لیوان یاغسیز سوت و هئچ
اولماسا ایكی میوه یئمك یاخشی اولار.
|
|
-اوروجلوقدا خامالی شیرنی، زولبیه بامیه، چوخ شیرین حالوالار
كیمی شیرین یئمه‌لیلرین یئمه‌سی كؤكلمگه سبب اولماقدان علاوه قانین قندینی
چوخالتما احتمالی‌دا وار.
|
-اوباشدانلیقدا چوخ سو ایچمك مخصوصاً غذا آراسیندا توصیه
اولمور چونكی معده شیره‌سی‌نین رقیقلنمه‌سینه سبب اولار و هضم سیستمی‌نی
مختل ائلر.
|
-افطار زمانی ایستی سوت، سوتلی آش و فیرنی یئمك یاخشی اولار.
اوباشدانلیقدا و افطاردا سولو یئمكلرین مصرفی بدنین سو دنگه‌سینی ساخلاماغا
كؤمك ائلر.
|
|
-لبنیات، میوه و گؤی، چؤرك و تاخیل كیمی مختصر و یونگول یئمكلرین مصرفی توصیه اولونور.
|
افطاردان سونرا یاتانا قدر سو، میوه سویو، دوزسوز آیران و سوتون مصرفی بدنین سو و الكترولیت دنگه‌سینی ساخلاماغا كؤمك ائلر.
|
-افطار ایله اوباشدانلیق آراسیندا تنقّلات مصرفی انسانا توخلوق حسّی وئرر و غذایا میلی آزالدار.
|
|
-خرما مصرفی قان قندی‌نین تنظیمینده فایدالیدیر. بونا گؤره
افطار زمانی 4-5 عدد خرما یئمگین چوخ فایداسی وار. البته هر بیر شئیین
آرتیق مصرفی ضررلی اولا بیلر.
|
-بیر عدّه‌نین اشتباه فكرینه رغماً اوباشدانلیق یئمه‌مك
انسانی آریقلاتماز بلكه گون بویو قانین قندی آشاغی یئنماقلا انسان افطار
واختی چوخ شیرین شئی یئمگه میل‌لی اولار و نتیجه‌ده كؤكلر.
|
- افطاردا و افطاردان اوباشدانا قدر میوه و گؤیون مصرفی
اونلارین فیبرلی اولدوقلارینا گؤره چوخ فایدالیدیر. اونلار بدنین ویتامین و
املاحینی تأمین ائله‌مكدن علاوه سوسولوغون دا قاباغینی آلارلار.
|
|
-اوباشدانلیقدا شیرین شئلرین یئمه‌سی توصیه اولمور. چونكی
انسولینین تحریكی ایله قندین سلول‌لارا داخل اولماسینا سبب اولار و
نتیجه‌ده بدن قند آزلیغینا دچار اولار. بئله‌لیكله اوباشدانلیقدا شیرین
یئمه‌لیلرین یئمه‌سی گون بویو تئز آجالماغا سبب اولار. میوه‌لرین‌ده قندلی
اولدوقلارینا گؤره اونلارین اوباشدانلیقدا آز مصرف اولونماسی توصیه اولور.
|
|
| |
-سرین سو و سرین ایچمه‌لیلرین مصرفی بدنه ضررلیدیر و یاخشی
اولار انسان همیشه محیطله بیر حرارتی اولان سو و یا مایعات استفاده
ائله‌سین.
|
|
- افطار زمانی حددن آرتیق سو ایچمك غذا هضمینی مختل ائلر. اوباشدانلیقدا دا بو ایشین ضرریندن ساوایی فایداسی یوخدور.
|
| |
+0 به یه ن