آیت اللَّه میرزا باقر قاضی تبریزی
یازار : میرزه عبدالصمد ملکی | بؤلوم : دین
+0 به یه ن
آیت اللَّه میرزا باقر قاضی تبریزی
میرزه محمد علی اوغلو آیت اللَّه میرزا باقر قاضی تبریزی، هجری قمری ایلی‌نین 1285-ده تبریزده دنیایا گؤز آچدی. او ، ملاحسینقلی همدانی، فاضل شربیانی، آخوند خراسانی، علامه محمد كاظم یزدی، میرزا حبیباللَّه رشتی شریعت اصفهانی و شیخ حسن مامقانی كیمی اوستادلارین محضریندن فایدالار آپاردی. بو ربّانی عالم اؤز اوستادلاریندان چوخ سایدا اجازه‌لر آلاندان سونرا تبریزده درس وئرمگه و جماعتین ایشینی حلّ ائله‌مگه باشلادی.
آیت اللَّه میرزا باقر قاضی تبریزی‌دن شیخ مرتضی انصاری‌نین رسائلینه حاشیه، ریاض المسائله حاشیه، فصول الاصول كتابینا حاشیه و الدُّرَرُ الغَرَویَّه فی الفوائِدُ العلمیه كیمی كتابلار یازیب. میرزه باقرین چوخ گؤزل اخلاقی واریدی. دؤزوملو و تواضع‌كار و دنیا ایشلریندن اوزاق انسان ایدی. او عمرونون آخرینا قدر شرعی وجوهاتدان شخصی استفاده ائله‌مه‌دی. بو ربّانی عالم 1366 هجری قمری ایلین رجبین اونوندا 81 یاشیندا تبریزده دنیایا گؤز یومدو.