امام حسنین (ع) صلحی و اسلام دنیاسی‌نین مصلحتینی دوشونمک
یازار : میرزه عبدالصمد ملکی | بؤلوم : دین
+0 به یه ن
امام حسنین (ع) صلحی و اسلام دنیاسی‌نین مصلحتینی دوشونمک
معصوم اماملار (ع) سیاسی عمل‌لرینده همیشه جامعه‌نین مصلحتینی و عقلانی یولو نظرده آلیردیلار. امام حسنین (ع) معاویه ایله صلح ائله‌مگی‌ده همین عاغیللی سیاسی حرکتلرین بیری ساییلیر.
امام حسن مجتبی (ع) اسلامین جامعه‌ده اجرا اولماسی اوچون چوخ چالیشدی. حضرتین بو قاطعیتینی گؤرن معاویه، گیزلی توطئه‌لره ال ووردو و مختلف یوللارین امام حسنین (ع) لشکرینده‌کیلری سوستلاتماغا و موفق اولدو.
امام مجتبی(ع) بو شرایطی گؤرنده جنگین ادامه تاپماسینی اسلام جامعه‌سینه ضررلی گؤروب صلحه راضی اولدو.
امام حسن (ع) بو ایشی ایله مسلمانلارین جانین قورتارماق ضمنینده حقیقتده بیر پیروزلوغا دا ال تاپدی.
معاویه شرایطی بئله گؤرنده صلحنامه‌نین شرایطینی آیاقلاماغا باشلادی و حقیقتده صلحین اونون ضررینه اولدوغونو بیلدی.
بئله‌لیکله معاویه‌نین پیمان سیندیران و یالانچی بیر انسان اولدوغو بوتون مسلمانلارا اثبات اولدو. امام حسن‌ده (ع) بو باره‌ده مختلف فعالیتلره ال ووردو کی معاویه بو شرایطه دؤزه بیلمه‌ییب امامی شهید ائله‌مگه چالیشدی و نهایتده او حضرتین حیات یولداشی جعده‌نی او حضرته سم وئرمگه تحریک ائله‌دی و حضرت امام حسن مجتبی (ع) هجرتین 50-جی ایلینده صفر آیی‌نین 28 –ده 47 یاشیندا شهادته یئتیشدی.