چیلله بایرامیز موبارك اولسون
یازار : میرزه عبدالصمد ملکی | بؤلوم : اجتماعی
+0 به یه ن
نه گؤزلـدیـــر ائـلـیـمیــــزیــن قــایـــدالاری چیللهسی وار، چرشنبهسی، ایل بایرامی بیزیــم ائلــده هر بیـر زادیــن اؤز یئـری وار چونكــو اونـون یئددی میـن ایل تاریخــی وار Nə gözəldir Elimizin qaydaları Çilləsi var, çərşənbəsi, il bayramı Bizim eldə hər bir zadın öz yeri var Çünkü onun yeddi min illik tarixi var |
حضرت رقیه(س)
یازار : میرزه عبدالصمد ملکی | بؤلوم : دین
+0 به یه ن
ایمام حسینین قیزینین زیارتی, بیزی آللاها یاخینلاشدیریر بو كیچیك اوشاغین «شام» شهرینده قویلانماسی, طهارت خانیدانینین اسارتی و اونلارا ظولم اولماسینا مؤحكم ثبوتدور. حضرت رقیه بنت الحسین علیهما السلامین ایندیكی مزاری شام شهرینده اوّلدن مشهوردور, دئیهسن حضرت ایمام حسین (ع) شامدا اؤزوندن بیر یادیگار قویوب كی صاباح بیری چیخیب طهارت خانیدانینین اسارتینی و اونا مربوط حادیثهلری اینكار ائلهمهسین, بو كیچیك قیز, اسیرلر آراسیندا كیچیك قیزلارین اولماسینا, بؤیوك ثبوت ساییلیر. بو كیچیك اوشاغین «شام» شهرینده قویلانماسی, طهارت خانیدانینین اسارتی و اونلارا ظولم اولماسینا مؤحكم ثبوتدور. ائله بیر ظولم كی آدمدن خاتمه قدر بوتون پیغمبرلر اونا آغلاییبلار. اوراجن كی آللاه تعالا حسینین عزاسینی حضرت آدمه اوخودو. بو اوزدن بو یئرین احتیرامی لازیمیدر. اویدورما سؤزلر وار كی دئییر: «رقیه سلامالله علیها بالاجا بیر اوشاقدان آرتیق دئییلدی.» مگر حضرت علی اصغر كیچیك اوشاق دئییلدی و او حضرت قیامت گونو شاهید اولاجاق و شیعهلرین گوناهلارینین باغیشلانماسینا سبب اولاجاق؟ ان شاء الله تعالى بیز ایمام حسینین قیزینی زیارت ائلهمكله آللاها یاخینلاشیریق, او قیز كی مظلوم ایدی و خانیدانینین هامیسی مظلومیدی. |
یئركؤكو یئمك سوموك سینمانین قاباغین آلار
یازار : میرزه عبدالصمد ملکی | بؤلوم : ساغلاملیق
+0 به یه ن
سنگاپورلی موحقیقلر بیلدیلر كی یئركؤكو یئمك, كیشیلرده سوموك سینمانین قاباغین آلار. Osteoporosis International مجلهسینین یازدیغینا گؤره, سنگاپور دانیشگاهینین بهداشت ویزارتی موحقیقلری بیر تحقیقده, كارتنویید عاییلهسیندن اولان ساری میوه و گؤیلر, بارهسینده تازا بیلگیلر تاپیبلار. كارتنوییدلر یاغدا حل اولان طبیعی رنگوئرنلردیلر كی چوخراق بیتكیلرده, یوسونلاردا و فتوسنتز ائدن باكتریلرده اولارلار. كارتونییدلر میوهلر, گوللر و یارپاقلاردا ساری, قیرمیزی و نارینجی رنگلرین عامیلیدیلر. بو تحقیق گؤرسدیر كی یئركؤكویه تای بتاكاروتنلی میوه و گؤیلری یئمك –كی بدنده A ویتامینینه تبدیل اولور- آریق كیشیلرده اومبا سومویونون سینماسینین قاباغین آلیر و بو بیر حالدادیر كی همن میوه و گؤیلرین خانیملاردا بو تأثیری اولمور. بدنده بتاكاروتن ذخیرهسی كیفایت قدر اولماسا, مودافیعه سیستمی ضعیفلر و ناخوشلوقلارین قاباغین آلا بیلمز و بئلهلیكله بدن جور به جور عفونتلر معرضینده اولا بیلر. توت ساری, نارینجی و قیرمیزی اولان میوه و گؤیلرده بتاكاروتن چوخ اولار و اوندان علاوه یاغ و كالوریلری آز اولار. میوه و گؤیون نه قدر قیرمیزی, نارینجی و ساری رنگی توت اولسا, اونون بتاكاروتنی داها چوخدور. |
حاضیر جوابلیق 2؛ «متنبّی» * فنون الرد2 " المتنبی "
یازار : میرزه عبدالصمد ملکی | بؤلوم : حكایه لر
+0 به یه ن
بیر كیشی ایستر متنبّینی اوتاندیرسین. اونا دئیهر: سنی اوزاقدان گؤردوم بئله بیلدیم كی آروادسان !!! متنبّی جواب وئریر: منده سنی اوزاقدان گؤروب دئدیم بس كیشیسن !!!
*متنبی شاعیر و حكیم بیریسی ایدی
فنون الرد2 " المتنبی "أراد رجل إحراج المتنبی فقال لـه: رأیتك من بعید فظننتك امرأة!!! فَرَدَّ المتنبی: وأنا رأیتك من بعید فظننتك رَجُلا |
حاضیر جوابلیق 1؛ «منیم كیمی یالان دانیش» * فنون الرد 1 " اكذبی كما كذبت "
یازار : میرزه عبدالصمد ملکی | بؤلوم : حكایه لر
+0 به یه ن
كیشی خانیمی گؤروب دئییر: «سن نه قدر گؤزلسن !» خانیم جواب وئریر: «ائی كاش سنده گؤزل اولایدین كی همن سؤزو سنه دئیه بیلهیدیم !» كیشی دئییر: «قورخما . . . سنده منه تای یالان دانیش !»
فنون الرد 1 " اكذبی كما كذبت "رأى رجل امرأة فقال لها: كم أنتی جمیلة ! فقالت له: لیتك جمیل لأبادلك نفس الكلام ! فقال لها: لا بأس .. اكذبی كما كذبت أنا ! |