حضور هیئت سرمایه گذار خارجی در بستان آباد
یازار : میرزه عبدالصمد ملکی | بؤلوم : خبرلر
+0 به یه ن
حضور هیئت سرمایه گذار خارجی در بستان آباد
جلسه سرمایه گذاری خارجی با حضور سرمایه گذارانی از کشور ترکیه و هیئت همراه و نماینده محترم مردم بستان آباد در مجلس شورای اسلامی و فرماندار محترم و شهردار محترم بستان آباد و کارکنان محترم شهرداری در سالن همایش ساختمان بحران شهرداری برگزارگردید .
در این جلسه آقای اؤزجان آلاش رئیس اتاق سرمایه گذاری خاورمیانه و ایران به همراه هیئت همراه دکتر اسدالهی، دکتر کاظمان، مهندس علیزاده و حجت الاسلام و المسلمین صمد کامران قراملکی با شهردار بستان آباد آقای رشتبری و فرماندار و رئیس و اعضای شورای شهر بستان آباد گفتگو و نحوه سرمایه گذاری و جذب سرمایه خارجی برای طرحهای منطقه را بررسی نمودند.
منبع: سایت شهرداری بستان آباد
اجتماعی شبکهلر، عایلهلره تحمیل اولان تازا عضو
یازار : میرزه عبدالصمد ملکی | بؤلوم : اجتماعی
+0 به یه ن
اجتماعی شبکهلر، عایلهلره تحمیل اولان تازا عضو
عایله عضولری، بیر عایلهنین عضولریندن چوخ ائو آدیندا دؤرد دیوار ایچینده یاشایان مختلف و بیگانه آداملار بنزهییرلر. هر کسین باشی اؤزونه مشغولدور. بیری اؤز اؤزونه گولمکدهدیر او بیری تئز تئز تایپ ائلیر. بو جور عایلهلرده دانیشماق یاددان چیخمیش مفهوما چئوریلیب. ائله بیل دانیشماق واخت تلف ائلهمک معناسیندادیر و بیرینی دانیشدیراندا اونا مزاحم اولماق کیمی اولور.
بو جور عایلهلرین سایی آز دئییل. مختلف اجتماعی شبکهلرین مخصوصاً موبایلا دایانان اجتماعی شبکهلرین زندگانلیقلارا داخل اولماسی بو تیپدهکی عایلهلرین باشینی اؤزونه قاتیب. بعضی والدینلر اوشاقلارینی ائوین بیر بوجاغینا سیخیلیب سسسیز اجتماعی شبکهلرله مشغول اولدوغونو گؤرنده اوشاقلارین باش آشاغا اوشاق اولدوغونو گمان ائدیب بو امکانی اونلارا یارادا بیلدیکلری اوچون اؤزلرینده غرور حسّ ائلیرلر. اونلارا گؤره اوشاقلار کوچه بازاردا ناباب دوستلارلا گزمک یئرینه اجتماعی شبکهلرده دولانسالار داها یاخشی اولار.
عایله عضولرینین آراسیندا بو رابطهسیزلیک کرپیجلری خیردا خیردا هؤرولوب اوجا دیوارلار یارادیرلار کی اونلاری بیر داها ییخماق اولمایاجاق.
عایلهلرده تجریدین آرتماسی
اجتماعی شبکهلر عایله اعضاسینین رابطهسینین آزالماسینا سبب اولور و عایلهلرین چوخوندا مجازی شبکهلر، عضولر آراسینداکی دانیشیغین یئرینی توتوب. عایلهنین اساس نقشلریندن بیری، فردلری مستقل و عین حالدا عایلهنین اعضاسینین ایستکلرینه دقّتلی، بارا گتیرمکدیر. آما مجازی شبکهلر عایلهلرین بو نقشینی آزالدیر و انسانلاری جمعدن آییریر و تجرید ائلیر. بو انسانلار فقط اؤز ایستکلرینه دقت ائلیرلر و آیریلارین نهیه احتیاجلارینین اولدوغو اونلارا اهمیتی یوخدور.
عایله عضولرینین بیربیرلرینه آییرماغا واخت اولمایاندا بیر بیرلرینیده تانیماغا امکانلاری و علاقهلری اولمور و بئلهلیکله بیر دام آلتیندا یاشایان غریبهلره چئوریلیرلر.
شیرین نوشابهلرین ایچمهسی قارین یاغلارینی چوخالدیر
یازار : میرزه عبدالصمد ملکی | بؤلوم : ساغلاملیق
+0 به یه ن
شیرین نوشابهلرین ایچمهسی قارین یاغلارینی چوخالدیر
تازا بیر تحقیقده، شیرین نوشابهلرین ایچمهسینین بدنین مخصوصاً قارین دؤرهسینین یاغینین چوخالماسینا سبب اولماسی بللی اولوب.
قارین دؤرهسیندهکی یاغلارین چوخالماسی دیابت و اورک دامار ناخوشلوقلارینین اساس سببلریندن ساییلیر. آمریکانین قلب انجمنی تازا بیر تحقیقده اورتا یاشلی انسانلاردا، شیرین نوشابه ایچمگین قارین ناحیهسینده یاغلانماغا مستقیم تأثیرلی اولدوغونو اورتایا چیخاردیب.
قارین ناحیهسینین یاغلاری قارا جیگر، لوزالمعده و باغیرساقلار کیمی داخلی ارگانلارین اطرافینی توتور. بو یاغ شخصین هورمونلارینین ایشلهمهسینه تأثیر قویور و بونا گؤره ده ایکینجی نوع دیابت و اورک دامار ناخوشلوقلارینی تقویتچیسی ساییلان انسولین مقاومتینده مهم رولو اولور.
بو محققلرین دئدیگینه اساساً انسانلار قندلی و شیرین نوشابهلرین ایچمهسینده احتیاطلی اولمالیدیلار.
آذربایجانلیلار پهلوی رژیمینین بئلین سیندیردیلار !
یازار : میرزه عبدالصمد ملکی | بؤلوم : تاریخ
+0 به یه ن
آذربایجانلیلار پهلوی رژیمینین بئلین سیندیردیلار !
اسلامی انقلابین ظفر چالماسینین ایل دؤنومو مناسبتینه، 1357-جی ایلینده انقلابین ظفری زمانیندا انقلابین اصلی شعارلارینین خاطرلایاق.
انقلاب زمانینین شعارلارینی تحقیق ائلهینده بو شعارلارین ظلم آلتیندا زارا گلمیش جماعتین و اونلارین رژیمدن اولان نفرتلریندن یارانماسی اورتایا چیخیر. بو شعارلار جماعتین اینانجلاری و اعتقادلارینی عکس ائتدیریدی.
انقلابین جاودانه و همیشهلیک شعارلاریندان بونلاری یادا سالماق اولار:
بیر قانا مین قان آلاجاخ کارگر – شاه سنی تختدن سالاجاخ کارگر
مین اوچ یوز اللی یئددی – شاه چمَداندا گئتدی
مین اوچ یوز اللی یئددی – رهبریمیز قئییتدی
مین اوچ یوز اللی یئددی – سلطنت الدن گئتدی
گر حکم ائلهیه بو گون مراجع - بو شاه جنایتکارا راجع - جمعاً اله بیز اسلحه آللوخ - قولدور رضانون اوغلونو تختدن یئره ساللوخ - کارتر جانینا ولوله ساللوخ
ای ملت آزاده ایران- گر رهبریمیزدن اولسا فرمان - اولسوقدا گولـلهیه نشانه- پیکار ائلهروخ مسلّحانه
ای شاه خائن سن قاشدون گئتدون - ایرانیمیزی ویرانه ائتدون - اؤلدوردون سن جاوانلاری الله اکبر
سؤزون آخری بو کی، گئچمیشدن قالان شعارلاری یاد ائلهمک چوخلو خاطرهلری انسانین یادینا سالیر. ائله خاطرهلر کی گلهجک نسلین اؤیرنمهسینه گؤره یاددان چیخمامالی و تاریخ بویو یاشامالیدیلار.
شرقی آذربایجانین دینی تشکّللری بهمنین 28-ده انقلاب رهبرین گؤروشونه گئدیرلر
یازار : میرزه عبدالصمد ملکی | بؤلوم : خبرلر
+0 به یه ن
شرقی آذربایجانین دینی تشکّللری بهمنین 28-ده انقلاب رهبرین گؤروشونه گئدیرلر
تبریز جماعتینین 29 بهمن قیامینین ایل دؤنومو مناسبتینه گؤره، اسلامی تبلیغات سازمانینا باغلی اولان دینی تشکللر و مؤسسهلردن نئچه یوز نفر چهارشنبه گونو بهمن آیینین 28 –ده انقلابین معظم رهبرینین گؤروشونه گئدیرلر.
شرقی آذربایجانین اسلامی تبلیغات ادارهسینین عمومی رابطهلرینین وئردیگی خبره گؤره، بو ادارهنین فرهنگی تحقیقی معاونی، بو ادارهنین فرهنگی گروهونون جلسهسینده دئدی: اون ایل اولور کی 29 بهمن قیامینین ایل دؤنومو مناسبتینه گؤره رهبرین گؤروشونه توفیقیمیز اولور.
اسکندری آرتیردی: استان جماعتیندن 3 مین نفر بو گؤروشه یوللاناجاق کی اونلارین ایچینده دینی تشکّللر و مؤسسهلرین نقشی چوخ اولور.