كیشی اودور كی تانریدان غافیل اولمایا
یازار : میرزه عبدالصمد ملکی | بؤلوم : حكایه لر
+0 به یه ن
شئیخه دئدیلر: فیلان كس سو اوستونده یئریر ! دئدی: چتین بیر ایش دئییل؛ كرتنكله و قاغاییدا سو اوستونده یئریر. دئدیلر فیلانی گؤیده اوچور ! دئدی: راحات بیر ایشدیر؛ قاغایی و میلچكده گؤیده اوچور. دئدیلر: فیلان كس بیر لحظهده بیر شهردن آیری شهره گئدیر ! شئیخ دئدی: «شیطاندا بیر نفسده شرقدن غربه گئدیر. بئله شئیلرین قیمتی یوخدور. كیشی اودور كی جماعتین ایچینده اوتوروب دوروب یاتا و جماعتله آل-وئر ائده و اونلارلا حشر و نشر ائده آما بیر لحظهده تانریدان غافیل اولمایا.»
|
هم ارسطویی اخلاق و هم كانتی اخلاقین, بوگون اوچون سؤزلری وار
یازار : میرزه عبدالصمد ملکی | بؤلوم : اجتماعی
+0 به یه ن
كانتی اخلاقلا ارسطویی اخلاقین، ایكیسینینده بوگون اوچون سؤزلری وار. كانت، اخلاقدا بوس-بوتون وظیفهیؤنوملو ساییر. كانت بو جهتدن وظیفهیؤنوملودور كی دئییر بیر داورانیشین دوز اولماسی اونون تكلیف و وظیفهایله موطابیق اولماسینا گؤرهدیر. حقیقتده اونون نظرینه بیر ایشین دوزلوگونون معناسی او عملین ائشیگینده یوخ بلكه اؤز ایچیندهدیر، و بو دقیقاً وظیفهیؤنوملولوگون اؤزودور. وظیفه یؤنوملو اولانلار بونا اینانیرلار كی بیر ایشین دوزلوگو اونون اؤز طبیعتینه گؤرهدیر نه آیری بیر زادا خاطیر. ارسطو فضیلتیؤنوملو اخلاقا اینانیر. اخلاقدا فضیلتیؤنوملولوك، اخلاقا ائله بیر باخیشدیر كی موختلیف تفسیرلری وار. بو باخیش بوتون تفسیرلریله اؤزونو مقصد یؤنوملولوك و وظیفهیؤنوملولوگه رقیب بیلیر و «فضیلت» و «كاراكتر» كیمی مفهوملارا تأكید ائلیر. تازا عصر، اخلاقی بئله تعریفلیر كی اخلاق دوز و ایشتیباه داورانیشلاردان دانیشیر. آما فضیلت اخلاقی، بو باخیشی دگیشدی و اخلاقین اساس سوآلینی یاخشی یاشاییش و اونون نئجهلیگینین اوستونه آپاردی. هم ارسطویی اخلاق و هم كانتی اخلاقین، بوگون اوچون سؤزلری وار. هر ایكی اخلاق حوزهسیندن نوكتهلر گؤتوروب بوگونكی عصرده ایشه سالماق اولار. اصلینده بو ایكی اخلاق حوزهسینه ائله باخمامالیییق كی اونلار بیر-بیرلریله دوشمندیلر. هر ایكی حوزه طرفدارلاری دانیشیقلاریندان بوگونكی عصریمیزه فایدالی نوكتهلر آلا بیلریك. |
اسكای نیوز: آمریكالیلارین یوزده دوخسانی سیلاحلیدیلار
یازار : میرزه عبدالصمد ملکی | بؤلوم : اجتماعی
+0 به یه ن
اسكای نیوز شبكهسی اعلام ائلهدی: آمریكالیلارین یوزده دوخسانینین سیلاحی وار. بو شبكه آرتیردی: آمریكالیلارین هر میلّتدن آرتیق كمری سیلاحلاری وار. اوردا سیلاح صاحیبی اولماغین، سیاسی جنبهسی ده وار نیه كی آمریكالیلارین چوخو بئله اینانیرلار كی سیلاحلی اولماق هر آمریكالینین اساسی قانوندا, تضمین اولموش حقّی ساییلیر. بو شبكه ایضافهلتدی: آیری طرفدن سلاح قاییرما كرخانالاری, آمریكادا بیر فیشار گروهی یارالدیبلار كی سیاسی تصمیملره اثر قویور و دئمك اولار كی چوخ آز گروهون بئله نفوذو وار. اسكای نیوز دئدی: دیقّت یئتیرمهلی مسأله بودور كی آمریكادا هر دفعه قتل و فاجیعهدن سونرا, سیلاح داشیماقلا موباریزه باشلیر آما آخیری بیر یئره چاتمیر. بو شبكه آرتیردی: سیلاح داشما قاداغانلیق قانونون تصویب اولماسینا, كونگیره نومایندهلرینین حیمایتی لازیمدیر كی اونلار دا سیلاح قاییرما شیركتلریله ایرتیباطدادیلار. بونا گؤره بو نومایندهلر بئله اینانیرلار كی بو موشكولو داها آرتیق اینسانی سیلاحلاندیرماقلا حل ائلهمك اولار. چون اوندا جماعت اؤزوندن دیفاع ائده بیلر. اسكای نیوز بو جوملهایله خبرینی قورتاردی: بو منطیق گؤرسدیر كی آمریكادا بو تئزلیكده سیلاحلا قیرغینا سون قویولمیهجك. |
فاجعه ای از جنس طلا و سیانور در تیكان تپه (تكاب)
یازار : میرزه عبدالصمد ملکی | بؤلوم : اجتماعی
+0 به یه نحاضیر جوابلیق: لا حول و لا قوّةَ * La Havle Vela Kuvvete
یازار : میرزه عبدالصمد ملکی | بؤلوم : حكایه لر
+0 به یه ن
مشهور جیمری پاشا, آتلارینین آرپا یئمگینین واجیبلیگینی دئیهن مهترلره غضبلنردی و هر دفعه «لاحول . . .» دئییب قیشقیراردی. بیر گون آتلاری ضعیفلیكدن ییخیلیب قالاندا, حیرصلی سوروشور: «آتلاریما نه اولدو؟» مهتر جواب وئریر: «نه اولاجاق آغام, «لا حول» یئیه-یئیه «و لا قوّة» اولدولار!»
La Havle Vela Kuvvete Meşhur Cimri Paşa atlarının arpa yemesi gerektiğini söyleyen seyislerine kızar ve her seferinde “La Havle” çekermiş.Bir gün arabasının atları dermansızlıktan yığılıp kalınca, hiddetle sormuş. - Atlarıma ne oldu? Seyis, cevabı yapıştırmış: - Ne olacak efendim “La Havle” yiye yiye “Vela kuvvete” oldular. |