دوعا، روحون جلاسی
یازار : میرزه عبدالصمد ملکی | بؤلوم : دین
+0 به یه ندوعا، روحون جلاسی دوعا روحو جلا وئرن و اینسانی كمالا طرف یوكسلتن وسیلهدیر. گلین بالاجا بیر دوعا ایله روحوموزا جلا وئرك: آللاهیم منه گوج وئرنده، عاغلیمی آلما منه اوغور وئرنده، تواضعكارلیغیمی الیمدن آلما منه تواضعكارلیق باغیشلایاندا، عیزّت و كرامتیمی آلما آللاهیم، اینسانلاردان فرقلننده، منی مغرورلوغا طرف چكمه و اوغورسوز اولاندا، مأیوسلوغا طرف چكمه یارَبْ إذا أعَطیتنی قوّة فلا تأخذ عّقلی وإذا أعَطیتنی نجَاحاً فلا تأخذ تَواضعْی وإذا أعَطیتنی تواضعاً فلا تأخذإعْتزازی بِكرامتی یارَبْ لاتَدَعنی أصَاب بِالغرور إذا تمیزتُ وَلا بالیَاسْ إذافْشلت
بعضی دؤلتلر اوشاقلارین آدلاریلهده موباریزه ائدیر
یازار : میرزه عبدالصمد ملکی | بؤلوم : اجتماعی
+0 به یه نبعضی دؤلتلر اوشاقلارین آدلاریلهده موباریزه ائدیر «بلائر» 15 یاشلی ایسلندلی قیزدیر كی آدینی ساخلاماق اوچون بو اؤلكهنین دولتی علیهینه شیكایت ائدیب. ایسلند دیلینده اونون آدی «بالاجا نسیم» معناسیندادیر و بو آد، ایسلندی محبوب میلّی یازیچی هالیدور لاكسنسین رومانینداكی بیر شخصیّتین آدیندان آلینیبدیر. آما دولت اونو بو آددا قالماغا ایجازه وئرمیر. بونا بنزیر كی بیر فرانسهلی ائلیه بیلمیر قیزینین آدینی كوزئت قویسون. ایسلندده آد قویما مسألهسینده دونیانین اَن چتین قانونلاریندان بیری ایجرا اولور. و ظاهیراً جماعتده دولت قاباغیندا باش اگیب كئچینیرلر. بو اؤلكهده آدلار بیر لیست اوزو ایله سئچیلمهلیدیر. بو لیستده 1712 اوغلان آدی و 1853 قیز آدی وار. ایسلند مقاملاری دئییرلر بو قانون مملكتی یكدست ائلهمگه یاخشی یولدور. اوشاقلارینا بو لیستدن خاریج آد قویماق ایستهین آتا-آنا، گرك تقاضالارینی مخصوص بیر كومیتهیه گؤندرسینلر كی اوردا تأیید و یا ردّ اولا. آما بو قانون فقط ایسلندده دئییل. چیندهده خاریجی دیللردن اولان و بو اؤلكهنین اقلیّتلرینین دیلینه مربوط اولمایان آدلارین قویولماسی قاداغاندیر. فرانسهلی آتا-آنالار دا 1960-نجی ایللرینه قدر مجبور ایدیلر اوشاقلارینا، كاتولیك قیدّیسلرین بیرینین آدینی قویسونلار، آما بو قانون لغو اولدو. منبع:Foreign Policy
زُبیر؛ ایمام علیدن (ع) حیمایت ائدندن اونونلا اوز اوزه گلمهسینه قدر/زبیرین سرانجامی و اونون قاتیل
یازار : میرزه عبدالصمد ملکی | بؤلوم : دین
+0 به یه نزُبیر؛ ایمام علیدن (ع) حیمایت ائدندن اونونلا اوز اوزه گلمهسینه قدر/زبیرین سرانجامی و اونون قاتیل جمل ساواشیندا حضرت علی (ع) بیر نوماینده گؤندریر و اونا دئییر: «زبیر هامیدان یوموشاقدیر، اونونلار دانیش، اونا دئ كی دایی اوغلون دئییر: «حیجازدا منی تانیدین و عراقدا تانیمامازلیغا ووردون، نه اولدو كی عهدیندن دؤندون؟!» حضرت علی (ع) نهجالبلاغهنین اوتوز بیرینجی خوطبهسینده، جمل ساواشیندان قاباق، زبیری نظم و ایطاعته قایتارماق اوچون، عبداللهبن عباسی اونون یانیندا گؤندرنده، بویوردو: لاتَلْقَیَنَّ طَلْحَةَ، فَاِنَّكَ اِنْ تَلْقَهُ تَجِدْهُ كَالثَّوْرِ عاقِصاً قَرْنَهُ، یَرْكَبُ الصَّعْبَ وَ یَقُولُ هُوَ الذَّلُولُ. وَلكِنِ الْقَ الزُّبَیْرَ، فَاِنَّهُ اَلْیَنُ عَریكَةً، فَقُلْ لَهُ: یَقُولُ لَكَ ابْنُ خالِكَ: عَرَفْتَنى بِالْحِجازِ، وَ اَنْكَرْتَنى بِالْعِراقِ! فَما عَدا مِمّا بَدا؟ ] اَقُولُ: هُوَ عَلَیْهِ السَّلامُ اَوَّلُ مَنْ سُمِعَتْ مِنْهُ هذِهِ الْكَلِمَةُ اَعْنى فَما عَدا مِمّا بَدا طلحهایله مولاقات ائلهمه! كی اونونلا گؤروشسن اونو بیر اینك كیمی گؤرهجكسن كی بوینوزلاری قولاقلارینین اطرافیندا بورولوب، او هوا و هَوَس آتینا مینر و دئیَر: «حمیل آتدیر!» بلكه سن زُبیرله گؤروش كی داها یوموشاقدیر، اونا دئ كی دایی اوغلون دئییر: « حیجازدا منی تانیدین و عراقدا تانیمامازلیغا ووردون، نه اولدو كی عهدیندن دؤندون؟!» ابن ابی الحدید یازیر: حضرت علی (ع) بصرهیه چاتاندان سونرا و قوشونو، عایشه قوشونونون قاباغیندا صف باغلاییب ایمام علی (ع) و زبیرین آراسیندا دانیشق اولاندان سونرا، زبیر عایشهنین یانینا گئدیر و دئییر: «ایندیهدك بیر یئرده و یا ساواشدا اولمامیشام مگر بو كی اؤزومدن بیر بصیرتیم و نظریم اولوب. آما بو ساواشدا تردیدیم وار و اوز یئریمی تانیمیرام!» عایشه دئدی: «گومان ائلیرم سن ابوطالبین قیلینجیندان قورخوبسان، اونون قیلینجی كسگین و اؤلدورمگه حاضیردیر. سن اونون قیلینجیندان قاچساندا بعید دئییل، چونكی سندن قاباق چوخلاری اوندان قورخوبلار.» طبری جمل ساواشینین شرحینده یازیر: «علی (ع) آت اوستونده قوشونون ایچیندن قاباغا گلیب زبیری چاغیردی و او گلیب قاباغیندا دوردو. علی (ع) زبیردن سوروشدو: «نییه گلدین؟» دئدی: «سن باعیث اولدون،سنی نه بیزدن داها حقلی و نه حكومته لاییق بیلیرم». علی (ع) بویوردو: «حكومته، عثماندان داها لاییق دئییلم؟ سنین اوغلون، او پیس اوغلون بؤیویوب سنی بیزدن آییریانادك بیز سنی عبدالمطلب ائولادیندان بیلیردیك.» سونرا بیر سئری ائلهدیگی یاراشمایان ایشلریندن سایدی. سونرا یادینا سالدی كی بیر گون پیغمبر(ص) اونونلا زبیره راست گلیب و اونا (حضرت علییه(ع)) بویوروب: «بیبی اوغلون (زبیر) نه دئییر كی حقسیز یئره و ظالیمانه سنینله ساواشاجاق؟» بو آندا، زبیر «پس سنینله ساواشمیرام» دئیه-دئیه اوغلو عبداللهین یانینا قاییدیب دئدی: «بو ساواشا قاتیلماغیمی عقله باتان و یاراشان گؤرمورم». اوغلو اونا دئدی: «سن قیامی باشلایاندا اونو آشكار بیر حالدا حقلی بیلیردین آما ایندی كی گؤزون ابیطالبین بایراقلارینا دوشوب اونلارین آلتیندا اؤلومون گیزلندیگینی بیلیب قورخورسان». زُبیر بو سؤزدن غضبلندی و دئدی: «وای اولسون سنه، من اونا آند ایچمیشم كی اونونلا ساواشمایام». دئدی: «آندین كفّارهسین وئر و «سرجیس» غولامینی آزاد ائله». زُبیر آندینین كفّارهسی كیمی او غولامی آزاد ائلهدی و گئدیب ساواش صفینده دایاندی. علی (ع) زبیره بویوردو: «سن، اؤزون اؤلدوردوگون عثمانین، قانینی مندن ایستیرسن؟ آللاه بویون هر بیریمیزه كی عثمانلا داها توند ایدی، بدبختلیق گتیرسین». جمل ساواشین ایكینجی آلیشدیرانی، زُبیر، مغلوب اولماسینی احساس ائدنده، مدینهیه قاچماغا تصمیم توتدو. اؤزوده، ایمامین نفعینه جنگدن قیراغا چكیلن «احنف بن قیس» قبیلهسینین ایچیندن. قبیله رئیسی، زُبیرین خایین عملیندن غضبلنمیشدی، چونكی او اینسانی اصوللارین خیلافینا، جماعتی اؤز خودبینلیگینه قوربان ائلهمیشدی و ایندی ایستیردی میداندان قاچسین. احنفین دوستلاریندان بیری، «عمرو بن جرموز» تؤكولن قانلارین اینتقامینی زبیردن آلماق اوچون اونو تعقیب ائلهدی و زبیر یول یاریسیندا نامازا دایاناندا، دالیدان اونا حمله ائدیب و اون اؤلدوردو. آتینی، اوزوگونو و قیلینجینی ضبط ائلهدی و یانینداكی جوانلا ایشی اولمادی. او جواندا زبیری«وادى السباع»دا قویلادی. عمرو بن جرموز «احنفه» دوغرو قاییتدی و زبیرین باشینا گلنی اونا دانیشدی. او دئدی: «بیلمیرم پیس ایش گؤروبسن، یوخسا دوز ایش». سونرا هر ایكیسی ایمامین(ع) حضورونا گلدیلر. ایمامین (ع) گؤزو زبیرین قیلینجینا دوشنده بویوردو: « طالما جلى الكرب عن وجه رسول الله(ص): بو قیلینج، غم توزونو دفعهلرله پیغمبرین(ص) اوزوندن آلیبدی». سونرا او قیلینجی، عایشهیه گؤندردی. بیر آیری ریوایتده بئله گلیب: حضرت علی (ع) «عمرو»ه بویوردو: «زُبیری سن اؤلدوردون؟» جواب وئردی: «بلی» بویوردو: «آللاها آند اولسون صفیهنین اوغلو قورخاق و اسكیك دئییلدی آما آمان زمانه و پیس میدانلارین الیندن». ابن جرموز دئدی: «یا امیرالمؤمنین ! جاییزه!» حضرت علی (ع) جواب بویوردو: «آللاهین رسولوندان ائشیتدیم كی بویوردو: «صفیه اوغلونون قاتیلینه اودو وعده وئر». ابن جرموز نهروانلیلارلا علینین (ع) علیهینه خروج ائدنلرین سیراسیندایدی و حضرت، اونودا آیری خَواریجلر كیمی اؤلدوردو.
حاضیر جوابلیق: اینتیقاد * tenkit
یازار : میرزه عبدالصمد ملکی | بؤلوم : حكایه لر
+0 به یه نحاضیر جوابلیق: اینتیقاد * tenkit بیر گون نجیب فاضیلین سئونلرینین بیری ساحیلده اونا راست گلیر و دئییر: - «اوستاد، سنین بوتون موباحیثهلرین گؤزل، خیدمتلرین تایسیز آما بو . . . طرفین اولماسا یاخشی اولار» و اوندان اینتیقاد ائدر. نجیب فاضیل گولومسهییب دئییر: - «بو بوغازدان كئچن گؤزل و لوكس گمینی گؤرورسونمو؟ باخ نه قدر لوكس و راحتدیر، ائله دئییلمی؟ ایندی بو لوكس گمینین توالئتیده وار!» *** Bir gün büyük şair Necip Fazıl Kısakürek’ e sahilde rastlayan bir hayranı; ‘ ‘ Üstad, senin bütün mücadelelerin güzel, hizmetlerin eşsiz ama şu ……. tarafın olmasa diye tenkit eder.. Bunun üzerine Necip Fazıl tebessüm ederek: ‘ ‘ Şu boğaz’ dan geçen lüks ve güzel gemiyi görüyor musun? Bak ne kadar lüks ve konforlu değil mi? İşte böylesine lüks geminin tuvaleti de vardır.’ ‘ der
قورباغایلا عقرب * الضفدع و العقرب
یازار : میرزه عبدالصمد ملکی | بؤلوم : حكایه لر
+0 به یه نقورباغایلا عقرب * الضفدع و العقرب نقل اولوب كی قورباغایلا عقرب چای قیراغیندا گؤروشورلر و عقرب قورباغادان، اونو او بیری ساحیله آپارماسینی، بئله ایستیر: - «منیم دوستوم! منی چایین او بیری طرفینه آپاریرسان؟» قورباغا جواب وئریر: «من نئجه سنی آپاریم بیر حالداكی سن سانجماق و خیانتینله و جولاندا اولان بالیقلارلا مشهورسان ؟! كیم تضمین ائدیر كی چایین اورتاسیندا منی سانجیب اؤلدورمیهسن؟» عقرب دئییر: - «من نئجه سنی سانجارام بیر حالدا كی سنین بئلیندهیم ! من سنی سانجسام ایكیمیز بیرلیكده بوغولاریق !» قورباغا عقربین صداقتینه شكلی بیر حالدا جواب وئریر: - «اونا بیر فورصت وئرهرم، اولسون كی بو دفعه دوز دانیشیر ! قورخما ! منی قانع ائلهدین كی سنی كورگیمده او بیری ساحیله چاتدیرام». عقرب قورباغانین بئلینه مینیر و قورباغا اوزه-اوزه یولا دوشور. چایین اورتاسیندا عقربین غریزهسی جوشه گلیر و سانجما هَوَسی آلیشیر. چایی كئچینجه دؤزمگه چالیشیر آما شهوتی و نفسی دینج دورمور و سانجماغا امر ائلیر، حتّا سانجماغا مجبور ائلیر و او دا سانجیر ! ایكسیده بوغولماغا باشلاییر . .! قورباغا اونا دئییر: «نییه منی سانجدین؟ سن اؤزونو و منیده اؤزونله اؤلدوردون ...!» عقرب جواب وئریر: - «شَهوَتیم منه امر ائلهدی منده اونو ایستیجابت ائلهدیم . . !» بئلهلیكله هر ایكسیده بوغولور . . ! **** جریان قورتولدو . . آما سن اونداكی یئرینی بیلدین؟ ..! بلی! البتّه كی سنین اوندا یئرین یوخدور و آللاه تعالادان ایستیریك بیزلر شهوتلری اونلارا امر ائدنلر سیراسیندا اولمایاق. اونلارین اؤلدورمهسی اَن پیس اؤلدورمكدیر و اونلارین اؤلمهسی اَن پیس اؤلومدور ! الضفدع و العقرب ﻳُﺤﻜﻰ ﺃﻥ ﻋﻘﺮﺑﺎ ﻭﺿﻔﺪﻋﺎ، ﺍﻟﺘﻘﻴﺎ ﻋﻠﻰ ﺿﻔﺎﻑ ﻧﻬﺮ ، ﻓﻄﻠﺐ ﺍﻟﻌﻘﺮﺏ ﻣﻦ ﺍﻟﻀﻔﺪﻉ ﺃﻥ ﻳﻨﻘﻠﻪ ﻋﻠﻰ ﻇﻬﺮﻩ ﺇﻟﻰ ﺍﻟﻀﻔﺔ ﺍﻟﺜﺎﻧﻴﺔ ﻣﻦ ﺍﻟﻨﻬﺮ ﻗﺎﺋﻼ : ﻳﺎ ﺻﺎﺣﺒﻲ ! ﻫﻞ ﻟﻚ ﺃﻥ ﺗﻨَﻘﻠﻨﻲ ﺇﻟﻰ ﺍﻟﻀﻔﺔ ﺍﻟﺜﺎﻧﻴﺔ ﻣﻦ ﺍﻟﻨﻬﺮ؟ ﺭﺩ ﺍﻟﻀﻔﺪﻉ : ﻛﻴﻒ ﻟﻲ ﺃﻥ ﺃﻧﻘﻠﻚ ﻭﺃﻧﺖ ﺍﻟﻤﻌﺮﻭﻑ ﺑﻠﺪﻏﺘﻚ ﻭﻏﺪﺭﻙ ﻭﺳُﻤُﻚَ ﺍﻟﻘﺎﺑﻊ ﻓﻲ ﺟﻮﻓﻚ؟ .! ﻭﻣﻦ ﻳﻀﻤﻦ ﻟﻲ ﺃﻧﻚ ﻟﻦ ﺗﻠﺪﻏﻨﻲ ﺑﻮﺳﻂ ﺍﻟﻨﻬﺮ ﻭﺗﻘﺘﻠﻨﻲ؟ ﻗﺎﻝ ﺍﻟﻌﻘﺮﺏ : ﻛﻴﻒ ﻟﻲ ﺃﻥ ﺃﻟﺪﻏﻚ ﻭﺃﻧﺎ ﺭﺍﻛﺐ ﻋﻠﻰ ﻇﻬﺮﻙ! ﻓﺈﻥ ﻟﺪﻏﺘﻚ ﺳﻨﻐﺮﻕ ﺳﻮﻳﺔ .! ﺭﺩ ﺍﻟﻀﻔﺪﻉ ﻣﺸﻜﻜﺎ ﺑﺼﺪﻕ ﺍﻟﻌﻘﺮﺏ ﺑﻴﻨﻪ ﻭﺑﻴﻦ ﻧﻔﺴﻪ : ﺃﻋﻄﻴﻪ ﻓﺮﺻﺔ ﻋﻠﻪ ﺃﻥ ﻳﺼﺪﻕ ﻫﺬﻩ ﺍﻟﻤﺮﺓ! ﻻ ﺑﺄﺱ! ﻟﻘﺪ ﺃﻗﻨﻌﺘﻨﻲ ﺍﺭﻛﺐ ﻋﻠﻰ ﻇﻬﺮﻱ ﻷﻭﺻﻠﻚ ﺇﻟﻰ ﺍﻟﻀﻔﺔ ﺍﻷﺧﺮﻯ. ﺭﻛﺐ ﺍﻟﻌﻘﺮﺏ ﻋﻠﻰ ﻇﻬﺮ ﺍﻟﻀﻔﺪﻉ ﻭﺍﻧﻄﻠﻖ ﺍﻟﻀﻔﺪﻉ ﺳﺎﺑﺤﺎ. ﻭﻓﻲ ﻭﺳﻂ ﺍﻟﻨﻬﺮ ﺑﺪﺃﺕ ﻏﺮﻳﺰﺓ ﺍﻟﻌﻘﺮﺏ ﺗﺘﺤﺮﻙ ﻭﺷﻬﻮﺗﻪ ﻓﻲ ﺍﻟﻠﺪﻍ ﺗﺸﺘﻌﻞﻓﻜﺎﻥ ﻳﺼﺒﺮ ﻧﻔﺴﻪ ﺣﺘﻰ ﻳﻌﺒﺮ ﺍﻟﻨﻬﺮ ﻭﻟﻜﻦ ﺷﻬﻮﺗﻪ ﻟﻢ ﺗﺴﻜﻦ ﻭﻧﻔﺴﻪ ﻣﺎ ﺯﺍﻟﺖ ﺗﺄﻣﺮﻩ ﺑﻞ ﻭﺗﻮﺯﻩ ﻋﻠﻰ ﺍﻟﻠﺪﻍ ﻓﻠﺪﻍ! ﻭﺑﺪﺃ ﺍﻻﺛﻨﺎﻥ ﻓﻲ ﺍﻟﻐﺮﻕ ..! ﻓﻘﺎﻝ ﻟﻪ ﺍﻟﻀﻔﺪﻉ : ﻟﻢ ﻟﺪﻏﺘﻨﻰ؟! ﻓﻘﺪ ﻗﺘﻠﺖ ﻧﻔﺴﻚ ﻭﻗﺘﻠﺘﻨﻰ ﻣﻌﻚ ..! ﻓﻘﺎﻝ ﻟﻪ ﺍﻟﻌﻘﺮﺏ : ﺃﻣﺮﺗﻨﻲ ﺷﻬﻮﺗﻲ ﻓﺎﺳﺘﺠﺒﺖ ﻟﻬﺎ ..! ﻭﻫﻜﺬﺍ .. ﻣﺎﺗﺎ ﻏﺮﻳﻘﻴﻦ ..! **** ﺍﻧﺘﻬﺖ ﺍﻟﺤﺎﺩﺛﺔ .. ﻭﻟﻜﻦ ﻫﻞ ﻋﺮﻓﺖ ﻣﻜﺎﻧﻚ ﻓﻴﻬﺎ؟ ..! ﻧﻌﻢ! ﻗﺪ ﻻ ﻳﻜﻮﻥ ﻟﻚ ﻣﻜﺎﻥ ﻓﻴﻬﺎ ﻭﻧﺴﺄﻝ ﺍﻟﻠﻪ - ﺗﻌﺎﻟﻰ - ﺃﻥ ﻻ ﻧﻜﻮﻥ ﻣﻤﻦ ﺗﺘﺤﻜﻢ ﻓﻴﻬﻢ ﺷﻬﻮﺍﺗﻬﻢ ﻓﺘﻘﺘﻠﻬﻢ ﺷﺮ ﻗﺘﻠﺔ ﻭﺗﻤﻴﺘﻬﻢ ﺃﺳﻮﺀ ﻣﻴﺘﺔ!