ایچَریده بیر عیدّه چالیشیر منیمله رهبر آراسینی بیر-بیرنه وورسونلار
یازار : میرزه عبدالصمد ملکی | بؤلوم : خبرلر
+0 به یه ن
ایچَریده بیر عیدّه چالیشیر منیمله رهبر آراسینی بیر-بیرنه وورسونلار
نیظام مصلحتینین تشخیص مجمعی رئیسی دئدی: من كند اوشاغیندان آرتیق بیر شئی دئییلم و آبروم نیظامدان گلیب. البته منیم یولوم او بیریلریندن آیریدیر چونكی من رهبرله ایشلهمهلییم. ایچَریده بیر عیدّه ایستیر منیمله رهبر آراسینی بیر-بیرینه وورسون آما رهبرله من بیر-بیریمیزله راحات دانیشیریق و یولدا بودور.
مهرین وئردیگی خبره گؤره، آیت الله هاشمی رفسنجانی یكشنبه آخشام ژورنالیستلر و وبلاگ یازانلارلا گؤروشده، بو سوآلین جوابیندا كی اؤلكهنین ایندی سیزه احتیاجی وار و دولت گمیسینی اله آلمالیسیز، دئدی: اؤلكهنین بویون احتیاج اولدوغو اَن موهیم زاد اورك بیرلیگیدیر. مندن داها یاخشی، داها عالیم و داها انرژیلی اینسانلارین وارلیغینا اعتیقادیم وار و فیكر ائلهسهیدیم كی مندن سووای آیریسی یوخدور گلردیم.
ایچَریده بیر عیدّه ایستیر منیمله رهبرین آراسینی بیر-بیرنه وورسونلار.
او آرتیردی: من كند اوشاغیندان آرتیق بیر شئی دئییلم و آبروم نیظامدان گلیب. البته منیم یولوم او بیریلریندن آیریدیر چونكی من رهبرله ایشلهمهلییم. ایچریده بیر عیدّه ایستیر منیمله رهبر آراسینی بیر-بیرینه وورسون آما رهبرله من بیر-بیریمیزله راحات دانیشیریق و یولدا بودور.
رهبر دئدیلر مجلیسین یوزده آلتمیشیدا منیمله موخالیف اولسالار اؤلكهنی خطر تهدید ائلهمیر.
او آرتیردی: بویون اورك بیرلیگی دوشمن قاباغیندا اَن گوجلو قالخاندیر. بو تكجه منیم سؤزوم دئییل بلكه رهبرینده سؤزو بودور. یادیمدادی مجلیس اینتیخاباتیندان اوّل موعظم رهبرلیك مقامیایله گؤروشوم واریدی و غربلیلرین اتومی بحث، تروریزم، اینسان حقلری و ایرانین دوزلتدیگی راكئتلر بارهسینده دانیشدیق و حل یولو آختاریردیم. اونلار بویوردولار: اؤلكهده اورك بیرلیگی اولسا، بو اَن یاخشی دیفاع ساییلیر.
آیت الله هاشمی رفسنجانی دئدی: من دئدیم: بویون كی بو اورك بیرلیگی یوخدور و رهبر دئدیلر: مجلیسین یوزده آلتمیشینین منیمله موخالیف اولماسینا موطمئین اولسام، یئنهده اؤلكهنی خطر تهدید ائلهمیر. هاشمی دئدی: البته كامیل اورك بیرلیگی هئچ اؤلكهده یوخدور آما اینقیلابین اوّللرینده مونافیقلر، تروریستلرین اولماغی ایله بئله، بیزی 8 ایل موقدس دیفاع ایللرینده غالیب ائدن، بو اورك بیرلیگیمیز اولدو.
ایمام، اساسی قانونی یازماغی، پاریسده اولان زماندان باشلادی
نیظام مصلحتینین تشخیص مجمعی رئیسی خاورمیانه و قونشو اؤلكهلرین وضعیّتینه ایشاره ائدیب دئدی: افغانستان شوروینین مغلوب اولماسی ایله بیر زماندا اینقیلابینی بیزله باشلادی آما اورك بیرلیگینین اولماماسی باعیث اولدو هلهده خیابانلاردا قان تؤكولسون. آما بیزیم اینقیلابیمیز اوّل بیر گوندن جماعتین اورك بیلیگی و رأییایله ایدی. ایمام (ره) اینتیخاباتا تلهسردیلر. یادیمدادیر الجزایرلیلر پیام وئردیلر بیز 20 ایلدن سونرا اساسی قانون یازدیق آما ایمام اساسی قانونی یازماغی پاریسده اولاندان باشلامیشدی.
بینظیر بوتونون طالبان بارهسینده هاشمییه وئردیگی جواب
آیت الله هاشمی رفسنجانی مصر و لیبی اینقیلابینا ایشاره ائدیب دئدی: موتأسیفانه مصر و لیبی كیمی تازا اینقیلابلارین چردگینه سلفیلر و طالیبان نفوذ ائدیب و عجیب غریب جریانلار شكل تاپماقدادیر. اؤز ایشلرینهده او قدر ایطمینانلاری وار كی اؤزلرینی پارتلاتماغا بئله حاضیردیلر. یادیمدادیر خانیم بینظیر بوتویا دئدیم: سیز كی بو قدر آچیق دوشونجهلی آدامسیز نیه طالیبانی تربیت وئریرسیز. جواب وئردی: دولتین الینده دئییل و مالّالار بو ایشی گؤرورلر. من اؤزوم آروادام و آروادلار علئیهینه اولان شوعارلاری قبول ائتمیرم.
آیت الله هاشمی رفسنجانی وحدت هفتهسینه ایشاره ائلهمكله دئدی: بیر گونلر پیغمبرین (ص) ویلادت گونو قیرمیزی پالتارلا حضرت معصومهنین (س) حرمینه داخیل اولوب ایسلام و پیغمبر دوشمنلریندن اینتیقام آلماق ایدعالاری اولوردو آما برائت هفتهسی وحدت هفتهسینه چئوریلدی و بو هفتهنین ایبتیكاری آیتالله منتظری طرفیندن ایدی. بیزیم نیظامین سیاستیده وحدتدیر آما ایفراطی جریانلارا موبتلا اولموشوق.
نیظام مصلحتی تشخیص مجمعین عضوی مسئوللار آراسیندا اولان ایختیلافا ایشاره ائدیب دئدی: منیم و خاتمی دورانیندا دا ایختیلاف واریدی آما بویون بیر-بیرلرینی پارچالاییرلار.
دنیز خرچنگی * سرطانا البحر
یازار : میرزه عبدالصمد ملکی | بؤلوم : حكایه لر
+0 به یه ن
دنیز خرچنگی * سرطانا البحر
ایشیقلی بیر گونده خرچنگ آناسی ایله بیرلیكده قوملار اوستونده قدم وورماغا چیخیرلار .. .
آنا بیردن قیشقیریر: «اوغلوم، سنین یئریشین گؤزل دئییل. یان طرفه اَیریلمهدن قاباغا گئتمگه اؤیرنمهلیسن! ».
بالاجا جواب وئریر: «خواهیش ائدیرم آنا، سن اؤزون دئدیگین كیمی اول !»
حیكمت: اینسانلارین داورانیشینی سؤزله دگیشدیرمگه چالیشمایین. اولگو اَن یاخشی دگیشدیرمكدیر. (اینسانلارا اولگو و نمونه اولماق لازیمیدر، اونلاری سؤزله هیدایت ائتمك اولماز.)
سرطانا البحر
خرج سرطان وأمه ذات یوم مشرق من بیتهما لیتنزها على الرمل....
فجأة... صرخت الأم : "أیها الولد، لست رشیقاً فی مشیتك، یجب أن تعود نفسك على المشی باستقامة للأمام دون التواء من جانب إلى آخر."
قال الصغیر : "أرجوك أمی، كونی أنت المثل لأحتذی بك."
الحكمة : لا تحاول تعدیل سلوك الناس بالكلام فالمثال افضل تعدیل.
آللاها توكّول ائتمگین فایداسی
یازار : میرزه عبدالصمد ملکی | بؤلوم : دین
+0 به یه ن
آللاها توكّول ائتمگین فایداسی
مادّه عالمینده مقصده چاتماغا بیر سئری طبیعی دلیللر و بیر سئری روحانی و نفسانی دلیللر احتیاجدیر.
قورآن كریم موختلیف یئرلرده آللاها توكّول ائتمگی ایمانلی اینسانلارین خصوصیّتلریندن ساییر و بویورور: « وعلی الله فتوكلوا ان كنتم مؤمنین» ایمانیز اولسا آللاها توكّول ائدین. (مائده سورهسی آیه 23)
علامه طباطبایی توكّولون تعریفینده بئله یازیب:
مادّه عالمینده ایرادهنین نفوذونا و مقصده چاتماغا، بیر سئری طبیعی دلیللر و بیر سئری روحانی و نفسانی دلیللره احتیاج وار. اینسان، عمل میدانینا گیرنده و بوتون طبیعی عامیللر حاضیر اولان زمان، اونونلا مقصد آراسیندا فاصیله یارادان ایراده سوستلوغو، قورخو و آیری روحی عامیللردیلر.
بو وضعیّتده اینسان آللاها توكّول ائدیرسه، ایرادهسی گوجلو و عزمی ثابیت اولوب روحی مانعلر و موزاحیملر اونون موقابیلینده خونثا اولاجاق. چونكی توكّول مقامیندا اینسان سببلر سببی ایله بیرلشهجك و بو بیرلشمكله نیگرانچیلیغا یئر قالمایاجاق.
امیرالمؤمنین علی (ع) توكّول بارهسینده بویوروب: « من توكل علی الله ذلت له الصحاب و تسهلت علیه الاسباب و تبوء الخفض و الكرامه» هر كیم آللاها توكّول ائلیه چتینلیگلر اونا یوموشانار و وسیلهلر اونا فراهم اولار و راحالیقدا و ووسعتده و كرامتده یئر آلار.
توكّول اینسانین بوتون ایجتیماعی و شخصی ایشلرینه اثر قویار او جوملهدن تصمیم توتماغا. توكّول باعیث اولار اینسان تصمیمینده قاطع و قرارلی اولسون. بو بارهده قورآندا چوخلو آیه وار.
توكّولون ایكینجی ثمرهسی شوجاعتدیر. اینسان آللاها توكّول ائدیب میدانا گیرنده هئچ زاددان و هئچ كسدن قورخوسو اولماز.
توكّلون اوچونجو فایداسی گوناهدان و شیطان سولطهسیندن اوزاق اولماقدیر. قورآن بو بارهده بویورور:
« فقالوا علی الله توكلنا ربنا لاتجعلنا فتنه للقوم الظالمین» دئدیلر آللاه بیز سنه توكّول ائدیریك ! بیزی ظالیم قوومون فیتنهسی آلتیندا قویما!»
توكّولون اثرینه ریوایتلرده ده ایشاره اولوب. پیغمبر (ص) بویوروب: « من احب ان یكون اقوی الناس فلیتوكل علی الله» هر كیم جماعتین اَن گوجلوسو اولماق ایستیر، آللاها توكّول ائلهسین.
ریوایتلرده توكّولون اثرلریندن یوخاری هیمّتهده ایشاره اولوب. ریوایتلرده وار پیغمبر (ص) بیر عیدّهنی گؤرور اوتوروبلار و اكینچیلیك دالیسیجان گئتمیرلر. بویورو: «نه ایش گؤرورسوز؟» دئییرلر: «بیز توكّول ائدنلریك. آللاها توكّول ائلهمیشیك». حضرت بویورور: «سیز توكّول ائدنلر دئییلسیز بلكه جماعته یوكسوز».
ایمام سجّادین (ع) دوعاسینا اساساً مؤمین اینسان اؤز ایشلرینی آللاها تاپیشیرار و یاشاییش مرحلهلرینده اونو اؤزونه دایاق بیلر. حضرت بویورور: «ائی آللاه! تكجه سنه یالواریرام و سنه اومودوم وار و تكجه سنی چاغیرب سنه پناه گتیریرم و تكجه سنه اینانیرام و سنی اؤزومه دایاق بیلیرم و سنه ایمان گتیریرم و تكجه سنه توكّول ائدیرم».
نئجه بیر تبهكار اوشاق تربیت اولور ؟
یازار : میرزه عبدالصمد ملکی | بؤلوم : اجتماعی
+0 به یه ن
نئجه بیر تبهكار اوشاق تربیت اولور ؟
اوشاقلارین هر كسدن آرتیق حیمایت و دیقّته احتیاجلاری وار و اونلاردان حیمایت كسیلمهیینجه موشكول قاباغا گلمز آما اوشاقلارین حقلی احتیاجلاری و ایستكلرینه دیقّتسیزلیك اولورسا، اونلاری استر ایستهمز تبهكارلیق معرضینده قرار وئرر.
تبهكارلیقدا فیزیكی و بیولوژی عامیللرین اثری اولسا دا موحیطین تأثیری داها چوخدور. اوشاق اؤزونو آیریلاریندان فرقلی حیسّ ائدنده و اطرافداكیلار و جامیعهنین اونو گؤرمهدیم حسابلاماسینی و اونا ارزیش وئرمهمهسینی گؤرنده، اؤزونو مجبور گؤرهجك جامیعهنین قاباغیندا جیبهه توتسون و اؤز حقّینی زورلا دا اولسا آلسین و یا بو ظولمه گؤره جامیعهنی تنبیه ائلهسین.
جامیعهده اولان ایجتیماعی، سیاسی، ایقتیصادی، فرهنگی، علمی و صنعتی دگیشیكلیكلر نسللر آراسیندا فاصیله آچیر و باعیث اولور اوشاقلار حیس ائدهلر والدین اونلارین ایستكلرینه و نظرلرینه اهمیّت وئرمیرلر. بئلهلیكله اونلارین قاباغیندا جیبهه قورورلار و بیر گون بو شراییطه دؤزمگی، ایمكانسیز گؤرنده ائودن قاچماغا دا ایقدام ائدیرلر. ائشیكده ده تبهكارلیق زمینهلری حاضیر و آمادهدیر.
اوشاغین ایستكلرینی یئرینه گتیرمك، اونون یاشینا موناسیب اولمایان شراییطده ده تبهكارلیق احتیمالی چوخالیر. حددن آرتیق آزادلیق وئرمك و حقسیز ایستكلرینیده یئرینه گتیرمك و عكسینه حقلی ایستكلرینه دیقّت یئتیرمهمك و اونو تحقیر ائلهمك و یاشیتلاریندان اوزاق ساخلاماق اوشاغی تبهكارلیغا طرف ایتهلر.
یاشاییش ایمكانلارینین اولماماسی، والدینین ایقتصادی لحاظدان ضعیف اولماسی، اونلارین مسئولیتسیزلیگی ده، اوشاغین تربیتینده موهیم تأثیری وار و تبهكارلیق شراییطینی حاضیرلایا بیلر.
جامیعهده دوزگون و سالیم اینسانلارین نمونه و اولگو كیمی مطرح اولماماسی و اونلارین یئرینه غیری موناسیب شخصلرین اولگو عنوانیندا تقدیم اولونماسی اوشاقلاری قورخولو گلهجگه آپارا بیلر.
حلال پولون گوجو * Halal paranın gücü
یازار : میرزه عبدالصمد ملکی | بؤلوم : حكایه لر
+0 به یه ن
حلال پولون گوجو * Halal paranın gücü
بیر جوانكعبهده دال به دال بو دوعانی ائدیردی:
«ائی دوغرولارین كؤمگی اولان آللاه، ائی حرامدان اوزاق اولانلارین كؤمگی اولان آللاه، سنه حمد و ثنا ائدیرم».
بو حال هامینین دیقّتینی جلب ائلر. بیری یاخینلاشیب دئیَر: «نییه فقط بو دوعانی ائلیرسن؟ آیری دوعا باشارمیسان؟»
او باشلار تعریفلهمگه:
«یئددی-سككیز ایل بوندان قاباق یئنه كعبهده اولدوغوم گون، قیزیللا دولو بیر توربا تاپدیم. اوندا مین قیزیل سیكّه واریدی. ایچیمدن بیر سس «بو قیزیللارلا بئله ائدرسن، بو ایشلری گؤررسن» دئییردی. اؤز-اؤزومه «یوخ بو منیم دئییل آیریسینین مالیدیر، حرام اولار» دئدیم.
بو آندا بیر نفر «بئله بیر توربا تاپان وارمی» دئیه باغیریردی. چاغیردیم اونو. «نئجه بیر توربایدی؟ ایچینده نه واریدی؟» دئیه سوروشدوم. توربانین علامتلرینی و ایچینده مین قیزیل اولدوغونو دئدی. «اوندا بس آل» دئییب توربانی وئردیم. آدام توربانی آچیب ایچیندن منه اوتوز قیزیل وئردی. بازارا گئتدیم. تمیز اوزلو بیر جوان اسیری تعریفلهیه-تعریفلهیه ساتیردیلار. جوانین تمیزلیگی دیقّتیمی چكدی. یانلارینا گئتدیم «بو كؤله اوچون نه ایستیرسیز دئدی» اوتوز قیزیل دئدیلر. آدامدان آلدیغیم اوتوز قیزیلی وئریب جوانی آلدیم. بیر ایكی ایل كئچدی. جوان چوخ چالیشقان و چوخ ادبلی ایدی. اونو آلدیغیما چوخ راضی ایدیم.
بیر گون اونونلا گئدركن قاباقدان ایكی اوچ نفر گلیردی. جوان منه دئدی: «آغام ! من مراكش امیرینین اوغلویام. بو گلنلر بابامین آداملاریدیلار. منی تاپدیلار. سندن منی آلماق ایستهیهجكلر. سن یاخشی بیر آدامسان. اونلارا اوتوز میندن آشاغییا ساتما».
اونلار یانیما گلدی. «بو اسیری بیزه ساتیرسانمی؟» دئدیلر. جواب وئردیم: «ساتیرام». «آلتمیش قیزیل وئرك» دئدیلر. «اولماز»دئدیم. «یاخشی! آما سن بونو اوتوز قیزیلا آلمادین می؟ بیز سنه ایكی قاتینی وئریریك» دئدیلر. «ائله ایسه گئدین بازاردان آلین» دئدیم. آرتیرا آرتیرا ایرمی مین قیزیلا چیخارتدیلار. «اوتوز میندن آشاغی وئرمهرم» دئدیم. چارهسیز قالیب قبول ائلهدیلر. قیزیللاری وئریب جوانی آلیب گئتدیلر. من او اوتوز مین قیزیللا ایش یئرلری آچدیم، تیجارت ائلهدیم داها چوخ وارلاندیم.
بیر گون دوستلاریم منه «چوخ وارلی بیر عاییلهنین یاخشی بیر قیزی وار، آتاسی تازا رحمته گئدیب. سنی اونونلا ائولندیرك» دئدیلر. منده «اولور»دئدیم. كبین كسیلدی. دوه یوكلری جاهازلاری گتیردی. جهاز آراسیندا بیر توربا دیقّتیمی جلب ائلهدی. قیزا «بو نهدیر؟» دئدیم. «ایچینده 970 قیزیل وار، بابام كعبهده بونو ایتیرمیش، اونو تاپان جوانا اوتوزونو وئرمیش قالانینیدا منه هدیه ائلهمیش» دئدی.
دئمك او تاپدیغیم قیزیللار منیم ریزقیم ایدی، وئرمهسهایدیم حرام یوللا گلردی. ایندی حلال یولدان یئنه منه گلدی.
منه كؤمك ائدیب حراملاردان قورویان، نئجه نعمتلر احسان ائدن ربّیمه حمد ائدیرم».
Halal paranın gücü
Gencin birisi Kâbe'de hep,
"Ey dogrularin yardimcisi olan Allahım, ey haramdan sakinanlarin yardimcisi olan Allahım, sana hamdü sena ederim" diye dua eder
Bu durum herkesin dikkatini çeker
Birisi, (Neden hep ayni duayi yapiyorsun, baska bir sey bilmiyor musun?) der
O da anlatir:
7-8 sene önce yine Kâbe'de iken içi altin dolu bir torba buldum Tam 1000 altin vardi Içimden bir ses (Bu altinlarla, sunlari sunlari yaparsin) diyordu Hayir dedim kendi kendime, bu benim degil, baskasinin mali,kullanmam haram olur dedim
Bu sirada birisi, "söyle bir torba bulan var mi?" diye bagiriyordu Çagirdim onu, nasil bir torbaydi, içinde ne vardi diye sordum Torbayi tarif etti ve içinde 1000 altin vardi dedi Al öyleyse torbani diyerek verdim Adam torbayi açip içinden bana 30 altin verdi Pazara gittim Temiz yüzlü genç bir esiri överek satiyorlardi Gencin temizligi dikkatimi çekti Yanlarina gittim, bu köle için ne istiyorsunuz dedim 30 altin dediler Adamdan aldigim 30 altini verip genci satin aldim Bir iki yil geçti Genç çok çaliskan, çok edepli idi Onu aldigima çok memnun olmustum Bir gün onunla giderken karsidan iki üç kisi geliyordu
Genç bana dedi ki,Efendim, ben Fas emirinin ogluyum Bu gelenler babamin adamlari Beni buldular Senden beni satin almak isterler Sen iyi bir insansin, onlara 30 bin altindan asagiya satma) dedi
O kisiler yanima geldi, bu esiri bize satar misin dediler Satarim dedim 60 altin verelim dediler Olmaz dedim Iyi ama sen bunu 30 altina almadin mi? Biz sana iki mislini veriyoruz dediler Öyleyse gidin pazardan alin dedim Artira artira 20 bin altina kadar çiktilar 30 binden asagi olmaz dedim Çaresiz kabul ettiler Altinlari erip, genci alip gittiler Ben o 30 bin altinla isyerleri açtim, ticaret yaptim, daha çok zengin oldum
Bir gün bana arkadaslar, "çok zengin bir ailenin iyi bir kizi var Babasi yeni vefat etti Onunla seni evlendirelim" dediler Ben de "olur" dedim Nikah kiyildi Deve yükleri çeyizini getirdiler Çeyiz rasinda bir torba dikkatimi çekti Kiza, "bu nedir" dedim "Içinde 970 altin var, babam Kâbe'de bunu kaybetmis, bulan gence 30 unu vermis Kalanini da bana hediye etti, çeyizine koyarsin dedi"
Demek ki buldugum altinlar benim rizkim imis, vermese idim haram yoldan gelecekti, simdi helal yoldan yine bana geldi Bana yardim edip haramlardan koruyan, nice nimetler ihsan eden yüce Rabbime hamdederim