شفاف بدنه‌سی اولان مسافری طیاره !
یازار : میرزه عبدالصمد ملکی | بؤلوم : تكنولوژی
+0 به یه ن
 | ||
پنجره‌سی اولمایان مسافری بیر طیاره‌نی تصور ائله‌یین. بو طیاره ایله مسافرت ائتمک نه داریخمالی اولار ! آما بو طیاره‌نین ایچ بدنه‌سی ائشیک منظره‌سینی 360 درجه‌ده گؤستره بیلن مانیتورلا اؤرتولسه نئجه؟ کلیکین وئردیگی خبره گؤره، فرانسه‌لی بیر شرکت پنجره‌سیز و داخلی بدنه‌سی مانیتورلا اؤرتولموش طیاره طراحلیق ائله‌ییب کی مانیتوردا ائشیگین منظره‌سی و یا هر ایستنیلن فیلمی اکرانا گتیرمک اولار. مسافر بو طیاره‌ده اوتوراندا ائله بیله‌جک کی طیاره‌نین بدنه‌سی شوشه‌دن دوزلیب و ائشیگی تماماً گؤره بیله‌جک. بو طرحین آدی IXION قویولوب. طیاره شرکتلری‌نین نظرینه گؤره پنجره‌لری حذف ائتمک طیاره دوزلتمک صنعتینده بؤیوک تحول یاراداجاق. بو ایش، طیاره‌نین وزنین آزالتماقلا یاناجاغیندا صرفه‌لی اولماغا سبب اولاجاق و مسافرلرین داریخماغی‌نین قاباغینی آلاجاق. IXION طرحی‌نین طراحی دئییر: بو گونلر انحنالی مانیتورلارین دوزلتمگی ایله بو ایده‌نی اجرایا گتیرمک اولاسی بیر ایشدیر. | ||
آسلان گوجونده بیر خرچنگ
یازار : میرزه عبدالصمد ملکی | بؤلوم : تكنولوژی
+0 به یه ن
| ||
ژاپن عالملری بو خرچنگلرین باره‌سینده مخصوصاً پنجه‌لری‌نین گوجو باره‌ده آرتیق معلومات اله گتیرمک اوچون گئنیش تحقیقات باشلاییبلار. حقیقتده بو خرچنگ دونیانین لاپ گوجلو برک قابیقلیسیدیر. نارگیل آغاجی خرچنگی‌نین پنجه‌لری‌نین گوجو شیر و ببر پچنه‌سی گوجو قدردیر. (3300 نیوتون خرچنگینکی و 4450 شیرینکی). اوندان علاوه بو خرچنگین گوجو هیکلی ایله اویغون دئییل. بو تحقیقاتین مدیری شین - ایشیرو اوکا، کریستین ساینس مانیتور مجله‌سینه بئله دئییر: من 65 کیلو آغیرلیغیملا نارگیل آغاجی خرچنگی کیمی گوجوم اولسایدی الیمین گوجو آلتی تون اولمالیدی. عالملر بو خرچنگین گوجونو اؤلچمک اوچون استوانه شکلینده بیر باسقی اؤلچندن استفاده ائله‌ییب اونو خرچنگین پنجه‌لری آراسینا قویدولار. بو خرچنگ پنجه‌لرین گوجونو نارگیلی سیندیرماقدا استفاده ائلیر و ائله آدینی‌دا بوردان آلیب. | ||
مریخده ایلانا بنزر موجودون تاپیلماسی
یازار : میرزه عبدالصمد ملکی | بؤلوم : تكنولوژی
+0 به یه ن
| ||
تانینمامیش فضایی موجودلار همیشه انسانلارین دقت مرکزینده اولوب. ایندی‌یه قدر بئله موجودلارین اولماسی باره‌ده ایناندیریجی دلیل اله گلمه‌ییب. آما اخیراً ناسا سازمانی ادعا ائلیر فضایی بیر موجودون کشفینه موفق اولوب. یاییلان سون ویدیویی تصویرلرلرده، ناسا سازمانی مریخ کره‌سی داشلاری آراسیندا زویوب گدئن بیر ایلانین تصویرینی منتشر ائله‌ییب. بو تصویرده فضایی ایلان ایکی داش آراسیندا حرکت حالیندادیر. SecureTeam فضایی علملر توسعه مرکزی، بو سورونگنین ویدیویی تصویرلرینی یوتیوپ سایتیندا اشتراکا قویوب و بئله بیر موجودون فضادا ایلک دفعه گؤروندویونو ادعا ائدیب. ناسا ایش بیلنلریندن اولان «اسکات سی» بالاجا ایلانا اوخشایان بو موجود باره‌ده دئییر: بو فضایی سورونگنین بویو یاریم مترجندیر. بو ایلانین کشفی آیری کره‌لردن جانلی موجودلارین اولماسی نظریه‌سینی تقویت ائلیر». | ||
ائوه تبدیل اولا بیلن80 سانتیمترلیک سیغیناجاق
یازار : میرزه عبدالصمد ملکی | بؤلوم : تكنولوژی
+0 به یه ن
| ||
طبیعی و غیر طبیعی بؤیوک بلالارین باش وئردیگی زمان سیغیناجاغین اولماسی دایمی دغدغه‌لردندیر. آما ایندی تورکیه‌لی بیر عالم و مخترع ییغیلا بیلن و راحت حمل اولان بیر سیغیناجاق دوزلدیب کی بو مشکلی حل ائلیر. A' Design 2016 طراحلیق مسابقه‌سی‌نین قیزیل جایزه‌سینی اله گتیرن «هاکان گورسو» ییغیلمیش حالتینده 80 سانتی متر اولان بو سیغینجاغی طراحلیق ائله‌ییب. بو سیغیناجاق آچیلاندا بوتون تجهیزاتی ایله 4 تختلی بیر خواب اوتاغی، آشپزخانا و یئمک ائوی اولور. بو سیغیناجاغین 12 عددی بیر کامیون ایله داشینا بیلیر و اونون قوشماسی فقط نئچه ساعت زمان آپارار. بو سیغیناجاغین پنجره‌لری سقفینده‌دیر کی بو جهتندن مصنوعی ایشیقدان استفاده‌یه چوخ آز احتیاجی اولور. دیوارلاری سو کئچیرمز و نئچه لایه‌دیر کی انرژی‌نین اتلافی‌نین قاباغینی آلیر. بو کابین 129 فوت مربع یئر توتور و نئچه آی یاشاماغا مناسب شرایطه مالکدیر. | ||
دنیانین لاپ مدرن چرخی
یازار : میرزه عبدالصمد ملکی | بؤلوم : تكنولوژی
+0 به یه ن
دنیانین لاپ مدرن چرخی
آلمانین فورد شرکتی بالاجا بیر کیفه یئرلشه بیلن دنیانین اَن مدرن چرخینی تولید ائله‌دی.
دنیانین مدرن تکنولوژیلرینه مجهز اولان MoDe:Pro چرخینده، امنیت سئنسورلاری و ماشینلارین حرکتینی تشخیص وئرن سئنسورلار وار. بو چرخین فرمانیندا مسیر بللی ائله‌ین ویبراتورلار وار و عاغیللی گوشیلارین اپلیکیشنلرینه وصل اولا بیلر.
بو چرخین برقی موتورو دا وار.