پورتاغال قابیغیندان ارزیشلی شیمیایی مادّه دوزلیر
یازار : میرزه عبدالصمد ملکی | بؤلوم : تكنولوژی
+0 به یه ن
پورتاغال قابیغیندان ارزیشلی شیمیایی مادّه دوزلیر
بریتانیالی موحقیقلر چالیشیرلار بیر تكونلوژینی صنعتیلشدیرسینلر و میكرو دالغادان ایستیفاده ائدیب پورتاغال قابیغیندان ارزیشلی شیمیایی مادّه دوزلتسینلر.
یورك دانیشگاهی‌نین، تازالانانلارین توسیعه‌سی مركزی‌نین تیمی، بونا اینانیرلار كی غذایی محصوللار و ائولرده اولان مادّه‌لردن ایستیفاده ائدیب اوجوز وجهله شیمیایی مادّه‌لر دوزلتمك اولار.
بو تحقیقاتی مركزین مودیری، مگی اسمال وود دئییر: تكجه برزیلده، ایلده سككیز تون پوتاغال قابیغی تولید اولور. بونلارین یاریسی ائشیگه آتیلیر و بو مسأله اونلارین آرادان آپارما موشكولونو آرایا گتیریر. آما بو تكنولوژینی صنعتلشدیره بیلسك، پورتاغال قابیغی ارزیشلی شیمیای مادّه‌لره بؤیوك منبع اولاجاق.
یورك دانیشگاهی‌نین یاشیل شیمی تیمی‌نین اعضاسی طرفیندن تولید اولان بو تكنولوژی، میكرو دالغادان ایستیفاده ائدیب قابیغی اوكسیژنسیز بیر موحیطده قیزیشدیریر و یوخاری فیشار تولیدی ائدیر.
بو تكنولوژی اسید هیدرولیزینی چوخالدیر و اسید هیدرولیزینده، سلولوزی مولوكوللارینی شكله تبدیل ائدیر. بیر پروسه كی میكرو دالغاسیز ایمكانسیزدیر.
بو مرحله‌دن سونرا شیمیای مادّه‌لر او جومله‌دن لیمونئن (تمیزله‌ییجی محصوللاردا ایستیفاده اولونان عطیر مادّه‌سی) و پكتین (مورابّا حاضیرلانماسیندا ایشله‌نن ژل عامیلی) تولید اولور.
مارك پرونوون دئدیگینه گؤره، معمولاً پكتین مورابّادان باشقا هئچ زاددا ایشلنمز آما اونون تولیدی چتیندیر.
بو دانیشگاهین موحقیقلری بیر دستگاه دوزلدیبلر كی بیر ساعتده 30 كیلو پورتاغال قابیغینی گلیشدیریر و اومودلری وار بو تكونولوژینی میلیونلار تون قابیغی گلیشدیره بیله‌جك سطحده قاباغا آپارسینلار.
كؤهنه تكرله داغیدیجی توفانلاری آزالتماق اولار
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
موحقیقلر داغیدیجی توفانلارین اثرینی آزالتماق اوچون ساده و اوجوز یول تاپیبلار كی ائله‌مك اولار كؤهنه ماشین تكرلری ایله توفانین اثرین آزالتماق اولسون. كئچن هفته آمریكانین شرق ساحیللرینده باش وئرن سندی توفانی اونلار نفرلرین جانین آلیب و اونلار میلیارد دولار خسارت ووردو. ادینبورگ دانیشگاهیندان دریا موهندیسی «استفن سالتر» بیر طرح وئریب كی اوندا, مینلر تكری بیر-بیرینه باغلانماقلا اوزون پیلاستیك لوله‌لر یارانیر كی اوقیانوسون 100 متر درینلیگینده یئرلشدیریلیر. اوقیانوس سطحینده دالغالارین حركتی, سطحده‌كی ایستی سویو اوقیانوسون درینلیگینه آپاریر. سالتر دئییر: «قاییدیلماز دلیكلردن ایستیفاده ائتسك, نتیجه‌ده اوقیانوس سویو یاخشیجا قاریشار و اوقیانوس سطحی‌نین حرارتی 26.5 سانتیقراد درجه‌دن آز اولار. بو همن حرارت میزانی‌دیر كی توفانلار اوندا تشكیل تاپار. اونون دئدیگینه گؤره دالغالارین انرژیسیندن ایستیفاده ائدیب اوقیانوس سطحی‌نین حرارتینی آزالتماق, اكولوژی نظردن منطیقلی ایشدیر. بو موحقیق اینانیر كی طبیعی صورتده ایشله‌ین پومپلاری توفان مسیرینده قوشماق اولار. توفان مسیری آتلانتیك اوقیانوسوندا ایستی مسیردیر كی لاپ خطرلی و لاپ داغیدیجی توفانلار اوردا تشكیل تاپیر و اوردان كئچیر. |
||
نئچه دقیقه ایچینده نفت دوزلتمك
یازار : میرزه عبدالصمد ملکی | بؤلوم : تكنولوژی
+0 به یه ن
|
||
|
عالیملر تازا یول تابیلار كی آنا طبیعتین میلیونلار ایل بویوندا گؤردویو ایشی, یعنی یوسونلاری خام نفته چئویرمه‌نی, نئچه دقیقه‌نین عرضینده گؤرورلر. میشیگان دانیشگاهی‌نین موحقیقلری دئییرلر كی ائلیه بیلیبلر نئچه دقیقه عرضینده یوسونلاری سیخیب پیشیرسینلر و بو یاشیل یوسونون یوزده آلتمیشینی خام نفته چئویرسینلر. "فیل ساواژ" بو دانیشگاهین شیمی موهندیسلیك اوستادی دئییر: «چالیشیریق طبیعتین, دریا اورگانیزملرینی نفته چئورمك پروسه‌سینی تقلید ائدك. ساواژ و همكارلاری بیر پولاد لوله‌نی یاش یوسونلا دولدوردولار و آغزینی مؤحكم باغلادیلار و اونو 1000 درجه فارنهایت ایستیلیگینده اولان قومون آلتینا قویلادیلار. سونرا بو یوسونون حرارتی 550 درجه‌یه چاتاندا اونو ائشیگه چیخارتدیلار. یوسوندان یاناجاق دوزلدنلر بو ایش اوچون اوّلده یوسونو قورودورلار و سونرا اونون طبیعی یاغینی ایستیخراج ائدیرلر, آما اونون هر بوشقاسی 20 دولارا چیخیر كی نیشان وئریر بو یاناجاغین بنزین پومپلارینا چاتماغا چوخ یولو وار. ساواژ دئییر: «شیركتلر بیلیرلر كی بو ایقتیصادی یول دئییل. بو اوزدن بیر یول آختاریرلار كی یاش یوسوندان ایستیفاده ائله‌سینلر یعنی همن ایش كی بیز گؤردوك.» اونون دئدیگینه گؤره «فیشار اوجاغیندا» تولید اولان بو خام نفتده اصلی یوسونون انرژیسی‌نین یوزده دوخسانی وار. |
||
اكینچیلیگین زلزله‌یه سبب اولماسی
یازار : میرزه عبدالصمد ملکی | بؤلوم : تكنولوژی
+0 به یه ن
|
||
|
بیر آراشدیرمانین نتیجه‌لری, كئچن ایل اسپانیادا باش وئرمیش زلزله‌نین سببینی اكینچیلر طرفیندن قازیلان درین قویولاری بیلدی. بو آراشدیرمانین نتیجه‌لری مومكوندور كی تازا انرژیلرین ایستیخراجی و زیبیللرین محو ائله‌مه‌سی باره‌ده نیگرانچیلیقلاری چوخالتسین. 2011-جی ایلینده اسپانیانین لوركا شهرینده 5.1 ریشتر قودرتینده باش وئرن زلزله‌ده 300 نفر یارالانیب و 9 نفر اؤلموشدو. بو زلزله اسپانیادا سون 50 ایل بویو لاپ بؤیوك زلزله ساییلیر. كانادا، ایتالیا و اسپانیادان عالیملر, ماهواره تصویرلریندن ایستیفاده ائدیب بو نتیجه‌یه چاتدیلار كی بو زلزله بیر گؤلون یاخینلیغیندا بیر چاتلاما یارادیب كی 50 ایل بویوندا یئر آلتی سولارین ایستیخراجی اثرینده ضعیفله‌میشدی. بو مودّت بویو سویون سطحی 250 متر آشاغی یئنمیشدی, نیه كی اكینچیلر سویا چاتماغا گؤره داها درین قویولار قازمیشدیلار. |
||
یئرین اكیزینی تاپماغا تازا اومیدلر
یازار : میرزه عبدالصمد ملکی | بؤلوم : تكنولوژی
+0 به یه ن
|
||
|
تازا كشفلر, موحقیقلرین اومیدینی یئرینی اكیزینی تاپماغا كی اوردا یاشاییش اولسون, چوخالدیب. 1990 اون ایللیگین اوّل‌لریندن ایندیه‌دك یئره اوخشار 800 سیاره تانینیب و غیر موستقیم علامتلر بو سیاره‌لرده یاشاییش اولماسینا دلالت ائلیر, آما هله بو مسأله ثابیت اولماییب. عالیملر تازالیقدا بیر سیاره تاپیبلار كی یئردن دؤرد ایشیق ایلی فاصیله‌سی وار كی یئرین اكیزی تاپیلماسی باره‌ده اومیدلری چوخالدیب. ژنو رصدخاناسی‌نین موحقیقلری تأكید ائدیرلر كی تازا تاپیلان سیاره, اولدوزونا حددن آرتیق یاخین اولدوغونا گؤره, حیاتسیزدیر. آما بیر اولدوزون مداریندا بیر سیاره‌نین تاپیلماسی بو معنایا اولا بیلر كی آیری سیاره‌لر ده بو اولدوزون مداریندا اولسونلار و شاید اونلاردا حیات آثاری گؤروشدو. بونونلا بئله موحقیقلرین بونا اینانیرلار كی یئردن باشقا گؤیلرده جانلی‌لار اولموش اولسا دا و سیقنال گؤندرسه‌ده, 100 مین ایل ایشیق ایلی گئنیشلیگی اولان كهكشاندا اونو آلا بیلمه‌مك احتیمالی یئرینده قالیر. |
||