نوروز بایرامی تبریك اس ام اس‌لری... (1)
یازار : میرزه عبدالصمد ملکی | بؤلوم : عمومی
+0 به یه ن
نوروز بایرامی تبریك اس ام اس‌لری... (1)
قارشیمیزا گلن نوروز
بایرامی موناسیبتینه بوتون دوستلاریمی تبریك دئییرم. انشاءالله كی یئنی ایل بوتون
ایسلام عالمینه و اینسانلیق عالمینه خئییرلی بركتلی اولسون.
دوستلارین بیرینین ایستگیله الیمه دوشن نوروز تبریك اس‌ام‌اس‌لری بو پوستا یئرلشدیره‌جم.
گل-گل آ یاز گونلری. باهار بایرام گونلری. بو نوروز بایرامیندا ایلین خوش گونلری. نوروز بایرامیز موبارك!
*
گلیر باهار آوازی، یاز عطری، یاز آوازی، بو نوروز قوووشانلار دویماسین غم آوازی. نوروز بایرامیز موبارك!
*
بو باهار بایرام گلر، توی گلر، نیشان گلر، نوروزون گؤروشونه ائل گلر اوبا گلر. نوروز بایرامینیز موبارك!
*
یئتیشدی باهار یئنه. باهاردیر یئنه، گئتسین آیازلی گونلر، گلسین نوروزوم یئنه! نوروز بایرامیز موبارك!
*
گلدی باهار بایرامی، ایلین گؤزل بایرامی، قدملرین خوش اولسون نوروزا دئییر هامی. نوروز بایرامیز موبارك!
*
آرزوم بودور نوروز غوصه-غمین یوخ اولسون، اوركلردن گئتسین بوز، سئوگی پایین چوخ اولسون! نوروز بایرامیز موبارك!
*
عزیزینم یاز گلسین، یاز گلسین باهار گلسین، بو نوروز بایرامیندا غم گئتسین، سئوینج گلسین! نوروز بایرامیز موبارك!
*
سئوگی دولو نور دولو نوروز قارشیلایاق، قوی بو باهار یاز بویو گون ساچسین پارلاق-پارلاق! نوروز بایرامیز موبارك!
بولودوز یاغار اولسون ، سولاریز آخار اولسون ، اوجاغیز یانار اولسون ، نوروز بایرامیز موبارك اولسون
*
بایرام گوزللیكدیر ، گوزللیكلر سیزین اولسون ، بایرام اومیددیر ، اومیدلریز گرچك اولسون ، نوروز بایرامیز موبارك اولسون
*
“یئنه گلیر نازلی باهار ، نازلی یاز
هامی‌نین یازیسین بو ایل یاغلی یاز
جان ساغلیغی ، جیب وارلیغی ، اؤلوم آز
مهریبان آللاهیم ، بئله یازی یاز.”
“تازا ایلیز موبارك اولسون.”
*
“گؤزل اینسانلار ، گؤزل گونلرده یادا دوشرلر”بو گؤزل گونده دونیانین بوتون گوزللیكلری سنین حیاتیندا اولسون…” نوروز بایرامی سنه موبارك اولسون
*
سیزی بو گونكی نوروز بایرامی موناسیبتی ایله تبریك ائدیرم. قوی همیشه بئله گوزل بیر گونده بیر-بیریمیزه اس ام اس یازاق. قوی همیشه پول‌لاریمیز بئله شئیلره گئتسین. بایرامیز موبارك
*
سیزه چوخ عزیز و دَیَرلی اولان نوروز بایرامینی تبریك ائدیرم. سیزه جان ساغلیغی، سوفره‌زین بول و بركتلی اولماسین آرزو ائدیرم، قوی بوتون آرزولاریز یئرینه یئتشسین، نوروز بایرامیزی تبریك ائدیرم!!!
*
كونلومده وار مین آرزو مین بیر دیلك،
گل باریشاق نازلی یاریم كوسمیَك
با هم اولاق بایرام گونو بیز گرك
نوروز گونو اولسون سنه موبارك
*
آرزوم بودور غوصه – غمین یوخ اولسون، اوركلردن دردلر گئتسین ، سئوگی پایین چوخ اولسون! نوروز بایرامیز موبارك
*
بو تازا ایلده اورگینده توتدوغون آرزولاری‌نین گرچكلشمه‌سینی آرزو ایدیرم، بایرامیز مبارك
*
سئوگیلیم بو بایرام موناسیبتین صمیم قلبدن تبریك ائدیرم، بو ایل بیزه دوشَرلی اولسون
*
تازا ایلده. سیزه گون كیمی پارلاق، چای كیمی آخارلی حیات آرزولاییرام
*
یئنی ایلین موبارك ! یئنی ایل سنه یئنی اوغورلار گتیرسین. یئنی ایلده سنه خوش آرزولار و بو آرزولاری‌نین حیاتا كئچمه سینی آرزولاییرام
*
بایرامیز موبارك ! نئچه بئله بایراملار . قوی بو یئنی ایل سیزه و عاییله‌زه سئوینج ، اوغور گتیرسین. بوتون كدرلی گونلریز بو ایلده قالسین . یئنی ایلده گؤزل و شن گونلره چیخاسیز
*
شكر كیمی دادلی ، ناغیل كیمی گؤزل بیر ایل آرزولاییرام سنه. قارشیندان گلن یئنی ایلین جان ساغلیغی، اوغور و سعادتله دولو اولسون. نئچه بئله بایراملارا
*
بایرامیز موبارك ! اورگیز اومودلو، اومودلریز آتلی، سئوداز قانادلی، سئوینجیز قاتلی، سوفره‌ز دادلی ، مكانیز تختلی، عؤمروز بختلی، ائویز بركتلی اولسون
*
یوردوموزا آیاق باسمیش باهار بایرامینی تبریك ائدیرم. قدملری اوغورلو، كونول اوخشایاجاق سئوینجلی گونلری بول اولسون . بایرامیز موبارك
*
قوی بو طراوتلی نوروز بایرامی سوفره‌زه روزی و بركتله ، قلبیزی خوش حیسلرله دولدورسون ، ساغلاملیغیز مؤحكم آرزولاریز سونسوز ، اومودلریز گرچك اولسون
*
یئنی ایلین موبارك ! او گون اولسون كی یئنی ایلده بوتون آرزولارین یئرینه یئتیشسین
یئنی ایلده هئر شئیین كونلوزجه اولماسینی آرزولاییرام و بوتون گوزلنتیزین گرجكلشمه‌سینی آرزو ائدیرم. یئنی ایلده هئج اومیدسیز قالمامان و خیال‌لارینا قوووشماغینی ایستیرم. یئنی ایلیزی تبریك ائدیرم.
*
نوروز آخشامی قوی اورگینده توتدوغون بوتون آرزولار نیّتلر جین اولسون دیلكلرین حیاتا كئچسین. بایرام سوفره‌سینده‌كی خوركلر كیمی عؤومرون بركتلی اولسون.
*
همیشه بیر یئرده، سئوگی دولو بئله بایراملار كئچیرمك دیلییله. موبارك نوروز بایرامی بوتون خالقیمیزا موبارك اولسون. الله بوتون اینانا‌لارا نه قدر دینج، بركتلی بایراملار نسیب ائتسین. نوروز بایرامیز موبارك
*
دوم‌ماغ یاغان قار، نه یاشانمیشسا یاشانسین، اؤرتر كئچمیشین سهو‌لرینی... یئنی بیر گله‌جك تقدیم ائدر بیزه و یئنی بیر باشلانغیج. یئنی ایلین بوتون اینسانلیغا و اؤلكه‌میزه باریش، خوشبختلیك گتیرمه‌سی دیلگیله یئنی ایلیزی تبریك ائدیرم. هر شئی اورگیزجه اولسون!
*
یئنی ایلده حیاتی توتا بیلمك، سئوگینی قاچیرماماغ، كاش كی دئمه‌مك اوچون خیال‌لارینی ایكی‌یه وور بو دفعه. و اونلاری رئال‌لاشدیرا‌جاق زامانی آییر اؤزونه. خوشبخت ایللر
*
بولودسوز سما سنین اولسون دئمیشدیم، اومیدلرین سولماسین، توكنمه‌سین دئیه. یئنی ایلده هئچ اومیدسیز قالماماغین و خیال‌لارینا قوووشماغین دیلگیله.. یئنی ایلیز موبارك.
*
یئنه بیر ایل باشی یاخینلاشیر بو ایل باشی سئودیكلریزله بیرلیكده خوشبخت دینج بیر ایله باشلانغیج ائتمه‌زی و بوتون ایلیزین عئینی گؤزل‌لیكده كئچمه‌سینی دیله‌ییرم.
*
مرحمت صاحیبی،عدالتلی آللاه دوعا ائدنلری تنها قویماز. بو دَیَرلی بایرامدا كاییناتین یارادیجیسی و عالملرین ربّی دوعا‌لارینی قبول ائتسین. اورگینده نه آرزولارین وارسا هامیسی حیاتا كئچسین. آمین!!نوروز بایرامین موبارك.
*
هر یئنی ایل بیر باشقا گؤزل. 1392 یئنی ایل سیزلره حیاتیز بویونجا اونوتامایاجاغیز گؤزل‌لیكلر یاشاتسین. یئنی ایلیز موبارك اولسون.
*
هئچ سهو ائتمه‌ین اینسان عمومیتله هئچ بیر شئی ائده بیلمز. یئنی ایلده سهو‌لریمیزین آز، مووّفقیّتلریمیزین دواملی اولماسی دیلگیله خوشبخت ایللر...
*
سئوگی دولو نور دولو نوروز قارشیلایاق، قوی بو باهار یاز بویو گون ساچسین پارلاق-پارلاق! نووروز بایرامیز موبارك!
*
گلدی باهار بایرامی، ایلین گؤزل بایرامی، قدملرین خوش اولسون نوروزا دئییر هامی. نوروز بایرامیز موبارك!
*
یئتیشدی باهار یئنه. باهاردیر یئنه، گئتسین آیازلی گونلر، گلسین نوروزوم یئنه! نوروز بایرامیز موبارك!
*
بو باهار بایرام گلر، توی گلر، نیشان گلر، نوروزون گؤروشونه ائل گلر اوبا گلر. نوروز بایرامیز موبارك!
گلدی باهار بایرامی، ایلین گؤزل بایرامی، قدملرین خوش اولسون نوروزا دئییر هامی. نوروز بایرامیز موبارك!
*
سلام! سیزی قارشیدان گلن نوروز بایرامی موناسیبتیله تبریك ائدیرم. آرزوم بودور آللاه هامیزا سعادت وئرسین.
*
سلام ! بایرامیز موبارك اولسون. آللاه هامیزا جان ساغلیقی اوزون عؤمور وئرسین. آرزو ائدیرم، بو باهار اؤزو ایله شادلیق گئتیرسین. یئری گلمیشكن خواهیس ائدیرم، بو تبریكی قبول ائده‌سیز. :)
*
نوروز بایرامی‌نین منشأیی، اونونلا باغلی اساتیرلر، میفلر قدیمدیر. آراشدیرانلار نوروز بایرامی‌نین محض یاخین شرقین قدیم اكینچی‌لیكله مشغول اولان خالقلار آراسیندا مئیدانا گلدیگینی سؤیله‌ییرلر.
*
بایرامیز موبارك! سیزه بو ایل خوسبختچی‌لیك و ایشلریزده مووّفقیّتلر آرزولاییرام.انشاالله خوشا گلمز حادیثه‌لر كئچن ایلده قالار. بو ایلیز آللاهین كومكلیگی ایله خوش و فیراوان اولسون. بیر داها تبریكلر!
*
یئنی ایلده قار دنه‌جیكلری قدر خوش گونلرین، اویونجاقلار كیمی رنگارنگ سورپریزلرین،و اَن اَساسی روزی بركتین اَسكیك اولماسین. من دیله‌دیم قوی ملكلر آمین دئسین.
*
یئنی ایل موناسیبتی ایله سیزی تبریك ائدیرم. نیفرت دولو بیر ایلی آرخادا قویدوق انشاالله گلن ایل اوغورلو اولار. یئنی ایلده سیزه اوغورلار
*
دئییر آدامین قوجاسی حؤرمتلی اولور، ایلین آخیرینجی ایلی چوخ گؤزلنیلیر. قوی بو بایرام سیزده بئله حؤرمتلی اولوب، هاراسا گئتدیكده بئله گؤزلنیب،سئویلسیز. بایرامیز موبارك!!!!
*
سنی نوروز بایرامی موناسیبتی ایله تبریك ائدیرم. آرزو ائدیرم كی، محبت قلمیندن، سئوینج گوزلریندن، تبسّوم اوزوزدن اَسكیك اولماسین
*
10 دنه سؤزدنسه 1 یاخشی سؤز : بایرامین موبارك!
*
حیاتین شكربورا كیمی شیرین، پاخلاوا كیمی یاغلی،قوغال كیمی دادلی، موشكول‌لرین فیندیق بویدا، جیبینده گؤیتمه كیمی یاشیل پول‌لار چوخ اولسون. نوروز بایرامین موبارك
*
حیاتیز خونجا كیمی بزكلی،شكربورا و پاخلاوا كیمی شیرین،پول‌لاریز گؤیتمه كیمی یاشیل،دردیز فیندیق بویدا اولسون. بایرامیز موبارك اولسون
*
آناجان،بایرامین موبارك.آغلادیغیمی دوشونمه.ساده‌جه هاوا چیسكینلیدیر،دامجیلار یاییلیر مزارینا
*
گؤزل گونلرده گؤزل اینسانلار خاطیرلانیر. گؤزل اینسانلارا گؤزل آرزولار عنوانلانیر.بو گؤزل گونده دونیانین گؤزل‌لیكلری سنین اولسون.بایرامیز موبارك!
*
گؤزل گونلرده گؤزل اینسانلار خاطیرلانیر،گؤزل گونلرده اؤزل اینسانلارا آرزو-دیلك یول‌لانیر. باهار بایرامیز موبارك
*
قوی بو طراوتلی نوروز بایرامی سوفره‌زی روزی، قلبیزی ایسه خوش حیسلرله دولدورسون. ساغلاملیغیز مؤحكم، آرزولاریز سونسوز، اومیدلریز گئرچك اولسون! نووروز بایرامیز موبارك اولسون!
*
عزیزیم. بیر بایرام وار. نوروز! سِحیرلی بایرامدیر. بایرامدا، كوسنلر باریشیر، سئونلر قوووشور. اینانمیرسان؟ بو گون گؤررسن. نووروز بایرامیز موبارك اولسون!
*
سئوگیلیم، اینانیرام كی، بیر گون منه گؤستردیگین سئوگی و صبری سنه گؤسترمك شانسیم اولار. یئنی ایلین موبارك.
*
نوروز بایرامی موناسیبتی ایله سیزی تبریك ائدیرم. آرزو ائدیرم سو قدر تمیز، حیات قدر جانلی، چیجك قدر طراوتلی و گؤزل قالاسیز.
*
فداكارلیق، سئوگی، صبر و گؤزل‌لیك نه‌دیر دئیه سوروشارلارسا، آنام‌دیر دئیه‌رم. آنا بایرامین موبارك.
*
بیر گونومده دئییل، هئر گونومده‌سن. هر گون هر ثانیه منیمله‌سن. هر زامان منه كؤمك اولدون. سن منیم اوچون چوخ اؤنملیسن. آنا بایرامین موبارك.
*
سن حیاتیمین اولدوزو اولدون. هارا گئتسم سنین ایشیغین آلتیندا سئوگینله اولدوم. دوز یولو تاپدیم. سنی سئویرم.باریامین موبارك.
*
شكر كیمی دادلی،ناغیل كیمی گؤزل بیر ایل دیله‌ییرم. یئنی ایلیز جان ساغلیغی، اوغور و سعادتله دولو اولسون.نئچه بئله بایراملارا!
*
یئنی ایلین، دوستلاری‌نین چوخالدیغی، حیاتیندا سئوگی‌نین هئچ‌ده آزالمادیغی، حیاتی گؤزل-گؤزل كئچیره‌جگین بیر ایل اولسون، یئنی ایلین موبارك!
*
یئنی ایلین خوش حادیثه‌لرله دولو اولماسینی،حیاتیزا یالنیز سئوینجلی یئنی‌لیكلر گتیرمه‌سینی آرزو ائدیرم!
*
یئنی ایلدا حیاتی توتا بیلمك،سئوگینی قاچیرماماق،كئشكه دئمه‌مك ایشین،آرزیلارینی ایكی‌یه چال.و بو دفعه اونلاری گئرچكلشدیره‌جك زامانی آییر اؤزونه. یئنی ایلین موبارك اولسون.!
*
سئوگی‌نین آدی اؤنملی دئییل، ایستر عشق اولسون ایسترسه‌ده دوستلوق. یئنی ایلده سئو، سئویل. سئوگینی اورگینده حیس ائت.! بركتلی ایللر.!!
آناسیز قالدیم
یازار : میرزه عبدالصمد ملکی | بؤلوم : عمومی
+0 به یه ن
پیغمبریمیزین(ص) مولود گونون دوننیسی،گئجه ساعت اوندا آللاه دونیانین اَن گؤل وارلیغینی مندن بایراملیق آلدی !
آنام، وارلیغیم الیمدن گئتدی !
بایرامیم یاسا دؤندو !
گونوم قارالدی !
یتیم قالدیم !
آی آنام! سن گئدندن اورگیم غمله دولوب
سن گئدندن او گؤزل باخچا سولوب
آنامین بسله دیگی گؤزل گوللره باخیرام، گؤرورم اونلار دا منه تای یتیم قالدیلار
گؤزل روحونون شادلیغینا بیر حمد و سوره احسان ائدین
هیپنوتیزم نه‌دیر؟
یازار : میرزه عبدالصمد ملکی | بؤلوم : عمومی
+0 به یه ن
 |
||
|
هیپنوتیزم بیر روحی و فیزیولوژیك حالتدیر كی بو حالتده شخصین آییقلیغی دگیشیر و معمولی آییقلیقلا فرقلیدیر. داها چوخ یوخویا بنزیر، آما یوخو ایله فرقلیدیر. چونكی شخص آییق اولور آما آییقلیغی مخصوص حیطه‌ده موتمركیز اولور. بو وضعیّتین اساس خصوصیّتی شخصین خاریجی موحرّیكلره جواب وئرمه‌سی‌نین آزالماسی و اونون، تلقین قبول ائله‌مه‌سیدیر. هیپنوتیزم ائدن بو وضعیّتدن ایستیفاده ائدیب شخصه بیر سئری تلقینلر ائلیر و شخصین آییقلیغینی، هر هانسی طرفه هیدایت ائله‌مك هیپنوتیزم ائدنین الینده‌دیر. هیپنوتیزمدن موعالیجه یولو كیمی ایستیفاده ائتمك اولماز آما طبابت عالمینده بو علمدن چوخلو فایدا آپارماق اولار. مثلاً دیش آغریسینی آزالتماق، جرّاحلیق عملیندن سونرا آغرینی آزالتماق و . . . جماعت هیپنوتیزم باره‌ده ایشتیباه فیكیرلرینه گؤره بئله اینانیرلار كی هیپنوتیزم اینسانین اوستونده قورخولو تأثیر قویار، حال بوكی نه توختاتماقدا و نه منفی تأثیر باخیمیندان، هیپنوتیزمین خارق‌العاده تأثیری یوخدور. هیپنوتیزم زمانی فقط بو دگیشیكلیك باش وئریر كی شخص، تلقینی راحت قبول ائدیر و ایندی قالیب كی بو وضعیّتده اونا فایدالی تلقینلر اولسون و یا ضررلی تلقینلر. هیپنوتیزم اولماق اوچون اوچ شرط لازیمدیر: هیپنوتیزمه حاضیر اولوب اونو ایسته‌مه‌لیسیز. سیزین اوستوزده هیپنوتیزمین اولا بیلمه‌سینه اینانمالیسیز. آرام اولماغا و عصبلریزی دینجلتمگه گوجوز چاتمالیدیر. شخص هیپنوتیزم اولماغا حاضیرلاشاندا اؤز ذهنینده قبول ائدیر كی هیپنوتیزم اولاجاق و بیر خاص خاریجی موحرّیكین اوستونده (ساعتین) موتمركیز اولاندا، اونون اوستونده آیری خاریجی موحرّیكلرین تأثیری آزالار. بو حالتده هیپنوتیزم ائدنین تلقینلری‌نین اثرینده، شخص هئچ خاریجی موحرّیكه جواب وئرمز و فقط ساعتین اوستونده موتمركیز اولار و سونرا تلقینلر انجام تاپیلار. |
||
بویون پیس گوندور * إنه یوم سیء!
یازار : میرزه عبدالصمد ملکی | بؤلوم : عمومی
+0 به یه ن
|
||
|
سحر یوخودان آییلدی و حالی خرابیدی. اؤز-اؤزونه دئدی: «بویون پیس گوندور.» . . . بو احوال-روحیه‌نین دالیسندا پیس بیر شئی گیزلنمیشدی. یاتاغیندان دوردو و آیاغینی خانیمیسی گئجه یئرده اونوتدوغو آچارلارین اوستونه باسدی. خانیمسینا قیشقیردی : «سنه دئدیم, بویون پیس گوندور!» مطبخه گئتدیلر كی سحر یئمگی یئسینلر, آما گؤردو كی یئمك اوچون سئومه‌دیگی زاد وار. خانیمیسینا دئدی: «من تعجوب ائله‌میرم, بویون پیس گوندور !» ایسته‌دیلر دوستلاری‌نین بیر‌ینی گؤرمك اوچون ائودن چیخسینلار. . .و ایندی‌ده خانیمیسی آچارلاری ایچریدن قاپی‌نین اوستونده اونوتدو و او ائله قاپی‌ایدی كی امنیت اوچون تكجه ایچریدن آچیلاردی. قیشقیردی و دئدی: «البته البته, بو گون اوّلدن پیس بیر گون ایدی!» مجبور قالدیلار قیفیلی سیندیرسینلار و تازاسی ایله دگیشسینلر . . . سونرا بیرلیكده چیخدیلار, تاكسی‌یا میندیلر و مقصدی اونا دئدیلر. آما شوفره دئدیلر كی خیردالاری یوخدور و پوللاری بؤیوك پولدور. شوفر دئدی: «یاخشی» مقصده چاتاندان سونرا شوفر اونا دؤنوب دئدی: «بوندان خیردا پولون یوخدور؟» كیشی پاتلادی و دئدی : « یوخ یوخ یوخ . .سنه دئدیم‌دا یوخومدور !» تاكسیدان یئندی و تكرار ائدیردی: «بویون پیس گوندور!» قوناقلیقدا اوستونه قهوه تؤكولدو . . قاییدیشدا تاكسی آیری ماشینلا چاققیشدی . . . خانیمیسی آغلاییب دئدی: «سندن ایستیرم كی بو گونون آخیرینه‌جن دئمیه‌سن كی بو گون پیس گوندور !» اونا باخیب اوتاندی و ایستگینی یئرینه یئتیردی . . .اوندان سونرا داها پیس حادیثه اوز وئرمه‌دی !
إنه یوم سیء! استیقظ صباحاً ومزاجه معكر، فقال لنفسه "إنه یوم سیء" ... هذا المزاج یخفی شیئاً سیئاً خلفه. قام من سریره فداس على مفتاح كان قد وقع من زوجته فی المساء، فصرخ فی وجهها "قلت لك إنه یوم سیء!" ذهب إلى المطبخ لیتناول معها الفطور فوجد الطعام الذی لا یحبه، فقال لها "لست متفاجئاً، إنه یوم سیء". أرادا الخروج من المنزل لزیارة أحد الأصدقاء...وهناك نسیت زوجته المفتاح فی الباب من الداخل وهو الذی لا یفتح إلا من الداخل لغایات أمنیة، فصرخ وقال طبعا طبعا، إنه یوم سیء من أوله. اضطر أن یكسر القفل ویغیره من جدید... خرجا معا بعد ذلك، ركبا تاكسی وأخبرها فی وجهتهما لكنه أخبره بأنه لا یملك صرافة وإنما ورقة نقدیة كبیرة، السائق قال له "حسنا" بعدما وصلوا، التفت السائق إلیه وقال "ألیس لدیك ورقة أصغر منها؟" انفجر الرجل وقال لا لا لا .. قلت لك ما معی نزل من التاكسی وهو یردد "إنه یوم سیء". عند الضیوف انسكبت علیه القهوة.. فی طریق العودة اصطدم التاكسی بسیارة أخرى... عندها بكت زوجته وقالت له "أرجوك لا تقل إنه یوم سیء حتى نهایة الیوم". نظر إلیها لكنه شعر بالإحراج فلبى طلبها..ولم یحدث أی شیء سیء بعدها! |
||
تراختور سوپر لیگ جاده‌سینده, یولونا احتیاطلی باشلادی
یازار : میرزه عبدالصمد ملکی | بؤلوم : عمومی
+0 به یه ن
|
||
|
تراختورو 11 هفته بویونداكی اویونلارینا بیر باخیش سالاندا, تكجه ایكی اویون اودوزسا دا اوست-اوسته مطلوب نتیجه‌لر آلمادیغی اورتایا چیخیر. آما اوچ ایمتیاز آلیب, جدولین یوخاری باشیندا اوتوران تیمله فاصیله‌سینی یوخ ائتمك بو پارلاق تیمدن گؤزلنیله بیلن مسأله‌دیر. گلین تراختورون 11 هفته بویونداكی اویونلارینا بیر نظر سالاق: بیرینجی هفته: تراختور سایپایا بیر ایمتیاز وئردی. تراختور اؤز ائوینده اویناسا دا اویونا احتیاطلی باشلادی و سایپا موقابیلینده هئچ هئچه برابر اولدو. ایكینجی هفته: تراختور پیكاندان بیر ایمتیاز آلدی. تراختورسازی پیكانلا بیر-بیره اولدو آما یئدیگی قول تراختورچولاری ناراحات ائتدی چونكی بو جور قول یئمك تراختورا یاراشمیردی. اوچونجو هفته: تراختور كرمان میسی‌نی آیاقلادی. اویونون ایكینجی یاریسی‌نین باشلانیشیندا تراختور 10 نفر اولسا دا حریفین عؤهده‌سیندن گله بیلدی و ایكی بیره غالیب گلدی. دؤردونجو هفته: تراختور تهرانین راه‌آهنین بیر هئچه دالیدا قویدو. بو اویوندا احسان حاج صفی گؤزل بیر قول ووردو. بئشینجی هفته: تراختور آبادانین نفتینه غالیب گلدی. بو اویونون آخیرلرینده تراختور ایقتیدارلا آبادانین نفت تیمینه اوچ ایكی‌یه غالیب اولدو و جدولین ایكینجی روتبه‌سینده یئر آلدی. آلتینجی هفته: تراختور بو اویوندا داور و ذوب آهن تیمینه اوتوزدو. اصفهاندا اوینانان بو اویون تراختورون ضررینه اولان آجی نتیجه ایله یعنی اوچ بیره باشا چاتدیریلدی. بو اویوندا تراختورون موسلّم پئنالتیسی توتولمادی. یئددینجی هفته: تراختور بو اویوندا قومون صبا تیمی‌نین قارشی‌سیندا دایاندی. بو اویون تبریزه اولسا دا هئچ هئچه باشا چاتدی. سككیزینجی هفته: تراختور و انزلی‌نین ملوان تیمی, بیر بیره موساوی اولدولار. ملوان تیمی اؤز قولونو پئنالتی نوقطه‌سیندن وورسا دا تراختور ایكینجی یاریدا اونو جوبران ائتدی. دوققوزونجو هفته: تراختور زاگروسون «گهر» تیمینی دارما-داغین ائتدی, بئش هئچه ! بو تیمین داها آرتیق قول یئمگه ایشتهاسی واریدی آما رقیب سوپر لیگدن كوسمه‌سین دئیه, تراختور اوندان آرتیق قول وورماق ایسته‌مه‌دی. اونونجو هفته: تراختور بیرینجی دفعه اولاراق شیرازین فجر سپاسی تیمینه اوتوزدو, بیر هئچه. شراییط او جومله‌دن اویون میدانی تراختور سئون شراییط دئییلدی. اون بیرینجی هفته: تراختور یئنه‌ده تهرانین نفت تیمینی اودانمادی, بیر بیره. اویونون باشلانیشیندا تراختور بیر هئچه قاباغا دوشموشدو آما بو غالیبیّتی ساخلایا بیلمه‌دی. تراختور دالیدا قویدوغو 11 اویوندا: 4 اویون اودوب 5 اویون موساوی اولوب 2 اویون اودوزوب و بو گون تراختور 15 قول ووروب و 10 قول یئمكله 17 ایمتیاز الده ائدیب و جدولین یئددینجی روتبه‌سینده دایانیب. تراختور اون ایكینجی اویونونو تبریزده و تهرانین ایستیقلال قارشی‌سیندا اوینایاجاق.تراختور و ایستیقلال بیرینجی دفعه 1354-ده اویناییبلار و او اویوندا تراختور بیر هئچه غالیب اولوب. اون ایكینجی لیگده تراختور 17 ایمتیازلا جدولین یئددینجی روتبه‌سی و ایستیقلال 19 ایمتیازلا جدولین دؤردونجو روتبه‌سینده یئر آلیبلار. |
||