تبریز-جولفا آراسیندا تاكسی-طیاره خطی
یازار : میرزه عبدالصمد ملکی | بؤلوم : خبرلر
+0 به یه ن
 |
||
|
آناجین وئردیگی خبره گؤره, صاباحدان تبریز-جولفا آراسیندا تاكسی- طیاره خطی یولا دوشور. بو خبره اساساً جولفانین طیاره میدانی بو شهرین اوچ كیلومتریگینده یئرلشیر. بو خطین یولا دوشمه‌سی ایله عموم جماعت بو كیچیك طیاره‌لردن ایستیفاده ائده بیله‌جكلر و 138 كیلومتر جاده یولون طی ائتمگه مجبور قالمایاجاقلار. بو تاكسی‌لار شهر داخیلی و شهرلر آراسی سفرلر اوچون ایستیفاده اولارلار و صرفه‌لی اولدوقلاری اوچون موسافیرلر و طیاره شیركتلری طرفیندن ایستیقبال اولونوبلار. |
||
همبرگرین ایچیندن اینسان بارماغی چیخدی !
یازار : میرزه عبدالصمد ملکی | بؤلوم : خبرلر
+0 به یه ن
|
||
|
فارسین وئردیگی خبره گؤره, قوم شهرینده بیر همبرگر بسته‌سیندن اینسان بارماغی‌نین بیر بندی چیخدی. بیر موشتری بونو خبر وئردی و نهایتاً اونو تولید ائدن كرخانا تاپیلدی و تعزیرات ایداره‌سی طرفیندن پولومپ اولاندان سونرا تحقیقاتا باشلاندی. بو كرخانانین آدینی اعلام ائتمه‌ییبلر. |
||
اوروپا ایتحادیّه‌سی‌نین 4 عضوی ایرانین تازا تحریملریله موخالیفدیلر
یازار : میرزه عبدالصمد ملکی | بؤلوم : خبرلر
+0 به یه ن
|
||
|
بیر حالداكی قراردی اوروپا ایتحادیه‌سی ایرانین تازا تحریملری اوچون تصمیم توتسون خبر گلیر كی سوئد, یونان, مالت و قبرس بو تحریملرله موخالیفدیلر. اسرائیلین خاریجی ایشلر ویزارتیندن بیر مقام دئییر: سوئدین اریكسون شیركتی و ایران آراسیندا اولان بیر قرارداد بو موخالیفتین اصلی سببیدیر. بو تحریملر ایجرا اولسا بو شیركتین او بیری قراردادلاری‌دا موشكوله یئتیشه‌جك. بونونلا بئله كی میلل سازیمانی هوشدار وئریب كی بو تحریملر عادی جماعتین‌ده یاشاییشینا تأثیر قویور, اوروپا ایتحادیه‌سی تازا تحریملر باره‌سینده دوشونور. بو بیر حالدادیر كی تحریملرین بوتون ایجراسی اوچون اوروپا ایتحادیه‌سی‌نین 27 اؤلكه‌سی‌نین هامیسی اونو قبول ائتمه‌لیدیر, بو دؤرد اؤلكه موخالیف اولسالار تحریملرین اثری آزالاجاق. تازا تحریملر بانك و گمی صنعتلرینده اولاجاق و هابئله بو اؤلكه‌لر ایرانا قورقوشوم و پولاد كیمی فیلزلری ساتمایاجاق و ایرانین نفت‌داشیان گمیلره خیدمتلری و گمی دوزلتمه علمینی تحریم ائده‌جك. بو حركتده اوروپا ایتحادیه‌سی 34 ایرانلی شیركتین اموالینی مسدود ائده‌جك. |
||
بو حشره‌نین سیلاحی اوزون بوینودور !
یازار : میرزه عبدالصمد ملکی | بؤلوم : خبرلر
+0 به یه ن
|
||
|
دؤرد ایل قاباق ماداگاسكاردا كشف اولموش « زرافه بویونلو بوغدا بیتی », عجیب-غریب حشره‌دیر كی اوزون و بند-بند بوینو وار. اركك حشره‌نین بوینو دیشی‌نین بوینوندان ایكی اوچ برابر اوزون‌راقدیر كی جوت اوستونده داعوا و یووا دوزلتمكده ایشه گلر. بیگانه‌لره اوخشایان بو حشره ماداگاسكارین یئرلی حشره‌سیدیر كی « زرافه بویونلو بوغدا بیتی » آدلانیر. بو حشره‌نین سیلاحی اؤزو كیمی عجیبدیر, زرافه بویونلو بوغدا بیتی ساواشماق اوچون بوینوندان ایستیفاده ائدیر. دئیلی میلین وئردیگی خبره گؤره, بو حشره بالاجا آیاقلاری و كیچیك بدنی و ایكی تیكه‌لی اوزون بوینو ایله خیالی و سورئال نقاشیلارا بنزیر. زرافه بویونلو بوغدا بیتی‌نین آدی اونون زرافه‌یه اوخشاماسی اوچون سئچیلیب. زرافه‌لر ده ساواشدا اوزون بویونلاریندان ایستیفاده ائدرلر. بو حشره بدنی‌نین چوخ قیسمی قیرمیزی قابیقلا اؤرتولوب كی قانادلاری اؤز آلتیندا گیزلدیب. زرافه بویونلو بوغدا بیتی‌نین ظاهیری قورخمالی گؤروشسه‌ده اینسان اوچون هئچ ضرری یوخدور. بو حشره فقط ماداگاسكاردا یاشیر, 2008-جی ایلینده تاپیلیب و بیلن یوخدور كی بو حشره اینقیراض خطری‌ایله اوز به اوزدور یوخسا یوخ. بو عكسلری زرافه بویونلو بوغدا بیتیندن سالان, وحشی حیات عكاسی نیكولای ساتسكوف, دئییر كی بو حشره‌نی یارپاقلار اوستونده گؤرنده, گؤزلریمه اینانمیردیم. بو حشره هم ده بوغدا بیتینه بنزیر. آشاغیدا بیر بوغدا بیتی گؤره بیلرسیز.
|
||
توركیه‌نین قصدی یوخدور سوریه‌ایله جنگ ائلیه/ هئچ كس بیزیم ایراده‌میزی سینایا بیلمز
یازار : میرزه عبدالصمد ملکی | بؤلوم : خبرلر
+0 به یه ن
|
||
|
توركیه‌نین باش وزیری بونا تأكید ائله‌مكله كی اؤلكه‌سی‌نین قصدی یوخدور سوریه‌ایله جنگ ائده, دئدی: هئچ كس گركمز بیزیم ایراده‌میزی مرزلریمز و شهروندلریمیزدن دیفاع ائله‌مكده سیناسین. العربیه‌نین وئردیگی خبره گؤره, "رجب طیب اردوغان" ایران رئیس جومهوری‌نین موعاوین اوّلی‌ایله گؤروشدن سونرا موشترك خبری كونفرانسدا تأكید ائله‌دی كی توركیه هئچ واخت جنگ دالیسیجان دئییل و توركیه‌نین جنوب شرقینه خومپاره‌لی حمله‌دن سونرا بو اؤلكه‌نین پارلیمانی, سربازلارین ایستیقرارینی, فقط قاباق آلما عنوانیندا تصویب ائدیب. چرشنبه گونو, ناهاردان سونرا سوریه طرفیندن توركیه تورپاغینا خومپاره گوللـه‌سی گلدی و نتیجه‌ده دؤردو اوشاق اولان 5 تركیه‌لی اؤلوب و 9 نفر یارالاندی. بو حمله‌دن سونرا توركیه ارتشی سوریه تورپاغیندا بعضی نیظامی هدفلری توپا باغلادی و بو حمله‌لرین پنجشنبه سحره‌دك ایدامه‌سی واریدی و نتیجه‌ده سوریه‌ده شیدّتلی پاتلاییشلار اولوب. سوری موخالیفلرین اعلامینا گؤره بو حمله‌لر نتیجه‌سینده ایكی سوریه‌لی نیظامی اؤلوب و بعضیسی‌ده اؤز موضعلریندن دالی قاییدیبلار. |
||