بقیع قبریستانی نئجه سؤكولدو؟
یازار : میرزه عبدالصمد ملکی | بؤلوم : دین
+0 به یه ن
1344-جو هیجری قمری ایلین شَوالین سككیزینده ایسلام دونیاسینین موهوم قبریستانی وهابیلر الیله سؤكولدو. چوخ آز اؤلكهده حیجازداكی كیمی ایسلامین ایلكین عصرلریندن اثرلر وار. نییهكی ایسلامین دوغولان یئری اورادیر و ایسلام باشچیلاریندان موختلیف اثرلر اونون هر یئرینده گؤروشور. آما تأسوفله دوشونجهلری قورو موتعصیب وهابیلر, بو اثرلرین چوخونا شیرك اثرلری آدی قویوب آرادان آپاردیلار و بو ارزیشلی اثرلرین آزی قالیر. بو مسألهنین باریز نمونهسی بقیع قبریستانیدیر. بو قبریستان ایسلامین موهوم قبریستانیدیر كی ایسلام تاریخینین موهوم بؤلومونو اؤزونده یئرلشدیریب و موسلمانلارین بؤیوك تاریخ كیتابی ساییلیر. بقیع قبریستانینین قبرلری سؤكولمهمیشدن قاباق, ایماملار و آیری ایسلام بؤیوكلرینین قبرلری اوستونده گونبذلر و بینالار واریدی. بقیع ایماملاری, سككیز ضیلعده دوزلمیش و ایچهریسی و گونبذی گژلنمیش بوقعهده قویلانمیشدیلار. وهابیلر مدینهیه سولطه تاپاندان سونرا قبیرلری ییخماقدان علاوه اورداكی اثرلریده آرادان آپاردیلار. بو واقیعهده ایمام حسن موجتبی (ع)، ایمام سجاد (ع)، ایمام محمدباقر (ع) و ایمام جعفر صادقین(ع) مرقدلری ییخیلدی. اونلار ایماملاردان علاوه آیری قبرلریده خرابلادیلار او جوملهدن: فاطمه زهرایه (س) منسوب اولان قبر، عبدالله بن عبدالمطلب و آمنه (پیغمبرین آتا و آناسی) ، فاطمه بنتاسدین (ع) موطهر قبری (امیرالمومنین (ع)آناسی)، حضرت امالبنین (ع ) موطهر قبری ، پیغمبرین عمیسی عباسین قبری، پیغمبرین اوغلو ابراهیمین قبری, حضرت صادقین (ع) اوغلو اسماعیلین قبری، پیغمبرین اؤگئی قیزلارینین قبری , پیغمبرین دایهسی حلیمهنین قبری و پیغمبر زمانی شهید اولانلارین قبری. بقیع بقیع ایماملارین قبرینین ایلك تخریبی وهابیلر الیله بقیع ایماملارین قبرینین ایلك تخریبی 1220 هیجری قمری ایلینده یعنی سعودیلرین بیرینجی حكومتلرینین عثمانلی ایمپراطورلوغو الیله ییخیلماسی زمانی اولدو. بو ایسلامی-تاریخی واقیعهدن سونرا ایران پادیشاهی رحمتلیك فتحعلی شاهین حیمایتی ایله سؤكولموش مرقدلر گؤزل صورتده تازادان دوزلدی و گونبذ و مسجید احداثیایله بقیع, موسلمانلارین اَن گؤزل زیارتی-سیاحتی یئرینه چئوریلدی. بقیعین ایكینجی دفعه خرابلانماسی ایكینجی تاریخی-ایسلامی حادیثه 1344 هیجری قمری ایلین سككیزینده باش وئردی كی بو تاریخده وهابیلرین اوچونجو دفعه حكومته گلماقلاری ایدی. ائله بیر ایل كی وهابیلر بؤیوكلرینین فتواسی اساسیندا شیعه موقدسلرینی تحقیر ائلهمك اوچون, ایماملارین و اهل بیتین (ع) قبرلرینه ایكینجی دفعه وحشیانه حمله ائلهدیلر و بقیع قبریستانینی خرابلانمیش و تانینمامیش بیر قبریستانا چئویردیلر. مكه، مدینه، جده و كربلادا قبرلرین سؤكولمه سی وهابیلر 1343 هیجری قمری ایلینده مكه شهرینده حضرت عبدالمطلب (ع), ابیطالب (ع)، خدیجه (ع) و فاطمه زهرا (ع) قبرینین گونبذلرین, پیغمبرین ویلادت یئری و خیزرانی (پیغمبرین گیزلی عیبادت یئرین) توپراقلا بیر ائلهدیلر و جدهده حوّانین قبری و آیری قبرلری داغیتدیلار. مدینهده پیغمبرین گونبذین توپا باغلادیلار آما موسلمانلارین قورخوسوندان شریف قبره دَیمهدیلر. هابئله اونلار 1343-ون شَوالیندا بقیع قبریستانینی تورپاقلا بیر ائدیب دگرلی شئیلری تالادیلار و حضرت حمزه و اُحُد جنگینین شهیدلرینین قبرلرینی تورپاقلا بیر ائلهدیلر. همان ایل موتعصیب وهابیلر كربلایا حمله ائدیب و ایمام حسینین (ع) موطهر ضریحین سؤكوب اوندا اولان دگرلی شئیلری كی صفوی و قاجار شاهلارینین هدیهلری ایدی تاراج ائلهدیلر و جماعت و عالیملردن 7000 نفر جیواریندا آدام اؤلدوردولر. سونرا نجفه طرف گئتدیلر آما غارته موفق اولمادیلار و دالی اوتوردولار. |
دونیانین اَن عجیب آغاجی «قارداشلار قانی»*« دم الأخوین » أغرب شجرة فی العالم
یازار : میرزه عبدالصمد ملکی | بؤلوم : عمومی
+0 به یه ن
«قارداشلار قانی» و یا «اژدها قانی» آغاجینا معروف اولان بو آغاج دونیانین اَن عجیب آغاجیدیر. اونو آیری آغاجلاردان آییران ظاهیری شیكلیندن علاوه اونون طیبی ارزیشیدیر. اونون قابیغیندان قیرمیزی رنگده شیره چیخیر كی بویاما صنعتینده ایستیفاده ائلهمكدن علاوه بعضی داوالارین دوزلتمهسینده ایستیفاده اولونور. آغاجین ایستیفاده اولونان یئری اونون قابیغیندان و میوهسینین قابیغیندان چیخان شیرهدیر. آغاجین قابیغی اوجو بیز بیر شئیله جیزیلار و یایدا بو شیاردان شیره آخیب بركییر. اَن كیفیتلی و یاخشی ماده, شاخهلردن ییغیلان مادهدیر. بو ماده ذاتاً قیرمیزیدیر و ایی و دادی یوخدور. اوندا اولان فعال مادهنین آدی «دراكو»دور كی بیتكینین یوزده 55-نی تشكیل وئریر. قدیملر اونو یارالارین ساغالماسی و هضمین یاخشیلاشماسی اوچون ایستیفاده ائلردیلر كی ابن سینا دا اونو ذیكر ائدیب. ایندیده بو ماده داوا كیمی ایستیفاده اولور مثلاً معده یاراسینی ساغالتماق اوچون و یا بدنین داخیلیندهكی قانامالارا ایستیفاده اولور. و هابئله لثه تمیزلهمك اوچون سوسلاردا ایستیفاده اولور و مرمر داشی رنگلهمكده و لاك الكول صنایعسینده ایستیفادهسی وار. بو ماده هابئله پومادلاردا و چاپ صنعتینده ایستیفاده اولور و «سوقطره» جزیرهسینده دیوارلارین بزهمهسینده و ساخسی قابلارین رنگلمهسینده ایشلهنر. بو آغاجین آدی »قارداشلار قانی» یَمنده نقل اولان بیر اوسطورهیه قاییدیر كی هابیل و قابیلین ناغیلینا ایشاره ائدیر كی دونیانین بیرینجی قان تؤكمهسی ایدی. ناغیل اساسیندا قابیل و هابیل سوقطره جزیرهسینین ایلكین ساكینلری ایدیلر و دونیانین بیرینجی قتل جینایتی باش وئرندن سونرا یئره تؤكولن قاندان «قارداشلار قانی» آغاجی گؤیردی. بو گؤزل آغاجین آیری نادیرلیگیندن بودور كی بو آغاج فراعنه, آشورلار و حمریلرین قدیمی دینلرینده موقدس ساییلیردی. بو مسأله قدیمی نقشلردن بللی اولور. منبع: http://www.akherakhbar.info/article.asp?id=20519 « دم الأخوین » أغرب شجرة فی العالم تعد شجرة دم الأخوین ، أو دم التنین إحدى أغرب الأشجار بالعالم وما یمیز هذه الشجرة بالإضافة إلى شكلها الخارجی، قیمتها الطبیة حیث یستخرج من لحائها نوع من الراتنج قرمزی اللون یستخدم فی بعض العلاجات إضافة إلى استخدامه فی الصباغة. والجزء المستخدم من الشجرة هو المادة الصمغیة الراتنجیة التی تستخرج من قشر النبات وحراشیف الثمار. حیث یجمع الراتنج بعد تجمده فی اشهر الصیف وذلك بكشط كتل الراتنج بآلة حادة من تجاویف یتجمع فیها كانت قد قطعت فی جذع الشجرة. وأحسن درجات المادة هو الراتنج بحجم الفصوص الذی یتكون على الفروع، هذه المادة هی ذات لون احمر ولیست لها رائحة ولا طعم یمیزها أیضا. المادة الفعالة فیها تسمى «دراكو» وتصل نسبتها فی النبات إلى 55% وقد استخدمت قدیما فی علاج الجروح والتقرحات وتقویة الجهاز الهضمی وذكرها اهم أطباء العرب القدامى وعلى رأسهم ابن سینا. وهی تستخدم الیوم علاجیا حیث تستخرج منها أدویة لعلاج تشققات المعدة ووقف النزیف الداخلی فی أی مكان داخل الجسد وكذلك تدخل فی معاجین كمادة قابضة ومطهرة للثة، وتدخل فی صناعة الورنیش، وفی صباغة الرخام. وفی صناعة المراهم، وحبر الطباعة وغیره، وفی سقطرى یزین بها جدران المنازل من الخارج والأوانی الفخاریة. أما الاسم “دم الأخوین ” فهو یعود إلى الأسطورة التی تتناقلها الأجیال فی الیمن والتی تحكی قصة أول قطرة دم وأول نزیف بین الأخوین: قابیل و هابیل. وبحسب الأسطورة فقد كان قابیل وهابیل أول من سكن جزیرة سوقطرة..”ولما وقعت أول جریمة قتل فی التاریخ وسال الدم نبتت شجرة دم الأخوین. وإضافة إلى ندرة هذه الشجرة الجمیلة كانت نبتة مقدسة فی الدیانات القدیمة لدى الحمیریین والفراعنة والأشوریین. وهذا ما ظهر من خلال النقوش القدیمة |
دونیانین اَن سورعتلی دوربینیایله ایشیق سورعتینی گؤرمك
یازار : میرزه عبدالصمد ملکی | بؤلوم : تكنولوژی
+0 به یه ن
ماساچوست تكنولوژی مؤسیسهنین(MIT) موحقیقلری موفق اولدولار دونیانین اَن سورعتلی دوربینینی دوزلتسینلر كی دقیقهده بیر تریلیون تصویر گؤتورور. ایشیغین سورعتی خلأده هر ثانیهده 299 میلیون متردیر و بونا گؤره معمولی دوربینلرله بیر جیسمدن كئچن ایشیغین تصویرینی ثبت ائلهمك اولماز. MIT موحقیقلری دقیقهده بیر تریلیون تصویر گؤتورن دوربینی طراحلیق ائلهمكله, بیر شوشهنین ایچیندن ایشغین كئچمهسینین عكسینی سالیبلار و بو تصویرلرله یاواش حركتایله بیر فیلم دوزلدیبلر كی ادینبورگدا اولان TED تكنولوژی كونفرانسیندا نوماییش وئریلیب. بو كونفرانسدا نوماییش وئریلن تكجه فیلمده, لیزر ایشیغی بیر ثانیهنین میلیارددا نئچهسینده شوشهنین آلتیندان ساچیر و قاپاغیندان ائشیگه چیخیر و بو زماندا سورعتلی دوربین, ایشغین كئچمهسیندن تصویر گؤتورور. موحقیقلر اینانیرلار كی, هزینهلر آزالسا و بو تكنولوژیدن تیجاری ایستیفاده ائلهمك اولسا, جماعت گلهجكده بیر ایسكنردن ایستیفاده ائلهمكله میوه و گؤیون ایچینه ایشیق سالماقلا او محصولون تازا اولماسیندان موطمئین اولاجاقلار. |
1344-جو هیجری قمری ایلینده بقیع قبریستانی وهابیلر طرفیندن تخریب اولدو
یازار : میرزه عبدالصمد ملکی | بؤلوم : دین
+0 به یه ن
وهابیلرین مدینهیه سولطه تاپماقلاریله, شیعه ایماملاری و ایسلامین چوخلو بؤیوكلرینین قبری بو مونحریف فیرقه طرفیندن تخریب اولدو. او گونه قدر مدینهده دفن اولان ایماملار و ساییر ایسلام بؤیوكلرینین قبری اوستونده گونبذ و ضریح واریدی آما او زماندان بویانا وهابیلر ایسلام بؤیوكلری و ایماملارین قبیرلر و ضریحلرین تخریب ائلهماغینان موسلمانلاری او حضرتلرین زیارت فیضیندن محروم ائلهدیلر. بو واقیعهده تخریب اولان قبرلردن ایمام حسن موجتبی(ع), ایمام سجاد(ع), ایمام محمد باقر(ع) و ایمام جعفر صادق(ع) قبریایدی. وهابیلرین بو وحشیانه حركتی, ایسلام دونیاسینی مخصوصاً شیعهلری ناراحات ائلهدی. شیعه ایماملاری قبرلرینین داغیلماسیندان علاوه, حضرت عبدالله, حضرت آمنه (پیغمبرین آتا و آناسی), مالك, پیغمبرین عمیسی عباس, مالكی, ایمام جعفر صادقین (ع) اوشاقلاریندان اسماعیل و . . .قبرلری ده تماماً تخریب اولدو. |
هانسی اوشاقلارین IQسی آشاغی اولار؟
یازار : میرزه عبدالصمد ملکی | بؤلوم : ساغلاملیق
+0 به یه ن
آنالار حامیلهلیك زمانیندا هیپوتیروئیدلری اولسا (تیروئیدلری آز ایشلهسه) دونیایا گلن اوشاغین IQسی آشاغی اولار. حامیلهلیگه قصدلری اولانلار و یا حامیله اولانلارین گرك تیروئیدلری آزماییش اولسون چونكی تیروئیدین آز ایشلهمهسی اوشاغین IQسینا چوخ تأثیر قویار. بو ناخوشلوغون آدی «هاشیموتو»دور و خانیملاردا نیسبت آقالارا گؤره داها چوخ شایع اولور. تیروئیدین آز ایشلهمهسینین نئچه عامیلی اولا بیلر او جوملهدن: تیرئید جراحلیغی و اونون بیر پارچاسینی گؤتورمك, تیروئیدین چوخ ایشلهمهسینه گؤره رادیواكتیو یودون تزریقی و نهایتده یودون آزلیغی. بعضی آنزیم ایختیلاللاری دا تیروئید هورمونلارین دوزلتمهسینده ایختیلال یارادیب و تیروئیدین آز ایشلهمهسینه باعیث اولورلار. تیروئیدین آنادان گلمه آز ایشلهمهسی بونا خاطیر اولور كی جنین دورانیندا تیروئید وزی تشكیل تاپمیر. تیروئیدین آز ایشلهمهسینین نیشانهلری تیروئیدین آز ایشلهمه علامتلری موختلیف یاشلاردا فرقلی اولور. درینین قورولوغو, اوشوماق احساسی, چكینین موختصر چوخالماسی, خوشكیت, خانیملارین پریودلاریندا ایختیلال, توكلرین و بعضاً قاشلارین توكولمهسی, قاندا یاغ و فیشارین چوخالماسی, تنگی نفس, ضعیفلیك, یورقونلوق, حالسیزلیق, دیقّتین آزالماسی, عَضولهلرین توتولماسی, بئل آغریسی, اورك دؤیونوشون آزلیغی و بعضاً روح دوشگونلویو تیروئیدین آز ایشلهمه علامتلریندندیر. تیروئیدین آز ایشلهمهسی جوانلیقدا یارانسا ایمكانی وار علامتلری واضح گؤروشمهیه. كؤرپهلرده تیروئیدین آز ایشلهمهسی كؤرپهنین ساریلیغینین اوزونا چكمهسی, خشین آغلاماسی, تغیذیه و سوت یئمهسینده ایختیلال یارانما, بؤیوك دیل و خوشكیتینده گؤروشر كی واختیندان تشخیص وئریلمهسه اوشاغین روشدی و بئینینین كامیللشمهسینه جوبران اولمایان صدمه وورار. كؤرپهلرین هامیسی ایكینجی گوندن بئشینجی گونهجن الكلنمهلیدیلر چونكی ایمكانی وار بعضی كؤرپهلرده اصلاً تیروئیدین آز ایشلهمه علامتی گؤروشمهسین. تیرئیدین آز ایشلهمهسینی نئجه موعالیجه ائتمك اولار؟ تیروئید هورمونونون بدن سلوللارینین ماده موبادیلهسینده چوخ نقشی وار و بدنده تیروئید هورمونو آزالسا, سلوللارین ماده موبادیلهسی موختل اولار و بدنین حیاتی ایشلری یاواشلار. بو ناخوشلوغون درمانی داوا اینن اولور. تیروئید وزی شیدّتلی صدمه گؤرسه و اؤزونو ترمیم ائلهماغا گوجو چاتماسا, ناخوش گرك عؤمرونون آخیرینه قدر داوا یئیه آما بعضی موریدلرده تیروئید ترمیم تاپار و موعالیجهنین ایدامهسینه احتیاج اولماز. |