پیتون ایلانین روحی اینتیقام آلیر !
یازار : میرزه عبدالصمد ملکی | بؤلوم : عمومی
+0 به یه ن
پیتون ایلانین روحینین اونو اؤلدوردوكلری و اتینی یئدیكلری كندلیلردن اینتیقام آلماسی بیر شوخلوغا بنزیر. آسیا اینفونون وئردیگی خبره گؤره, كامبوجون كامپونگسپو اوستانین پریكراساینگ كندینین ساكینلری, بونون قورخوسوندان كی پیتون ایلانینین نوبتی قوربانی اولسونلار, گئجه گوندوزلری یوخدور. كئچن ایل بو كندین ساكینلریندن یئددی نفر, عظمتلی پیتون ایلانینی بیر كیچیك معبدین یاخینلیغیندا تلهیه سالیب و اونو اؤلدوردوكدن سونرا اتینن قوناقلیق یولا سالمیشدیلار. او واختدان بو یانا اونلارین ایكیسی چوخ دهشتلی صورتده اؤلوب, بیر نفرده عاغلین الدن وئریب و دلی اولوب. پریكراساینگ كند شوراسینین عضوی پنومپنپست روزنامهسینه دئدی: اؤلن ایكی نفرین اوستونده ایلان دریسینه بنز فلسلر تاپیلیب. او آرتیردی: ایلانین اتین یئینلردن بیری دلی اولوب و بیریده نارگیل آغاجیندان دوشوب و ال-آیاغی سینیب. منطقه جادوگرلریندن بیری اهالییه هوشدار وئریب كی ایلانین روحی اونو اؤلدوروب یئینلردن اینتیقام آلاجاق. بو ایلین ژولایین 19-دا اؤلنلرین بیرینی قویلایان زمان بالاجا بیر ایلانین اونون تابوتو اوستونه سوزمهسی, هامینی قورخوتدو. اونلار پیتون اینتیقامیندان قورخوب كیچیك ایلانی احتیراملا گؤتوروب یاواشجا اوتلارین اوستونه قویدولار كی چیخیب گئتسین. |
ایش فیشاری اینسانی داغیدار
یازار : میرزه عبدالصمد ملکی | بؤلوم : اجتماعی
+0 به یه ن
ایش و یاشاییش آراسیندا تعادول یاراتماق چوخوموزا چتیندیر. ایشیمیز چوخ اولاندا بیر آز دا چتینلهشر. ائودن ائشیكدهكی حددن آرتیق ایشلر, خانیواده و دوستلار رابیطهلرینی مودیریّت ائلهمك نظره چوخ چتین گلیر. بو وضعیت بیزلرین چوخوندا وار و بونونلا بئله هدفیمیز بودور كی بو فیشارلا ساغلام یاشاییشیمیز اولسون. بوتون انرژیمیز ایش اوچون صرف اولسا روح و بدن ساغلاملیغیمیز چوخ راحات یاددان چیخار. ایشین فیشاری اثرینده بیلمهدن دیقّتیمیز آزالار و ایشیمیزین كیفیتی آشاغی یئنر, ایضطرابا دوچار اولاریق و گئتدیكجن شخصی و ایجتیماعی رابیطهلریمیزه ضرر ووراریق. ایش فیشاری داییمی اولسا بدنین مودافیعه سیستمی ضعیفلر و اینسان جور به جور ناخوشلوقلارا موبتلا اولار. سویوق دگمهدن و بئل آغریسیندان توتدو جور به جور سكتهلر و قورخولو ناخوشلوقلارجن اینسانی تهدید ائدر. ایسترس تكلیكده قان فیشارین چوخالدار. ایسترس اؤز اؤزلوگونده پیس دئییل ! ایسترس موفقیت عامیللریمیزدن بیری ساییلیر, چونكی بیزه آرتیق چالیشماغا انگیزه وئریر. تكجه او زمان ایسترسین ضرری وار كی یاشاییشیمیزن بوتون لحظهلرینی دولدورسون و حتّا كیچیك ایشلر بیزه نیگرانچیلیق گتیره. ایستهسز كی یاشاییش و ایشیزین فیشارینی كونترول ائدهسیز گرك هر شئیده موتعادیل اولاسیز. تعادول سیزه كؤمك ائلر كی شاد و یاخشی ایشلهیهسیز. گوجوزون میقدارینی بیلسز و اونون اساسیندا ایشلریزه یئتیشسز داها موفق اولارسیز. شاید ایش بارهسینده اؤزوزو زورا سالاندا بئله دوشونورسوز كی ایستكلریزه چاتاندا –كی اكثراً مادّی ایستكلر اولار- هامیسینین عوضی چیخار, آما گرك مسألهیه آیری پنجرهدن باخاسیز؛ گؤرهسن اصلاً ارزیشی وار؟ بوردا ایتسرسین آزالتماسی اوچون فایدالی نوكتهلر وار. بو نوكتهلری اوخویوب بو گوندن یاشاییشیزدا ایشه سالین: ایش موحیطینده 1. هر گونكی هدفلریزی آراشدیرین. ایشلریزی اولویّت اساسیندا گؤرون, چونكی آغیر ایشلریزی قورتاراندان سونرا سیزه راحاتلیق احساسی ال وئرر و آیری ایشلریزه چوخ راحات یئتیشه بیلرسیز. هر هانسی بیر ایشده كؤمگه احتیاجیز اولسا چوخ راحات مطرح ائدین. 2. ایشلریزی واختیندا گؤرون و اونلاری دالی ساخلامایین. ایشی دالی سالاندا اولدوغوندان داها چوخ نظره گلیر و شاید سیزی او قدر نیگران ائلیهكی دوشونهسیز اولمایا بو ایشی گؤره بیلمهیهسیز. دوغروداندا چتین ایش اولسا اونو زمان بویو انجام وئرین. ایشین هر بؤلومو قورتولاندان سونرا اؤزوزه ایستیراحت وئرین و قالانینی سونرا انجام وئرین. 5 دقیقه گؤزلریزی یومون و یا دوستلاریزلا دانیشین و ایمكانیزدا اولسا آچیق فضادا قدم وورون. 3. گوندهلیك ایشیز دوغرودان دا چوخ اولسا و سیزی واقیعاً یورسا, رئیسدن ایستهیین كی ایشیزی دگیشسین و یا ایشیزی آزالتسین. ایشیزین میقدار و واختینی تنظیم ائلیه بیلسز دوستلار و خانیوادهایله اولماغا داها چوخ واختیز اولار. 4. گونون موشخص ساعتینی ایشلهیین و بقیّهسین ایستیراحت و خانیوادهیه ایختیصاص وئرین. رئیسیزه ایجازه وئرمهیین سیزین بوش و آزاد واختلاریزدان سوءایستیفاده ائلهسین. بو تكجه سیزسیز كی اؤز آزاد واختیزا تصمیم توتمالیسیز. البته ائلیه بیلرسیز كی رئیسین ایستگینه گؤره ایضافه ایشلهیهسیز آما گرك گؤرهسیز او سیزین آزاد واختیزا نه قدر قیمت وئریر و ایضافه ایشی نهقدر پولون قاباغیندا گؤرورسوز. 5. ایندیلیكده گوندهلیك ایشین واختی دگیشیر. بعضی ایشلرده بو سیزسیز كی تعیین ائلیرسیز كی گونده نئچه ساعت ایشلهیهسیز. سیزین ایشیزین موقعیتی بئله اولسا راحاتلیقلا گوندهلیك ایشیزی موعین ائلیه بیلرسیز. آما بو مسأله گركمز باعیث اولا كی ایشیزی دوزگون یئرینه یئتیرمهیهسیز. شاید سیزین گوجوز او قدر اولا كی 6 ساعتلیق ایشی 3 و یا 4 ساعتده گؤرهسیز آما بو مسأله باعیث اولمامالیدیر كی ایشیزی واختیندا تحویل وئرمهیهسیز. 6. ایشین آراسیندا دینجلین. دینجلماق سیزه سئوینج و انگیزه وئرر. چوخ ایش سیزی یورار و دیقّتیزی آزالدار و باعیث اولار گوجوز آزالسین. بیر آز دینجلمك سیزه كؤمك ائلر كی عصبلریز راحاتلاشسین. 7. گؤردوگوز ایشین سسسیزلیگه احتیاجی اولماسا ایش گؤره-گؤره موسیقییه قولاق آسا بیلرسیز. شاید بو بیر طبیب اوچون دوز اولمایا آما بیر توكانچی و یا حسابدار اوچون فایدالی اولار. ایش یئرینده موسیقییه قولاق آسماغا ایمكانیز اولماسا ائوله ایش آراسی مسیرده موسیقیدن فایدالانین. موسیقی سیزه آرامیش وئرر. 8. همكارلار و رئسیزله یاخشی رابیطهز اولسون. چونكی فیشاردا اولان زمانلار اونلارین كؤمگینه احتیاجیز اولاجاق. 9. صبریز چوخ و شیكایتیز آز اولسون. الیزین آلتینداكیلار و حتّا موشتریلرله داورانیشیز دوز اولسون. هردن اؤزوزو اونلارین یئرینه قویون, اوندا گؤرهجكسیز كی سیزه گلن فیشار آیریلاریندان چوخ دئییل. فایدالی ایشلهمك یوللاری بارهده همكارلاریزلا دانیشین. 10. ایشیزی دوزگون یئرینه گتیره بلمهسز ده نیگران اولمایین. شراییط همیشه بیر اولماز و لازیم دئییل كی سیز همیشه كامیل اولاسیز آما سیز گرك بوتون گوجوزله چالیشاسیز و نتیجهیه اومیدوار اولاسیز. ائوده 1. ائو ایشلرینه برنامهز اولسون. ائوین معمولی ایشلرینی تانییین و هر گون موشخص بیر واختی اونلار اوچون نظرده آلین. 2. بوتون مسؤولیتلری بوینوزا آلمایین. یولداشیزداندا كؤمك آلین و اوندان ایستهیین سیزینله همكارلیق ائلهسین. او دا ائودن ائشیكده ایشلهسه سیزین وضعیتیز داها یاخشی درك ائلر یوخسا, بو سیزسیز كی گرك آیدین صورتده سیزه گلن فیشاری توضیح وئرهسیز. تك یاشاساز برنامه یازماغیز راحت اولار چونكی معمولاً آز فیشار تحمول ائلهمهلی اولارسیز و مسؤولیتیز آز اولار. 3. یوخ دئمكدن قورخمایین. یورقون اولساز خانیواده عضولری و یا دوستلاریزدان ایستهیه بیلرسیز كی سیزی درك ائلهسینلر. البته «یوخ» دئمك جسارتی باعیث اولمامالیدیر كی هئچ مسؤولیت قبول ائلهمیهسیز. سیز گرك آیری فورصتلرده اونو جوبران ائدهسیز. 4. آیریلارین مالی و عاطیفی حیمایتلریندن فایدا آپارین. ایشیزده دوزگون برنامهز اولسا اوستوزدهكی فیشار آزالار و راحاتلیقلا موعاشیرتدن لذّت آپاراسیز. سالیم موعاشیرت سیزین روحی و جیسمی سلامتلیغیزی تضمین ائلر. 5. داعوا دالاشی قیراغا قویون كی ائویز اورگه یاتیم اولسون. نئچه ساعت چتین ایشدن سونرا امنیتلی ائوه گئتمك یاپیشار. خانیوادهزله ایختیلافیز اولسا اونون حلّینه چالیشین . قویمایین حل اولمامیش قالسین. ایختیلاف ذره-ذره سیزی اینجیدر و ائوین موحیطینی سویوق و آغیر ائلر. 6. ورزیشی گوندهلیك برنامه و وظیفهزده نظرده آلین. ایشیزین تحروكی چوخ اولسا دا ورزیشدن ال چكمهیین. اوندان علاوه آیری تفریحلریز ده اولسون. 7. بوش واختلاریزدا سیزی هیجانا گتیرن ایشلر گؤرون كی گوندهلیك ایسترسی آزالداسیز. تفریحی یاشاییشیزدان سیلمهیین. باش قاتماغا بیر شئییز اولسون و اونو علاقهلریزله موناسیب سئچین. مثلاً سینما, تئاتر و طبیعتده دولانماغا گئدین و یا گوندهلیك پیادا یئریماغی برنامهزده یئرلشدیرین. 8. قوناق چاغیرین و قوناق گئدین. شاید دئیهسیز او قدر یورقونسوز كی قوناغا حوصلهز یوخدور. آما بو سیزین روحیهزی دگیشمك اوچون لازیمدیر. 9. ناخوشلوقلاری جیدّی توتون. باشیز آغریسا زورونان اونو تحمول ائتمهیین و هر جوره مقطعی ناخوشلوقلاری موعالیجه ائدین. چونكی اونلارین هر بیری سیزی عصبی ائلیه بیلر. 10. احساس ائلهسز كی همیشه ایضطیرابیز وار و ایشیزه مانع اولور حتماً بیر موشاویرله مشورت ائدین. |
لائوسدا كور و بؤیوك تور آتانین تاپیلماسی*اكتشاف نوع من العناكب العمیاء العملاقة فی «لاوس»
یازار : میرزه عبدالصمد ملکی | بؤلوم : عمومی
+0 به یه ن
آلمانلی موحقیقلر لائوس اؤلكهسینده دونیادا بیرینجی دفعه اولاراق بؤیوك و گؤزو اولمایان بیر شیكارچی تور آتان تاپدیلار. بو تور آتان ایشیق چاتمایان بیر ماغارادا یاشاییر. فرانكفورتون ایسنیكنبرگ تحقیقاتی مؤسیسهنین رئیسی «پیتر ییگر» دئییر: «سینوبودا سكیریون» آد قویولان بو تور آتانین بؤیوكلویو ال یئكهلیكدهدیر و تكجه بدنینین حجمی 12 میلیمتره چاتیر. ییگر توضیح وئریر: بو نوع تور آتان دونیادا معروف اولان تور آتانلارداندیر و بیز آیری ماغارالاردا اونو گؤرموشدوق آما اونلارین گؤزلری و كروموزوم سیستملری واریدی و بو ایلك تور آتاندیر كی گؤزو یوخدور. ییگر دئدی كی قارانلیق ماغارالاردا یاشایان «سینوبودا سكیریون» تور آتانلارین گؤرمه سیستملرینده گؤزلری سككیزدن دؤرده یئنیب سونرا ایكیه و نهایتدهده گؤزلرین الدن وئریبلر. بو تور آتانلارین ماغارادا یاشاماق اوچون بوتون ایمكانتلاری واردیر. منبع: http://www.akherakhbar.info/article.asp?id=20411
اكتشاف نوع من العناكب العمیاء العملاقة فی «لاوس» اكتشف باحثون ألمان فی دولة لاوس الآسیویة، أول عنكبوت صیاد ضخم بلا أعین فی العالم، وهو یعیش فی أحد الكهوف التی لا یصلها ضوء النهار. وقال «بیتر ییجر» رئیس قسم علوم العناكب فی معهد أبحاث سنیكنبیرج فی فرانكفورت، إن العنكبوت ویطلق علیه «سینوبودا سكیریون» یصل حجمه الكلی إلى حجم كف الید ویبلغ حجم الجسم وحده نحو 12 مللیمترا. وأوضح «ییجر» قائلا: «العناكب من هذا النوع معروفة لدینا وقد رأیناها فی كهوف أخرى إلا أنها كانت تتمتع بأعین مبصرة ونظام صبغی كامل، أما هذا فهو العنكبوت الأول الذی لیس له أعین». وبین «ییجر» أن عناكب «سینوبودا سكیریون» التی تعیش داخل الكهوف المظلمة تطور جهاز الرؤیة عندها من ثمانی عیون إلى ست فأربع فاثنتین ثم انتهى إلى اختفاء العیون موضحا بالقول: «العناكب التی وصفتها من قبل فی أبحاثی من نوع (سینوبودا) تظهر جمیع الوسائل الممكنة للتعایش مع الحیاة داخل الكهوف». |
بال آریسینین سانجماسی بو ناخوشلوقلارین درمانی!
یازار : میرزه عبدالصمد ملکی | بؤلوم : ساغلاملیق
+0 به یه ن
آریایله موعالیجه دونیادا طبیعی موعالیجه یوللارینداندیر كی اوزاق ایللردن چین و یونان جماعتی اوندان ایستیفاده ائدیردی و بویونده شیمیایی داوالارین جانیبی عاریضهلرینه گؤره, بو طرز موعالیجه اوروپا و آمریكا اؤلكهلرینده آز خطرلی موعالیجه طرزی كیمی راییج اولوب. اخیر ایللرده اؤلكهمیزدهده راییج اولان بو طرز موعالیجهده آری و اونون تولید ائلهدیگی محصوللاردان او جوملهدن: بال, آری سوتو (ایشچی آریلاریندان باشیندان ترشوح تاپان آغ ماده كی آناش آری اوندان تغذیه ائدر), گول توزو و مومدان موختلیف ناخوشلوقلارین موعالیجهسینه ایستیفاده اولار. موتخصیصلر بو طرزین مُوَفقیتینی موختلیف ناخوشلوقلارین او جوملهدن عصبی سیستمین ناخوشلوقلاری, ام.اس, زونا, روماتیزم, آرتریت و روح دوشگونلویونون موعالیجهسینده ثابیت ائدیبلر. شكسیز بو طرز موعالیجه طبیعی موعالیجه یوللارینین بیریدیر كی ناخوشو شیمیایی داوالارین مصرفی و ایندی راییج اولان موعالیجه طرزلریندن احتیاجسیز ائلیر. آری ایله موعالیجه هر ناخوشا جواب وئرمز آری ایله موعالیجه ائدنلر, ناخوشلارینی بو طرزله موعالیجه ائلهمك اوچون اونلاری موعایینه ائدیب بدن خصوصیتلرینین بو طرز موعالیجهیه جواب وئرمهسینی بیلندن سونرا ایشه باشلیرلار. موعالیجهچیلر ناخوشون موعایینهسیندن علاوه اونون شرح حالین سوروشورلار و اونون تغذیهسی و هضم سیستمینین نئجه ایشلهمهسی و گوندهلیك ورزیشی بارهده ایطیلاعات آلیرلار و اونون فعالیتلرینین موناسیب اولماسیندان موطمئین اولاندان سونرا موعالیجهسینه حاضیرلانیرلار. عین حالدا اونلار ناخوشلارینا توصیه ائدیرلر كی موعالیجهنی باشلایاندان سونرا ایسترسلی موحیطلرده اولماسینلار. موعالیجهچیلر افرادین ناخوشلوقلارینا موتناسیب آری سانجماسی, آری زهری و یا آرینین آیری محصوللاریندان ایستیفاه ائدیرلر. بو موعالیجهچیلر خاص و كونترول اولونموش شراییطده آرینین طبیعی سانجماسی و یا زهرینی, سطحی صورنده بدنه وارید ائدیب موعالیجهیه ایقدام ائدیرلر و ناخوشون مودافیعه سیستمینی تحریك ائلهمكله بو سیستمین تنظیم و موتعادیل اولماسینا كؤمك ائلیرلر. حقیقتده اونلار بال آریسینین زهری اینن بدنده آنتی بادی تولدی ائلیرلر و بدنین مودافیعه سیستمینی یوخاری آپاریرلار. بئلهلیكله بدنین مودافیعه سیستمی آرینین زهری ایله موباریزه اوچون تحریك اولور و بو سیستمین تحریك اولماسیایله بدن ام.اس كیمی آیری ناخشلوقلارین قاباغیندا دا قودرت تاپیر. بو نوكتهلره دیقّت ائدین آری ایله موعالیجهیه باشلامامیشدان بونلارا عمل ائلهمهلیسیز. بو نوكتهلری رعایت ائلهمهمك سیزین اؤلوموزه مونجر اولا بیلر. تزریق اولان یئری تمیزلهمك اوچون دیفن هیدرامین كیمی الكولی اولان مادهلردن ایستیفاده ائتمهیین, چونكی آری زهری اصلاً الكوللا توتماز. حامیلهلیك و پریود زمانی بو موعالیجهدن ایستیفاده ائتمهیین. بو عاریضهلر طبیعیدیر آری ایله موعالیجهنین بیر سئری عاریضهلری وار كی ائلهده نیگران ائدن دئییل. مثلاً آری ایله موعالیجهدن سونرا یوخو ایختیلالی, قاشینما, اورك بولانما و قیزیشما اولا بیلر كی نیگرانچیلیق یئری یوخدور و بیر ایكی گونه قدر آرادان گئدرلر. تزریق یئرینین قاشینماسینی آزالتماق اوچون یوغورت و سیدر خمیری فایدالی اولار. |
سایتلارین آختاریش موتورلاریله ایشلهمهسینی یاخشیلاشدیرماق اوچون, گوگل بیر بلدچی (راهنوما) بوراخدی*ج
یازار : میرزه عبدالصمد ملکی | بؤلوم : تكنولوژی
+0 به یه ن
اینترنت سایتلاری آختاریش موتورلاریله ایشلهمهسینی یاخشیلاشدیرماق اوچون گوگل تازا بیر بلدچی (راهنوما) بوراخدی. گوگل اؤز رسمی سایتیندا مطلبلرین موبایل طریقی ایله نئجه یاخشی و دوزگون آرشیو ائلهمهسی بارهده, سایت مودریرلرینین سوآللارینا جواب وئردی. گوگلین بلدچیسی موختلیف موضوعلاردا سایتلارین آختاریش موتورلاریله ایشلهمهسینی توضیح وئریب, مثلاً سیزین اینتیرنتدهكی سایتیزین آختاریش موتورلاری طرفیندن تاپیلماسی, سایتی تانیتدیرماق اوچون عنوانلار و علامتلرین نئجه یازیلماسی, موبایلا مخصوص اولان قیسمته آرتیرماق و آیری مطلبلر. هابئله, سایتلارین آرختاریش موتورلاریله موناسیب اولماسی اوچون دقیق و موشخص صفحهلرین یاراتماسینی, داها راحات صورتده حركتی, سایتین اساسینی یاخشیلاشدیرماق اوچون دوزگون توصیفی علامتلردن ایستیفاده ائتمك, «URL» آدرسلرینی یاخشیلاشدیرماق, مضمونو ایرائه وئرمكده داها یوخاری كیفیتده خدمات وئرمك و ساییر موضوعلاردا یازیلار وار. بلدچی سایتلارین كیچیك و بؤیوكلویو و یا نوعوندان آسیلی اولمایاراق گوگل سایتیندا هامینین ایستیفادهسی اوچون قویولوب. منبع: http://www.akherakhbar.info/article.asp?id=20414
جوجل» تصدر دلیلا إرشادیًا لتحسین توافق المواقع مع محركات البحث أصدرت «جوجل» دلیلاً إرشادیًا جدیدًا لتحسین توافق مواقع الإنترنت مع محركات البحث المختلفة. وأجابت «جوجل»، عبر مدونتها الرسمیة، على تساؤلات مشرفی المواقع حول كیفیة أرشفة المحتوى بشكل سلیم وفعال بجانب التوافقیة مع الهواتف. ویتناول دلیل «جوجل» لتحسین توافق المواقع مع محركات البحث عدة موضوعات، مثل التأكد من إمكانیة وصول محركات البحث إلى موقعك على الویب، وكیفیة إنشاء عناوین وعلامات وصفیة رائعة، بالإضافة إلى قسم مخصص لمحتوى الجوال، ومواضیع أخرى. وتتضمن نصائح تحسین المحتوى للتوافق مع محركات البحث فی إنشاء عناوین صفحات ممیزة ودقیقة واستخدام علامات وصفیة بجانب تحسین بنیة الموقع وعناوین «URL»، وإتاحة التنقل بشكل أسهل بالإضافة إلى تقدیم محتوى وخدمات عالیة الجودة وغیرها الكثیر من النصائح. ویعد الدلیل المتاح على مدونة جوجل العربیة مصدرا لجمیع مشرفی المواقع وأی موقع ویب، بغض النظر عن حجمه أو نوعه |