دونیانین لاپ عجیب بالیغی: اینسانا بنزر بالیق !
یازار : میرزه عبدالصمد ملکی | بؤلوم : عمومی
+0 به یه ن
 |
||
|
دونیانین باشا-باشیندا بالیقلارین بدن سیستمی ائله‌دیر كی آیری حیوانلارلا فرقلی اولسون. بو فرق هم ظاهیرده و هم بدنلری‌نین داخیلی سیستملرینده اولور. ایستی سولاردا تازا بوینوزلو بالیق یاشیر كی تازالیقدا منطقه‌نین یئرلی آداملاری طرفیندن شیكار اولوب و بؤیوك بورنو وار. حقیقتده بو بالیغین باشی چوخ عجیب صورتده ناراضی اینسانین اوزونه بنزیر. البته بوروندان منظور بو دئییل كی دوغرودان بورنو اولسون بلكه بوینوزا بنزر بیر زاییده‌دیر كی بو بالیغین باشی‌نین قاباغیندا یئرله‌شیب. بو بوینوز بیر آدام بورنونو, اینسانین ذهنینه تداعی ائلیر. قاباقلار بو بالیقلار تانینمیشدیلار آما بورونلاری قیسا اولوردی, آما عالیملرین دئدیگینه گؤره بو نوع, ژنتیكی دگیشمه‌لره گؤره بورونلاری اوزانیب. بو نوع بالیق چوخراق هند و آرام اوقیانوسونداكی بیتكیلرین آراسیندا تاپیلیر. اوزونلوقلاری تقریباً 25 اینچ اولور. | ||
نه‌واخت و هاردا موطالیعه ائدك؟
یازار : میرزه عبدالصمد ملکی | بؤلوم : اجتماعی
+0 به یه ن
|
|
||
|
موطالیعه میقدارینی تعیین ائله‌مگه هئچ قانون یوخدور, آما موطالیعه‌نین واختی اوزون اولمامالیدیر. چالیشین بیر ساعت یاریم موطالیعه‌دن سونرا بیر آز دینجله‌سیز. موختلیف افرادین فرقلی هوش و حؤصله‌سی وار. دیقّت لازیم اولان موطالیعه‌لری یوخودان سونرا ائدین. موطالیعه‌نین اَن یاخشی واختی –كی اؤرگشماغین میقداری یوخاریدیر- سحر تئزدن (آییلماقدان یاریم ساعت سونرا) و آخشام اولور. گونون باتماسینا ایكی ساعت قالمیش كیهانی اشعه‌نین آزالماسینا گؤره و گونون یئرله رابیطه‌سی‌نین نوعینه گؤره, حواسّین ایختیلالی آزالار و اؤرگشماق داها یاخشی اولار. گئجه‌نین آخیر ساعتلرینی ائله موطالیعه‌لر ائدین كی ذهنی فعالیته احتیاجی اولماسین و اونلارا علاقه‌ز اولسون. گئجه‌نین آخیری بونا گؤره كی یوخودان سونرا یاتیرسیز, مطلبلرین فورصتی اولور ساغ یاریم‌كوره‌دن (قیسا مودّت حافیظه یئری) سول یاریم‌كوره‌یه (اوزون مودّت حافیظه یئری) وارید اولسونلار. چوخ آج و یا چوخ توخ اولاندا موطالیعه ائله‌مه‌یین چونكی اؤرگشماغی آزالدار. اورگیز گئتسه شیرین بیر زاد یئیین. موطالیعه یئری‌نین حرارتی و رطوبتی موناسیب اولمالیدیر. رطوبت 50 درصد و حرارت‌ده نه چوخ سویوق و نه چوخ ایستی. (23-19 درجه) موطالیعه یئرین ایشیغی موناسیب اولمالیدیر. گوندوزون ایشیغی اَن یاخشی ایشیقدیر, آما گئجه‌لر موطالیعه ائله‌سیز چالیشین ساری و آغ ایشقدان بیر یئرده ایستیفاده ائده‌سیز. موناسیب ایشیق 400 لوكسدیر. (بیر دانا 18 واتلیق كم‌مصرف لامپین 200 لوكس ایشیغی اولار.) موطالیعه یئری ساكیت و آرام اولمالیدیر. سس-صدالی و شولوق یئرده موطالیعه ائتمه‌یین. موطالیعه یئری ایمكان داخیلینده ثابیت و دگیشمز اولمالیدیر. چالیشین اؤزوزو ثابیت و یكنواخت موحیطه عادت وئره‌سیز. گؤرماق فضاسی هر نه‌قدر آز اولسا بیر او قدر دیقّتیز چوخ اولار. موطالیعه اوچون ثابیت و خاص بیر یئریز اولسون و چالیشین مونظم و تمیز اولسون. تلویزیون, رادیو و تیلیفون كیمی زادلاری كی دیقّتیزی داغیلدا بیلر موطالیعه یئرینه قویمایین. یاخشیسی بودور كی موطالیعه اوچون میز و صندلدن ایستیفاده ائده‌سیز. هئچ واخت یورقان دوشكده موطالیعه ائتمه‌یین. اؤرگشماق ایختیلالین آرادان آپارماق اوچون مخصوصاً نشتاب واختی بیر لیوان ایچمه‌لی و یا میوه سویو ایچین. موطالیعه واختی راحات پالتار گئیین. موطالیعه واختی هوشوز باشیزدا اولسون. بعضیلری موطالیعه واختی آییق اولارلار آما هوشلری باشلاریندا اولماز. موطالیعه اوچون بدنی و ذهنی حاضیرلیق لازیمدیر. بللی‌دیر كی ذهنی و روانی حاضیرلیغین جیسمی حاضیرلیغا اوستونلویو وار. موطالیعه‌دن ایكی دقیقه قاباق موطالیعه و اونا مربوط اولان زادلارا فیكیرلشین, سونرا بئش دفعه درین نفس چكین, بیر آز ساخلایین سونرا اؤتورون. | ||
یوسون آدیندا بیر غذا
یازار : میرزه عبدالصمد ملکی | بؤلوم : ساغلاملیق
+0 به یه ن
|
|
||
|
اون ایل اولار كی عالیملر دریا یوسونلارین (جؤلبكلرین) اهمیّتینی بیلیبلر و بو یوسونلارین ایچینده «chlorella» یوسونونون اهمیّتی هامیسیندان چوخدور كی بیر اعلا غذایی ماده كیمی تانینیب. حقیقتده اونلاری بیر كامیل غذایی ماده كیمی تانیماق اولار چونكی اوندا كلوروفیل, B ویتامینی, Cویتامینی, E ویتامینی, بتاكاروتن, آمینه اسید, منیزیوم, دمیر, معدنی ماده‌لر, كربوهیدرات و چوخلی پروتئین (50 درصددن چوخ) اولور. هابئله بدنده اولان زهرلرله قاریشیب و اونلاری ائشیگه هیدایت ائلر. یوخاری پروتئینینه گؤره بیتكی‌یئینلر اوچون موناسیب سئچیمدیر. «chlorella» یوسونونون موهوم خاصیّتی بدنین زهرین آلماقدیر. بعضی آراشدیرمالار گؤرسدیر كی بو یوسون آغیر فیلیزلری بدندن دفع ائدر و باعیث اولار بدنین بافتلاری آز صدمه گؤرسون. بو قابیلیّتین اهمیتی اوردا بیلینیر كی آغیر فیلیزلر هله-هله بافتلاردان آیریلمازلار و بونا گؤره خاص صنایعده ایشله‌ینلر اوچون و یا تشعشوعات معرضینده اولانلار اوچون یوخاری اهمیتی وار. آیری طرفدن دریالارین چیركلنمه نتیجه‌سینده بعضی بالیقلارین بدنی جیوه‌یه آلوده اولور و آراشدیرمالار نیشان وئریرلر كی سرطانی سلوللارین چوخوندا جیوه اولور. آلزایمر ناخوشلوغو و عاغیل ایتیرمه داها چوخ آغیر فیلیزلردن مسموم اولان شخصلرده گؤروشور. «chlorella» یوسونو, قانی تمیزلر و قان جریانیندا اوكسیژنی سهمانا سالار. اونون مصرفی ایله بدن قلیایی اولار و اسیدوز حالتی (قان و بافتلاردا PH-ین آزالماسی) آرادان گئدر. بونلاردان علاوه قان فیشاری, آغری و ایلتهابی آزالدار و بدنین مودافیعه سیستمینی گوجلندیرر. | ||
قلب جراحی و میكانیك * جراح القلب والمیكانیكی
یازار : میرزه عبدالصمد ملکی | بؤلوم : عمومی
+0 به یه ن
|
|
||
|
بیر قلب جراحی اؤز ماشینینی میكانیك یانینا آپارمیشدی و باخدیریردی. میكانیك ماشینین ماتورون آچمیشدی و بعضی زادلاری دگیشیب بعضیسینی تعمیر ائدیردی. میكانیك طبیب یاخینلاشدی و دئدی: ایجازه وار بیر سؤز سوروشام؟ طبیب احتیاطلا دئدی: بویور سوروش. پس میكانیك دئدی: سن اوركلری جراحلیق ائدیرسن و منده عیناً سنه تای ماشینلارین اورگینه باخیرام و جراحلیق ائلیرم . . پس سن نیه او قدر چوخ پول قازانیرسان و من بو قدر آز؟ طبیب میكانیكه یاخینلاشدی و چوخ آرام قولاغینا پیچیلدادی: گوجون چاتسا ماتورو خاموشلامامیش اونو تعمیر و جراحلیق ائله ! منبع: http://www.taamolat.com/2012/08/blog-post_15.html جراح القلب والمیكانیكی بینما كان طبیب جراحة القلب یصلح سیارته عند المیكانیكی، كان المیكانیكی یفتح محرك سیارة الطبیب ویبدل فیه بعض الأشیاء و یصلح البعض الآخر. فأقترب المیكانیكی للطبیب وقال له :أتسمح لی بأن أسألك سؤال فقال الطبیب بحذر : تفضل اسأل فقال المیكانیكی : أنت تجری العملیات على القلوب وأنا أیضاً أُجری الصیانة والتصلیحات والعملیات على قلوب السیارات مثلك تماما ؟ ...فلماذا تكسب أنت الكثیر من الأموال بینما نحن مكسبنا أقل منكم بكثیر! فاقترب الطبیب من المیكانیكی وهمس فی أذنه بكل هدوء : ( إذا كنت تستطیع )حاول ان تصلحها دون ان تطفئ المحرك ! | ||
ایمام صادقین (ع) 400 كیتابی
یازار : میرزه عبدالصمد ملکی | بؤلوم : دین
+0 به یه ن
|
|
||
|
شهید اوّل «الذكری» كیتابین موقدمه‌سینده یازیر: ایمام صادیق (ع) اؤزلری شخصاً 400 كیتاب یازیبلار. تأسوفله ایمام صادقین كیتابلاری آرادان گئدیب و موختلیف دؤره‌لرده ضید شیعه جریانلاری طرفیندن محو ائدیلیب. تأسوف یئری وار كی رحمتلیك صدیق "من لایحضر الفقیه" كیتابیندا دئییر كی منده ایماملارین ال یازیسی وار, آما ایندی اهمال و دیقّتسیزلیك اثرینده آرادان گئدیب و بیزه چاتماییب. بیز بورادا نئچه كیتاب كی ایندی وار و ایمام صادقه (ع) منسوب اولور تانیتدیراجاغیق. ایمام صادیقه (ع) منسوب اولان كیتابلارا كیچیك ایشاره. آللاهین رسولوندان صلی الله علیه و آله سونرا معصوملارین بقیه‌سی كیتاب یازاردیلار و اؤزلریندن علاوه صحابه‌لرینی‌ده یازماغا تشویق ائدردیلر. ایماملارین ایچینده شاید ایمام صادق (ع) اونلارین هامیسیندان چوخ كیتاب یازیب, نئجه كی آیریلاریندان چوخ حدیث بویوروب.
آیری كیتابلار وار كی اونلار دا ایمام صادقه (ع) نیسبت وئریلیرلر مثلاً "توحید مفضل"، "رساله اهلیلجیه"، " نجاشی‌یه ریساله " ،" بعضی صحابه‌یه ریساله" و... | ||
