طبیعی بال و یا مصنوعی بال
یازار : میرزه عبدالصمد ملکی | بؤلوم : ساغلاملیق
+0 به یه ن
 |
||
|
آما اصل بالی تقلوبی بالدان نئجه تشخیص وئرمك اولار؟ چوخلو یوللار بونون اوچون دئییرلر؛ مثلاً بیری دئییر كی بیر بال شكرك چالسا اصل دئییل، بیری دئیر كی اصل بالی اوستدن آشاغیا تؤكسن ریشته‌سی قیریلماز، آما دئمه‌لی‌ییك كی بو یوللارین هئچ بیری اصل بالین تشخیصی اوچون ایش وئرمز. طبیعی و خالیص بال شكرك چالمالیدیر. دئمك اولار كی طبیعی بالی فقط و فقط لابراتواردا تشخیص وئرمك اولار. مصنوعی بال دوزلتمگه چوخلو یوللار وار, اوراجن كی سیزی بیر پتك كنارینا آپاریب گؤرستسه‌لر ده دئمك اولماز كی پتگین اوستونده‌كی بال حتماً طبیعیدیر. مصنوعی بال دوزلتماغین بیر یولو بودور كی گلوكوزلو موادّی سودا و بیتكی شیره‌سینده حل ائدیرلر و مصنوعی بال اله گلیر. آیری یولو بودور كی آریلار گول عوضینه قندابلا تغذیه اولالار. بالین طبیعی اولوب اولماماسینی تشخیص وئرمك اوچون آیری یوللاردان بیر آز ایطمینانلی یول بودور كی بالی سرین سویون ایچینه تؤكه‌سن. بالین قطره‌لری سودا حل اولماسا و سویون تكینه یاتسا، بو احتیمال كی بو بال طبیعی اولسون چوخدو. |
||
یئركؤكو یئمك سوموك سینما‌نین قاباغین آلار
یازار : میرزه عبدالصمد ملکی | بؤلوم : ساغلاملیق
+0 به یه ن
|
||
|
سنگاپورلی موحقی Osteoporosis International مجله‌سی‌نین یازدیغینا گؤره, سنگاپور دانیشگاهی‌نین بهداشت ویزارتی موحقیقلری بیر تحقیقده, كارتنویید عاییله‌سیندن اولان ساری میوه و گؤیلر, باره‌سینده تازا بیلگیلر تاپیبلار. كارتنوییدلر یاغدا حل اولان طبیعی رنگ‌وئرنلردیلر كی چوخراق بیتكیلرده, یوسونلاردا و فتوسنتز ائدن باكتریلرده اولارلار. كارتونییدلر میوه‌لر, گوللر و یارپاقلاردا ساری, قیرمیزی و نارینجی رنگلرین عامیلیدیلر. بو تحقیق گؤرسدیر كی یئركؤكویه تای بتاكاروتنلی میوه و گؤیلری یئمك –كی بدنده A ویتامینینه تبدیل اولور- آریق كیشیلرده اومبا سومویونون سینماسی‌نین قاباغین آلیر و بو بیر حالدادیر كی همن میوه و گؤیلرین خانیملاردا بو تأثیری اولمور. بدنده بتاكاروتن ذخیره‌سی كیفایت قدر اولماسا, مودافیعه سیستمی ضعیفلر و ناخوشلوقلارین قاباغین آلا بیلمز و بئله‌لیكله بدن جور به جور عفونتلر معرضینده اولا بیلر. توت ساری, نارینجی و قیرمیزی اولان میوه و گؤیلرده بتاكاروتن چوخ اولار و اوندان علاوه یاغ و كالوریلری آز اولار. میوه و گؤیون نه قدر قیرمیزی, نارینجی و ساری رنگی توت اولسا, اونون بتاكاروتنی داها چوخدور. |
||
ائوده‌كی زلزله تدبیرلری
یازار : میرزه عبدالصمد ملکی | بؤلوم : ساغلاملیق
+0 به یه ن
|
||
|
هركس بیلیر كی اولكه‌میز زلزله خطینده یئرلشیر. بو دوروم, زلزله‌یه قارشی حاضیرلیقلی اولمامیزین گركلی اولدوغونو گؤستریر. زلزله‌نین نه زمان اولاجاغی هله هئچ كسین طرفیندن اؤن گؤروله بیلینمیر. بو دا هر آن زلزله اولاجاق كیمی همیشه تدبیرلی و حاضیر اولمامیزی گركلی ائدیر. طبیعتاً همیشه بئله بیر گؤزله‌مه ایچینده اولماق اینسانلاری روحی جهتدن اذیت ائدر. دئمك ایسته‌دیگیمیز بودور كی ائولریمیز همیشه زلزله‌یه حاضیر اولمالیدیر. آلدیغیمیز بعضی ساده تدبیرلر باعیث اولار احتمالی زلزله‌ده اَن آز ضرری گؤرك. بو ساده تدبیرلر نه‌دیر؟ 1. بیرینجی بودور كی ائویزی حتماً زلزله قارشیسیندا بیمه ائدین. بونو ائله‌مه‌سز بؤیوك مادی ضرر گؤره بیلرسیز. 2. زلزله اثرینده دنگه‌سینی الدن وئریب ییخیلا بیلن اشیالاری یئره و یا دیوارا بركیدین. چوخلاری زلزله زمانی ییخیلان ویترین كیمی اشیالارین اثرینده یارالانیر. عین زماندا چوخ سئودیگیمیز اشیالارا دا بؤیوك ضرر گلر. 3. آپارتومان ائولرده زلزله زمانی پنجره‌دن حیاطه چیخماق ایمكانی یوخدور. بونا گؤره پالتار یویان ماشینی, یخچل كیمی وساییلین -كی سیزی زلزله زمانی قورتارا بیلر- اطرافینی بوش قویون. زلزله زمانیندا بو اشیالارین اطرافیندا جنین فورموندا اوتوروب گؤزله‌یین. 4. ایمكانیزدا اولسا برق, سو و قازی قطع ائله‌ماق اوچون اوتوماتیك سیستملردن ایستیفاده ائدین. بو ایشله زلزله زمانی میدانا گلن حادیثه‌لرین چوخونون قارشی‌سینی آلمیش اولورسوز. 5. زلزله زمانی پیلّه‌لردن, پنجره‌لردن, ییخیلان اشیالاردان و بالكونلاردان اوزاق دورون. 6. یاتاق و تختلریزی پولاد قفس آلتینا آلا بیلرسیز. 7. یئنی ائو تیكدیرسیز و یا یئنی ائو آلسیز یئر و مصالح باخیمیندان زلزله قارشیسیندا موقاویم اولماسینا دیقّت یئتیرین. 8. ائوده راحت ال چاتا بیلن یئرده ایلكین كؤمكلر كیفی ساخلایین. بو كیفین ایچینده ایلكین كؤمكلر لوازیمی, ال چیراغی, ایمكانی اولسا بیر چادیر, یاتما كیسه‌سی, حصیر, كالوروسو چوخ اولان قورو یئمكلر (قورو اوزوم و . . .) و ایضافه باتری كیمی زلزله زمانی لازیم اولان وساییل ساخلایا بیلرسیز. ایمكانی اولسا بو كیفی چیخیش قاپی‌یا یاخین قویون. 9. عاییله‌زله زلزله زمانی نه ایشلر گؤره‌جگیزین نقشه‌سین چكین. حتّا بونو نئچه دفعه تمرین ائدین. 10. ایلكین كؤمكلری اؤیرنین. 11. حتماً ائویزده بیر اود سؤندورن كپسول ساخلایین و اونو مونظم اولاراق شارژ ائدین. 12. ائوده‌كی سینان اشیالاری اوجا یئره قویمایین. 13. عاجیل و ایضطیراری شوماره‌لرین لیستینی یازیب الده قویون و ائلیه بیلسز ازبرله‌یین. 14. رسمی یئرلرین خبرلرینی زلزله موریدینده تعقیب ائدین و ایمكانیزدا اولسا اونلارین قوردوغو كیلاسلار و دؤره‌لرده شیركت ائدین. 15. یادیزدا اولسون زلزله زمانی سیزه بیر شئی اولماسا دا, قونشولاریزین و یا آیری اینسانلارین كؤمگه احتیاجی اولا بیلر.
زلزله‌سیز بیر دونیا آرزولاریق آما طبیعتین بو آرزوموزو بوشا چیخارتدیغینی بیلیریك. بونا گؤره همیشه زلزله‌یه حاضیر اولمالی‌ییق. |
||
تیرپ مثانه داشین سیندیرار
یازار : میرزه عبدالصمد ملکی | بؤلوم : ساغلاملیق
+0 به یه ن
|
||
|
|
||
اؤلوم خطری اولان بیتكیلر
یازار : میرزه عبدالصمد ملکی | بؤلوم : ساغلاملیق
+0 به یه ن
|
||
|
بعضی آپارتومان گوللری مسمومیته سبب اولا بیلر. ائله كی اوشاقلارین مسمومیِتینه سبب اولان شایع عامیللرین بیری‌ده ائله بیتكیلر اثرینده مسموم اولماقدیر. بیر بیتكی‌نین حیوانلار طرفیندن یئییلمه‌سی اونون غیری سمّی اولماسینا دلیل اولا بیلمز. بیر بیتكی‌نین یارپاغی, گولو و سغه‌سی اوشاقلار طرفیندن اودولسا فوراً بیر درمان مركزیندن مشورت آلین. زقّوم, دیفن باخیا, یوكسوك اوتو, آزالیا, بالدیران اوتو و گنه‌گرچك كیمی بیتكیلردن مسمومیّت, اؤلومه باعیث اولا بیلر.
آز یاشلی اوشاق اولان ائولرده بو نوع بیتكیلرین ساخلانماسی دوزگون دئییل و اولورسا دا اوشاقلارین الیندن اوزاقدا اولمالیدیر. حتّا بعضی درمان بیتكیلری‌ده حدیندن آرتیق ایستیفاده اولونسا مسمومیّت و اؤلومه سبب اولا بیلر. اوكالیپتوس بخورونون یئییلمه‌سی (حتّا بیر قاشیق) اؤلدوروجو اولا بیلر. بو مسمویّتده قوسماق دوزگون دئییل و ناخوش فوراً مریض‌خانایا چاتدیریلمالیدیر.
زقّوم گولو
دیفن باخیا
یوكسوك اوتو (yüksük otu)
گنه گرچك (gənəgərçək)
بالدیران اوتو
آزالیا
اوكالیپتوس |
||
