بال آریسی‌نین سانجماسی بو ناخوشلوقلارین درمانی!
یازار : میرزه عبدالصمد ملکی | بؤلوم : ساغلاملیق
+0 به یه ن
 |
||
|
آری‌ایله موعالیجه دونیادا طبیعی موعالیجه یوللارینداندیر كی اوزاق ایللردن چین و یونان جماعتی اوندان ایستیفاده ائدیردی و بویون‌ده شیمیایی داوالارین جانیبی عاریضه‌لرینه گؤره, بو طرز موعالیجه اوروپا و آمریكا اؤلكه‌لرینده آز خطرلی موعالیجه طرزی كیمی راییج اولوب. اخیر ایللرده اؤلكه‌میزده‌ده راییج اولان بو طرز موعالیجه‌ده آری و اونون تولید ائله‌دیگی محصوللاردان او جومله‌دن: بال, آری سوتو (ایشچی آریلاریندان باشیندان ترشوح تاپان آغ ماده كی آناش آری اوندان تغذیه ائدر), گول توزو و مومدان موختلیف ناخوشلوقلارین موعالیجه‌سینه ایستیفاده اولار. موتخصیصلر بو طرزین مُوَفقیتینی موختلیف ناخوشلوقلارین او جومله‌دن عصبی سیستمین ناخوشلوقلاری, ام.اس, زونا, روماتیزم, آرتریت و روح دوشگونلویونون موعالیجه‌سینده ثابیت ائدیبلر. شكسیز بو طرز موعالیجه طبیعی موعالیجه یوللاری‌نین بیریدیر كی ناخوشو شیمیایی داوالارین مصرفی و ایندی راییج اولان موعالیجه طرزلریندن احتیاجسیز ائلیر. آری ایله موعالیجه هر ناخوشا جواب وئرمز آری ایله موعالیجه ائدنلر, ناخوشلارینی بو طرزله موعالیجه ائله‌مك اوچون اونلاری موعایینه ائدیب بدن خصوصیتلری‌نین بو طرز موعالیجه‌یه جواب وئرمه‌سینی بیلندن سونرا ایشه باشلیرلار. موعالیجه‌چیلر ناخوشون موعایینه‌سیندن علاوه اونون شرح حالین سوروشورلار و اونون تغذیه‌سی و هضم سیستمی‌نین نئجه ایشله‌مه‌سی و گونده‌لیك ورزیشی باره‌ده ایطیلاعات آلیرلار و اونون فعالیتلری‌نین موناسیب اولماسیندان موطمئین اولاندان سونرا موعالیجه‌سینه حاضیرلانیرلار. عین حالدا اونلار ناخوشلارینا توصیه ائدیرلر كی موعالیجه‌نی باشلایاندان سونرا ایسترسلی موحیطلرده اولماسینلار. موعالیجه‌چیلر افرادین ناخوشلوقلارینا موتناسیب آری سانجماسی, آری زهری و یا آری‌نین آیری محصوللاریندان ایستیفاه ائدیرلر. بو موعالیجه‌چیلر خاص و كونترول اولونموش شراییطده آری‌نین طبیعی سانجماسی و یا زهرینی, سطحی صورنده بدنه وارید ائدیب موعالیجه‌یه ایقدام ائدیرلر و ناخوشون مودافیعه سیستمینی تحریك ائله‌مكله بو سیستمین تنظیم و موتعادیل اولماسینا كؤمك ائلیرلر. حقیقتده اونلار بال آریسی‌نین زهری اینن بدنده آنتی بادی تولدی ائلیرلر و بدنین مودافیعه سیستمینی یوخاری آپاریرلار. بئله‌لیكله بدنین مودافیعه سیستمی آری‌نین زهری ایله موباریزه اوچون تحریك اولور و بو سیستمین تحریك اولماسی‌ایله بدن ام.اس كیمی آیری ناخشلوقلارین قاباغیندا دا قودرت تاپیر. بو نوكته‌لره دیقّت ائدین آری ایله موعالیجه‌یه باشلامامیشدان بونلارا عمل ائله‌مه‌لیسیز. بو نوكته‌لری رعایت ائله‌مه‌مك سیزین اؤلوموزه مونجر اولا بیلر. تزریق اولان یئری تمیزله‌مك اوچون دیفن هیدرامین كیمی الكولی اولان ماده‌لردن ایستیفاده ائتمه‌یین, چونكی آری زهری اصلاً الكوللا توتماز. حامیله‌لیك و پریود زمانی بو موعالیجه‌دن ایستیفاده ائتمه‌یین. بو عاریضه‌لر طبیعیدیر آری ایله موعالیجه‌نین بیر سئری عاریضه‌لری وار كی ائله‌ده نیگران ائدن دئییل. مثلاً آری ایله موعالیجه‌دن سونرا یوخو ایختیلالی, قاشینما, اورك بولانما و قیزیشما اولا بیلر كی نیگرانچیلیق یئری یوخدور و بیر ایكی گونه قدر آرادان گئدرلر. تزریق یئری‌نین قاشینماسینی آزالتماق اوچون یوغورت و سیدر خمیری فایدالی اولار. | ||
هانسی اوشاقلارین IQسی آشاغی اولار؟
یازار : میرزه عبدالصمد ملکی | بؤلوم : ساغلاملیق
+0 به یه ن
|
|
||
|
آنالار حامیله‌لیك زمانیندا هیپوتیروئیدلری اولسا (تیروئیدلری آز ایشله‌سه) دونیایا گلن اوشاغین IQسی آشاغی اولار. حامیله‌لیگه قصدلری اولانلار و یا حامیله اولانلارین گرك تیروئیدلری آزماییش اولسون چونكی تیروئیدین آز ایشله‌مه‌سی اوشاغین IQسینا چوخ تأثیر قویار. بو ناخوشلوغون آدی «هاشیموتو»دور و خانیملاردا نیسبت آقالارا گؤره داها چوخ شایع اولور. تیروئیدین آز ایشله‌مه‌سی‌نین نئچه عامیلی اولا بیلر او جومله‌دن: تیرئید جراحلیغی و اونون بیر پارچاسینی گؤتورمك, تیروئیدین چوخ ایشله‌مه‌سینه گؤره رادیواكتیو یودون تزریقی و نهایتده یودون آزلیغی. بعضی آنزیم ایختیلال‌لاری دا تیروئید هورمونلارین دوزلتمه‌سینده ایختیلال یارادیب و تیروئیدین آز ایشله‌مه‌سینه باعیث اولورلار. تیروئیدین آنادان گلمه آز ایشله‌مه‌سی بونا خاطیر اولور كی جنین دورانیندا تیروئید وزی تشكیل تاپمیر. تیروئیدین آز ایشله‌مه‌سی‌نین نیشانه‌لری تیروئیدین آز ایشله‌مه علامتلری موختلیف یاشلاردا فرقلی اولور. دری‌نین قورولوغو, اوشوماق احساسی, چكی‌نین موختصر چوخالماسی, خوشكیت, خانیملارین پریودلاریندا ایختیلال, توكلرین و بعضاً قاشلارین توكولمه‌سی, قاندا یاغ و فیشارین چوخالماسی, تنگی نفس, ضعیفلیك, یورقونلوق, حالسیزلیق, دیقّتین آزالماسی, عَضوله‌لرین توتولماسی, بئل آغریسی, اورك دؤیونوشون آزلیغی و بعضاً روح دوشگونلویو تیروئیدین آز ایشله‌مه علامتلریندندیر. تیروئیدین آز ایشله‌مه‌سی جوانلیقدا یارانسا ایمكانی وار علامتلری واضح گؤروشمه‌یه. كؤرپه‌لرده تیروئیدین آز ایشله‌مه‌سی كؤرپه‌نین ساریلیغی‌نین اوزونا چكمه‌سی, خشین آغلاماسی, تغیذیه و سوت یئمه‌سینده ایختیلال یارانما, بؤیوك دیل و خوشكیتینده گؤروشر كی واختیندان تشخیص وئریلمه‌سه اوشاغین روشدی و بئینینین كامیللشمه‌سینه جوبران اولمایان صدمه وورار. كؤرپه‌لرین هامیسی ایكینجی گوندن بئشینجی گونه‌جن الكلنمه‌لیدیلر چونكی ایمكانی وار بعضی كؤرپه‌لرده اصلاً تیروئیدین آز ایشله‌مه علامتی گؤروشمه‌سین. تیرئیدین آز ایشله‌مه‌سینی نئجه موعالیجه ائتمك اولار؟ تیروئید هورمونونون بدن سلوللاری‌نین ماده موبادیله‌سینده چوخ نقشی وار و بدنده تیروئید هورمونو آزالسا, سلوللارین ماده موبادیله‌سی موختل اولار و بدنین حیاتی ایشلری یاواشلار. بو ناخوشلوغون درمانی داوا اینن اولور. تیروئید وزی شیدّتلی صدمه گؤرسه و اؤزونو ترمیم ائله‌ماغا گوجو چاتماسا, ناخوش گرك عؤمرونون آخیرینه قدر داوا یئیه آما بعضی موریدلرده تیروئید ترمیم تاپار و موعالیجه‌نین ایدامه‌سینه احتیاج اولماز. | ||
سزارینین كؤرپه‌نین حافیظه‌سینه ضرری وار*الولادة القیصریة قد تضر بالذاكرتین المؤقتة والدائمة للمولود
یازار : میرزه عبدالصمد ملکی | بؤلوم : ساغلاملیق
+0 به یه ن
|
|
||
|
تازالیقدا آمریكانین ییل دانیشگاهی‌نین طیب دانیشكده‌سینده بیر علمی تحقیق اولوب كی طبیعی دوغماق باره‌سینده هیجانلی و تازا معلومات وئریر. بو تحقیقات گؤرسه‌دیر كی طبیعی دوغماق سزارین دوغماسیندان, اوشاقدا یارانان موثبت اثرلره گؤره فایدالیدیر. موحقیقلر دئییبلر كی طبیعی دوغمادا اوشاغین بئینینده بیر پروتئین تشكیل تاپدیرار كی اوشاغین بئینینین روشدو و توسعه‌سینه حتّا بلوغ مرحله‌سینه‌جن كؤمك ائدر. "UCP2" آدیندا اولان بو پروتئین اوشاغین بئینینده سلوللار و عصبی رابیطه‌لرین یاخشی روشدونه باعیث اولار, مخصوصاً هیپوكامپ منطقه‌سینده كی مُوَقّت و داییمی حافیظه‌نین تشكیل وئره‌نی دیر. بو پروتئین غذا متابولیسمی و یاغلارین اریتمه‌سینده عمل ائدر و آنا سوتودونون اصلی تركیباتینداندیر. هابئله طبیعی دوغما آنا سوتوندن تغذیه اولماغا دا كؤمك اولار. "PLoS ONE" مجله‌سی‌نین اوت آیی‌نین 8-ده چاپ اولان بو تحقیق سیچانلار اوستونده آزماییش اولوب و گؤرسه‌دیر كی سزارین یولو ایله دوغماق بو پروتئینین تشكیلینه مانع اولور و بو دا كؤرپه‌نین ساغلیغینی خطر معرضینده قویور و داییمی و موقت حافیظه‌نین صدمه گؤمه‌سی‌نین احتیمالینی چوخالدیر. منبع: http://www.akherakhbar.info/article.asp?id=20364 الولادة القیصریة قد تضر بالذاكرتین المؤقتة والدائمة للمولود كشفت دراسة علمیة حدیثة أجراها باحثون من كلیة الطب بجامعة ییل بالولایات المتحدة الأمریكیة عن معلومات جدیدة ومثیرة بشأن الولادة الطبیعیة وتفوقها على الولادة القیصریة فى إحداث بعض التأثیرات الإیجابیة على صحة المولود الجدید. وأشار الباحثون إلى أن الولادة الطبیعیة تقوم بتحفیز تكوین أحد البروتینات داخل مخ المولود الجدید والذى یحسن من عملیة نمو المخ وتطوره خلال حیاة الطفل وحتى وصوله إلى مرحلة البلوغ. ویعمل البروتین الجدید الذى یعرف باسم "UCP2" على نمو الخلایا والوصلات العصبیة بشكل أفضل داخل مخ الطفل، وبالأخص داخل منطقة الحصین، المسئولة عن تكوین الذاكرة المؤقتة والذاكرة الدائمة، وكما أن هذا البروتین یعمل على تحفیز عملیة التمثیل الغذائى للدهون الخلویة، والتى تعد من المكونات الأساسیة للبن الأم، وهو ما یساعد على عملیة الرضاعة الطبیعیة. وأضافت الدراسة التى نشرت بدوریة "PLoS ONE"، داخل العدد الصادر فى الثامن من شهر أغسطس الجارى، وأجریت على مجموعة من فئران التجارب، أن الولادة القیصریة تُعیق عملیة تكوین هذا البروتین وهو ما یعرض صحة المولود الجدید للخطر ویرفع فرص إصابة ذاكرتیه المؤقتة والدائمة بالخلل. | ||
كؤرپه‌لری موسافیرته آپارمایین
یازار : میرزه عبدالصمد ملکی | بؤلوم : ساغلاملیق
+0 به یه ن
|
|
||
|
كؤرپه‌نین نئچه آیلیغینا قدر موسافیرته گئتمك دوز دئییل. دوغومون ایلك آیلاریندا, كؤرپه‌نین بدنی ضعیف اولار و ناخوشلوقلار موقابیلینده دیفاعسی ناقیص اولار. بونا گؤره خانیواده‌لر گرك اوشاغین ایلك نئچه آییندا موسافیرته چیخماسینلار. هاوانین دگیشمه‌سی و ایستی-سویوغون كؤرپه‌یه ضرری وار و هم‌ده هر منطقه‌نین میكروبلاری مخصوص اولار كی كؤرپه‌نی موسافیرته آپارسان احتیمالی وار اوشاق تازا میكروبلارین موقابیلینده دوام گتیره بیلمه‌یه. هابئله موسافیرت زمانی قالماق اوچون هوتئل كیمی عمومی یئرلردن ایستیفاده اولسا كؤرپه‌نین عفونتینه ایمكان چوخالار چونكی بللی دئییل كیملر او هوتئلده قالیبلار. موسافیرت طیاره‌ایله اولسا, یاخشیسی بودور كی طیاره‌نین یئنیب قالخان زمانلاری كؤرپه سوت یئسین چونكی بو شراییطده اوشاغین قولاغینا صدمه دَگمز. بو جور سفرلرده هاوانین دَگیشمه‌سی‌نین چوخ اولماسینا گؤره گرك كؤرپه‌نین هاواسینا چوخ دیقّت اولا و او ثابیت هاوادا ساخلانیلا. كؤرپه‌نی تازا افرادلا تماسّی اولماسا یاخشیدیر. هم‌ده موسافیرتده اللری یوماغین چوخ اهمیتی وار و بو ایشله عفونتلرین قاباغی آلینار. آتا-آنا گرك موسافیرتده اللرینی واسواسلیق حدّینده یوسونلار. نئچه آیلیق كؤرپه‌یه یئمه‌لی داوا یوخدور آما اگر اوشاغین بورنو توتولسا كلسیوم قطره‌سیندن ایستیفاده ائله‌مك اولار و یا اگر ایضطیراری شراییط قاباغا گلسه اَن چوخ بیر وعده ایستامینیفوندان ایستیفاده ائله‌مك اولار. آما هامیسیندان یاخشیسی بودور كی آتا آنا, نئچه آیلیق كؤرپه‌نی موسافیرته آپارماسینلار. | ||
اینسان بئینینده یاشلانما ساعتی
یازار : میرزه عبدالصمد ملکی | بؤلوم : ساغلاملیق
+0 به یه ن
|
|
||
|
اینسانلارین یاشینی بللی ائدن ایسكنلر موحقیقلر كشف ائله‌دیلر كی بئینیمیزده بیر جور ساعت وار كی دقیق یاشیمیزی نیشان وئریر. تازا تحقیقلرین نتیجه‌سی اساسیندا, موحقیقلر دئییرلر كی بو كشف طیبّ عالمینده بؤیوك ایشلره سبب اولاجاق و اینسان بئینینین زمان بویو نئجه دگیشمه‌سینی گؤرسه‌در. سن‌دیگوداكی عالیملر دئییرلر كی ایندی بیر MRI ایسكنی‌ایله اینسانین یاشی بللی اولار. تیموتی براون كالیفورنیا دانیشگاهی‌نین سن‌دیگو طیبّ دانیشكده‌سیندن دئییر: بیز اینسان بئینینده بیر یاشلانما ساعتله اوزلشدیك كی یاش فرقلرینی دوزگون صورتده گؤرسه‌دیر و اینسانلارین بیر-بیری‌ایله فرقلی اولماقلاری اوندا اثری یوخدور. او MRI سیستمی‌ایله 3-دن 20 یاشا قدر 885 نفرین بئینینی ایسكن ائله‌ییب. بو ایسكنلر 231 بئیین آناتومی یاشام شاخیصلری تانیماق اوچون ایستیفاده اولدولار و موحقیقلر ائلیه بیلدیلر اونلاردان ایستیفاده ائله‌مكله افرادین یاشینی 92 درصد دوزلوكله تشخیص وئرسینلر. موحقیقلرین دئدیگینه گؤره بو سیستم قاباقكی سیستملردن داها دقیقدیر. براون دئییر: بو واقعیت كی بیز اینسانلارین یاشینی گؤرسه‌دن بئیین ایسكنلرینی كشف ائله‌میشیك بو معنایادیر كی بئینین گلیشمه‌سی قاباقجادان بیلدیگیمیزدن داها كونترول اولا بیلندیر. | ||
