گونش بیزیم تصووروموزدن داها یاواش فیرلانیر
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
ناسا سفینه‌سیندن اله گلن تازا ایطیلاعاتا گؤره، گونش سامان‌یولو كهكشانیندا تصوّوروموزدن داها یاواش فیرلانیر. بیر ایطّیلاعات كی شمسی مجموعه‌سی‌نین تصویرین دگیشه بیلر. ناسانین اولدوزلار آراسی آختاریجیسی، یئرین دؤره‌سی اولان اؤز مداریندان، شمسی منظومه‌نین حاشیه‌سینه وارید اولان اولدوزلار آراسی ذره‌لرین سورعتینی گونشدن 14.5 میلیارد كیلومتر اؤلچوب. اولدوزلار آراسی آختاریجی‌نین تحقیقاتی تیمی تازا ایطیلاعاتی كامپیوتری مودئلده یئرلشدیرندن سونرا بو نتیجه‌یه یئتیشدیلر كی گونش، ساعتده تقریباً 83 مین 700 كیلومتر سورعتی‌ایله دولانیر و بو ایطّیلاعات بونو یئتیریر كی بیزیم تصوّوروموزدن ساعتده 11 مین كیلومتر یاواشراق فیرلانیر. بو كشف بو معنایه‌دیر كی شمسی مجموعه‌نین حیفاظتی سرحدلری-كی بیزی آیری كهكشانلاردان آییریر- تعظیم شوكو یوخودور. تعظیم شوكو بیر اوزای جیرمین اطرافینداكی مغناطیسی منطقه‌سی‌نین و بیر میانگین اطرافین سرحددیدیر. اولدوزلارین تعظیم شوكو اونلارین اولدوزلار آراسی یئللری و میانگین اولدوز ایچی ناحیه‌نین(ISM) سرحددیدیر. بو آختاریجی‌نین تازا كشفلری گؤستریر كی گونشین حركتی اوّل‌لر تصوّور اولاندان، یوزده 25 آزدیر و بو سورعت تعظیم شوكونا بس دئییل. ایندیه‌جن بوتون نظریه‌لرده و شمسی منظومه مودئل‌لرینده تعظیم شوكو واریدی. بیر حالدا كی 30 ایل بو مسأله‌نین اوستونده موطالیعه اولوردو، بیلنده كی بئله بیر شئی یوخدور چوخ تعجّوب ائله‌مه لیدیر. تعظیم شوكونون اولماماسی موهوم مسأله‌دیر نییه كی بونو ایلقا ائدیر كی گوجلو هلیوسفر اوّل‌لر تصوّور اولان زادداندیر. اوزای هلیوسفری گونش یئللری‌نین اثری آلتیندا و یا او ذره‌لردیر كی گونشدن توللانیر و آیری جور دئسك او ناحیه‌دیر كی شمسی مجموعه‌نین بوتونلوغو، گونش یئللری و گونشین بوتون مغناظیسی میدانین احاطه ائله‌ییب. بو منطقه‌دن سونرا اولدوزلار آراسی فضا باشلانیر. هلیوسفرین ایشینی اوزای اشعه‌لرین قاباغیندا موحافیظ كیمی اولماسینی درك ائله‌مك، عالیملره كؤمك ائدر كی آیری دونیالاردا حیاتین اولماسینی آراشدیرسینلار. موحقیقلرین بعضیسی‌نین اعتیقادینا گؤره هلیوسفردن ردّ اولان بعضی اشعه‌لر یئرین اتومسفرینه اثر بوراخا بیلر. نیه كی یوخاری انرژیلری اولان بو ذره‌لر یونیزه اولا بیلرلر و یا الكتریكی نظردن اتومسفرین مادّه‌سین دگیشه كی بو، اوزون بولوتلاری دوزلدر. ایش بیلنلرین بعضیسی بئله اینانیر كی بو ذره‌لر بیزیم گزه‌گنیمیزین تاریخینده دال‌به‌دال پاتلامالار تلقّی اولا بیلر، نییه كی بو رادیاسیون DNA نمونه‌لرینه اثر قویور. | ||
دین خادیمی din xadimi
یازار : میرزه عبدالصمد ملکی | بؤلوم : دین
+0 به یه ن
ویتناملی بیر قیزین عجیب گوجو
یازار : میرزه عبدالصمد ملکی | بؤلوم : خبرلر
+0 به یه ن
11 یاشلی ویتناملی قیز كونترول اولمایان گوجو ایله اطرافینداكی زادلاری اودا چكیر.
ویتنامین محلی رسانه‌لری‌نین گوزاریشینه گؤره، بو قیزین كونترول اولمایان گوجو باعیث اولوب تا بو میلادی آیین 12-سینده اونلارین ائولری‌نین اوچونجو قاتین بیر بؤلومو اود توتسون.
بو قیزین آتاسی بئله اینانیر كی اونون یاخینلیغیندا اود یاندیرما وساییلی اولمادان اونون بدنینده كی انرژی اود توتماغا سبب اولوب.
بو قیزین والدینی اوندا كی بینانین سیم‌كئشلیغی ایتّیصال ائله‌دی و هم‌ده اونداكی بو قیزین پالتارلاری سببسیز اود توتدو، اونون بو مخصوص گوجونه متوجّیه اولدولار.
دؤكتورلر بو ایدعانی ائشیدندن سونرا بو قیزی موعاینه ائدیب اعلام ائله‌دیلر: بو قیزین بئینی‌نین ساغ یاریسیندا عجیب و مشكوك مورید وار.
oddity central اینترنتی سایتین گوزاریشینه گؤره، بو نادیر ایتّیفاق فیزیك، طیب، روانشیناسی و جامیعه‌شیناسی كیمی موختلیف ریشته‌لرین عالیملرین اؤزونه جلب ائله‌ییب.
حقی مصلحته قوربان وئرمك اولماز
یازار : میرزه عبدالصمد ملکی | بؤلوم : دین
+0 به یه ن
بحارالانوار كیتابیندا بیر تاریخی ریوایت وار كی مضمونو بئله‌دیر: جماعت حضرت علی (ع) ایله بئیعت ائدن زامان اونلارا خبر وئردیلر كی معاویه بئیعت ائله‌میر مگر بو كی علی‌ابن‌ابیطالب ده عثمان كیمی اونو شام حیكومتینه منصوب ائده.
دئییرلر بو واخت «مغیره» گلدی حضرتین حضورونا و پیشنهاد ائله‌دی كی: «مصلحت بئله‌دی كی سن‌ده خیلافت ایشلری یولا دوشوب موستقر اولانا قدر, اونو شامین حیكومتینه منصوب ائلیه‌سن و سونرا ایسته‌سن اونو عزل ائلیه‌سن.» حضرت جواب وئردی: «سن منیم عؤمرومو او گونه‌دك ضمانت ائلیرسن كی من او زاماناقدر دیری قالام؟» مغیره جواب وئردی: «یوخ»
ایمام (ع) بویوردو: «من هئچ‌واخت قارانلیق گئجه‌ده ایكی نفر موسلمانا حیكومت ائله‌مگین جوابینی آللاها وئره‌بیلمه‌رم» و كهف سوره‌سی‌نین 51-جی آیه‌سینی شاهید گتیردیلر كی « وَ ما كُنْتُ مُتَّخِذَ الْمُضِلِّینَ عَضُدا؛ من هئچ‌واخت گومراهلاری اؤزومه قول(كؤمك) گؤتورمه‌رم.»
هندده بؤیوك تور آتانلار بیر كنده حمله ائدیبلر
یازار : میرزه عبدالصمد ملکی | بؤلوم : خبرلر
+0 به یه ن
هندده بیر كندین ساكینلری دوشنبه گونو اعلام ائله‌دیلر كی چوخ بؤیوك تور آتانلار اونلارین كندینه حمله ائدیب كی محلی ایش‌بیلنلر اونلارین هانسی نوعدان اولماقلارینی بیلمیرلر.
فرانسه خبرگوزاریسی‌نین گواهاتی‌دن وئردیگی گوزاریشه گؤره, یئرلی رسانه‌لر اعلام ائله‌دیلر كی 10 نفر بو تور آتانلارین سانجماسی اثرینده بیماریستانا دوشوبلر و ایكی نفر ده اؤلوب.
آسام ایالتینده اولان سادیا كندی‌نین بیر آغ‌ساققالی فرانسه خبرگوزاریسینه دئییر: اوّلده بیز ائله بیلیردیك كی بو بیر شوخلوقدور آما سونرا بو تور آتانلار كند اهالیسی‌نین چوخونو سانجدیلار.
ایش‌بیلنلردن بیر مخصوص گروه آسام ایالتی‌نین مركزی گواهاتی‌نین آلتی یوز كیلومترلیگینده اولان بو كنده یوللانیبلار.
آسام ایالتی دانیشگاهی‌نین چئوره یاشاییش علملر بؤلومونون بیر ایش‌بیلنی دئدی: بیز منطقه‌نی آختاردیق و بیر جور تور آتان تاپدیق آما اونون نوعوندان هله موطمئین دئییلیك.
او دئدی: نظره گلیر بو نوع هجوملی تور آتان عادی نوعدان آما قودرتلی تورلاری اولسون.