din xadimi دین خادمی

اوروپا ایتحادیّه‌سی‌نین 4 عضوی ایرانین تازا تحریملریله موخالیفدیلر

بیر حالداكی قراردی اوروپا ایتحادیه‌سی ایرانین تازا تحریملری اوچون تصمیم توتسون خبر گلیر كی سوئد, یونان, مالت و قبرس بو تحریملرله موخالیفدیلر. اسرائیلین خاریجی ایشلر ویزارتیندن بیر مقام دئییر: سوئدین اریكسون شیركتی و ایران آراسیندا اولان بیر قرارداد بو موخالیفتین اصلی سببیدیر. بو تحریملر ایجرا اولسا بو شیركتین او بیری قراردادلاری‌دا موشكوله یئتیشه‌جك. بونونلا بئله كی میلل سازیمانی هوشدار وئریب كی بو تحریملر عادی جماعتین‌ده یاشاییشینا‌ تأثیر قویور, اوروپا ایتحادیه‌سی تازا تحریملر باره‌سینده دوشونور. بو بیر حالدادیر كی تحریملرین بوتون ایجراسی اوچون اوروپا ایتحادیه‌سی‌نین 27 اؤلكه‌سی‌نین هامیسی اونو قبول ائتمه‌لیدیر, بو دؤرد اؤلكه موخالیف اولسالار تحریملرین اثری آزالاجاق. تازا تحریملر بانك و گمی صنعتلرینده اولاجاق و هابئله بو اؤلكه‌لر ایرانا قورقوشوم و پولاد كیمی فیلزلری ساتمایاجاق و ایرانین نفت‌داشیان گمیلره خیدمتلری و گمی دوزلتمه علمینی تحریم ائده‌جك. بو حركتده اوروپا ایتحادیه‌سی 34 ایرانلی شیركتین اموالینی مسدود ائده‌جك.

	ارزنةالروم عهدنامه‌سی
1238-جی هیجری قمری ایلینده ارزنةالروم عهدنامه‌سی‌نین ایمضالانماسی ارزنةالروم عهدنامه‌سی 1238-جی هیجری قمری ایلینده صفوی و عثمانلی دؤلتلری آراسیندا بو آددا اولان بیر یئرده ایمضالاندی. عثمانلی دؤلتی صفوی‌لر قاباغیندا مغلوب اولاندان سونرا ایكی دؤلت صولح ائله‌دیلر و بئله‌لیكله ارزنةالروم عهدنامه‌سی ایكی دؤلتین نوماینده‌لری آراسیندا ایمضالاندی. بو عهدنامه‌یه اساساً صفوی‌لر ایشغال ائتدیكلر عثمانلی تورپاغیندان دالی اوتوروب ایكی دؤلتین مرزلری قاباقكی وضعیته قاییتدی. عثمانلی دؤلتی‌ده قبول ائتدی كی صفوی ‌تورپاغیندان گلن حاجیلاردان موتعارف گؤمروك حقّیندن آرتیق ایضافه بیر شئی آلماسین و اونلاری اذیّت ائله‌مه‌سین.

عینكسیز 3 بوعدلی تیلویزیون دوزلدی
آلتینجی دیجیتال رسانه‌لر سرگیسینده عینكسیز اوچ بویوتلو تیلویزیون نوماییشه قویولدو. بو تیلوزیون آمریكانین تاپیشیریغی ایله تایواندا دوزلیب و ایكی 55 اینچ و 46 اینچ سایزلاریندا ساتیشا قویولوب.

سویوق دَیمه موعالیجه‌سی اوچون بیتكی

بیر كلینیكی آراشدیرمادا كی اؤز نوعوندا اَن بؤیوك آراشدیرما ساییلیر, ائكینئزیا (كُنی چیچگی) ائلیه بیلر سویوق دَیمه‌نین قارشیسنی آلسین و سویوق دَیماغا استعدادلی اینسانلار اوچون چوخ فایدالیدیر. قاباقكی آراشدیرمالاردا, بو بیتكی, سویوق دَیمه علامتلری‌نین تسكینی اوچون فایدالی بیلینمیشدی آما تازالیقدا كاردیف دانیشگاهی‌نین طبیبلری واسیطه‌سیله اولان آراشدیرما گؤرسدیر كی بو بیتكی‌نین رایج اولان عوصاره سی  Echinaforce ائلیه بیلدی سویوق دَیمه احتیمالینی آزالتسین. 18 یاشدان یوخاری یاشلی اینسانلاردا بو موعالیجه‌نین هئچ جانیبی عاریضه‌سی یوخدور.

	یاشاییش اوچون دوز یول سئچ ! * حدد طریق مستقیم لحیاتك !
قارین یاغماسی و قیش موسیمی‌نین باشلانیشی‌ایله باغین هر طرفی آغاردی. اوچ دوست بیر-بیرلری ایله اویناركن ائشیگه چیخدیلار. اونلارین بیری دئدی: « موسابیقه وئرك‌می؟ قارین ایچینده چكمه‌لریمیزله یول دوزلدك. هر بیریمیز دیوارا دك قار اوستونده یول گئدك, گؤرك كیم تام دوز یول دوزلدیب. اوچلوق, بیر-بیریندن اوزاقلاشدیلار سونرا یئریمگه باشلادیلار و چكمه‌لری ایله قارا چیرپیردیلار. بیرینجیسی گؤردو كی دیواردان تام اولاراق مونحریف اولوب و ایكینجیسی بئله گومان ائله‌دی كی دوز یول دوزلدیب آما دیوارا چاتاندان سونرا چكمه‌ایله دوزلتدیگی یولا باخیب گؤردو كی اوردان بوردان ساغا و سولا مونحریف اولوب. آما اوچونجوسو یولونو تام اولاراق دوز دوزلتمیشدی. اؤز آرالاریندا سوروشدولار كی نیه بیرینجی و ایكینجی دوز یول دوزلده بیلمه‌دیلر و بیرینجی اَیری یول دوزلتدی و ایكینجیسی زیگزال یول و اونلاردان تكجه اوچونحوسو موّفق اولدو. اوچونجو دوست جواب وئردی: سیز آشاغی باخیردیز و گؤزلریز قدملریزده ایدی بونا گؤره یولدان مونحریف اولدوز. آما من گؤزومو اؤنومده‌كی مقصده تیكمیشدیم و گؤزومو ساغا و سولا و آشاغی‌یا چئویرمیردیم ائله بونا گؤره ده یول دوز گلدی. یاشاییشیمیز دا اینسانلار آراسیندا موسابیقه كیمیدیر, سن اؤز یولونو گئد و خالقین سؤزونه فیكیر وئرمه یوخسا غرضلی شاییعه‌لر چالیشیرلار كی آرزیلارینا و مقصدینه چاتماغین قارشی‌سینی آلسینلار . . . یولونو سئچ و دواملی اولاراق اونو باشلا.   حدد طریق مستقیم لحیاتك ! مع سقوط الثلج وفى بدایة فصل الشتاء صارت الحدیقة كلها بیضاء،وخرج ثلاثة أصدقاء یلعبون معاً. قال أحدهم، هلم ندخل فى سباق، فنصنع طرقاً بین الثلج بأحذیتنا ،كل منا یسیر على الثلج باستقامة حتى السور، لنرى من الذى یصنع طریقه مستقیماً تماماً. ابتعد الثلاثة عن بعضهم البعض، ثم بدأوا یسیرون ویضغطون بأحذیتهم على الثلج.فجأة وجد الأول نفسه قد انحرف تماماً عن السور والثانى ظن أنه قد صنع طریقاً مستقیماً لكنه بعد أن بلغ السور تطلع إلى الطریق الذى صنعه بحذائه فوجد نفسه قد انحرف من هنا ومن هناك یمیناً ویساراً وأما الثالث فصنع الطریق مستقیماً تماماً. تسألوا فیما بینهم لماذا لم ینجح الأول والثانى فى إنشاء طریق مستقیم إذ صنع الأول طریقاً منحرفاً والثانى متعرجاً،بینما نجح الثالث فى ذلك.وكانت إجابة الصدیق الثالث: "لقد كنتما تتطلعان إلى أسفل وأعینكما على قدمیكما لذا انحرفتما فى الطریق،أما أنا فقد صوبت نظرى إلى الهدف أمامى ولم التفت بنظرى یمیناً أو یساراً،ولا إلى أسفل لذلك جاء الطریق مستقیماً. حیاتنا هى سباق بین البشر فأمضى الى طریقك ولا تلتفت الى كلام الناس والا الى الاشاعات المغرضة التى تحاول النیل منك ومن طموحتك .. حدد هدفك وانطلق إلیه بثبات .