دویو داناسی و حاكیم * حبة الأرز والملك
یازار : میرزه عبدالصمد ملکی | بؤلوم : حكایه لر
+0 به یه ن
اكینچی اربابین یئرینده ایشلركن دوشوندو . . .من وارلانسام ائلیه بیلرم بیر یئر آلیب اوردا اكینچیلیك ائدم . . . ایستیرم یاشاییشیمدان لذّت آپارام, لذّتلی یئمك یئیهم و راحات ائوده یاشایام . . . خیاللارا دالمیشدی كی بیرینین سسی گلدی كی قیشقیریردی: «حاكیم جینابلاری گلن هفته بو تارلانین یانینداكی یولدان كئچهجكلر, و بوتون اكینچیلر اونو قارشیلاماق و سلاملاماق اوچون سیرایا دوزولمهلیدیلر.» اكینچی اؤز-اؤزونه فیكیرلشدی . . .: «بو منیم فورصتیمدیر . . .حاكیمدن قیزیل سیكهلر ایستهسم او ائلیه بیلر بوتون آرزولاریمی یئرینه یئتیرسین . . . و او منیم ایستگیمی ردّ ائلهمز چونكی ائشیتدیگیمه گؤره او یاخشی و سخاوتلی حاكیمدیر.» . . .و بئلهلیكله اكینچی هفته بویو خیال پرورلیك ائتدی . . . و نهایتاً موعود گون گلیب چاتدی و اكینچیلر یولون ایكی یانیندا سیرایا دوزولدولر كی عظمتلی حاكیمی قارشیلاسینلار . . .آتلار چكن فایتون اوفوقده گؤروشنده, ساده اكینچی حاكیمین فایتونونا دوغرو قاچیب و باغیردی: « منیم حاكیم آغام . . .حاكیم آغام . . . سندن بیر ایستگیم وار.» حاكیم امر ائلهدی كی فایتون دایانسین و اكینچیدن سوروشدو: «نه ایستیرسن؟» اكینچی بَتر اوتانیب دئدی: «بیر تیكه یئر آلماق اوچون بیر آز قیزیل سیكه ایستیرم.» حاكیم گولومسهنیب و اكینچییه دئدی: « ایستیرم سن منه بیر شئی وئرهسن.» اكینچینین اوتانماسی آرتدی و اؤز-اؤزونه دئدی: «بو حاكیمین قیتمیرلیغی چوخ عجیبدیر . . .گئتمیشم اوندان بیر شئی ایستهیم كی منه وئرسین, و ایندی او مندن بیر شئی ایستیر.» . . بیر آز فیكیرلشندن سونرا الیندهكی دولو توربادان بیر دانا دویو گؤتوروب حاكیمه وئردی, حاكیم اوندان تشكور ائدیب امر ائلهدی كی كروان حركت ائلهسین. . . اكینچی اومیدسیز و ناراحات ائوینه قاییتدی, و دویو تورباسینی خانیمینا وئردی كی بیشیرسین . . . حیات یولداشینین چیغیرما سسی گلدی كی : «دویولرین ایچیندن خالیص قیزیلدان اولان بیر دویو داناسی تاپدیم . . .» بو حالدا اكینچی چوخ ناراحاتلیقلا قیشقیردی: «كاش دویونون هامیسینی حاكیمه وئره ایدیم» . . عیبرت: ایستهدیگینی اله گتیرمك اوچون مجبورسان الیندهكینین بیر آزین وئرهسن.»
حبة الأرز والملك بینما كان الفلاح یعمل فى أرض سیده أخذ یفكر...ربما لو كنت أكثر غنى لأمكننى شراء أرض افلحها.. أرید أن استمتع بحیاتى,أكل طعاماً شهیاً و أعیش فى بیت مریح.. افاق من أحلامه على صوت أحدهم یصیح قائلأ:"جلالة الملك سیمر بالطریق الملاصق لهذه المزرعة الأسبوع المقبل,و على جمیع الفلاحین أن یصطفوا لاستقباله و تحیته". فكر الفلاح فى نفسه..."هذه هى فرصتى..ماذا لو طلبت من الملك بعض العملات الذهبیة فهى كفیلة بتحقیق كل أحلامى...و هو لن یرفض طلبی لأنه كما سمعت طیب و كریم"...و هكذا ظل الفلاح یحلم طوال الأسبوع... و أخیراً جاء الیوم الموعود و اصطف الفلاحین على جانبى الطریق لاستقبال الملك العظیم...و إذ بعربات تجرها الخیول تظهر فى الأفق,فجرى الفلاح البسیط نحو العربة الملكیة و أخذ یصرخ:"سیدى الملك..سیدى الملك..لى طلب عندك". أمر الملك بإیقاف العربة و سأل الفلاح:"ماذا ترید؟" ارتبك الفلاح جداً و قال:"أرید بعض العملات الذهبیة حتى اشترى قطعة أرض". ابتسم الملك و قال للفلاح:"إننى أرید أن تعطینى شیئاً من عندك". ازداد ارتباك الفلاح و قال فى نفسه:"عجیب هذا الملك فى بخله..جئت اطلب منه لیعطینى و أذ به هو یطلب منى".. و بعد تفكیر اخرج حبة ارز واحدة من صرة مملوءة كانت فى یده و أعطاها للملك, فشكره الملك و أمر أن ینطلق الموكب مرة أخرى.. عاد الفلاح بخیبة أمل حزیناً إلى بیته, وأعطى زوجته صرة الأرز لتطهیه..و فجاة صرخت زوجته:"لقد وجدت حبة أرز من الذهب الخالص فى وسط الأرز..". و هنا صرخ الفلاح بألم شدید:"یا لیتنى أعطیت الملك الأرز كله".. العبرة : كی تحصل على ما ترید أنت مضطر للتخلی عن بعض ما لدیك. |
موسلمانلارین ایسلاما گؤره درین گیراییشلری و غربین چالیشماسی
یازار : میرزه عبدالصمد ملکی | بؤلوم : دین
+0 به یه ن
موسلمانلارین ایسلاما گیراییشلری, مودئرنیتهنین تأثیری آلتیندا قالمادی و بیر حالدا كی غرب اؤلكهلرینین چوخوندا كلیسالار باغلانیر, همن اؤلكهلرده چوخلو موسلمان ناماز جومعهده حاضیر اولورلار و دیقّته لاییق معنویّتی نوماییشه قویورلار. غربلیلرین ایسلاما گؤره منفی باخیشلارینین تاریخی, اونلارین ایسلاملا جیدّی صورتده اوزلشماقلاری گونلره قاییدیر. بو اوزلشماق ایكینجی عصرده و او گونون ایسپانیاسیندا باش وئردی و اونلارین ذهنینده ناقیص و ایشتیباه بیر تصویر یاراتدی. نظره گلیر كی یهودیلر و مسیحیلرین, دوز معلوماتلاری اولمایان چوخ گوجلو آیری بیر دینله اوزلشماقلاری, ایسلام ظهورینین ایجتیماعی و سیاسی ویجههسینین جیدّی اولماسیندا موهوم رول اوینور؛ كی البته قورآنین بویوردوغونا گؤره بو مسألهده یهودیلر داها آرتیق خصومت و دوشمنچیلیك نیشان وئردیلر. طبعاً تانیشلیغین اولماماسی و اوندان علاوه اؤزونو یوخاریدا و اوستون گؤرمك بئله بیر دوشونجه یاراتدی كی مسیحیّتدن یوخاری معنویّت و دوشونجه اولا بیلمز. ائله بونا گؤره اونلار بئله دوشونورلر كی ایسلام غیر موستقیل بیر دین و فقط مسیحیتین نامربوط و بدل نوسخهسیدیر. ایسلامدان قورخو كی اونون جذابیّتی و منطیقی قارشیسیندا, بیر جور خباثته آلوده اولموشدو باعیث اولدو پیغمبرین (ص) زوجهلرینین چوخلوغو كیمی بعضی خصوصیّتلرینی بهانه ائدیب و بو زاویهدن اهانتله قاریشیق اینتیقادا ال وورالار. كارن آرمسترانگین muhammad a biography of the prophet آدیندا بیر كیتابی وار كی مسیحیّتین ایسلاملا ایلك اوزلشمهسی و او زمان پیغبره(ص) ائتدیكلری توهینلر بارهده بیر گوزاریشدیر. غالیبی موسلمانلار اولان صلیبی جنگلرده, ایسلام و مسیحیّتین سیاسی اوزلشمهلرینده, كلیسا اربابی موسلمانلارا نیفرتین چوخالماسی یولوندا چالیشمالاری, اوروپانین عثمانلی ایمپراتورلوغو طرفیندن اوزون مودّت تهدیدی (ائله كی بیر مقطعده ایمكانی واریدی اوروپانین بوتونلویو عثمانلی طرفیندن فتح اولا), اوروپالیلار ایچینده موسلمانلارا نیسبت بیر جور قورخو یاراتدی. ایسلامین ظهوری كلیسانین اوروپایا حاكیم اولدوغو اورتا عصرلرده باش وئردی. طبیعتاً هر دین كی بو مسیحیتین قارشیسیندا باش قالدیرسا ایدی بیر رقیب كیمی تانیناردی كی گرك منطیق و ایستیدلال یولیله و بونلار جواب وئرمهسه توهین و گوجله, او دین میداندان قوغولسون. آما كلیسا كی منطیق و عقل یولیله ایسلام قارشیسیندا دایانا بیلمهدی, قاباغا گئتدیكجن بو موقابیلهیه سیاسی رنگ وئردی و اونو اوروپالیلارین ذهنینده بیر تاریخی ذهنیّته چئویردی. البته بو ذهنیّت یایقین و هامی اوچون دئییل. علم و موطالیعه اهلی اولانلار, واقعیّتلردن خبرلری وار. غرب دونیاسیندا یاشایان موسلمانلارین چوخو اصالتاً غربلیدیلر و بو موسلمانلارین تكجه بیر بؤلومونو موهاجیرلر تشكیل ائدیر. اولا بیلر 50 ایلهدك اوروپالیلارین بؤیوك قیسمینی موسلمانلار تشكیل وئرسینلر. غربلیلر ایندیدن فیكره دوشوبلر كی موسلمانلارین حساسیّتینی آزالتسینلار و پیغمبرین(ص) شخصیّتینه توهین ائلهمكله اونو سیندیرسینلار كی بلكه بو گئدیشین قارشیسی آلینسین. |
قازلی ایچكیلر اینسانی كؤكلدر
یازار : میرزه عبدالصمد ملکی | بؤلوم : ساغلاملیق
+0 به یه ن
قازلی ایچكیلری باعیث اولار چاقلیق ژنلری فعال اولسون و اینسان كؤكلسین. آراشدیرماچیلار بونو كشف ائدیبلر كی بیزیم ژنلریمیز یاشاییش موحیطی ایله موتناسیب فعال و یا غیر فعال اولور. تازا بیر آراشدیرمانین نتیجهلری گؤرسدیب كی بو مسأله چاقلیقدا دا صادیقدیر. آمریكا هاروارد دانیشگاهینین عمومی ساغلاملیق موحقیقلری ژنتیكی پوتانسیللر, چاقلیق و قازلی ایچكیلرین رابیطهسینی آراشدیریبلار. بو آراشدیرمادا 28000 نفر خانیم و 4400 نفر كیشی شیركت ائدیب. موحقیقلر بو نتیجهیه چاتدیلار كی قازلی ایچكیلرین مصرفی چوخالدیقجان نظره گلیر كی چاقلیق ژنلری فعاللاشیر و چكینین چوخالماسینا باعیث اولور. قازلی ایچكیلری گونده ایچمك چاقلیغا موبتلا اولماق احتیمالینی 5 برابر ائلر. البته آراشدیرماچیلار هله توضیح وئره بیلمیرلر كی ایچكیلر بیزیم ژنلریمیزه نئجه تأثیر قویور آما بعضی آراشدیرماچیلار «فروكتوز»-ون(بیر جور قند) متابولیسمیندهكی دگیشمهلری بو وضعیّتین عامیلی بیلیرلر. آراشدیرماچیلار بوندان قاباقدا فروكتوزو چاقلیغا باعیث اولان سبب كیمی تانیتدیرمیشدیلار. |
تاماهكار جوان قیز * الفتاة الطماعة
یازار : میرزه عبدالصمد ملکی | بؤلوم : حكایه لر
+0 به یه ن
جوان قیز بیر كیشی ایله پیادا كئچیتده قدم ووروردولار ! بو حینده مؤحتشم بیر ماشین اونلارین یانیندا ساخلادی . . . جوان قیز كیشیدن آیریلیب تئز مؤحتشم ماشینا دوغرو گئتدی !! كیشی اونا دئدی: هارا گئدیرسن ؟ قیز دئدی: اونون وار-دؤولتی سندن چوخدور و من اونونلا گئدیرم ماشینین قاپیسینی آچدی و قاباق اوتوراجاقدا اوتوردو و كیشینی پیادا كئچیتده تك بوراخدی . . ماشین سوروجوسو اونا دئدی: من سنه گؤره دایانمادیم !! - پس اوندا كیمه گؤره دایاندین ؟ سوروجو دئدی: من سنین یانینداكی كیشییه گؤره دایاندیم او بو ماشینین ییهسیدیر, و من اونون سوروجوسویم . . . !!!!!!!
الفتاة الطماعة كانت فتاه تمشی مع رجل على الرصیف! واذا بسیارة فاخرة تتوقف بجانبهم ...فتركت الفتاة الرجل و ذهبت مسرعة الى السیارة الفاخرة !! فقال لها الرجل لها :الى این تذهبین ؟ فقالت: انه اكثر منك مالاً وأنا ذاهبة معه فتحت باب السیارة وركبت فى المقعد الأمامى و تركت الرجل و حیدا على رصیف الشارع ،، فقال لها سائق السیارة : انا لم اتوقف لاجلك!! - ولمن توقفت إذا ؟ فقال سائق السیارة لها : انا توقفت للرجل الذی كان واقف ٌ بجانبك أنه صاحب هذه السیارة , وأنا سائقه الخاص ......!!!!!!!!!!! |
آتا آنا اعتیادینین اوشاقلاردا بوراخان تأثیری
یازار : میرزه عبدالصمد ملکی | بؤلوم : اجتماعی
+0 به یه ن
عاییله عضولرینین سیقار, موخدیره مادّهلر و ...اعتیادی اوشاقلارا اثر قویور. هر چند بیر نفرین اعتیادیندان عاییلهنین بوتون عضولری ناراحات اولارلار, آما اونون منفی تأثیری اوشاقلارا داها چوخ اولار. بو اوشاقلار ائوده هركی-هركیلیك و اؤندن بللی اولمایان شراییطله اوز به اوزدولر و بو مسأله اونلارین ایندیكی و گلهجك یاشاییشلاریندا موشكول یارادار. آتا آناسی مؤعتاد اولان اوشاقلار بو موشكوللرله اوز به اوز اولارلار: اؤرگشمه گوجونون آزالماسی, فیزیكی ناخوشلوقلار, روحی ناخوشلوقلار, چاقلیق و اطرافا گؤره دیقّتین آزالماسی اوشاغین كیرداریندا منفی تأثیر آتا آنانین اعتیادی اوشاغین كیرداریندا پیس تأثیر قویار كی اونلارین بعضیسینه ایشاره ائدیریك: مؤعتادلارین یاشاییشی عادی اینسانلارلا چوخ فرقلی اولور. بوجور عاییلهلرده اوشاقلار ائوده خشونت, جیسمی و جینسی سوءایستیفاده, روح دوشگونلویو, روحی ناخوشلوقلار, طلاق و . . .زادلارا شاهید اولورلار و اونلاردا بو ایشلری گؤرماغا تمایول, چوخ اولار و شیدتلی صورتده ایضطیراب, روح دوشگونلویو و حتّا اینتیحار معرضینده اولارلار. اكثر زمانلار اونلارین بو رفتارلاری ائودن ائشیگهده مونتقیل اولار و اونلار اؤز یاشیتلاریایله چوخ چتین رابیطه قورا بیلرلر و معمولاً غیر ایجتیماعی و اوتانجاق افرادا تبدیل اولارلار. اوشاقلیق دؤرهسینی یاددان چیخارتماق وضعیت چوخ پیس اولان زمان, آتا آنا اوشاغین اساسی ایستكلرینه دیقّت ائلهمزلر و اونلار مجبور قالارلار مدرسهنی بوشلاییب و برنامهسیز یاشایالار. بعضاً بالاجا كیشیلره و خانیملارا چئوریلرلر كی مجبوردولار عاییلهنین و یا كیچیك باجی قارداشین مسئولیّتینی بویونلارینا آلالار. گوناه حیسّی بعضاً آتا آنا اوشاغین اوستونه قیشقیراندا, او اؤزونو ائوین بوتون حادیثهلرینه گؤره گوناهلی بیلیر. بو حیسّ اونون گلهجكدهكی رفتارلارینا اثر قویور. آتا آنانین دیقّتسیزلیگی چوخ واختلار حتّا آتا آنانین فقط بیری مؤعتاد اولاندا, آتا و یا آنا اوشاغا كیفایت قدر دیقّت یئتیره بیلمیر, نیه كی بوتون دیقّتی اؤز موشكولونه مصرف اولور. اوشاغا دیقّتسیزلیك اونون روح دوشگونلویو و آیری موشكوللرینه سبب اولا بیلر. اوشاغین خشونتی بئله عاییلهلرده اوشاقلار همیشه آتا آنانین داعواسینا شاهید اولورلار و اؤزلریده جیسمی و یا روحی سوءایستیفاده معرضینده اولورلار و بو شراییط اونو روحی و یا جیسمی ناخوشلوغا چاتدیرا بیلر. اؤزونه اینمانماماق آتا آنانین بیری مؤعتاد اولان عاییلهلرده, اوشاقلار همیشه ساكیت اولمالیدیلار كی آتا آنانی حیرصلندیرمهسینلر؛ بونا گؤره قورخاق و اؤزونه اینانمایان اولارلار و هر شئیدن و هر كسدن قورخارلار. اؤزگهنین ریضایتی مؤعتاد آتا آنانین اوشاقلاری چالیشارلار ساكیت اولسونلار و اونلاری راضی ساخلاسینلار. بئله اولاندا اونلار گلهجكده ده هامینی اؤزلریندن راضی ساخلاماغا چالیشاجاقلار و هئچ كسه یوخ دئمك جورأتلری اولمایاجاق, مخصوصاً گوجلو آداملارا؛ بئلهلیكله اؤز هویّتلرین الدن وئرهجكلر. اوشاقلار بوجور عاییلهلرده یالان دانیشماغی, خیانتی, اوغرولوغو و آیری جورملری اؤرگشیرلر. اوشاغین مؤعتاد اولما احتیمالی مؤعتاد آتا آنانین اوشاقلاری همیشه اعتیاد معرضیندهدیلر و بونا گؤره اونلارین مؤعتاد اولما احتیمالی چوخ یوخاری اولور. آیریلارینا اینانماماق بو اوشاقلار اوتانجاق اولدوقلاری اوچون دوستلاری ایله چوخ آز رابیطهلری اولور و یاشاییشلاری معمولاً گیزلی اولار. بئلهلیكله هئچ كسه اینانمازلار و بو اینانماماق اونلارین گلهجكدهكی رابیطه و یاشاییشلارینا منفی تأثیر قویار. |