din xadimi دین خادمی

یئرین جنوبی یاریم كوره‌سی‌نین لاپ بؤیوك مسجیدی تیكیلدی

جنوبی آفریقانین «میدراند» شهرینده یئرین جنوبی یاریم كوره‌سی‌نین لاپ بؤیوك مسجیدی 55 مترلیك میناره‌ایله تیكیلدی. المنار شبكه‌سی‌نین وئردیگی خبره گؤره, جنوبی آفریقانین اَن بؤیوك مسجیدی كی تورك سرمایه‌قویانلارین حیمایتی ایله دوزلیب, كئچن پنجشنبه آچیلدی. جنوبی آفریقانین «میدراند» شهرینده دوزلمیش بو مسجید, ایسلامی بیر موجتمعین اورتاسیندا دوزلیب و بیر 55 مترلیك میناره‌سی وار و ائله بونا گؤره یئرین جنوبی یاریم كوره‌سی‌نین اَن بؤیوك مسجیدی تانینیب. بو مسجیدین گونبذی‌نین قوطری 24 متردیر و 16-جی قرنده توركیه‌نین «ادرین» شهرینده تیكیلمیش «سلیمانی» مسجیدین اولگوسی ایله تیكیلیب. جنوبی آفریقانین اَن بؤیوك مسجیدی‌نین تیكیلمه‌سی 3 ایل چكدی و ایقتیصادی پایتخت اولان ژوهانسبورگ شهری و سیاسی پایتخت پرتوریا آراسیندا یئرلشیب. بو مسجیدین یئرلشدیگی موجتمعین مدرسه, ورزشی میدانلار و هابئله بیر مریض‌خاناسی وار كی نلسون ماندلانین حیمایتی ایله دوزلیب. جنوبی آفریقانین رئیس جومهوری جاكوب زوما بو مسجیدین آچیلیشندا دئدی كی بو مسجیدین تیكیلمه‌سی دینلر آراسیندا آنلاییشا كؤمك ائده‌جك. جنوبی آفریقا مسیحی بیر اؤلكه‌دیر كی  50 میلیون جمعیتی‌نین فقط 650 مین نفری موسلماندیر.

	تفسیرده صیرفاً ریوایتلره دیقّت ائله‌مك, بیزی قورآنی معاریفین بیر بؤلوموندن محروم ائلر
معصوم ایماملار (ع) زمانیندا گئنیش رابیطه یوخیدی و وارید اولان ریوایتلر فرقلی آنلاقلی اولان موختلیف افرادین جوابیندا مطرح اولوردو؛ بونا گؤره قورآنین تفسیرینده فقط ریوایتلره دیقّت ائله‌مك محدود ائدیجیدیر و بیزی قورآنی معاریفین بیر بؤلوموندن محروم ائلر. معصوم ایماملاردان (ع) گلن بعضی ریوایتلرین ظاهیرده قورآنلار تعاروضی وار آما دیقّت یئتیرمه‌لی نوكته بوراسیدیر كی ریوایتلر قورآنی بیان ائدیرلر. بیز بیر جور باخساق كی ذهنیمیزین هامیسی ریوایتلرله مشغول اولا و قورآنین اؤزونه آنلاشیلا بیلمه‌ین بیر كلام كیمی باخاق و تكجه ریوایتلرله اونو آنلاماغا چالیشاق, بو مسأله قاباغا گلر كی موتعاریض و موتناقیض ریوایتلر وار. بو تعاروضون پیغمبر (ص) بویوردوغو كیمی حل یولو بودور كی بیزدن بیر سؤز ائشیتسیز كی قورآنلا تعاروضو اولا, اونو دیوارا چیرپین. پس بللی اولور كی قورآن اؤزو ده بیان ائدیجیدیر و هیدایت كیتابی كیمی آنلانا بیلندیر. بو اسادا قورآندان چوخلو مؤحكمات آنلاماق اولار و اونون سایه‌سینده, قورآنین ظاهیری و یا نصی‌ایله آشكار تعاروضو اولان ریوایتلری طرد ائلیه‌ بیلریك. پس نتیجه بو اولور كی قورآنلار ریوایتلر آراسیندا بیر تعاومول و دیالكتیك قورمالی‌ییق, یعنی بیر گؤزوموز ریوایتلرده اولسون و بیر گؤزوموز ده قورآنین اؤزونده و بئله اولاندا ریوایتلر چوخ آیدینلادان اولارلار. شاید سونّتی و موتعارف عاغیللا باخاندا, قورآنین آیه‌لرینده معصوملارین (ع) ریوایتلریله موتعاریض معنالار اله گله و یا بالعكس. بو تعاروضلر اینسانلارین آنلاییش سطحی و زمان بسترینده طبیعی مسأله‌دیر. قورآن كریم نساء سوره‌سی‌نین 82-جی آیه‌سینده بویورور: «أَفَلاَ یَتَدَبَّرُونَ الْقُرْآنَ وَلَوْ كَانَ مِنْ عِندِ غَیْرِ اللّهِ لَوَجَدُواْ فِیهِ اخْتِلاَفًا كَثِیرًا؛ آیا قورانین [معنالاریندا] دوشونمورلر؟ و اگر آللاهدان غیریسندن اولسایدی, حتماً اوندان چوخلو ایختیلاف تاپاردیلار» بو اساسدا موختلیف زمانلاردا موختلیف آنلاییش سطحینده اولان اینسانلارین, فرقلی اولماسی طبیعی مسأله‌دیر. رحمتلیك علامه طباطبایی مؤحكم, موتشابه و تأویل بحثی‌نین آخیرینده «تفسیر بِرأی» باره‌سینده بیر بحثی وار. اوردا ریوایتلردن نتیجه آلیر كی «تفسیر بِرأی» بو معنایادیر كی بیز اؤز آنلاییش سطحیمیزی قورآنا تحمیل ائدك؛ یعنی آللاهین قورآنی نازیل ائله‌مكدن هدفی بو ایدی كی بیزیم ذهنیمیزی اوشاقلار كیمی آددیم آددیم تعالا باغیشلایا. البته آللاه قورآنی نازیل ائله‌مكله اؤز كلامینی, بیز بیله‌جك قدر آشاغی یئندیریب, آما اونون هدفی بیزیم آددیم آددیم تعالا تاپماغیمیزدیر و بو اوشاق اؤز آنلاییش سطحینده دونوب قالسا یوخاری قالخا بیلمیه‌جك و شاید ده چوخلو معاریفی اینكار ائده. بونا گؤره بیز ذهنیمیزی یوخاری چكمه‌لی‌ییك.

دونیادا موباریزه * الكفاح فی العالم

1938-جی ایلده «سوئی چیرو» یوخسول بیر جوانیدی . . و اونون بوتون ایستگی بو ایدی كی تویوتا شیركتی‌ اونون یاراتدیغی یدكی قطعه‌نی آلسین. و بو مسأله گؤروندویو كیمی بیر جوانا دوغرودان‌دا چوخ بؤیوك آرزی ایدی . . بو قطعه‌نین طراحلیغی اوغروندا چوخلو چالیشیدی و نهایتده اونو دوزلتدی . . ایشی باشا چاتدیراندان سونرا آرزیسینی یئرینه یئترمك اوچون اونو تویوتا شیركتینه آپاردی . . آما تویوتا شیركتی اونو ردّ ائله‌دی ! اوندان سونرا تازادان چالیشماغا باشلادی و گئجه‌لری یوخوسوزلوق چكدی كی بو قطعه‌نی ایصلاح ائله‌سین. . . و نهایتده موفق اولدو و تویوتا او قطعه‌نی اوندان آلدی !! بو, دوستوموزون الینه پول گتیردی و او تصمیم توتدو ماشین قطعه‌سی تولید ائدن كرخانا دوزلتسین. . .او زمانلار ژاپون اؤلكه‌سی ساواشا حاضیرلانیردی و اونا گؤره سیمان آز تاپیلیردی . . . پس بیزیم دوستوموز كرخانا دوزلتماغا گوجو چاتمازدی . . . سیزجه بیزیم دوستوموز نه ائتدی؟ دوستلاری ایله بیرلیكده تصمیم توتدولار بیر جور سیمان ایختیراع ائله‌سینلر . .كی آرزیلادیقلاری كرخانانی دوزلتسینلر !! تصوّور ائدین؟؟ او ائلیه بیلدی بو ایشی گؤرسون و كرخاناسینی قوشسون بیر كرخانا كی اونلارا منعت گتیرماغا باشلادی . . . آما . . . ساواش اثناسیندا آمریكا طیاره‌لری دوستوموزون كرخاناسینا بومب یاغدیردی . . . اورانین چوخ یئری داغیلدی !!! فوراً كرخاناسیندان چیخدی . . . و آداملارینا تاپیشیردی كی طیاره‌لرین یاناجاق دگیشن یئرلرین تاپسینلار . . .و اونلارا تاپیشیردی كی بو یاناجاغی آلسینلار, چونكی تولید گئدیشینده اونا لازیم ایدی . .. اونلار لازیم اولان خام موادّی تاپانمادیلار !!! ناغیل بیتدی؟؟ یوخ . . . دوستوموز كرخانانی تازادان ایشه سالدی و یئنیدن تولیده باشلادی . . آما . . . تازادان قورخولو زلزله اونون كرخاناسینی داغیتدی . . . دوستوموز تولید حقّینی تویوتا شیركتینه ساتدی. بوتون وار-یوخونو الدن وئرمیشدی و اصلاً كرخانا فیكرینه دوشه بیلمزدی . . . ژاپون جنگدن سونرا یاناجاق بؤخرانینا دوچار اولدو . . . بیر حدّه‌جن كی یاناجاغی اهالی‌یه موساوی صورتده پایلاییردیلار . . .آما او, دوستوموزون شخصی ماشینی‌نین عاییله‌سینه بازاردان وساییل آلماغا بئله گؤرموردو . . .یاناجاق اونو گؤرموردو و او ائلیه بیلمیردی كئچمیشده‌كی كیمی آزادلیقلا ماشین سورسون . . . دوستوموز تصمیم توتدو جالیب بیر فیكری تجروبه ائله‌سین . .. اونون بیر اوت بیچن ماشینی واریدی . . .اونون ماتورون آچدی  و چرخینه (یئل آتی) باغلادی . ..و دونیادا ایلك ماتورسیكلت ایختیراع اولدو !!! جماعت بو فیكردن حئیرته گلدیلر و اوندان ایسته‌دیلر كی اونلارا دا ائله بیر شئی دوزلتسین . . . او بو چرخدن چوخلو میقداردا دوزلتی بیر حدّه‌جن كی فیكر ائله‌دی بو ایشی اؤزنه تیجاری بیر ایش ائده . . . پس بو فیكری چرخ ساتانلارین چوخونا دانیشدی . . . و اونلارین چوخو قبول ائله‌دی . . .اینتیظاری واریدی بو پروژه‌دن میلیونلار پول قازانسین . . . آما بئله اولمادی . ..اونون بؤیوك و آغیر اولماسینا گؤره جماعت اونون ایستیفاده‌سیندن ایمتیناع ائله‌دی . . .!! تصمیم توتور ایختیراعسینی توسعه وئرسین . . . .اوندا ایصلاح ائله‌مگه چالیشدی و اندازه‌لرین آیارلادی . . .و نهایتده موفّق اولدو . . . بو ایختیراعدان میلیونلار و میلیونلار قازاندی . . . دونیانین اَن بؤیوك كرخانالاریندان اولان اونون كرخاناسی دونیانین هر طرفینده قورولدو . . «هوندا» موتور كرخاناسی سالیندی . .!! بو كیشی‌نین آدی «سوئی چیرو هوندا» ایدی ! بو ناغیلدان نه اؤرگشدیك؟ اوغورلو اینسانلارین یاشاییشینی اوخوسان بیلرسن كی اونلارین یانیندا اوغورسوزلوغون معناسی اوغورسوز اینسانلارین آلدیقلاری معنادان دیبلی-كؤكلو فرقلیدیر. موهوم قایدا: دونیادا اوغورسوزلوق یوخدور . . .او بیر تجروبه دیر كی اوندان اؤرگشریك یاشاییشدا اوغورسوزلوق یوخدور . . . یاشاییش دولودور تجروبه‌ایله كی بیز اونلارلا اوز به اوز اولماغی اؤرگشمه‌لی‌ییك.     الكفاح فی العالم فی عام 1938 كان ""سوشیرو"" شابا فقیرا.. وكان كل ما یتمناه هوأن یبیع إحدى قطع الغیار التی قام بتصمیمها إلى شركة تویوتا....وهو حلم كبیر جدا على شاب فی مقتبل عمره كما ترى..راح یبذل الكثیر من المجهود فی تصمیم هذه القطعة وتصنیعها..وما أن انتهى حتى توجه إلى مصنع تویوتا لیحقق حلمه ویبیعها لهم..لكن مصنع تویوتا رفض!بعد ذلك حاول من جدید وسهر اللیل محاولا تعدیل هذه القطعة..  فنجح واشترتها منه تویوتا أخیرا!!  توفر المال مع صاحبنا هذا فقرر أنیؤسس مصنعا ینتج قطع غیار السیارات..فی ذلك الوقت كانت الحكومة الیابانیةتستعد للحرب ولم تكون المواد الخرسانیة متوافرة..فلم یستطع صاحبنا أن یبنی مصنعه..هل تعرف ماذا فعل صاحبنا؟ قرر أن یخترع هو وأصدقاؤهخلطة خرسانیة من صنعهم هم.. كی یبنی المصنع الذی یحلم به!!!تخیل؟؟استطاع فعلا أن یصنعها واستطاع بناء مصنعه الذیبدأ فعلا ینتج ویدر مالا علیهم جمیعا..لكن..أثناء الحرب قصفت الطائرات الأمریكیةمصنع صاحبنا.. ودمرت معظمه!!!خرج من المصنع فورا .. وأمر موظفیه أن یحاولوا معرفةالمكان الذی تهبط فیه هذه الطائرات لتغیر وقودها..وأمرهم بأخذ هذا الوقود لأنه سیفیدهم فی عملیةالتصنیع.. فهم لا یجدون المواد الخام اللازمة!!!هل انتهت القصة؟؟لا..استطاع صاحبنا أن یعید بناء المصنع وبدأ فی الإنتاج من جدید..لكن..ضربه زلزال رهیب هدم المصنع من جدید...  باع صاحبنا حق التصنیع لشركةة تویوتآ. كان قدفقد كل ما یملك ولم یعد قادرا على الاستمرار فی فكرة المصنع..كانت الیابان تعانی بعد الحرب من أزمة وقود رهیبة..لدرجة أنها كانت توزع الوقود على المواطنین بحصصمتساویة.. لكنها لم تكن كافیة كی یستطیع صاحبنامجرد قیادة سیارته للسوق لشراء احتیاجات أسرته..لم یكن الوقود یكفیه ولم یكن یستطیع أن یتحركبسیارته فی حریة كما كان فی الماضی..قرر صاحبنا أن یجرب فكرة ظریفة.. كانت عنده ماكینة لقصالحشائش.. فك موتورها وركبه فی دراجة هوائیة كانت عنده..فكانت أول دراجة بخاریة فی العالم!!!أعجب الناس بالفكرة.. وطلبوا منه أن یصنع لهم مثلها..صنع الكثیر من هذه الدراجات لدرجة أنه فكر فی تسویقهاتجاریا.. فأرسل إلى كل محال الدراجات یحكی لهم الفكرة..فوافق الكثیر منهم.. توقع أن یجنی الملایین من هذا المشروع..لكن هذا لم یحدث..رفض الناس استخدام هذا الاختراع نظرا لثقلوزنه وقتها ولكبر حجمه المبالغ فیه..!!قرر أن یطور اختراعه.. راح یعدل فیه ویضبط قیاساته..إلى أن نجح فی النهایة.. جنى الملایین والملایین من هذا الاختراع..حصل على جائزة الإمبراطور لمساهماته الفعالة فی المجتمع..أنشأ مصنعه الذی یعتبر من أكبر المصانع حول العالم..أنشأ مصنع (هوندا) للسیارات..!!أن اسم هذا الرجل ""سوشیرو هوندا""؟ماذا نستفید من هذه القصة؟لو راقبت حیاة الناجحین ستعلم أن مفهوم الفشلعندهم یختلف جذریا عن مفهومه عند الفاشلین..قاعدة مهمة: ((لا یوجد فشل.. هناك تجربة تعلمنا منها..)) لا یوجد فشل فی الحیاة.. الحیاة ملیئة بالتجارب التی لابد أن نخوضها كی نتعلم.."

ارز باهالاشماسی‌نین عتبات عالیات زاییرلرینه یارادان موشكولی

عتبات عالیات زاییرلرین چوخو كی ارز تهیه ائله‌مه‌میش و تومنله سفره گلیبلر و تازا شراییطین قاباغا گلمه‌سی‌ایله وساییل آلماق ایمكانلاری یوخدور و آلاندا دا زیان ائلیرلر. تومن ارزیشی‌نین یئنمه‌سی باعیث اولوب عراقلی كسبه ایرانلی زاییرلرله سویوق ترپشسینلر و هم زاییرلر و هم ساتیجیلار ایندیكی وضعیتدن ناراضیدیلار. بعضی عراقلی ساتیجیلار ایرانلیلارا كالا ساتاندا دولار و یا دینار ایستیرلر؛ بو بیر حالدادیر كی زاییرلرین چوخو ارز آلمامیش سفره گلیبلر و قاباغا گلن شراییطده آلیش-وئریش ایمكانلاری یوخدور و بیر شئی‌ده آلاندا ضرر ائدیرلر. ایندی عراق صرافیلری50 مین تومنلیك تراوئلی چوخ ایكراهلا قبول ائدیرلر و موقابیلینده 17500 دینار وئریرلر و توكانچیلار هر دیناری 3 مین تومندن حسابلیرلار.