گؤیه تیجاری فضانورد یوللاماق
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
ناسا خبر وئریب كی تازالیقدا اوچ تیجاری شیركتله قرارا یئتیشیب كی سرنشینلی ماهواره دوزلتسین و بو اساسدا گلن بئش ایلهدك گؤیه فضانورد یوللایاجاق. بو قرارلار اوچ بوئینگ, اسپیس اكس و سیرا نوادا شیركتلریایله مونعقید اولوب. بو قراردادلارین مبلغی سیرا ایله 460، 440 و 212.5 میلیون دولاردیر. بو شیركتلر بو كلان بودجهلری ناسانین نظرینده اولان ماهوارهلری دورلتماغا صرف ائدهجكلر. ناسانین فضایی شاتل برنامهلری قورتولاندان سونرا, بو آزانس فضا نوردلری گؤیه یوللاماق اوچون روسیهنین فضایی سایوز كپسوللاریندان ایستیفاده ائدیر, آما بو شراییط ناسانی بؤ |
||
مارال شیكاری . . اهمیتلی درس * افتراس الغزال..عبرة مهمة
یازار : میرزه عبدالصمد ملکی | بؤلوم : عمومی
+0 به یه ن
|
||
|
بیلیرسن كی مارال آسلاندان سورعتلیدیر اونونلا بئله مارال آسلانین طؤعمهسی اولار ؟ ! . . . . چونكی مارال آسلانی گؤرنده بئله اینانار كی او آسلانلا موقاییسهده ضعیفدیر و آسلان حتماً اونو شیكار ائدهجك, و نتیجهده اوندان قاچیر. نجاتدان اومیدسیزلیك اونو مجبور ائدر تئز-تئز دالییا باخسین كی آسلانلا اونون آراسیندا اولان فاصیلهنی موعیّن ائلهسین. ائله بو دالییا باخماق مارالین قاتیلی اولار چونكی اونون سورعتینی آزالدار. و بو باعیث اولار مارال ایله آسلانین سورعتی بیر-بیرینه یاخینلاشا و نهایتده آسلان مارالا چاتیب اونو شیكار ائده. مارال دالیسینا باخماسا آسلان اونو شیكار ائده بیلمز. مارال اؤزونده اولان گوج نوقطهسی یعنی سورعتیندن خبری اولسا, نئجه كی آسلاندا گوج و هئیكل لحاظیندان گوج نوقطهسی وار, هئچ واخت آسلانا شیكار اولماز . . . بیز نه قدر كئچمیشدهكی اوغورسوزلوغا, موشكوللره و نیگرانچیلیغا شیكار اولموشوق ؟؟؟ نه قدر موفقیتسیزلیگین قورخوسوندان اؤزوموزو مغلوبیّته طؤعمه ائلهمیشیك؟؟ و نه قدر ایچیمیزدهكی اومیدسیزلیك بیزی اورا یئتیریب كی اینانمایاق كی بیز نجات تاپماغا و مقصدلریمیزه چاتماغا گوجوموز چاتار. و قورخو بیزی ایچریدن اؤلدوروب ؟؟ افتراس الغزال..عبرة مهمة هل تعلم أن الغزالة أسرع من الأسد ورغم ذلك تسقط الغزاله فریسه للأسد لماذا ؟! . . . .
لأن الغزالة عندما تهرب من الأسد بعد رؤیته تؤمن بأن الأسد مفترسها لا محالة وأنها ضعیفة مقارنة بالأسد. خوفها من عدم النجاة تجعلها تكثر من الإلتفات دوما إلی الوراء من أجل تحدید المسافة التی تفصل بینها وبین الأسد . هذه الإلتفاتة القاتلة هی التی تؤثر سلبا علی سرعة الغزال، وهی التی تقلص من الفارق بین سرعة الأسد والغزال وبالتالی تمكن الأسد من اللحاق بالغزال ومن ثم افتراسه . لو لم یلتفت الغزال إلی الوراء لما تمكن الأسد من افتراسه. لو عرف الغزال ان لدیه نقطه قوة فى سرعته كما ان للأسد قوه فى حجمه وقوته لنجى منه ..فكم من الأوقات التفتنا إلى الماضی فافترسنا بإحباطاته وهمومه وعثراته؟؟؟ وكم من خوف من عدم النجاح جعلنا نقع فریسة للفشل؟؟ وكم من إحباط داخلی جعلنا لا نثق بأننا قادرین على النجاة وتحقیق اهدافنا وقتلنا الخوف فی داخلنا ؟؟ |
||
اؤلندن سونرا وادیالسلام قبریستانیندا گؤروشریك
یازار : میرزه عبدالصمد ملکی | بؤلوم : دین
+0 به یه ن
|
||
|
وادیالسلام قبریستانی بقیع و ابوطالب قبریستانیندان سونرا دونیا موسلمانلارینین اَن موهوم قبریستانیدیر. ریوایتده گلیب كی مؤمینلرین روحلاری اؤلندن سونرا اورا مونتقیل اولار و دسته-دسته بو قبریستاندا بیر-بیرلریله دانیشار. وادیالسلام قبریستانی بقیع و ابوطالب قبریستانیندان سونرا دونیا موسلمانلارینین اَن موهوم قبریستانیدیر و خاص موقدّسلیگی واردیر. اورا بیر یئردیر كی ریوایتلره گؤره مؤمینلرین روحلاری اؤلندن سونرا اورا اینتیقال تاپار و اوردا دسته-دسته بیر-بیریله دانیشار و بؤیوك قیامتهجن اوردا قالار. بو قبریستان جنوبدان ایمام علینین (ع) موطهر حرمینه و نجف-كوفهنین اصلی خیابانینا (شارع علی بن ابیطالب), شرقدن نجف – كربلا جادّهسینه, شیمالدان حی المهندسین منطقهسینه و غربدن سابیق نجف دریاسینا دایانیر. ایمام صادق (ع) بو قبریستانلیق بارهده بویوروب: هر مؤمین كی غربده و شرقده دونیادان گئدیر, آللاه اونون روحونو وادیالسلاما مونتقیل ائدیر. دئیهسن گؤرورم مؤمین اینسانلار دسته-دسته بیر-بیرینین یانیندا اوتوروب دانیشیرلار. بؤیوك پیغمبرلرین پاك مزاری بو قبریستانلیقدا بللیدیر. ایمكانی وار آیری پیغمبرلر ده اوردا اولسونلار آما حضرت هود و حضرت صالح پیغمبرین مزاری قبریستانین اوّلینده گونبذ آلتیندا بالاجا بیر اوتاغین وسطینده یئرلشیب. بحارالانواردا گلیب كی حضرت نوح و ابراهیمین (ع) و حدوداً 370 پیغمبرین قبرلری ایمام علینین (ع) مزاری كناریندا یئرلشیب. |
||
تحصیلاتین موشترك یاشاییشداكی اثری
یازار : میرزه عبدالصمد ملکی | بؤلوم : اجتماعی
+0 به یه ن
|
||
|
ائولنمك معیارلاریندان بیری ایكی طرفین آگاهلیغی و تحصیلاتیدیر, البته تحصیلاتین موثب و یا منفی اثری بارهده موختلیف نظرلر وار. ار-آروادین باب اولماسینین بحثی اولاندا, تحصیلی جهتدن باب اولماماغین مطلوب اولمایان اثرلریندن سؤز آچیلیر. 1. هر تحصیل مقطعی, مخصوص ایجتیماعی شأن یارادیر كی طبیعی صورتده اینسالار اؤزلرینه یاشاییش یولداشی سئچنده اونو موهوم معیار كیمی نظرده آلیرلار. 2. ایكی طرف تحصیلی جهتدن برابر اولمایان زمان, تحصیلاتی یوخاری اولان طرف موقابیل طرفدن آیری ایمتیازلار آختاریر. 3. هر تحصیل مقطعی (دیپلوم, لیسانس, دؤكتورا و ...) مخصوص دونیا گؤروشو و فیكری فضا یارادیر و بونا گؤره آغ-خانیمین تحصیل جهتدن اوخشار اولماقلاری اونلارین سلقه و دوشونجه باخیمدان اوخشارلیقلارینا اثر قویور. 4. بوتون شراییطده و دونیانین هر یئرینده, تحصیلاتین اوخشار اولماسینا كیشیلرین تحمولی خانیملارا نیسبت داها آزدیر. دؤكتورا سطحینده اولان بیر آغا دیپلوم بیر قیزلا ائولنسه جامیعهده قبول اولونار آما اونون ترسهسی یعنی دؤكتوراسی اولان بیر خانیم دیپلوم بیر اوغلانلا ائولنسه جامیعه طرفیندن قبول اولونان بیر عمل دئییل. 5. ایجتیماعی حركتی اولمایان بیر جامیعهده تحصیلاتین میزانی گلیرین آز-چوخلوغونا باغلیدیر. بئله بیر جامیعهده, آشاغی طبقهلره تحصیل ایمكانی آزدیر و تحصیلات, ایجتیماعی ارزیشین چوخالماسی معناسیندا اولور. بئله جامیعهلرده تحصیلی اوخشارلیق ایجتیماعی و طبقاتی جهتدن اوخشارلیق معناسیندادیر. 6. شكسیز ایكی آیری-آیری سطحدن اولان اینسانلارین ائولنمهسی داها تئز صدمه معرضینده اولور و آیری عامیللر ایضافهلشنده طلاقا مونجر اولا بیلر. |
||
توركیهنین قصدی یوخدور سوریهایله جنگ ائلیه/ هئچ كس بیزیم ایرادهمیزی سینایا بیلمز
یازار : میرزه عبدالصمد ملکی | بؤلوم : خبرلر
+0 به یه ن
|
||
|
توركیهنین باش وزیری بونا تأكید ائلهمكله كی اؤلكهسینین قصدی یوخدور سوریهایله جنگ ائده, دئدی: هئچ كس گركمز بیزیم ایرادهمیزی مرزلریمز و شهروندلریمیزدن دیفاع ائلهمكده سیناسین. العربیهنین وئردیگی خبره گؤره, "رجب طیب اردوغان" ایران رئیس جومهورینین موعاوین اوّلیایله گؤروشدن سونرا موشترك خبری كونفرانسدا تأكید ائلهدی كی توركیه هئچ واخت جنگ دالیسیجان دئییل و توركیهنین جنوب شرقینه خومپارهلی حملهدن سونرا بو اؤلكهنین پارلیمانی, سربازلارین ایستیقرارینی, فقط قاباق آلما عنوانیندا تصویب ائدیب. چرشنبه گونو, ناهاردان سونرا سوریه طرفیندن توركیه تورپاغینا خومپاره گوللـهسی گلدی و نتیجهده دؤردو اوشاق اولان 5 تركیهلی اؤلوب و 9 نفر یارالاندی. بو حملهدن سونرا توركیه ارتشی سوریه تورپاغیندا بعضی نیظامی هدفلری توپا باغلادی و بو حملهلرین پنجشنبه سحرهدك ایدامهسی واریدی و نتیجهده سوریهده شیدّتلی پاتلاییشلار اولوب. سوری موخالیفلرین اعلامینا گؤره بو حملهلر نتیجهسینده ایكی سوریهلی نیظامی اؤلوب و بعضیسیده اؤز موضعلریندن دالی قاییدیبلار. |
||