قدر گئجهسینین فضیلتی
یازار : میرزه عبدالصمد ملکی | بؤلوم : دین
+0 به یه ن
قدر گئجهسی موبارك اوروجلوق آیین چوخ فضیلتلی گئجهسیدیر كی بو گئجه آللاهین رحمت قاپیسی آچیلار و دونیا و آخیرت حاجت و ایستكلری اوچون ارزیشلی فورصتدیر. قدر سورهسینین آیهلرینه دیقت یئتیرمكله قدر گئجهسینین فضیلتین بیلمك اولار:
قدر گئجهسی ایسلامین موقدس و موبارك گئجهلریندندیر. آللاه قورآندا اونو كرامتایله یاد ائدیب و بیر سوره ده اونون آدینا نازیل ائدیب. ایلین بوتونلویونده قدر گئجهسینه تای فضیلتی و یاخشی گئجه یوخدور. بو گئجه قورآنین نازیل اولماسی و روح و ملكلرین نازیل اولما گئجهسیدیر. قدر گئجهسینده عیبادت ائلهمك مین آیین عیبادتیندن اوستوندور. بو گئجه اینسانلارین بیر ایللیك تقدیری: عؤمری, روزیسی و ساییر ایشلری بللی اولار. بو گئجه ملكلر یئره گلر و ایمام زمانین (عج) محضرینه گئدر و بندهلره موقدّر اولانی او حضرته عرضه ائدر. بو گئجهنی آییق قالماق, قورآن اوخوماق و موناجات ائلهمك چوخ توصیه اولوب. بو گئجهنین آیری گئجهلره فضیلتی بو مسألهلردن بللی اولور:
«هر كس قدر گئجهسی آییق قالا و مؤمین اولا و جزا گونونه اعتیقادی اولا, بوتون گوناهلاری باغیشلانار.»
«آللاه كیتابیندان ایستیفاده اولور كی آللاه یانیندا آیلارین سایی اون ایكیدیر و آیلارین سولطانی رمضان آییدیر و رمضان آیین قلبی ده قدر گئجهسیدیر.»
|
بیر گون بیر تورك واریدی . . .
یازار : میرزه عبدالصمد ملکی | بؤلوم : اجتماعی
+0 به یه ن
بیر زامان بیر تورك واریدی كی فارسی دانیشاندا چوخ لهجهسی اولاردی. یعنی لهجهسی چوخ غلیظ ایدی. بیلهسیندن سوروشدولار كی آغا سنكی بو قدر فارسی كیتاب اوخویوب یازیرسان و بو قدر فارسی دانیشیرسان, نیه فارسینی عمللی باشلی دانیشمیرسان؟ !! تورك همان غلیظ لهجهسیایله جاواب وئریر: سیزین نظریزه من كی بو قدر فارسی كیتاب اوخوموشام, یازمیشام و بو قدر سیزه دانیشمیشام, فارسینی لهجهسیز دانیشا بیلمهرم؟!!!! دئدیلر بس نیه فارسینی دوز دانیشمیرسان؟؟!! تورك همان غلیظ لهجهایله قاییدیب دئدی كی من باشاریرام فارسینی لهجهسیز دانیشام آما اورگیم ایستیر منیم سسیمی ائشیدنلر بیلسینلر كی من توركم !! بو تورك بؤیوك اوستاد و موعاصیر فیلسوف رحمتلیك علامه محمد تقی جعفری ایدی . Normal 0 false false false EN-US X-NONE AR-SA MicrosoftInternetExplorer4 یه روز یه تركه بود كه خیلی لهجه داشت
یعنی لهجش خیلی غلیظ بود رفتن ازش بپرسن آقا شما كه این همه كتاب خوندی این همه
سخنرانی كردی چرا لهجه داری پس چرا فارسی رو درست و حسابی صحبت نمی كنی؟!! من كه این همه تحصیلات دارم این همه كتاب خوندم این همه برای شما صحبت كردم نمیتونم فارسی رو درس صحبت كنم؟!!!!! اطرافیان گفتند پس چرا فارسی رو درست صحبت نمیكی؟! تركه برگشت گفت من میتونم فارسی رو بدون لهجه صحبت كنم ولی دلم میخاد هر وقت كسی حرفامو میشنوه بدونه كه من یه تركم!! این ترك كسی نبود جز
بزرگ استاد و فیلسوف معاصر ایران زمین مرحوم علامه محمد تقی جعفری |
دونیانین ان اوزون و ان قیسا ساواشلاری
یازار : میرزه عبدالصمد ملکی | بؤلوم : تاریخ
+0 به یه ن
ساواش او قدر اوزاندی كی فرانسه و انگلیس هر بیری 5 پادیشاه دگیشدی و نئچه ایللردن سونرا دو دؤیوشده فرانسه پیروز اولدو. دونیا تاریخینده ان قیسا جنگ انگلیس و زنگبار آراسیندا اولدو كی دئییلهنه گؤره 38 دن 45 دقیقهیه قدر چكدی و بریتانیا اؤز ایمكاناتی و بعضی زنگبارلیلارین خیانتیندن فایدا آپاریب بو آفریقا اؤلكهسینه سولطه تاپدی. بو گونه قدر دونیا تاریخینده ان اوزون مودّتلی ساواش, مجموعه ساواشلاردیر كی یوز ایللیك ساواشلارا مشهوردولار. بو ساواشلار انگلیستان و فرانسه آراسیندا اولدو و 1337-جی ایلدن باشلاییب 1453-جو ایلینده قورتولدو. بو شاواش او قدر اوزونا چكدی كی دؤیوش زمانی بویوندا فرانسه 5 پادیشاه و انگلستان 5 پادیشاه اؤزونه گؤردو. اونلارین هر بیری بعضی یئرلرده ظفر قازاندیلار و یا شیكست یئییردیلر و نهایتده نئچه ایللردن سونرا فرانسه بو ساواشدا اوستونلوك قازاندی. |
ایمام حسن (ع) و معاویهنین صولحنامهسی
یازار : میرزه عبدالصمد ملکی | بؤلوم : دین
+0 به یه ن
ایمام حسن (ع) اوِّلده اؤزونو معاویهایله جنگه حاضیرلادی, آما كؤمكلرینین ثابیتقدم اولمادیغی و ایسلام دینینه دَیَن ضربهیه گؤره مجبور قالدی معاویهایله صولح ائلیه. ایمام حسن (ع) و معاویهنین صولحنامهسی بیرینجی مادّه: حسن بن علی حكومت و خیلافتی معاویهیه وئریر, بو شرطله كی معاویه قورآن دستوری و پیغمبرین سیرهسینه موطابیق حكومت ائلیه. ایكینجی مادّه: معاویهدن سونرا خیلافت حسن بن علییه چاتاجاق و اونا بیر ایتّیفاق دوشسه حسین بن علی موسلمانلارین حكومتینی الینه آلاجاق. هابئله معاویهنین حقی یوخدور اؤزونه جانشین موعیّن ائلیه. اوچونجو ماده: ناماز واختی امیرمؤمنان علییه(ع) لعنت اوخوماق و اهانت ائلهمك دایاندیرمالیدیر و بوندان سونرا علیدن (ع) فقط یاخشیلیقلا یاد اولمالیدیر. دؤردونجو مادّه: كوفه بیتالمالیندا اولان 5 میلیون دیرهم, معاویهیه تحویل وئریلمیهجك و گَرَك حسن بن علینین (ع) نظری آلتیندا خرجلهنه. هابئله معاویه اموال باغیشلاماقدا بنی هاشیمی بنی امیهدن اوستون توتمالیدیر. هابئله معاویه گرك «دارابگرد» خراجیندان بیر میلیون دیرهم, جمل و صفین جنگینده حضرت علینین(ع) ریكابیندا ساواشیب شهید اولانلارین عاییلهلری آراسیندا تقسیم ائلیه. بئشینجی ماده: معاویه تعهود وئریر كی جماعتین هامیسی, شاملی, حیجازلی, عراقلی و آیری میلّتلرین هامیسی تعقیب و اذیّتدن آماندا اولسونلار و اونلارین كئچمیشدهكی سابیقهلرینه گؤز یومولسون. و اونلارین هئچ بیری كئچمیشده معاویه حكومتی علئیهینه ائتدیكلری فعالیتلره گؤره تعقیب اولماسینلار و مخصوصاً عراق اهلی كئچمیشده اولان كینهیه گؤره اذیّت اولماسین. اوندان علاوه معاویه, علینین (ع) كؤمكلرینه, هر یئرده اولسالار آمان وئرسین و اونلاری اصلاً اذیت ائلهمهسین. هر كسین حقّینی اؤزونه وئرسین و علی شیعهلرینین الینده, بیت المالدان اولان اموال اونلاردان آلینماسین. هابئله حسن بن علی و قارداشی حسین بن علی و پیغمبر خانیندانیندان هئچ كسه, معاویه طرفیندن هئچ جور خطر اولمامالیدیر و هئچ یئرده اونلار اوچون قورخو فضاسی یارادیلمامالیدیر.
صولحون آخیرینده معاویه تأكیدله تعهود وئردی كی صولحنامهنین بوتون مادّهلرینی دقیقاً ایجرا ائلیهجك. او بو مسألهیه آللاهی شاهید گتیردی و شامین بؤیوكلریده شاهید اولدولار. بئلهلیكله ایسلام پیغمبرینین(ص) حسن بن علی هله اوشاق اولاندا, دئدیگی فرماییش موحقق اولدو. پیغمبر بیر گون منبرهده اونو گؤرنده بویوردولار: «منیم بو بالام موسلمانلارین آغاسیدیر و آللاه اونون الیایله موسلمانلارین ایكی دسته آراسیندا صولح یاراداجاق.» |
پنجرهدن برق تولید ائتمك
یازار : میرزه عبدالصمد ملکی | بؤلوم : تكنولوژی
+0 به یه ن
تازالیقدا هلندین«دلف» دانیشگاهیندا بیر جور پنجره دوزلدیبلر كی انرژی تولید ائلیه بیلیر. بو پنجرهلر باهالی دئییل و بیر جور نازیك لایهنی معمولی شوشهنین اوستونه یاپیشدیرماقلا اله گلیر. بو انرژی تولید ائدن پنجرهلر انرژی اوچون اوجوز منبع ساییلا بیلر و ان آز هزینهایله انرژی اله گتیرمگه كؤمك ائدهجك. بؤیوك شهرلرده شوشه نومالی بورجلار و بینالاردا بو پنجرهلردن چوخ یاخشی ایستیفاده ائلهمك اولار. بو ایش اوچون كیفایت ائلر كی شوشهنین اوستونه پاریلدایان نازیك لایه یاپیشسین و پنجره اطرافیندا گونش سلوللاری نصب اولسون. پاریلدایان لایه گونشی جذب ائلیر و اونو گونش سلوللارینا گؤندهریر. البته بو لایهنین رنگیده موهومدور. بو پاریلدان لایه رنگی و كیفیتینه باغلی اولماقلا هر متر موربعده اونلار وات برق تولید ائلر. بیر نازیك لایه ان چوخ 20 وات برق تولید ائلیه بیلر. دوزدور كی شاید بو میقدار برق بینانین بوتون انرژیسین گؤرمهیه آما مثلاً 4 متر موربع اولان پنجره بیر كامپیوتر دستگاهین برقینی یئتیره بیلر. |