اوروجلوغون اونچونجو گونون دوعاسی*orucluğun 13-cü günün duası
یازار : میرزه عبدالصمد ملکی | بؤلوم : دین
+0 به یه ن
ائی آللاه منی بو آیدا چیركینلیك و موردارلیقدان پاكلاشدیر، منی سنین تقدیرلرینین اولمالیلارینا صبیرلی ائت، منی پرهیزكار اولماغا و یاخشی اینسانلارلا یولداشلیق ائتمگه ناییل ائت كؤمكینه خاطیر ائی عاجیز قالمیشلارین یئگانه اومید یئری! اللهمّ طَهّرنی فیهِ من الدَنَسِ والأقْذارِ وصَبّرنی فیهِ على كائِناتِ الأقْدارِ ووَفّقْنی فیهِ للتّقى وصُحْبةِ الأبْرارِ بِعَوْنِكَ یا قُرّةَ عیْنِ المَساكین.
Allahummə təhhirni fihi minəd-dənəsi vəl-əqzar və səbbirni fihi əla kainatil-əqdar və vəffiqni fihi littuqa və sohbətil-əbrar biaunikə ya qurrətə əynil-məsakin! |
اوروجلوغون اونایكینجی گونون دوعاسی*orucluğun 12-ci günün duası
یازار : میرزه عبدالصمد ملکی | بؤلوم : دین
+0 به یه ن
ائی آللاه منی بو آیدا عئیبلری اؤرتمك و هر جور پیس ایشلردن چكینمكله زینتلندیر، منی احتیاج میقدارینا قانع اولماق و كیفایتلنمك لیباسینا بورو، عدالت و اینسافا وادار ائت، منی قورخدوغوم هر بیر شئیدن قورو و آماندا ساخلا، قوروماغینا خاطیر ائی قورخانلاری قورویان!
اللهمّ زَیّنّی فیهِ بالسّتْرِ والعَفافِ واسْتُرنی فیهِ بِلباسِ القُنوعِ والكَفافِ واحْمِلنی فیهِ على العَدْلِ والإنْصافِ وامِنّی فیهِ من كلِّ ما أخافُ بِعِصْمَتِكَ یا عِصْمَةَ الخائِفین.
|
مراغانین اختر فیزیك و نجوم تحقیقات مركزینین رصدخاناسی ایشه باشلادی
یازار : میرزه عبدالصمد ملکی | بؤلوم : خبرلر
+0 به یه ن
مراغانین اختر فیزیك و نجوم تحقیقات مركزینین رئیسی خبر وئردی: مراغانین اختر فیزیك و نجوم تحقیقات مركزینین رصدخاناسی ایشه باشلادی. مراغانین اختر فیزیك و نجوم تحقیقات مركزینین رئیسی دئدی: ایكی دستگاه 30 سانتیمتر قوطروندا اولان 12 اینچلیك دروبینین نصبیایله مراغانین اختر فیزیك و نجوم تحقیقات مركزینین رصدخاناسی ایشه باشلادی. فارسین مراغادان وئردیگی معلوماتا گؤره, علی عجبشیرزاده مراغا رصدخاناسینین ایشه باشلاما مراسیمینده دئدی: بو رصدخانا اختر فیزیك و نجوم دؤكتراسین یولا سالماق و بو مركزی اؤلكهنین علمی نجوم مركزینه تبدیل اولماسی مقصدی و علمی رصدلر اوچون یولا سالینیب. او آرتیردی: بو رصدخانانین یولا دوشمهسیله اختر فیزیك و نجوم تحقیقات مركزینین دؤكتورا دانیشجولاری و مراغا آزاد دانیشگاهینین اختر فیزیك و نجوم كارشیناسی دانیشجولاری اوردان فایدالاناجاقلار. او دئدی: مراغهنین اختر فیزیك و نجوم تحقیقات مركزینین رصدخاناسینین قوطری 4 متردیر. او آرتیردی: بو مركز مقاله تولیدینده 28 مركزین ایچینده بیرینجی روتبهده یئر آلیر و ایشه باشلایاندان 303 مقاله تولید اولوب كی 260 مقاله اعتیبارلی ISI مجلهلرینده چاپ اولوب. مراغانین اختر فیزیك و نجوم تحقیقات مركزی اؤلكهنین تكجه اختر فیزیك و نجوم تحقیقات مركزیدیر. |
سویو تجزیه ائتمگه تازا یول تاپیلدی
یازار : میرزه عبدالصمد ملکی | بؤلوم : تكنولوژی
+0 به یه ن
كالیفورنیا تكنولوژی مؤسیسهسینین عالیملری سویو اكسیژن و هیدروژئنه بؤلمك اوچون تازا مكانیزم تاپیبلار. ساینسین وئردیگی معلوماتا گؤره, ایندیهدك سویو تجزیه ائلهمك یوللاری چوخ بوروشوق ایدی و بعضی جانیبی محصوللارین تولیدینه مونجر اولوردو, اوندان علاوه بو یوللارین بعضیسی زهرلیدی و موحیط زیستی آلوده ائدیردی. تازا یول ساده و الوئریشلیدیر و اونون اَن موهوم مزیّتی بودور كی آشاغی دمادا انجام تاپیر. دئمك اولار كی هیدروژئن یاشاییش و صنعتین بوتون شاخهلرینده, قره نفتدن گوگوردو آییرماقدان توتدو مصنوعی ویتامینلر دوزلتماقدا ایشلهنیر. عالیملر بئله اینانیرلار كی چوخ یاخین گلهجكده اینسانین یاناجاغی هیدروژئندن تأمین اولاجاق نیه كی شیمیایی مادّهلر بو یولونان یاناندا گولخانا گازی تولید ائلهمیرلر. اوندان داها موهوم بو كی یئرین دؤردن اوچو سودور و اینسان بو منبعه ال تاپماقدا موشكولو اولمایاجاق. |
آللاهدان غیرینه آند ایچمك شیرك ساییلماز
یازار : میرزه عبدالصمد ملکی | بؤلوم : دین
+0 به یه ن
شیعه تقلید مرجعی دئدی: آللاهدان سووای آیری موجوداتا دا آند ایچمك اولار. بیر حالداكی وهابیلر بو عقیدهنی شیرك ساییرلار و اونلارین بو فیكرلری قورآنین و اوندا اولان آندلارین خیلافینادیر. مهر خبرنیگاری گوزاریشینه گؤره, آیت الله العظمی جعفر سبحانی «قم» شهرینده حجتیه مدرسهسینده قورآن تفسیرینده «تین» سورهسینین تفسیری ضیمنینده دئدی: آللاه بو سورهده و اونون بیرینجی آیهسینده انجیره آند ایچیر كی بو میوهنین اهمیتینی گؤرسهدیر. او ایدامه وئردی: بعضی موفسیرلر بو ایكی كلمهنی میوه حئسابلامیرلار و بئله بیلیرلر كی آللاهین منظوری سینا چؤلونده ایكی موقدس تین و زیتون داغلاریدیر. قمین علمیه حوزهسینین اوستادی طور سینایا آند ایچماغا ایشاره ائدیب دئدی: هابئله بو سورهده موقدس طور سینایا آند اولور كی بو داغدا تورات حضرت موسییه (ع) نازیل اولدو. او بو سورهنین موختلیف آیهلرینه ایشاره ائلهمكله بویوردو: بو آیهلر گؤرسهدیر كی آللاهدان غیرینهده آند ایچمك اولار , بیر حالداكی وهابیلر بو ایشی شیرك ساییرلار و اونلارین بو فیكرلری قورآنین و اوندا اولان آندلارین خیلافینادیر. آیتالله العظمی سبحانی قورآن سورهلرینده آنددان مقصده ایشاره ائدیب آرتیردی: تین و زیتون كیمی بعضی آندلار او ماده و یا شخصین اهمیتینه ایشاره ائدیر و بعضی آندلار دا بیر شئیین و یا یئرین موقدس اولماسینا نیشانهدیر مثلاً بلد امین و یا همان مكه. بو قورآن موفسیری تأكید ائلهدی: بلد امین یا مكه موقدس بیر یئردیر كی اونون تقدوسی تشریعی و قانونیدیر و ائله بونا خاطیر اورا پناه آپارمیش موجریمی اؤلدورمك اولماز. |