din xadimi دین خادمی

	جنوب قوطبوندا قدیمی جنگل‌لر
جام جم آنلاین: تحقیقلر گؤرسه‌دیر كی تقریباً 15 میلیون ایل بوندان قاباق, سابیقه‌سیز ایستی كئچیجی صورتده جنوب قوطبونا اثر قویدو. هاوانین بو حدده قیزیشماسی جنوب قوطبون یاشیل سیماسینی دگیشدی. جنوب قوطبونداكی بوز لایه‌لری تقریباً 34 میلیون ایل بوندان قاباق دوزلیبلر, آما یاواش یاواش هاوانین قیزیشماسی‌ایله بوگونكی نیوزلند و شیلی آدلانان یئرلر توندرا كیمی اولدولار. هاوانین قیزیشماسی جنوب قوطبوندا ساحیل و مخروطی آغاجلاری وجودا گتیردی. سارا فیاكینز بیر شیمی موتخصیصی‌دیر كی زمین شناسی‌نین موختلیف دؤره‌لرین  وضعیتلرین تشریح ائله‌مك اوچون شیمی علمیندن و اونون موختلیف حیوانلار و بیتكیلر اوستونده‌كی تأثیریندن ایستیفاده ائلیر. بو موحقیق جنوبی كالیفورنیا دانیشگاهی‌نین تحقیق گروهونون رئیسی‌دیر كی اخیراً حیرت آمیز مدركلر تاپیب. راس آدیندا مساحتی 187 مین كیلومتر موربعدن چوخ اولان بوز لایه‌سی‌نین قالیقلاریندان چوخ میقداردا یاغلی یارپاقلار تاپیلیب. قالیقلار میوسن دؤره‌سینده, یعنی بیر دؤران كی هاوا نیسبتاً موعتدیل ایدی, جنوب قوطبوندن خاریج اولوب و نهایتده اوقیانوسا گئدیب. بو حادیثه 15-20 میلیون ایل قاباق اولوب. پروفوسور فیاكینز دئییر كی بو یارپاقلارین اؤزلریندن علاوه كی جنوب قوطبی ساحیللرینده چوخلی بیتكیلرین اولماسیندان خبر وئریر, بو قالیقلارین شیمیایی آنالیزی گؤرسه‌دیر كی او زمان هاوا, قاباقجادان گومان ائله‌دیگیمیزدن داها چوخ ایستی‌ایدی. بو تحقیقلرین نتیجه‌سی گؤرسه‌دیر كی میوسن دؤره‌سینده هاوا ایندی‌نین اورتامیندان 11 درجه چوخیدی. پروفوسور فیاكینز دئییر: بیز بیلیردیك كی میوسن دؤره‌سی ایستی بیر دؤره‌ایدی آما حیرت آمیزدیر كی ایندی بیلیریك بو قدر ایستیدی. یاغلی یارپاقلار كئچمیشین هاوا وضعیتین گؤرسه‌دیرلر. بیر گیاه اؤلنده اونون چوخ قیسمتلری تجزیه اولار. آما اونون موم شكلینده اولان قیسمتی و توز دانالاری كی بوردا ایصطیلاحاً یاغلی بخشی دئییریك, آرادان گئتمیرلر و مختلیف قالیقلاردا تورا دوشورلر و مولكول فوسیلی كیمی قالیرلار.

	اوروجلوغون اون‌بیرینجی گونون دعاسی*orucluğun onbirinci günün duası
ائی آللاه احسان و یاخشیلیق ائتمگی بو گونده منه سئو‌دیر، و منده اَیریلیك و ایطاعت‌سیزلیكلره قارشی ایكراه یارات، غضب و آلوو‌لانان اودو منه حرام, ائت یاردیم ائتمگینه خاطیر، ائی كؤمك ایسته‌ینلرین دادینا چاتان!   اللهمّ حَبّبْ الیّ فیهِ الإحْسانَ وكَرّهْ الیّ فیهِ الفُسوقَ والعِصْیانَ وحَرّمْ علیّ فیهِ السّخَطَ والنّیرانَ بِعَوْنِكَ یا غیاثَ المُسْتغیثین.   orucluğun onbirinci günün duası Allahım ehsan və yaхşılıq etməyi bu ayda mənə sevdir, məndə əyrilik və itaətsizliklərə qarşı ikrah yarat, qəzəb və alovlanan odu mənə haram et yardım etməyinə хatir, ey kömək istəyənlərin dadına çatan! Ramazan ayının gündəlik duaları » Allahummə həbbib iləyyə fihil-ehsan və kərrih iləyyə fihil-fusuqə vəl-isyan və hərrim ələyyə fihis-səхətə vən-niran biaunikə ya ğiyasəl-mustəğisin!

اوروجلوغون اونونجو گونون دعاسی*orucluğun onuncu günün duası

ائی آللاه منی بو آیدا سنه توكّول ائدنلردن ائت، و سنین یانیندا كاما چاتانلاردان و اوغور الده ائدن‌لردن ائت, و سنین درگاهینا یاخین اولانلاردان ائت، احسانینا خاطیر ائی آختارانلارین مقصدی!   اللهمّ اجْعلنی فیهِ من المُتوكّلین علیكَ واجْعلنی فیهِ من الفائِزینَ لَدَیْكَ واجْعلنی فیهِ من المُقَرّبینَ الیكَ بإحْسانِكَ یاغایَةَ الطّالِبین.   orucluğun onuncu  günün duası Allahım məni bu ayda Sənə təvəkkül edənlərdən, Sənin yanında kama çatan və uğur əldə edənlərdən və Sənin dərgahına yaхın olanlardan et, ehsanına хatir ey aхtaranların hədəfi! Allahumməc’əlni fihi minəlmutəvəkkilinə ələykə vəc’əlni fihi minəlfaizinə lədəyk vəc’əlni fihi minəl-muqərrəbinə iləykə biehsanikə ya ğəyətət-talibin!

اورتا عصرلرده ایسلام دونیاسی فلسفه مركزی‌ایدی*Orta əsirlərdə islam dünyası fəlsəfə mərkəzidi
آمریكا فیلسوفلار انجومنی مودیری بونا ایشاره ائله‌مكله كی یوناندان سونرا فلسفه مركزی غرب دئییلدی, دئدی: بو, ایسلام دونیاسی و ایسلامی فیلسوفلاریدی كی فلسفی رأیلرین مركزی ساییلیردیلار. دؤكتور اریك توماس وبر, آمریكا فیلسوفلار انجومنی مودیری و می‌سی‌سی‌پی دانیشگاهی‌نین عمومی سیاست و فلسفه اوستادی, غرب فلسفه‌سی‌نین ایسلامی فلسفه‌دن آلدیغی تأثیره ایشاره ائدیب مهر خبرنیگارینا دئدی: موتقابیل تأثیرلنمه دوشونجه ساحه‌سینده و فلسفه‌ده نورمال مسأله‌دیر. او دئدی: كئچمیشده غرب فلسفه‌سی, ایسلامی فلسفه‌دن چوخلی تأثیر گؤتوروب. حقیقتده كئچمیشده و یوناندان سونرا فلسفه مركزی داها غرب اولماییب. و بو ایسلام دونیاسی و ایسلامی فیلسوفلاریدی كی فلسفی رأیلرین مركزی ساییلیردیلار. وبر ایدامه وئردی: فلسفه تاریخینی دیقّتلی تحقیق ائله‌سك گؤره‌جه‌ییك كی غرب, تازا دؤره‌ده فلسفه مركزینه چئوریلیب. او دئدی: ایسلامی فیلسوفلار اورتا عصرلرده عین حالداكی بعضی یونانلی فیلسوفلارین او جومله‌دن افلاطون و ارسطونون تأثیری آلتیندا ایدیلر, اؤزلری‌نین تأثیرلری غرب فلسفه‌سینه چوخ اولوب. او آرتیردی: غرب, فلسفه‌یه قاییتماسیندا ایسلامی فیلسوفلارین اثرلری و رأیلریندن چوخلی فایدا آپاریب. وبر ایدامه وئردی: بعضی بیكر فلسفی نظرلر بیر نفرین آدینا ثبت اولوب حال بوكی آیری آدام اونو مطرح ائله‌ییب. نمونه اوچون دكارتی ذهن و عین ایكیلیغین بیناسین قویان تانی‌ییرلار و حال بوكی دكارتدان قاباق ابن‌سینا ذهن و عین ایكیلیغین مطرح ائله‌ییب. ادامه مطلب yazının ardı

	اوروج واختی گؤزلرین تار گؤرمه‌سی طبیعیدیر*oruc vaxtı gözlərin tar görməsi təbiidir
گؤزون تاریلیغی, اوروج توتانلارین لاپ چوخ موبتلا اولدوقلاری مسأله‌دیر. بعضی جوان اوروج توتانلار آیاغا قالخاندا, گؤزلرینده فیشارین آزالماسیله اوزله‌شیرلر و اطرافی تار گؤرورلر. بو حالت تئز كئچیب گئدندی و بئله آداملار گرك دؤكتوره گئتسینلر تا فیشارلاری‌نین تنظیمه سالماسی اوچون تقویتی داوالار ایستیفاده ائله‌سینلر. البته گؤزون اوروج واختی قوروماسی‌دا تار گؤماغا سبب اولار كی بو مسأله ایفطاردان سونرا دوزه‌لر. گؤزلرینده آب مورواید عملی ائدنلر اوروج توتماغا هئچ موشكوللری یوخدور. آما گؤز نومره‌لری 7-دن چوخ اولانلار اوچون اوروج توماق ضرر ائلر. ادامه مطلب yazının ardı