آزادلیق قانون چرچیوهسینده تعریف اولار*Azadlıq qanun çərçivəsində tərif olar
یازار : میرزه عبدالصمد ملکی | بؤلوم : اجتماعی
+0 به یه ن
|
||
ایمام خمینی(ره) بونا اینانیردیلار كی آزادلیق قانون چرچیوهسینده تعریف اولار, و بویوروردولار: دونیانین هر یئرینده بئلهدیر كی هر میلتین كی آزادلیغی وار او اؤلكهنین قانونلاری چرچیوهسیندهدیر. هئچكس آزادلیق آدینا قانونی آیاقلایا بیلمز. ایمام خمینی(ره) اندیشه آزادلیغینا, سالیم فضا یاراتماق ضرورتی بارهده دئییر: نیگرانچیلیغا باعیث اولان فیالجمله بودور (كی الآن جماعتین بوتون قیشرلری بیر جور آزادلیق احساس ائلیرلر), بو آزادلیقلا نه ائلهمك ایستیریك؟ و بونا خاطیر, سیز آزادلیقلا بیزیم یانیمزا گلدیز حال بوكی قاباقجادان گله بیلمزدیز. بیز آزادلیقلا سیزینله دانیشیریق و سیزده بیزیمله دانیشیرسیز. ایندی كی آزادیق, بوتون قئید بندلری قیرمالیییق؟ آزاد اولان لحظهدن هر نه ایستیریك ائدك؟ یازاق؟ هر ایش گؤرك؟ آزادلیغین معناسی بودور كی جمهوری ایسلامیده بوتون قئید بندلر گؤتورولسون؟ هر كس هر نه ایستیر ائلهسین؟ حتّی اومّتین و ایسلامین و قورآنین خیلافینا اولسا. یا یوخ, ایسلامین بیزه وئردیگی آزادلیق اولا؛ ائله آزادلیق كی چرچیوهسی وار. ایمام اینانیردیلار كی آزادلیق قانون چرچیوهسینده تعریف اولور و بویوروردولار: دونیانین هر یئرینده بئلهدیر كی هر میلّتین كی آزادلیغی وار او اؤلكهنین قانونلاری چرچیوهسیندهدیر. هئچكس آزادلیق آدینا قانونی آیاقلایا بیلمز. آزادلیق بو دئییل كی مثلاً كوچهده دوراسیز و رد اولانلارا یامان دئیهسیز, آللاه ائلهمهمیش آغاجینان ووراسیز و دئیهسیز من آزادام. بو دئییل كی قلم گؤتورهسیز و هر نه گؤیلوز ایستیر یازاسیز حتی ایسلام و قانون ضیدّینه. ایمام خمینی (ره) آزادلیغی بیر ایلاهی ایمتحان بیلیردیلر و اینانیردیلار كی «ایندی آللاه بو آزادلیغی وئرماقلا بیزی ایمتحان ائلیر. بیر واخت ائلیه بیلمزدیز بیر ایش گؤرهسیز. ایندی آللاه عینایت ائدیب كی آزادلیغا مانع اولانلار اؤلكهدن ایخراج اولوبلار. آللاه سیزی بو یارانمیش آزادلیقلا ایمتحان ائلیر. آللاهین نعمتلری بندهلرین امیتحانیدیر. گؤرك كی آللاهین بیزه وئردیگی نعمتی شوكران ائدیریك یوخسا كوفران. كوفران بودور كی آزادلیغیمیزی كیفیر ایشلره وسیله قرار وئرك. شوكران بودور كی آزادلیغی آللاه ایستهین یولدا ایشلهدك. بیزه وئریلن آزادلیق بیر ایلاهی پایدیر كی خیانت ائلهسك ایمكانی وار آللاه وئردیگی پایی بیزدن آلا و بیز سابیق حالمیزا قاییداق. هامیمیز بو مسألهیه دیقّت ائلهمهلیییك كی یارانمیش آزادلیقدان سوءایستیفاده ائلهمهیك. (جنوب ساحیللری خانیملاری جمعینده 12/4/58)
Azadlıq qanun çərçivəsində tərif olar imam xumeyni(rə) buna inanırdılar ki azadlıq qanun çərçivəsində tərif olar, və buyururdular: dunyanın hər yerində belədir ki hər mıltın ki azadlığı var o ölkənin qanunları çərçivəsindədir. Heçkəs azadlıq adına qanunı ayaqlaya bilməz. İmam xəmini(rə) əndişə azadlığına, salım fəza yaratmaq zərürti barədə deyir: nıgrançılığa baıs olan fıalcmlə budur (ki əlan cəmatın bütün qişərləri bir cur azadlıq əhsas elirlər), bu azadlıqla nə eləmək istirik? Və buna xatır, sız azadlıqla bizim yanımza gəldiz hal bukı qabaqcadan gələ bilməzədiz. Biz azadlıqla sizinlə danışırıq və sizdə bizimlə danışırsız. İndı ki azadıq, bütün qeyd bəndləri qırmalıyıq? Azad olan ləhəzədən hər nə istirik edək? Yazaq? Hər iş görk? Azadlığın mənası budur ki cəməhüri islamıdə bütün qeyd bəndlər götürülsün? Hər kəs hər nə istır eləsin? Hətti ummtın və islamın və quranın xılafına olsa. Ya yox, islamın bizə verdigi azadlıq ola; elə azadlıq ki çərçivəsi var. İmam inanırdılar ki azadlıq qanun çərçivəsində təərif olur və buyururdular: dunyanın hər yerində belədir ki hər mılltın ki azadlığı var o ölkənin qanunları çərçivəsindədir. Heçkəs azadlıq adına qanunı ayaqlaya bilməz. Azadlıq bu deyil ki məsələn küçədə durasız və rəd olanlara yaman deyəsiz, allaə eləməmiş ağacınan vurasız və deyəsiz mən azadam. Bu deyil ki qəlm götürəsiz və hər nə göyəlüz istır yazasız həti islam və qanun ziddinə. İmam xəmini (rə) azadlığı bir ilahı imthan bilirdilər və inanırdılar ki «indı allaə bu azadlığı vermaqla bizi imthan elir. Bir vaxt eliə bilməzədiz bir iş görəsiz. İndı allaə inayt edib ki azadlığa mane olanlar ölkədən ixrac ulublar. Allaə sızı bu yaranmış azadlıqla imthan elir. Allaəin nəəmətləri bəndələrin əmıthanıdır. Görk ki allaəin bizə verdigi nəəməti şukran edirik yoxsa kufran. Kufran budur ki azadlığımızı kıfır işlərə vəsilə qərar verk. Şukran budur ki azadlığı allaə istəin yolda işələdək. Bizə veriln azadlıq bir ilahı paydır ki xyant eləsk imkanı var allaə verdigi payı bizdən ala və biz sabıq halmıza qayıdaq. Hamımız bu məsələyə dıqqt eləməliyyk ki yaranmış azadlıqdan suءaystıfadə eləməyk. (Cənub sahılləri xanımları cəmində 12/4/58) |
||
+
نوشته شده در Sat 28 Jul 2012ساعت 10:16 AM توسط عبدالصمد ملكی əbdüssəməd məliki
|
نظر بدهیدcomments
|
اوروجلوق آییندا ورزیشین ان موناسیب واختیOrucluq ayında idmanin ən münasib vaxtı
یازار : میرزه عبدالصمد ملکی | بؤلوم : دین
+0 به یه ن
اوروجلوق آییندا آماتور ورزیشكارلار اوچون ان موناسیب واخت ایفطاردان 2-3 ساعت سونرادیر. یاخشیسی بودور كی ورزیشكارلار ایفطار زمانی قند و مایعاتی آز حجمده ایستیفاده ائلهسینلر و ایكی اوچ ساعتدن سونرا ورزیش ائلهسینلر و سونرا شام یئسینلر. البته ورزیش زمانی, ورزیشكارین بدنی و حرفهای اولماق سطحینهده قالیب, نیه كی دری آلتیندا موناسیب یاغی اولان ورزیشكارلار ایفطاردان بیر ساعت قاباقدا ورزیش ائلیه بیلرلر و ایفطار زمانی الدن گئدمیش سویو فوراً جوبران ائلیه بیلرلر. گون بویو ایكی دفعه ورزیش ائدن ورزیشكارلارا توصیه اولور اوروجلوق آییندا ورزیشلرینین حجمینی آزالتسینلار و تكجه بیر نوبهده كی بدن قودرتلری و لازیم اولان انرژیلری وار, ورزیش ائلهسینلر. ایفطارینان شام آراسیندا كی فاصیلهنی رعایت ائتمك چوخ موهومدور. موتأسیفانه جماعتیمیزین چوخو ایفطارلا شامی بیر یئرده یئییرلر. و بو مسأله -معده حجمینین گون بویو آزالماسینا گؤره- هضم موشكولو یارالدیر. یاخشیسی بودور كی ایفطارلا شام آراسیندا فاصیله وئرهسیز تا بدن شام یئمگه حاضیر اولا. موبارك اوروجلوق آییندا اوباشدانلیق اصلاً گرك ترك اولمایا, چونكی چوخ قورخولو نتیجهسی اولا بیلر. گرك دیقّت ائدك كی اینسانین بدنی, خاص فعالیتیده اولماسا, قان دولانما و عصبلر بؤلومونده فعالیت ائلیر و بو فعالیتلرین انرژی مصرفینه احتیاجی وار كی گرك اوباشدانلیقدا تأمین اولا و اوباشدانلیق یئییلمهسه اینسانین بدنی 20 ساعت انرژیسیز قالار. بو مودّتده بدنین قند و انرژی ذخیرهسی بوشالار و نئچه گون ایدامه تاپسا اینسانین بدنینه خطرلی نتیجهسی اولار.
Orucluq ayında idmanin ən münasib vaxtı orucluq ayında amator idmançılar üçün ən münasib vaxt iftardan 2-3 saat sonradır. .Yaxşısı budur ki idmançılar iftar zamanı şəkər və mayeatı az həcmdə istifadə eləsinlər və iki uç saatdan sonra idman eləsinlər və sonra şam yesinlər. Əlbəttə idman zamanı, idmançıların bədəni və peəkşar olmaq səviyyəsinə qalıb, niyə ki dəri altında münasib yağı olan idmançılar iftardan bir saat qabaq da idman eliyə bilərlər və iftar zamanı əldən getmiş suyu dərəhal cübran eliyə bilərlər. Gün boyu iki dəfə idman edən idmançılar a tövsiyə olur orucluq ayında idmanalrının həcmini azaltsınlar və təkcə bir növbədə ki bədən qüdərtləri və lazım olan enerjiləri var, idman eləsinlər. İftarınan şam arasındakı fasiləni rəayət etmək çox mühumdur. təəsülə camaatımızın çoxu iftarla şamı bir yerdə yeyirlər. Və bu məsələ -mədə həcminin gün boyu azalmasına görə- həzm problemi yaraldır. Yaxşısı budur ki iftarla şam arasında fasilə verəsiz ta bədən şam yeməyə hazır ola. Mübarək orucluq ayında obaşdanlıq qətiyyən gərək tərk olmaya, çünki çox qorxulu nəticəsi ola bılr. Gərək diqqət edək ki insanın bədəni, xas fəaliyyəti də olmasa belə, qan dolanma və əsəblər bölümündə fəalyyət elir və bu fəaliyyətlərin enerji məsrfinə ehtiyaci var ki gərək obaşdanlıqda təmin ola və obaşdanlıq yeyilməsə insanın bədəni 20 saat enerjisiz qalar. Bu müddətdə bədənin şəkər və enerji ehtiyatı boşalar və neçə gün davam etsə insanın bədəninə xətərli nəticəsi olar. . |
ناپلئونون بسمالله ایله باشلایان نامهسی*Napoleonun bismillah ilə başlayan naməsi
یازار : میرزه عبدالصمد ملکی | بؤلوم : دین
+0 به یه ن
1789-جی ایلینده فرانسهنین ساواش گمیلری تولون بندریندن مصره طرف یولا دوشدو. بو گمیلر 5 مین سربازلا و ناپلئونون اؤز باشچیلیغ ایله گئجه اسكندریه بندرینه یئتیشیب و شهری فتح ائلهدی. ناپلئونون قصدی واریدی قاهرهنی فتح ائلیه؛ بونا گؤره قاهرهیه حمله ائلهمهمیشدن قاباق بیر اعلامیه یایدی تا مصر جماعتی اونون قاباغیندا موقاویمت ائلهمهسین. ناپلئونون اعلامیهسی بئلهدیر: «بسم الله الرحمن الرحیم، لاالله الا الله، محمد رسول الله. فرانسه میلّتینین آدینا كی اؤز بیناسینی آزادلیغا و برابرلیگه قویوب. قدیم زمانلاردان سیزین اؤلكهیه حكومت ائدن بیگلر, فرانسه میلّتین تحقیر ائدیب و اونلارین تاجیرلرینه شیكنجه وئریردیلر. ایندی الله رب العالمینین ایرادهسی بئلهدیر كی اونلارین سولطانلیغینا سون قویولا. من مصر ممالیكیندن چوخ آللاها و اونون رسولونا احتیرام قویورام. اونلارا دئیین كی آللاه محضرینده جماعت آراسیندا فرق یوخدور, مگر عقل و اینسان و اخلاقی كماللار و فضیلتلره گؤره . . . شئیخلر, قاضیلر و ایماملار جماعته ایطمینان وئرسینلر كی بیز واقعی موسلمانیق. مگر بیز دئییلدیك كی رم شهرینه گئتدیك و جماعتی موسلمانلارلا موباریزهیه چاغیران پاپی یئرینده اوتورتدوق؟» و بئله اولدو كی فرانسه لشكری نئچه آیدان سونرا قاهرهیه قدر قاباغا گئتدی.
Napoleonun bismillah ilə başlayan naməsi 1789-cü ilində fransanın savaş gəmiləri tulun limanından misrə tərəf yola düşdü. Bu gəmilər 5 min əskərlə və Napoleonun öz başçılığ ilə gecə iskəndəriyyə limanına yetişib və şəhəri fəth elədi. Napoleonun qəsdi varidi qahirəni fəth edə; buna görə qahirəyə hücum eləməmişdən qabaq bir elamiyyə yaydı ta misr cəmatı onun qarşısında müqavımət göstəməsin. Napoleonun elamiyyəsi belədir: «bəsmillaherrəhəmanerrəhim, laelahə ella allah, məhəmməd rəsul allah. Fransa millətinin adına ki öz binasını azadlıq və bilığa qoyub. Qədim zamanlardan sizin ölkəyə hökümət edən bəylər, fransa millətin təhqir edib və onların tacirlrinə işkəncə verirdilər. İndi allah rəbbəlaləminin iradəsi belədir ki onların sultanlığına son qoyula. Mən misr məmalikindən çox allaha və onun rəsuluna ehtiram qoyuram. onlara deyin ki allah məhzərində camaat arasında fərq yoxdur, məgər ağıl və insan və əxlaqi kəmallar və fəzilətlərə görə . . . Şeyxlər, qazilər və imamlar camaata itminan versinlər ki biz həqiqi müslmanıq. Məgər biz deyildik ki Rom şəhərinə getdik və camaatı müsəlmanlarla mübarizəyə çağıran Papı yerində otürtdüq?» Və belə oldu ki fransa qoşunu neçə aydan sonra qahirəyə qədər qabağa getdi. |
تبریزین گؤی مسجیدی آللاه قوناقلارین قبول ائدیر*Təbrizin göy məscidi allah qonaqların qəbul edir
یازار : میرزه عبدالصمد ملکی | بؤلوم : دین
+0 به یه ن
ایسلام دونیاسینین فیروزهسینده ناماز قیلانلارین شكوهلی نوماییشیایله تبریزین گؤی مسجیدی آللاه قوناقلارین قبول ائلیر. جهانی میراث لیستینده ثبت اولموش تبریزین گؤی مسجیدی تعمیرینین بیر قیسمتی قورتولسا, بو مسجید فرهنگی و هونری دینی برنامهلر اینن قوناقلاری قبول ائلیهجك. گوندهلیك قیلینان ناهار نامازلاری بو مسجیدین ثابیت برنامهلریندندیر. تبریزین گؤی مسجیدی 870 هیجری قمری و 1465 میلادی ایلینده و قرهقویونلولارین ان قودرتلی پادیشاهی سولطان جهانشاه زمانی و اونون قیزی صالحه خانیمین امریایله دوزلیب و ایسلام دونیاسینین فیروزهسینه مشهور اولوب و تایسیز گؤزللیك و معمارلیغینا گؤره هر ایل چوخلو توریست, دونیانین هر طرفیندن اونو گؤرمگه گلیرلر.
Təbrizin göy məscidi allah qonaqların qəbul edir islam dünyasının firuzəsində namaz qılanların əzəmətli nümayişi ilə Təbrizin göy məscidi allah qonaqların qəbül elir. Dünya miras siyahısında qeyd olmuş təbrizin göy məscidi təmirinin bir qismi qurtulsa, bu məscid mədəni və inc sənət-dini layihələr ilə qonaqları qəbül edəcak. Gündəlik qılınan nahar namazları bu məscidin sabit layihələrindəndir. Təbrizin göy məscidi 870 hicəri qəməri və 1465 miladi ilində və qərə qoyunluların ən qüdrətli padişahı sultan cahanşah dövrü və onun qızı salihə xanımın əmri ilə düzəlib və islam dünyasının firüzəsinə məşəhur olub və taysız gözəllik və memarlığına görə hər il çoxlu turist, dünyanın hər tərəfindən onu görməyə gəlirlər. |
جنجاللی سئریالی محكوم ائدن فتوا*Cəncallı seriyali məhəkum edən fətva
یازار : میرزه عبدالصمد ملکی | بؤلوم : دین
+0 به یه ن
«عمر بن خطاب» بیر تاریخی سئریالدیر كی 31 قیسمتده حاضیرلانیب و «امبیسی»دن یاییلیر. بو سئریال ایكینجی خلیفهنین یاشاییشین ریوایت ائلیر و اونون اورتا دوغودا پخش اولماسی مینلر نفرین اعتیراضینا باعیث اولوب. اعتیراض بونا خاطیردیر كی فیلیمده پیغمبرین و اونون اصحابینین نوماییش طرزی ایسلام قانونلارینین ضیدّینهدیر. بو سئریال عرب دونیاسینین ان بؤیوك تلویزیون محصولو ساییلیر. سئریالدا 30 مین نفردن آرتیق عادی جماعتین حضورو واردیر و فیلمین عامیللری 10 اؤلكهدن بیر یئره ییغیشیبلار و سئریالین 31 قیسمتی 300 گونده چكیلیب. سئریال رمضان آیی آنتئنه گئتدی و اورتا دوغودا بو فصلین ان چوخ باخیلان سئریالی ساییلیر. مصرین الازهر دانیشگاهی بو سئریالین علئهینه بیر فتوا وئریب و اوندا شخصیتلرین نوماییش طرزینی گوناه میصداقی ساییب. عربستانین دارالافتاءسی كی عربستانین رسمی فتوا مركزی ساییلیر هلهكی بو بارهده فتوا وئرمهییب. پیغمبر(ص) و آیری ایسلامی شخصیتلرین چؤهرهسینی نوماییش وئرمك قورآندا منع اولماسا دا ایسلام عالیملرینین چوخو بو ایشی جاییز بیلمیرلر. اورتا دوغودا مینلر نفر بو سئریالا اعتیراض ائدیبلر و اونون نوماییشینین دایاندیرلماسینی ایستهییبلر. سئریالی حاضیرلایانلار اؤزلریندن دیفاع ائدیب دئییبلر كی ایسلام روحانیلرین چوخو فیلمین ریوایت طرزینی تأیید ائدیبلر. ایشاره ائلهمك یاخشیدیر كی عربستاندا مذهبی فیلم دوزلدنده, اوّلده اونو الازهره گؤندهررلر تا او دانیشگاهین تأییدیندن سونرا آنتنه گئده آما بو فیلیمده بو ایش گؤرولمهییب. قراردی بو فیلیم تركیه شبكهلرینهده گئتسین.
Cəncallı seriyali məhəkum edən fətva «omər bin xəttab» bir tarixi seriyaldır kı 31 qismətdə hazırlanıb və «MBC»dən yayılır. Bu seriyal ikinci xəlifənin yaşayışın rəvayət elir və onun orta duğuda yayılması minlər nəfərin etirazına səbəb olub. etiraz buna xatirdir ki filimdə peyğəməbərin və onun əshabının numayiş tərzi islam qanunlarının ziddinədir. Bu seriyal ərəb dünyasının ən böyük televizya məhsulu sayılır. Seriyalda 30 min nəfərdən artıq adi camaatın hüzuru vardır və filmin amilləri 10 ölkədən bir yerə yığışıblar və seriyalın 31 qisməti 300 gündə çəkilib. Seriyal ramazan ayı antenə getdi və orta doğuda bu fəslin ən çox baxılan seriyali sayılır. Misrin ələzhər uneversitəti bu seriyalin əleyhinə bir fətva verib və onda şəxsiyyətlərin nümayiş tərzini günah musdaqı sayıb. Ərəbistanın darolefta’sı ki Ərəbistanın rəsmi fətva mərkəzi sayılır hələki bu barədə fətva verməyib. Peyğəmbər(s) və ayrı islami şəxsiyyətlərin çöhərəsini nümayış vermək quranda mən olmasa da islam alimlərinin çoxu bu işi cayiz bilmirlər. Orta duğuda minlər nəfər bu seriyala e’tiraz ediblər və onun nümayışinin dayandırılmasını istəyiblər. Seriyalı hazırlayanlar özlərindən müdafiə edib deyiblər ki islam ruhanilərin çoxu filmin rəvayt tərzini təyid ediblər. İşarə etmək yaxşıdır ki Ərəbistanda dini film düzəldəndə, əvvəldə onu ələzhərə göndərərlər ta o universitətin təyidindən sonra antenə gedə. amma bu filimdə bu iş görülməyib. Qərardı bu filim türkiyə kanallarında yayılsın. |