زحل قمری‌نین دنیزی اؤلو دریا قدر شور !
یازار : میرزه عبدالصمد ملکی | بؤلوم : دین
+0 به یه ن
زحل قمری‌نین دنیزی اؤلو دریا قدر شور !
عالملر ناسانین دیتالارینی تحقیق ائتمكله زحل قمری‌نین تیتان آدلانان اقیانوسونون، یئر اوزونده‌كی «اؤلو دریا» قدر شور اولدوغونو بیلیبلر.
اردن‌ین شرق ساحلینده یئر آلان «بحرالمیّت» و یا «اؤلو دریا» یئر اوزونون اَن شور دنیزیدی كی اوردا هئچ جانلی یاشامیر و ائله بونا گؤره ده بو آدی اونا ودئریبلر.
عالملرین اله گتیردیكلری كئچن اون ایل بویو تیتاندان اله گلن تازا توپوگرافی دیتالاری آراشدیرماقلا حاصل اولوب. اونلار بو سفینه‌نین دیتالارینی آراشدیرماقلا بو قمرین اوستونو توتان بوزون تركیبینی داها آرتیق تانییبلار.
تازا اله گلن اطلاعات تیتانین اوست لایه‌سی‌نین قاباقكی برك اولما نظریه‌سینی تأیید ائلیر. عالملر دیتالاری آراشدیرماقلا بیلیبلر كی بو اقیانسون بستری حل اولمامیش دوزلارین سو ایله قاریشمیندان اله گلن نهایتسیز شور اولمالیدیر. بو دوزلار چوخ احتمالا گؤره جوجورت، سدیم و پتاسیم‌دان تشكیل تاپیب.
بوجور غلیظ اولماق بو اقیانوسون یئر اوزونون اَن شور جرملری كیمی اولماغینی آشكار ائلیر.
بو مقاله‌نین یازانی فرانسه‌نین نانت دانشگاهیندان «گویسپ میتری» دیر كی اونو Icarus مجله‌سینده چاپ ائدیب.
اَن یاخشی دعا هانسیدی؟
یازار : میرزه عبدالصمد ملکی | بؤلوم : دین
+0 به یه ن
اَن یاخشی دعا هانسیدی؟
اوروجلوق آیی راز- نیاز و دعا آییدیر. دعا نه اینكی چتینلیك زمانلاری بلكه انسانین بوتون لحظه‌لرینه لازم اولان عنصردور. دعا الله‌ـا اولان اوركده‌كی عشقی جانلاندیرار. دعایا مخصوص آداب رسوم احتیاج یوخدور. دعا انسانین خالق ایله خلوتده‌كی دانیشیغیدیر. هرچند اماملاردان نقل اولموش دعالاری اوخوماغین آیری تأثیری وار آما انسانین الله‌ایله راز و نیازی هر نه جور و هر نه دیلده اولسا انسانین اَن گؤزل لحظه‌لریندن ساییلیر.
اَن یاخشی دعا ایسه الله‌دان بیزی جهنمدن و عذابدان قورتارماغی ایسته‌مكدیر. حقیقتده اوددان اوزاق اولماغی ایسته‌مكله الله‌دان ایستیریك بیزی دوز یولدان آییرماسین و بوتون عمل‌لریمیزی اؤز دئدیگی كیمی قرار وئرسین. اوددان اوزاق اولماغی ایسته‌مكله حقیقتده دوزگون بنده اولماغی ایسته‌میشیك.
قان فشاری‌نین چوخلوغو اؤلكه‌میزده ایلده 83 مین نفرین قاتلی !
یازار : میرزه عبدالصمد ملکی | بؤلوم : دین
+0 به یه ن
قان فشاری‌نین چوخلوغو اؤلكه‌میزده ایلده 83 مین نفرین قاتلی !
سلامت، درمان و آموزش وزیری‌نین معاونی قان فشاری‌نین چوخلوغونو اؤلكه‌میزده ایلده 83 مین نفرین جانین آلدیغیندان خبر وئردی. ایرنانین وئردیگی خبره گؤره، وزیر معاونی كانادالیلارین گونده‌لیك دوز مصرفینی 8 / 1 الی 5 / 2 گرم و بیزیم اؤلكه‌میزده بو رقمین 10 گرم اولدوغوندان خبر وئردی. هابئله بیزیم جماعتیمیزین آز تحرّكلی اولماسی قان فشاری‌نین چوخلوغونا گتیریب چیخاریر.
انسانلارین 85 ایل معلولیتسیز و خسته اولمادان یاشییا بیلدیقلاری بیر حالدا بیزیم جماعتیمیز اكثراً 40 ـ 50 یاشلاریندا مختلف خسته‌لیكلره مبتلا اولورلار.
قان فشاری‌نین چوخلوغو، دیابت، حددن آرتیق كؤك اولماق، تحرّكون آزلیغی، قانداكی یاغین چوخلوغو و سیگار، اؤلكه‌میزده‌كی اؤلوم سببلرین یاریسینی تشكیل وئریر. یعنی بیر آز دقّتلی باخساق اؤلنلریمیزین یاریسی اؤزلرینی خسته‌لیكله اؤلدورورلر !
بو عامل‌لر سرایت ائله‌مه‌ین خسته‌لیكلره سبب اولور. و متأسفانه بیزیم اؤلكه‌میزده بو خسته‌لیكلرین قاباغینی آلماغا دوزگون برنامه یوخدور.
انسانلاریمیزین تعلیمی و اونلارا تازا تحرّكسوز یاشاییش سبكینده، اؤزلرینی خسته‌لیكلردن نئجه قوروماقلارینی اؤیرتمه‌لی‌ییك كی متأسفانه ایندیلیكده بونون اوچون جامع برنامه‌میز یوخدور.
دنیان اَن بؤیوك تلسكوپو تكمیل‌لشیر
یازار : میرزه عبدالصمد ملکی | بؤلوم : دین
+0 به یه ن
دنیان اَن بؤیوك تلسكوپو تكمیل‌لشیر
شیلی‌نین آتاكاما چؤلونده‌كی دنیانین اَن بؤیوك تسكوپون دوزلتمه ایشلری باشا چاتدی و یاخین گله‌جكده بو تلسكوپ قوشولوب ایشه باشلایاجاق.
مهرین وئردیگی خبره گؤره، (ELT) تلسكوپو اروپا اؤلكه‌لری‌نین حمایتی ایله شیلیده دوزلن دنیانین اَن بؤیوك تلسكوپودور.
بو تلسكوپون دوزلتمه‌سینده 39 متر قطری اولان آینادان استفاده اولونوب. بو آینا 800 آلتی ضلعلی تیكه‌ده تشكیل تاپیب كی ایشیغی 12 برابر داها آرتیق آلا بیلیر.
منجم‌لر بو تلسكوپون آدینی «یئرین بؤیوك گؤزو» آدلاندیریبلار. عالملر بو تلسكوپلا ایندیه قدر حل اولمایان چوخلو معمالارین حل اولماسینا اومید باغلاییبلار چونكی بو تلسكوپ اوزاقدا اولان آز ایشیقلی جرملری‌ده گؤره بیله‌جك.
پورشه‌دن باها ساتیلان قویون !
یازار : میرزه عبدالصمد ملکی | بؤلوم : دین
+0 به یه ن
پورشه‌دن باها ساتیلان قویون !
ایكی یاشلی عربستانلی قویون دنیانین اَن باهالی دؤرد آیاقلیسی كیمی ركورد سیندیردی و پورشه‌دن باها قیمته ساتیلدی.
العالمین وئردیگی خبره گؤره، عربستانین طائف شهرینده اولان بیر حراجلیقدا آز تاپیلان سویدان اولان 2 یاشلی بیر قویون بیر میلیون عربستان ریالینا ساتیلدی. (800 میلیون تومندن آرتیق) اونون ایكی قوزوسو دا هر بیری 250 مین ریالا آلیش ـ وئریش اولدو. قوزولارین هر بیری‌نین آلتی آی یاشلاری وار.
بو قویونلاری آلان «سعود الطجل» بو قویونلارا تضمینی چك یازاندان سونرا دئدی: «آز تاپیلان قویونلارین چوخالتماسی بیزه چوخلو منفعت گتیره‌جك».