din xadimi دین خادمی

حضرت علی علیه السلامین حكمتلی سؤزلری 5

وَ قَالَ علیه السلام صَدْرُ الْعَاقِلِ صُنْدُوقُ سِرِّهِ وَ الْبَشَاشَةُ حِبَالَةُ الْمَوَدَّةِ وَ الِاحْتِمَالُ قَبْرُ الْعُیُوبِ وَ رُوِیَ أَنَّهُ عَلَیْهِ السَّلَامُ قَالَ فِی الْعِبَارَةِ عَنْ هَذَا الْمَعْنَى أَیْضاً الْمُسَالَمَةُ خَبْ‏ءُ الْعُیُوبِ

امام علی (علیه السلام) (سرّ ساخلاماق، گولر اوزلولوك و چتینلیكلره قاتلاشماغین مدحینده) بویورموشدور:

عاغیللی آدامین سینه‌سی اونون سرّلری‌نین خزینه‌سیدیر. (عاغیللی شخص یادی اؤز سرّیندن خبردار ائتمز.) گولر اوزلولوك و یاخشی خاصیّتلی‌لیك دوستلوق تله‌سیدیر. (گؤزل خاصیّت و گولر اوزلولوكله جماعتین اورگینی اله آلماق ممكندور.) چتینلیكلره دؤزوب صبر ائتمك پیسلیكلرین اؤرتویودور.

(سیّد رضی علیه الرحمه دئییر:)

نقل ائدیلیب كی، او حضرت (علیه السلام) بو مطلبین یوزوموندا هابئله بئله بویورموشدور: صلح و باریشیق عیبلری اؤرتمكدیر.

نهج البلاغه توركجه (قیسا سؤزلر)

حضرت علی علیه السلامین حكمتلی سؤزلری 4

وَ قَالَ عَلَیْهِ السَّلَامُ نِعْمَ الْقَرِینُ الرِّضَا وَ الْعِلْمُ وِرَاثَةٌ كَرِیمَةٌ وَ الْآدَابُ حُلَلٌ مُجَدَّدَةٌ وَ الْفِكْرُ مِرْآةٌ صَافِیَةٌ

امام علی (علیه السلام) (انسانین ایلاهی تقدیره راضی اولماسی، علم، گؤزل خاصیت و تفكّرون مدحینده) بویورموشدور:

ایلاهی تقدیره راضی اولماق گؤزل یولداشدیر. (انسانین یولداشی اونو ریفاه و امین-آمانلیقدا ساخلادیغی كیمی، الله‌ین ایسته‌دیگی شئیه راضی اولان شخص ده ریفاه و امین-آمانلیقدا اولور.) علم مقدس و عزیز بیر میراثدیر (كی، بئله بیر ارث چاتمیش هر بیر كس سعادت و خوشبختلیك آچارینی الده ائدیب). گؤزل خاصیتلر (هئچ وقت كهنه‌لمه‌ین) تزه و یئنی زینتلردیر. (هر بیر ایشده) فكرلشمك تمیز و پاك آینادیر (آینا كیمیدیر كی، فكرلشن شخص اونونلا ایشین خیر و زیانی‌نین گؤرور).

نهج البلاغه توركجه (قیسا سؤزلر)

حضرت علی علیه السلامین حكمتلی سؤزلری 3

وَ قَالَ علیه السلام الْبُخْلُ عَارٌ وَ الْجُبْنُ مَنْقَصَةٌ وَ الْفَقْرُ یُخْرِسُ الْفَطِنَ عَنْ حُجَّتِهِ وَ الْمُقِلُّ غَرِیبٌ فِی بَلْدَتِهِ وَ الْعَجْزُ آفَةٌ وَ الصَّبْرُ شَجَاعَةٌ وَ الزُّهْدُ ثَرْوَةٌ وَ الْوَرَعُ جُنَّةٌ

امام علی (علیه السلام) (خسیس‌لیك، قورخاقلیق، كاسبلیق، یوخسوللوق و عاجزلیگین مذمّتی و صبرلی‌لیك، زاهدلیك و گناهلاردان اوزاق اولماغین مدحینده) بویورموشدور:

خسیس‌لیك عاردیر. (چونكی جماعت خسیس آدامی دنیا مالینا باغلیلیغینا گؤره مذمّت ائدیر.) قورخاقلیق نقصان و چاتیشمازلیقدیر. (اونا گؤره كی، هر هانسی بیر مقام و درجه‌‌یه‌‌ چاتماق شجاعت و جسورلوقدان سونرا ممكن اولا بیلر.) كاسبلیق زیرك شخصی، دلیل و ثبوتونو بَیان ائتمكده لال و دیلسیز ائدیر (نئجه كی، وارلیلیق آلچاق و نادانی ناطقلشدیریر). یوخسول اؤز شهرینده غریبدیر (هئچ كس اونونلا گئت-گل ائتمیر). عاجزلیك (انسانی الدن سالان) بلا و بیچاره‌لیكدیر. صبر شجاعتدیر. زاهدلیك ثروتدیر. (چونكی زاهد، هئچ كسه احتیاجی اولمایان وارلی شخص كیمی دنیا و اونون مالینا محتاج دئییل.) گناهلاردان اوزاقلیق (ایلاهی عذاب مقابلینده) قالخاندیر. (قالخان انسانی قیلینجدان قورودوغو كیمی پرهیزكارلیق دا اونو دنیا و آخرت چتینلیكلریندن خلاص ائدیر.)

نهج البلاغه توركجه (قیسا سؤزلر)

حضرت علی علیه السلامین حكمتلی سؤزلری 2

  2.

قَالَ علیه السلام أَزْرَى بِنَفْسِهِ مَنِ اسْتَشْعَرَ الطَّمَعَ وَ رَضِیَ بِالذُّلِّ مَنْ كَشَفَ ضُرَّهُ وَ هَانَتْ عَلَیْهِ نَفْسُهُ مَنْ أَمَّرَ عَلَیْهَا لِسَانَهُ

امام علی (علیه السلام) (تاماح، حریصلیك، چتینلیك و یوخسوللوغو باشقالارینا بیلدیرمك و دوشونمه‌دن دانیشماغین مذمّتینده) بویورموشدور:

حضرت علی علیه السلامین حكمتلی سؤزلری

1.

قَالَ علیه السلام كُنْ فِی الْفِتْنَةِ كَابْنِ اللَّبُونِ لَا ظَهْرٌ فَیُرْكَبَ وَ لَا ضَرْعٌ فَیُحْلَبَ

امام علی (علیه السلام) (فتنه‌كارلارلا رفتار باره‌سینده) بویورموشدور:

فتنه-فساد زمانی نه مینیلمه‌لی بئلی (گوجو) و نه ده سوت ساغیلمالی امجگی اولان (ایكی یاشی تمام اولموش و آناسی اوندان سونرا دوغدوغو بالاسینا سود وئرن) ائركك دوه بالاسی كیمی اول.

نهج البلاغه توركجه (قیسا سؤزلر)