تانری وارمی؟ * هل الله موجود؟
یازار : میرزه عبدالصمد ملکی | بؤلوم : دین
+0 به یه ن
تانری وارمی؟ * هل الله موجود؟
موعلیملرین بیری ایستیر ایلحادی دوشونجه‌لری شاگیردلره تلقین ائله‌سین . . . آشاغیداكی دانیشیغا دیقّت ائدین . .
موعلّیم: «ائشیكده‌كی آغاجی گؤرورسن علی؟»
علی: «موعلّیم گؤرورم، اونو گؤره بیلیرم».
موعلّیم: «علیآغاجین آلتیندا یاشیل چمنی گؤرورسن؟»
علی: « بلی موعلّیم اونو گؤرورم».
موعلّیم: «گئت ائشیگه و گؤیه باخ !»
علی ائشیگه چیخیب بیر آز سونرا قاییدیر.
موعلیم: «گؤیو گؤردون علی؟»
علی: «بلی موعلیم گؤیو گؤردوم».
موعلیم: «ایدّعا اولونان آللاهی‌دا گؤردون؟»
علی: «یوخ اونو گؤرمه‌دیم!!»
موعلیم: «چوخ یاخشی اوشاقلار ! آللاه آدیندا بیر شئی یوخدو . . . گؤیده یوخدور !!»
شاگیردلرین بیری قالخیب اؤز نؤوبه‌سینده علی‌دن سوآل سوروشدو.
شاگیرد: «علی موعلّیمی گؤرورسن؟»
علی: «بلی اونو گؤرورم». (علی اوندان سوروشولان سوآللارین تكراریندان شیكایت ائدیر.)
شاگیرد: «علی موعلیمین عاغلینی گؤرورسن؟»
علی: «یوخ . . . اونو گؤرنمیرم !!»
شاگیرد: «بس اوندا موعلّیمین باشیندا عاغیل یوخدور !!»
هل الله موجود؟
كانت إحدى المدرسات تحاول أن تغرس المفاهیم الملحدة لعموم الطلبة .. وإلیكم هذا الحوار التالی ..
المدرسة : هل ترى یا علی تلك الشجرة فى الخارج ؟
علی : نعم أیتها المدرسة إنى أستطیع رؤیتها ..
المدرسة : هل ترى یا علی العشب الأخضر تحت الشجرة ؟
علی : نعم أیتها المدرسة إنى أراه ..
المدرسة :إذهب إلى الخارج ثم انظر إلى السماء ..
خرج علی متوجهاً إلى الخارج ثم عاد بعد قلیل ..
المدرسة : هل رأیت السماء یا علی ؟
علی : نعم أیتها المدرسة لقد رأیت السماء ..
المدرسة : هل رأیت ما یدعونه الإله ؟
علی : لا لم أره !!
المدرسة : حسناً أیها الطلاب لا یوجد شىء إسمه الله .. فلا یوجد فى السماء !!
قامت الطالبة وسألت بدورها الطالب علی ..
الطالبة : هل ترى المدرسة یا علی ؟
علی : نعم إنى أراها .. (بدأ توم یتذمر من تكرار الأسئلة علیه) !!
الطالبة : هل ترى عقل المدرسة یا علی ؟
علی : لا .. لاأستطیع رؤیته !!
الطالبة : إذاً المدرسة لیس لدیها أی عقل فی رأسها !!
ملا صدرا
یازار : میرزه عبدالصمد ملکی | بؤلوم : دین
+0 به یه ن
شیراز شهرینده دوغولدو. فلسفه، كلام، حدیث و تفسیر تحصیلی اوچون اوّل قزوینه (1591) داها سونرا ایصفاهانا (1597) سفر ائله‌دی. بو شهرلرده میرداماد و بهاءالدین عاملی‌دن فئیض آلدی.
اون بئش ایل قوم شهری یاخینلیغیندا قهك كندینده زوهدله یاشادیغیندا الده ائله‌دیگی تجروبه‌نی اینعیكاس وئریب فلسفه‌سینی اورتایا قویان اسفار الاربعه (دؤرد سفر) كیتابینی یازدی.
ملاصدرا عقلانیّتله شهودو بیر آرایا گتیریب حیكمت المتعالیه (عشقین حیكمتی) مكتبینی قورموشدور. ملا صدرانین فلسفه‌سی ابن سینا مشّایی‌لیگی، سهروردی‌نین ایشراق فلسفه‌سی، محی‌الدین عربی‌نین نظری عیرفان مكتبی و اون ایكی ایمام شیعه‌لیگیندن تأثیرلنمیشدیر. اثرلرینده ایسلام دوشونجه دونیاسیندان عقلانیت، شهود مكتبلرینی فرقلی بیر سنتزده بیر آرایا گتیرمگه چالیشمیشدیر.
عؤمرونون سونلاریندا شیرازا دؤندو. محمد باقر مجلسی كیمی بعضی كلامچیلار طرفیندن ایرتیدادا موتّهیم اولدو آما منسوب اولدوغو عاییله‌سی‌نین گوجلو اودوغونا گؤره یازماغا دوام ائتدی. حج سفرینده بصره‌ده دونیایا گؤز یومدو.
كیتابلاری:
• اسفار الاربعه (دؤرد سفر) 1. یارادیلانلاردان حقّه سفر 2. حقّله حقّده سفر 3. حقّدن یارادیلانلارا حقّله سفر 4. حقّله یارادیلانلار آراسیندا سفر.
• مفاتیح الغیب
• أسرار الآیات
• التعلیقة علی إلهیات الشفاء (یاریمچیلیق)
• اصول الكافی شرحی (یاریمچیلیق)
• المشاعر
• إیقاظ النائمین
• رسالة فی الواردات القلبیة (التسبیحات القلبیة)
• رسالة فی الحشر
• رسالة فی إتصاف الماهیة بالوجود
• رسالة فی التشخص
• رسالة فی الحدوث
• رسالة فی القضاء والقدر
• رسالة فی سریان الوجود
• رسالة مسماة بإكسیر العارفین
• تفسیر القرآن الكریم:
الف ـ آیة النور
ب ـ آیة الكرسی
ج ـ سورة الأعلی
د ـ سورة البقرة (یاریمچیلیق)
ه ـ سورة الجمعة
و ـ سورة الحدید
ز ـ سورة الزلزال
ح ـ سورة السجدة
ط ـ سورة الطارق
ك ـ سورة الفاتحة
ل ـ سورة الواقعة
م ـ سورة الیس
• سه اصل
• رسالة العرشیة
• المظاهر الإلهیة
• متشابهات القرآن
• المسائل القدسیة (الحكمة القدسیة ـ القواعد الملكوتیة ـ طرح الكونین)
• أجوبة مسائل بعض الخلان
• الشواهد الربوبیة فی المناهج السلوكیة
• المبدأ والمعاد
• زاد المسافر (زاد السالك)
• رسالة فی إتحاد العاقل والمعقول
• أجوبة المسائل الجیلانیة
• أجوبة المسائل الكاشانیة
• أجوبة المسائل النصیریة
• رسالة فی إصالة جعل الوجود
• التنقیح فی المنطق (اللمعات الإشراقیة فی الفنون المنطقیة)
• الحشریة
• الخلسة
• خلق الأعمال (الجبر والتفویض ـ القدر فی الأفعال)
• دیباجة عرش التقدیس
• شواهد الربوبیة
• الفوائد:
الف ـ رد الشبهات الإبلیسیة
ب ـ «كنت كنزا مخفیا ...» حدیثی‌نین شرحی
ج ـ فی بیان التركیب بین المادة والصورة وإرتباطها بقاعدة بسیط الحقیقة
د ـ فی ذیل آیة الأمانة
ه ـ فی المواد الثلاث
• رسالة اللمیة فی إختصاص الفلك بموضع معین (حل الإشكالات الفلكیة)
• رسالة فی المزاج
• تفسیر سورة التوحید (۱)
• تفسیر سورة التوحید (۲)
• رسالة الوجود
• حل شبهة الجذر الأصم
• كسر اصنام الجاهلیة
• التصور والتصدیق
• شرح الهدایة الأثیریة
• التعلیقة علی شرح حكمة الإشراق
• الحاشیة علی القبسات
• اثبات شوق الهیولی بالصورة
• «خلق الأرواح قبل الأجساد بألفی عام » حدیثی‌نین شرحی
• الحركة الجوهریة
غرب فلسفه‌سی اورتا عصرلرده ایسلامی فلسفه‌سیندن چوخ تأثیرلنیب
یازار : میرزه عبدالصمد ملکی | بؤلوم : دین
+0 به یه ن
ایسلامی
فیلسوفلار خصوصاً اورتا عصرلرده قدیم یونان فلسفه‌سی‌نین غرب فلسفه‌سینه اینتیقال
وئرمه‌‌سینده موهیم روللاری اولدو.
بو دؤره ده فارابی و ابن سینا كیمی بؤیوك فیلسوفلار واریدی. مثلاً فارابی‌نین موسیقی زمینه‌سینده «الموسیقی الكبیر» آدلی كیتابی واردیر. هابئله ابن سینانین فلسفه تاریخینده یوخاری یئری وار.
حقیقتده ایسلامی فیلسوفلار قدیم یونان فلسفه‌سیندن تأثیرلنیب سونرالار غربده اؤلوب آرادان گئدن فلسفه‌نی دیریتدیلر.
اورتا عصرده اخلاق ساحه‌سینده ایسلام و غرب فلسفه‌سی آراسیندا او قدر فرق یوخیدی.
بو عصرده ایسلامی و مسیحی اخلاقلاری، قدیم یونان دوشونجه‌سینده دیقّت مركزینده اولان عنصورلرده ایتّیفاقلاری واریدی. بو دؤرده هم مسیحی اخلاق و هم ایسلامی اخلاق عقلانیّت، حیكمت، عدالت و اعتیدال مفهوملارینا تأكیدلری واریدی. آیری سؤزله هر ایكی اخلاقدا «فضیلت» اخلاقین مركزینده یئر آلیردی.
خولاصه بو كی غرب فلسفه‌سی اورتا عصرلرده ایسلامی فلسفه‌دن دانیلماز تأثیر آلیب. یعنی بیری غرب فلسفه‌سی باره‌ده آراشدیرما آپارماق ایسته‌سه، ایسلامی فیلسوفلاری خصوصاً اورتا عصرلری موطالیعه ائله‌مه‌لیدیر.
آغلاماق ساغلاملیغا فایدالیدیر
یازار : میرزه عبدالصمد ملکی | بؤلوم : دین
+0 به یه ن
گولماغین هر درمانسیز درده درمان اولدوغونو ائشیتمیشیك آما بعضاً آغلاماق‌دا استیرسی آزالدا بیلر.
آمریكانین مینه‌سوتای دانیشگاهینداكی آراشدیرمانین نتیجه‌لری جماعتین یوزده دوققوزونون روحیه‌سی‌نین آغلاماق اثرینده یاخشیلاشماغینی گؤستریر. نتیجه‌لر آغلاماغین ناخوشلارین موعالیجه‌سینده، بدنین مودافیعه سیستمینی چوخالتماقدا و ایسترسین آزالماسیندا فایدالی اولدوغونو گؤستریر.
موتخصیصلرین بیری بو باره‌ده دئییر: بعضاً آغلایاندان سونرا اینسانین حالی دوزه‌لر چونكی آغلاماقلا موشكوللری و ناراحاتلیقلاری ایچیندن چیخاردیر.
هابئله ایسترس اثرینده بدنده یارانان ضررلی مادّه‌لر آعلاماقلا آرادان گئدر. بو موتخصیصلرین ایناندیغینا گؤره حیسیّات اوزوندن آغلاماق پرولاكتین آدیندا بیر هورمونون ترشّوح تاپماسینا باعیث اولار بو هورمون ایسترسلی حیسّلری آزالدیب بدنین مودافیعه سیستیمینی گوجلندیرر.
نیفاق، خطرلی اخلاق ناخوشلوغو
یازار : میرزه عبدالصمد ملکی | بؤلوم : دین
+0 به یه ن
دونیانین تحقیرین و آخیرتین دهشتلی عذابینی تؤحفه وئرن، اخلاق ناخوشلوقلارین اَن خطرلیسی نیفاقدیر. بونا گؤره بو ناخوشلوغو تانی‌ییب كؤكونو ایچریدن قوروتمالی‌ییق. نیفاق باعیث اولار مونافیق هر گروه و صینفله دوشَنده اونلار كیمی اولسون و حتّا اونلارین عقیده و ایناملاریندان دیفاع ائله‌سین. بو وضعیتین جامیعه‌یه بؤیوك خطری وار. پیغمبر اكرم (ص) بو باره‌ده بویوروب: من اومّتیم اوچون نه مؤمیندن قورخورام نه‌ده موشریكدن، چونكی مؤمین ایمانی اثرینده مؤمین قارداشینا ضرر یئتیرمز، موشریكی‌ده آللاه شیركینه گؤره محو ائدر. من سیزین اوچون فقط سیز بیلیب عمل ائدیب اونا دایاندیقلاریزی دیلی ایله دانیشان، آییق مونافیقدن قورخورام. (1)
نیفاق اینسانین جانینا نفوذ ائله‌سه اونون دونیا و آخیرتینی یوخ ائلر. آللاه تعالا توبه سوره‌سی‌نین 28-جی آیه‌سینده مونافیقلره و كافیرلره جهنم اودونو وعده وئریب. نساء سوره‌سی‌نین 138-جی آیه‌سینده ده بویوروب: مونافیقلر بشارت وئر كی دردلی عذاب اونلاری گؤزلور. ایمام صادق‌ده (ع) بویوروب: موسلمانلارلا ایكی اوزلو ایكی دیللی اولانلار، قیامت گونو ایكی اودلی دیل ایله محشر چؤلونه داخیل اولاجاقلار. (2)
نیفاق علامتلری
- نامازی ایشتیاقسیز و كسالتینن اوخویارلار. قورآن بویورور مونافیقین علامتی اودور كی نامازا دوراندا حالسیز و كسیل اولار. (نساء 142)
- موردّد و گؤیولسوزدولر. آللاه بویورور: گؤیولسوز و موردّدیلر. نه ایمان گتیریب مؤمینلره طرف گئدیرلر نه كافیرلره طرف. (نساء 143)
- ثیباتلاری یوخدور و موقعیتلرینی دَییشیرلر. قورآن بویورور: مؤمینلرله اوز اوزه گلنده «بیز سیزینله‌ییك» دئییرلر آما شیطان و مونافیقلرله اوزلشنده «سیزینله‌ییك» دئییرلر و مؤمینلری مسخره ائدیرلر. (بقره 14)
- مونافیقلر ریا اهلی اولوب آللاه ذیكرینی آز دئیرلر. (نساء 142)
- یالتاقلیق، غیبت و پاخیللیق. ایمام باقر (ع) بویوروب: ایكی اوزلولر و ایكی دیللی‌لر پیس آدامدیلار. اینسان حضوروندا اونو تعریفلرلر و دالیسیجا غیبت ائدرلر. اونلارا كؤمك اولونسا پاخیللیق ائدرلر، فلاكته دوشنده اونلاری ترك ائدرلر. (3)
- موتمادی اولاراق پیس ایش گؤروب عوذر ایسترلر. ایمام حسین (ع) بویوروب: سونرا اوندان عوذر ایستیه‌جگین ایشدن كنار گز؛ چونكی مؤمین ایشتیباه‌دا ائله‌مز عوذر ده ایسته‌مز. مونافیق هر گون پیس ایش گؤرر و عوذر ایستر. (4)
- ناخوشدولار. قورآن بویورور: مونافیقلرین اورگینده ناخوشلوق وار. آللاه‌دا اونلارین مرضینه آرتیرار و آخیرتده یالان دانیشدیقلارینا گؤره اونلارا دهشتلی عذاب وئرر. (بقره 7)
- چوخ آند ایچرلر. مونافیقلر آللاه یولونو جماعت اوزونه باغلاماق اوچون اؤز آندلارینی قالخان ائلرلر. (منافقون 2)
- آشكاردا گوناه ائدرلر و قورخولاری اولماز. قورآن بویورور: مونافیقلر آللاهی اونودوبلار. مونافیقلر آشكار گوناه ائدن گوناهكارلاردیلار. (توبه 67)
هر كس پیس عملینه قدر موجازات اولار. آللاه عذابلاری‌نین درجه‌لری وار. عذاب بعضاً دردلی، بعضاً عظیم و بؤیوك، بعضاً تحقیر ائدیجی و بعضاً قالارگی اولار. مونافیقلری جامیعه‌ده داغیدیجی نقشلرینه گؤره عذابلاری دردلی اولاجاق. قورآن بویورور: مونافیقلر جهنمین لاپ آشاغی یئرینده‌دیلر. (نساء 145)