نهج البلاغه مكتوبلار 20
یازار : میرزه عبدالصمد ملکی | بؤلوم : دین
+0 به یه ن
نهج البلاغه مكتوبلار 20
20-جی مكتوب
امام علی علیه السلامین زیاد ابن ابیهه او، بصره حكومتینده عبدالله ابن عباسین جانشینی اولان زمان یازدیغی مكتوبلارداندیر. عبدالله همین واخت امیرالمؤمنین طرفیندن بصره، اهواز، فارس و كرمان شهرلرینده حاكم ایدی:
من الله‌ـا آند ایچیرم، اؤزو ده تام صداقتله و دوز كی، اگر منه، سنین مسلمانلارین بیت المالینا ایستر آز، ایسترسه ده چوخ خیانت ائتمه‌یین و یا اونو گؤستریشه ضد (یئرلره) صرف ائتمه‌یین (باره‌سینده خبر گلیب) چاتسا، سنینله سرت داوراناجاغام. (سنینله) ائله سرت (داوراناجاغام) كی، او (سرتلیك)، سنی سرمایه‌سی آز، یوكو چوخ، ذلیل و خوار ائتسین.
سلاما لایق كیمسه‌یه سلام اولسون!
و من كتاب له علیه السلام إلى زیاد بن أبیه و هو خلیفة عامله عبد الله بن عباس على البصرة و عبد الله عامل أمیر المؤمنین- علیه السلام- یومئذ علیها و على كور الأهواز و فارس و كرمان
وَ إِنِّی أُقْسِمُ بِاللَّهِ قَسَماً صَادِقاً لَئِنْ بَلَغَنِی أَنَّكَ خُنْتَ مِنْ فَیْءِ الْمُسْلِمِینَ شَیْئاً صَغِیراً أَوْ كَبِیراً لَأَشُدَّنَّ عَلَیْكَ شَدَّةً تَدَعُكَ قَلِیلَ الْوَفْرِ ثَقِیلَ الظَّهْرِ ضَئِیلَ الْأَمْرِ وَ السَّلَامُ
نهج البلاغه مكتوبلار 19
یازار : میرزه عبدالصمد ملکی | بؤلوم : دین
+0 به یه ن
نهج البلاغه مكتوبلار 19
19-جو مكتوب
امام علی علیه السلامین اونون طرفیندن حاكم اولان بعضی شخصلره یازدیغی مكتوبلارداندیر. (مكتوب مشرك اولان و همین حاكملردن شكایت ائتمیش رعیتلرله یومشاق داورانماق باره‌سینده‌دیر):
الله‌ـا حمد و پیغمبره سلامدان سونرا: حاكم اولدوغون شهرین (سو و تورپاق صاحبی اولان) اكینچیلری سنین گوبودلوغون، داش اوركلیلیگین، اونلاری خوار ائتمه‌یین و ظلمكارلیغیندان شكایت ائدیبلر (منی سنین حركت و داورانیشیندان خبردار ائدیبلر). من (اونلارین شكایتلری باره‌سینده) فكرلشدیم. اونلاری سنین اونلارا چوخ یاخینلاشماغینا (چوخ حرمت و مهربانچیلیغینا) لایق گؤرمه‌دیم. چونكی اونلار مشركدیرلر. (بعضی نظرلره اساساً همین جماعت مشرك دئییل، آتش‌پرست اولوبلار.) آمّا اونلار اوزاق اولماق و ظلم ائدیلمه‌یه ده لایق دئییلدیرلر. چونكی (مسلمانلارلا) پیمان باغلاییبلار (جزیه، یعنی، وئرگی وئریرلر و اسلامین پناهیندادیرلار.) بونا گؤره ده اونلارلا (داورانیشیندا) سرتلیكله قاریشیق اولان مهربانچیلیغی اؤز شعارین ائت و اونلارلا سرت قلبلی‌لیك و مهربانچیلیق آراسیندا رفتار ائت. (بعضاً سرت، بعضاً ده مهربان اول.) الله‌ین ایستگی ایله اونلار اوچون یاخینلاشدیرماقلا لاپ یاخینلاشدیرماغی و اوزاقلاشدیرماقلا لاپ اوزاقلاشدیرماغی بیر- بیرینه قاریشدیر (معتدللیگی الدن وئرمه).
و من كتاب له علیه السلام إلى بعض عماله
أَمَّا بَعْدُ فَإِنَّ دَهَاقِینَ أَهْلِ بَلَدِكَ شَكَوْا مِنْكَ غِلْظَةً وَ قَسْوَةً وَ احْتِقَاراً وَ جَفْوَةً وَ نَظَرْتُ فَلَمْ أَرَهُمْ أَهْلًا لِأَنْ یُدْنَوْا لِشِرْكِهِمْ وَ لَا أَنْ یُقْصَوْا وَ یُجْفَوْا لِعَهْدِهِمْ فَالْبَسْ لَهُمْ جِلْبَاباً مِنَ اللِّینِ تَشُوبُهُ بِطَرَفٍ مِنَ الشِّدَّةِ وَ دَاوِلْ لَهُمْ بَیْنَ الْقَسْوَةِ وَ الرَّأْفَةِ وَ امْزُجْ لَهُمْ بَیْنَ التَّقْرِیبِ وَ الْإِدْنَاءِ وَ الْإِبْعَادِ وَ الْإِقْصَاءِ إِنْ شَاءَ اللَّهُ
نهج البلاغه مكتوبلار 18
یازار : میرزه عبدالصمد ملکی | بؤلوم : دین
+0 به یه ن
نهج البلاغه مكتوبلار 18
18-جی مكتوب
امام علی علیه السلامین، عبدالله ابن عباس اونون طرفیندن بصره‌نین حاكمی اولان زمان اونا یازدیغی مكتوبلارینداندیر:
ای عباسین اوغلو! بیل كی، بصره شیطانین ائندیگی یئر و فتنه‌لر تارلاسیدیر. (بو شهرین فتنه آختارانلاری چوخدور.) بونا گؤره ده او دیارین اهالیسینه یاخشیلیق ائتمكله، اونلاری شاد ائده‌رك سئویندیر. و (پیس داورانیشلا اونلاری عصیانا قالدیرما. اگر اونلار كئچمیش نالایق ایشلری نتیجه‌سینده قورخو و واهمه ایچینده‌دیرلرسه، سن) اونلارین قلبلریندن قورخو دویونونو آچ (اونلارلا ائله رفتار ائت كی، سنین اونلارین كئچمیش عمللرینه گؤز یومدوغونو باشا دوشسونلر).
سنین بنی تمیم قبیله‌سی ایله پیس رفتار ائتمه‌یین و گوبود داورانماغی‌نین خبری منه چاتدی. حقیقتاً بنی تمیمین بیر اولدوزو باتمامیش، دیگر بیر اولدوزو پارلاییب.
جاهلیت و اسلام دؤرونده هئچ كس انتقام آلماقدا اونلاردان قاباغا دوشمه‌ییب. (بونا گؤره ده بو جور آداملارلا گوبودلوق و سرتلیگه باشلاماق اولماز.) هابئله (اونلارا قارشی گوبودلوق ائدیلمه‌مه‌سی‌نین دیگر سببی بودور كی،) اونلار بیزه یاخین قوهومدورلار. (چونكی بنی هاشمله بنی تمیمین نسبی حضرت پیغمبرین 16-جی باباسی الیاس ابن مضرّه گئدیب چیخیر. بونا گؤره ده) بیزیم همین قوهوملوق تئللرینی بیرلشدیرمگیمیزده ثواب، قیرماغیمیزدا ایسه گناه واردیر. اودور كی، ای ابول عباس – الله سنی باغیشلاسین – الیندن و دیلیندن چیخان یاخشی و پیس ایشلرده (دانیشیق و داورانیشیندا رعیتله) یومشاق داوران. چونكی بیز دانیشیق و داورانیشیمیزدا بیر- بیریمیزله شریكیك. (اونا گؤره كی، سن منیم طرفیمدن حاكملیك ائدیرسن.) ائله اول كی، سنین باره‌نده یاخشی گماندا اولوم و سنین حقّینده فكریم سوستلاشما‌سین (هئچ واخت یئرسیز سؤز دانیشما، منیم گؤستریشیم اولمادان بیر ایش گؤرمه). سلاما لایق كیمسه‌یه سلام اولسون.
و من كتاب له علیه السلام إلى عبد الله بن عباس و هو عامله على البصرة
وَ اعْلَمْ أَنَّ الْبَصْرَةَ مَهْبِطُ إِبْلِیسَ وَ مَغْرِسُ الْفِتَنِ فَحَادِثْ أَهْلَهَا بِالْإِحْسَانِ إِلَیْهِمْ وَ احْلُلْ عُقْدَةَ الْخَوْفِ عَنْ قُلُوبِهِمْ وَ قَدْ بَلَغَنِی تَنَمُّرُكَ لِبَنِی تَمِیمٍ وَ غِلْظَتُك عَلَیْهِمْ وَ إِنَّ بَنِی تَمِیمٍ لَمْ یَغِبْ لَهُمْ نَجْمٌ إِلَّا طَلَعَ لَهُمْ آخَرُ وَ إِنَّهُمْ لَمْ یُسْبَقُوا بِوَغْمٍ فِی جَاهِلِیَّةٍ وَ لَا إِسْلَامٍ وَ إِنَّ لَهُمْ بِنَا رَحِماً مَاسَّةً وَ قَرَابَةً خَاصَّةً نَحْنُ مَأْجُورُونَ عَلَى صِلَتِهَا وَ مَأْزُورُونَ عَلَى قَطِیعَتِهَا فَارْبَعْ أَبَا الْعَبَّاسِ- رَحِمَكَ اللَّهُ- فِیمَا جَرَى عَلَى یَدِكَ وَ لِسَانِكَ مِنْ خَیْرٍ وَ شَرٍّ فَإِنَّا شَرِیكَانِ فِی ذَلِكَ وَ كُنْ عِنْدَ صَالِحِ ظَنِّی بِكَ وَ لَا یَفِیلَنَّ رَأْیِی فِیكَ وَ السَّلَامُ
نهج البلاغه مكتوبلار 18
یازار : میرزه عبدالصمد ملکی | بؤلوم : دین
+0 به یه ن
نهج البلاغه مكتوبلار 18
18-جی مكتوب
امام علی علیه السلامین، عبدالله ابن عباس اونون طرفیندن بصره‌نین حاكمی اولان زمان اونا یازدیغی مكتوبلارینداندیر:
ای عباسین اوغلو! بیل كی، بصره شیطانین ائندیگی یئر و فتنه‌لر تارلاسیدیر. (بو شهرین فتنه آختارانلاری چوخدور.) بونا گؤره ده او دیارین اهالیسینه یاخشیلیق ائتمكله، اونلاری شاد ائده‌رك سئویندیر. و (پیس داورانیشلا اونلاری عصیانا قالدیرما. اگر اونلار كئچمیش نالایق ایشلری نتیجه‌سینده قورخو و واهمه ایچینده‌دیرلرسه، سن) اونلارین قلبلریندن قورخو دویونونو آچ (اونلارلا ائله رفتار ائت كی، سنین اونلارین كئچمیش عمللرینه گؤز یومدوغونو باشا دوشسونلر).
سنین بنی تمیم قبیله‌سی ایله پیس رفتار ائتمه‌یین و گوبود داورانماغی‌نین خبری منه چاتدی. حقیقتاً بنی تمیمین بیر اولدوزو باتمامیش، دیگر بیر اولدوزو پارلاییب.
جاهلیت و اسلام دؤرونده هئچ كس انتقام آلماقدا اونلاردان قاباغا دوشمه‌ییب. (بونا گؤره ده بو جور آداملارلا گوبودلوق و سرتلیگه باشلاماق اولماز.) هابئله (اونلارا قارشی گوبودلوق ائدیلمه‌مه‌سی‌نین دیگر سببی بودور كی،) اونلار بیزه یاخین قوهومدورلار. (چونكی بنی هاشمله بنی تمیمین نسبی حضرت پیغمبرین 16-جی باباسی الیاس ابن مضرّه گئدیب چیخیر. بونا گؤره ده) بیزیم همین قوهوملوق تئللرینی بیرلشدیرمگیمیزده ثواب، قیرماغیمیزدا ایسه گناه واردیر. اودور كی، ای ابول عباس – الله سنی باغیشلاسین – الیندن و دیلیندن چیخان یاخشی و پیس ایشلرده (دانیشیق و داورانیشیندا رعیتله) یومشاق داوران. چونكی بیز دانیشیق و داورانیشیمیزدا بیر- بیریمیزله شریكیك. (اونا گؤره كی، سن منیم طرفیمدن حاكملیك ائدیرسن.) ائله اول كی، سنین باره‌نده یاخشی گماندا اولوم و سنین حقّینده فكریم سوستلاشما‌سین (هئچ واخت یئرسیز سؤز دانیشما، منیم گؤستریشیم اولمادان بیر ایش گؤرمه). سلاما لایق كیمسه‌یه سلام اولسون.
و من كتاب له علیه السلام إلى عبد الله بن عباس و هو عامله على البصرة
وَ اعْلَمْ أَنَّ الْبَصْرَةَ مَهْبِطُ إِبْلِیسَ وَ مَغْرِسُ الْفِتَنِ فَحَادِثْ أَهْلَهَا بِالْإِحْسَانِ إِلَیْهِمْ وَ احْلُلْ عُقْدَةَ الْخَوْفِ عَنْ قُلُوبِهِمْ وَ قَدْ بَلَغَنِی تَنَمُّرُكَ لِبَنِی تَمِیمٍ وَ غِلْظَتُك عَلَیْهِمْ وَ إِنَّ بَنِی تَمِیمٍ لَمْ یَغِبْ لَهُمْ نَجْمٌ إِلَّا طَلَعَ لَهُمْ آخَرُ وَ إِنَّهُمْ لَمْ یُسْبَقُوا بِوَغْمٍ فِی جَاهِلِیَّةٍ وَ لَا إِسْلَامٍ وَ إِنَّ لَهُمْ بِنَا رَحِماً مَاسَّةً وَ قَرَابَةً خَاصَّةً نَحْنُ مَأْجُورُونَ عَلَى صِلَتِهَا وَ مَأْزُورُونَ عَلَى قَطِیعَتِهَا فَارْبَعْ أَبَا الْعَبَّاسِ- رَحِمَكَ اللَّهُ- فِیمَا جَرَى عَلَى یَدِكَ وَ لِسَانِكَ مِنْ خَیْرٍ وَ شَرٍّ فَإِنَّا شَرِیكَانِ فِی ذَلِكَ وَ كُنْ عِنْدَ صَالِحِ ظَنِّی بِكَ وَ لَا یَفِیلَنَّ رَأْیِی فِیكَ وَ السَّلَامُ
نهج البلاغه مكتوبلار 17
یازار : میرزه عبدالصمد ملکی | بؤلوم : دین
+0 به یه ن
نهج البلاغه مكتوبلار 17
17-جی مكتوب
امام علی علیه السلامین معاویه‌نین مكتوبونا جواب اولاراق یازدیغی مكتوبلارداندیر:
مندن شام ولایتینی ایسته‌مگینه گلدیكده (بیلمه‌لیسن كی): من دونن سنه وئرمه‌یه‌رك اسیرگه‌دیگیم شئیی بو گون وئرن كیمسه دئییلم. (چونكی منیم اورانی سنه وئرمه‌مگیمین سببی سنین حقّه قارشی چیخماغین و دینه لاقیدلیگیندیر كی، همین سبب ایندی ده اؤز یئرینده قالماقدادیر.) «جنگ عربی یئییب (اؤلدوره‌رك محو ائدیب)، قالان جانلاری آلمایاق!» كیمی سؤزلرین باره‌سینده بیل و خبردار اول كی، حقّین یئدیگی (حقّ یولوندا شهید اولان) كیمسه جنّته یوللانیب، باطل و ناحقّین یئدیگی كیمسه (نفسی ایستكلری یولوندا اؤلدورولن) ایسه جهنم یولونو گئدیر. (هر ایكی حالدا تأسفلنمك و غملنمك لازم دئییل.) بیزیم، جنگده و (دؤیوشچو) كیشیلر باخیمیندان برابر اولماغیمیز باره‌سینده (دئدیكلرین ده دوز دئییل، چونكی): سنین شكّ و تردّد (بیر نئچه گونلوك دنیا آغالیغینی اله گتیرمك) اوچون اولان سعی و تلاشین منیم یقینلیك و اینام (آخرت سعادتی و خوشبختلیگی) اوچون سعیمدن آرتیق دئییل؛ شام اهالیسی‌نین دنیایا حریصلیگی عراق اهالیسی‌نین آخرت حریصلیگیندن چوخ دئییل. «بیز عبدالمناف اؤلادلاری‌ییق» سؤزونه گلدیكده، بیز ده ائله‌ییك.
آمّا امیّه هاشم كیمی، حرب عبدالمطلب كیمی و ابو سفیان ابو طالب كیمی دئییل.
(بورادا «من ده سنین كیمی دئییلم» دئمك عوضینه اشاره ایله بئله بویوردو:) مهاجر (مكّه‌دن مدینه‌یه هجرت ائدن) اسیرلیك زنجیریندن آزاد اولان كس كیمی دئییل.
نسبی پاك اولان دا (همین پاك نسبه) یاپیشدیریلمیش كیمی دئییل.
دانیشیق و ایشلری دوز اولان، یالانچی و پیس عمللی كیمیدیر، نه ده مؤمن و دینه سیغینان، منافق و ایكی اوزلو كیمی. حقیقتاً كئچیب جهنم اودونا دوشن آتاسی‌نین (و یا قوهوملاری‌نین) یولونو دوام ائتدیرن اؤلاد نه پیس اؤلاددیر! (سن پیس اؤلادسان كی، كفر، شرك، یالانچیلیق و ایكی اوزلولوك نتیجه‌سینده ایلاهی عذابا دچار اولان كئچمیشلری‌نین یولونو دوام ائتدیریرسن!)
بوتون بو فضیلت و بؤیوكلوكلردن علاوه نبوّت و پیغمبرلیك فضیلتی و شرفی ده بیزیم الیمیزده‌دیر. (پیغمبر بیز بنی هاشمدن گؤندریلیب.) بیز اونون واسطه‌‌سی ایله حرمتلینی خوار، خوار اولانی ایسه حرمتلی ائتدیك. (سعادت و خوشبختلیك دوشمنلرینی محو ائده‌رك اونو ایسته‌ینلره دنیا و آخرت عذاب و چتینلیكلریندن نجات وئردیك.) الله عربی دسته- دسته اؤز دینینه داخل ائدنده، بو امّتدن (بیر دسته) میل و رغبتله، (دیگر بیر دسته ایسه) ناچارلیقدان تسلیم اولدو. (چیخیلماز وضعیتده قالیب اسلامی قبول ائتدیلر.) سیز (دنیایا) محبت و یا (اؤلدورولمكدن) قورخو سببیندن دینه داخل اولان كسلردن ایدیز. (بو) او واخت (باش وئردی) كی، قاباقدا گئدنلر (اسلاما صمیمیتله) تابع اولدوقلاری اوچون غالب گلمیشدیلر و ایلكین مهاجرلر فضیلت و بؤیوكلوكلرینه گؤره گئتمیشدیلر (و اؤزلرینه شرك و كفردن نجات وئرمیشدیلر). بس (ایندی كی، سنین وضعیتین بئله‌دیر) شیطانین سندن بهره‌لنمه‌سینه و (اونون) سنه یول تاپماسینا امكان وئرمه. (شیطانا تابع اولوب دالینجا دوشه‌رك بو جور چیركین و یاراماز سؤزلر یازما، الله‌ین و اونون پیغمبری‌نین حكملرینه تابع اول!) سلاما لایق كیمسه‌یه سلام اولسون!
و من كتاب له علیه السلام إلى معاویة جوابا عن كتاب منه إلیه
وَ أَمَّا طَلَبُكَ إِلَیَّ الشَّامَ فَإِنِّی لَمْ أَكُنْ لَأُعْطِیَكَ الْیَوْمَ مَا مَنَعْتُكَ أَمْسِ (وَ أَمَّا قَوْلُكَ إِنَّ الْحَرْبَ قَدْ أَكَلَتِ الْعَرَبَ إِلَّا حُشَاشَاتِ أَنْفُسٍ بَقِیَتْ أَلَا وَ مَنْ أَكَلَهُ الْحَقُّ فَإِلَى الْجَنَّةِ وَ مَنْ أَكَلَهُ الْبَاطِلُ فَإِلَى النَّارِ) وَ أَمَّا اسْتِوَاؤُنَا فِی الْحَرْبِ وَ الرِّجَالِ فَلَسْتَ بِأَمْضَى عَلَى الشَّكِّ مِنِّی عَلَى الْیَقِینِ وَ لَیْسَ أَهْلُ الشَّامِ بِأَحْرَصَ عَلَى الدُّنْیَا مِنْ أَهْلِ الْعِرَاقِ عَلَى الْآخِرَةِ وَ أَمَّا قَوْلُكَ إِنَّا بَنُو عَبْدِ مَنَافٍ فَكَذَلِكَ نَحْنُ وَ لَكِنْ لَیْسَ أُمَیَّةُ كَهَاشِمٍ وَ لَا حَرْبٌ كَعَبْدِ الْمُطَّلِبِ وَ لَا أَبُو سُفْیَانَ كَأَبِی طَالِبٍ وَ لَا الْمُهَاجِرُ كَالطَّلِیقِ وَ لَا الصَّرِیحُ كَاللَّصِیقِ وَ لَا الْمُحِقُّ كَالْمُبْطِلِ وَ لَا الْمُؤْمِنُ كَالْمُدْغِلِ وَ لَبِئْسَ الْخَلَفُ خَلَفٌ یَتْبَعُ سَلَفاً هَوَى فِی نَارِ جَهَنَّمَ وَ فِی أَیْدِینَا بَعْدُ فَضْلُ النُّبُوَّةِ الَّتِی أَذْلَلْنَا بِهَا الْعَزِیزَ وَ نَعَشْنَا بِهَا الذَّلِیلَ وَ لَمَّا أَدْخَلَ اللَّهُ الْعَرَبَ فِی دِینِهِ أَفْوَاجاً وَ أَسْلَمَتْ لَهُ هَذِهِ الْأُمَّةُ طَوْعاً وَ كَرْهاً كُنْتُمْ مِمَّنْ دَخَلَ فِی الدِّینِ إِمَّا رَغْبَةً وَ إِمَّا رَهْبَةً عَلَى حِینَ فَازَ أَهْلُ السَّبْقِ بِسَبْقِهِمْ وَ ذَهَبَ الْمُهَاجِرُونَ الْأَوَّلُونَ بِفَضْلِهِمْ فَلَا تَجْعَلَنَّ لِلشَّیْطَانِ فِیكَ نَصِیباً وَ لَا عَلَى نَفْسِكَ سَبِیلًا وَ السَّلَامُ