رفتار اولگوسو؛ پیسلیک قارشیسیندا یاخشیلیق
یازار : میرزه عبدالصمد ملکی | بؤلوم : دین
+0 به یه ن
الف: یئری و ارزشی
اجتماعی رابطه‌لرین گوجلنمه‌سی‌نین اساسلی یول‌لاریندان بیری، پیسلیکلرین مقابلینده یاخشیلیق ائتمکدیر. پیسلیک یاخشیلیغینان جواب وئریلدیگی زمان، شخصین یاتمیش وجدانی آییلار و نفرتلر محبته چئوریلر. انسانلاری ایچ و وجدان محکمه‌سینده محاکمه ائتمک اوچون، فقط باغیشلاماق و یاخشیلیق یولوندان استفاده ائتمک اولار. بئله‌لیکله او، اؤز ایچینده اوتانار و پیس ایشینه گؤره شرمنده اولار.
مؤمن و اجتماعی انسان انتقام اهلی اولماییب، اؤزگه‌نین پیس عملی مقابلینده اونونلا قطع رابطه ائله‌مه‌ییب معاشرتینه ادامه وئرمه‌لیدیر. چونکی اوزاقلیق و رابطه‌سیزلیک داها اوزاقلیغیا و حتی دوشمنلیگه سبب اولا بیلر آما رابطه چوخالدیقجا دوستلوق احتمالی، چوخ مقداردا آرتار. بئله‌لیکله دوستلارین سایی گوندن گونه آرتار.
قرآن کریم بیزلره پیسلیک مقابلینده یاخشیلیق ائله‌مگه دعوت ائلیر. مثلاً فصلت سوره‌سی‌نین 34-جو آیه‌سینده بئله بویورور: وَلاَ تَسْتَوِی الْحَسَنَةُ وَلاَ الْسَّیِّئَةُ ادْفَعْ بِالَّتِی هِیَ أَحْسَنُ فَإِذَا الَّذِی بَیْنَکَ وَبَیْنَهُ عَدَاوَةٌ کَأَنَّهُ وَلِیٌّ حَمِیمٌ؛
البته دونیادا پیسلیک و یاخشیلیق برابر دئییل. پیسلیگی لاپ یاخشی شکلده دفع ائله کی سنینله اونون آراسیندا دوشمنلیک اولان شخص، سنینله دوست و قوهوم کیمی اولسون.
و یا قرآنین رعد سوره‌سی‌نین 22-جی آیه‌سینده مؤمنلرین باره‌سینده بئله بویورور:
وَیَدْرَءُونَ بِالْحَسَنَةِ السَّیِّئَةَ أُولئِکَ لَهُمْ عُقْبَى الدَّارِ؛
پیسلیگی یاخشیلیقلا زایل ائلرلر. باقی دونیانین خوش عاقبتی اونلار اوچوندور.
قرآنین کریم آیری سوره‌ده پیغمبری دوشمنلرینن مدارایا و کئچینمگه چاغیریر. . قرآن مؤمنون سوره‌سی‌نین 96جی آیه‌سینده بئله بویورور:
ادْفَعْ بِالَّتِی هِیَ أَحْسَنُ السَّیِّئَةَ نَحْنُ أَعْلَمُ بِمَا یَصِفُونَ؛
سن اونلارین آزار و اذیتلرینی داها یاخشی رفتارلا دفع ائله، بیز اونلارین دانیشیغی (نین جزاسینی) داها یاخشی بیلیریک.
امام رضا (ع) بو زمینه‌ده لاپ یاخشی اولگولردن ساییلیر. او حضرت بئله بویورور:
بیز اهل بیتین یولو، بیزه پیسلیک ائله‌یَنین مقابلینده یاخشیلیق ائتمکدیر. آند اولسون الله‌ا بو یولدا عاقبت بخیرلیک وار.( حمیری، قرب الاسناد، ص 386؛ کلینی، الکافی، ج 2، ص 488؛ مجلسی، بحارالانوار، ج 90، ص 367؛ بحرانی، تفسیر برهان، ج 1، ص 395.)
ب: نمونه‌لر
پیغمبر (ص) و اماملارین (ع) رفتاریندا بو باره‌ده چوخلو نمونه‌لر وار کی اونلارین نئچه‌سینی مثال اوچون بوردا گتیریریک.
بیرینجی:
قریش، حضرت محمدین (ص) اذیتی اوچون الیندن گلنی اسیرگه‌مه‌دی. او حضرته و اصحابینا یئمک یولونو باغلادی و اونلاری اوشاقلی بؤیوکلو اوچ ایل آج قویدو. اونلاری شکنجه وئرمکدان علاوه اونلاری اؤلدورمگه دا ال ووردو کی نهایتده او حضرت مکده‌دن مدینه‌یه کؤچمگه مجبور قالدی.
دفعه‌لرله مدینه‌یه حمله ائله‌دیلر و او حضرتین عزیزلرینی شهید ائله‌دیلر. عمیسی‌نین جسدینی مُثله ائله‌دیلر. هجرتین سککیزینجی ایلینده مکه شهری، مسلمانلار طرفیندن فتح اولدو و او حضرتین جارچیسی بئله ندا وئردی:
بو گون محبت و عطوفت گونودور، انتقام گونو دئییل !
سونرا هامینی آزاد قویدو و هئچ کسی محاکمه‌یه چکمه‌دی. بوتون قاتل‌لر باغیشلاندی مشرکلرین باشچیسی ابوسفیانین ائوی دارالأمان اولدو و اونا و اوغول‌لارینا او اؤلکه‌نین لاپ ارزشلیسی اولان 300 دوه وئریلدی. (مجلسی، بحارالانوار، ج 21، ص 91.)
ایکینجی:
ابن ملجمین زهرلی قیلینجی‌نین اثرینده حضرت علی (ع) هجرتین 40-جی ایلی‌نین رمضان آیی‌نین 19-جو گونو هوشدان گئتدی. نئچه لحظه سونرا حضرت هوشا گلنده امام حسن (ع) او حضرته بیر قاب سوت گتیردی. حضرت او سوتون بیر آزین ایچیب قالانینی ابن ملجمه وئرمگینی امر بویوردو. سونرا اوغلو امام حسنه (ع) بویوردو: اونون باره‌سینده سیزین بوینوزدا حقّیم وار. اونون یئییب ایچمه‌سین یاخشیلادین. اولدوغو آنا قدر اونونلا مهربان اولون و منیم یئییب ایچدیگیمدن اونا دا وئرین !
امامین سوتون ابن ملجمه آپاراندا او حضرتین سؤزلرینی اونا دئدیلر. ابن ملجم شرمنده‌لیکله سوتو ایچدی. (مجلسی، بحارالانوار، ج 42، ص 289؛ نوری، مستدرک الوسائل، ج 11، ص 79.)
جنّتین لاپ یاخشیلاری کیملردی؟
یازار : میرزه عبدالصمد ملکی | بؤلوم : دین
+0 به یه ن
جنّته یول تاپا بیلنلرین بعضیسی‌نین مخصوص یئری وار.
بیر کیشی خانیمیسینا بئله تاپیشیریر: گئت خانیم فاطمه زهرانین (س) محضرینه سوروش کی من او حضرتین شیعه‌لریندنم یوخسا یوخ؟
او خانیم، خانیم فاطمه زهرانین (س) محضرینه چاتیب مطلبی سوروشور. خانیم زهرا (س) بویورور: امری ائله‌دیگیمزی یئرینه گتیرسن و نهی ائتدیگیمیزدن اوزاق گزسن، بیزیم شیعه‌میزسن یوخسا دئییلسن.
او خانیم ائوه قاییدیب خانیم فاطمه زهرانین (س) بویوردوغونو ارینه دئییر. کیشی، جوابی ائشیدندن سونرا ناراحت اولوب قیشقیردی: وای اولسون منه نئجه اولار انسان گناه و خطایا بولانماسین؟ بئله‌لیکله من همیشه جهنّمده یاناجاغام.
او خانیم بیر داها خانیم فاطمه زهرانین (س) محضرینه چاتیب اری‌نین ناراحاتلیغینی و سؤزلرینه او حضرتین محضرینه یئتیردی. حضرت بویوردو: حیات یولداشینا دئ کی؛ دوشوندوغون کیمی دئییل چونکی بیزیم شیعه‌لریمیز جنّت اهلی‌نین لاپ یاخشیلاریدیلار. آما بیزی و دوستلاریمیزی سئونلر و دوشمنلریمیزله دوشمن اولانلار، عملده گناهکار اولوب امر - نهی‌لریمیزله مخالفت ائدنلر آما دیلی و اورگی بیزیمله اولانلار دا بیزیم واقعی شیعه‌میز اولماسا بئله، جنّت اهلیدیر. منتهی گناهلاری‌نین پاکلاندیغیندان سونرا.
بلی، بئله‌لیکله دونیا چتینلیکلری و یا قیامت عذابلاری و یا جهنمین اوّل طبقه‌سینده‌کی کیفرلریله گناهدان پاکلاناندان سونرا، بیزه خاطر جهنمدن قورتولوب بیزیم رحمت کناریمیزدا منزل تاپاجاقلار.
منبع:بحار الانوار، ج ۶۸، ص ۱۵۵
زادگاه تشیع کجاست؟ چرا عده ای تصور می کنند تبریز زادگاه تشیع می باشد؟
یازار : میرزه عبدالصمد ملکی | بؤلوم : دین
+0 به یه ن
اخیراً یک مجموعه، تقویمی برای سال 96 چاپ و تکثیر نموده است با عنوان «تبریز زادگاه تشیع». در مورد انتخاب این عنوان به گمان من عمدی وجود نداشته و حتماً طراحان آن به دلیل اطلاعات کمی که داشتند این عنوان را بر آن درج نموده اند. چون تبریز به هیچ وجه زادگاه تشیع نیست. چون اگر در لغتنامه به معنی زادگاه بنگریم خواهیم دید که زادگاه جایی است که موضوع در آن ولادت یابد و قبل از آن وجود نداشته باشد. یعنی اگر بخواهیم زادگاهی برای تشیع معرفی کنیم مسلماً سرزمین حجاز خواهد بود نه جایی دیگر.
آیت الله العظمی سبحانی به استفتائی در این زمینه چنین پاسخ داده اند:
متن سؤال: درباره پیدایش شیعه فرضیه‌ها و نظریات مختلفی مطرح شده است، بفرمایید تشیع از چه زمانی پدید آمده است؟
پاسخ: معمولاً این نوع پرسش‌ها درباره نحله‌های کلامی و فرقه‌های مذهبی مطرح می‌شود که پس از رحلت پیامبر اسلام پدید آمده‌اند؛ مثلاً می‌گویند: مذهب اشعری چگونه و از چه زمانی پدید آمده؟ در پاسخ گفته می‌شود:
مذهب اشعری مکتبی کلامی است که ابوالحسن اشعری (260ـ324هـ) در آغاز قرن چهارم آن را پی‌ریزی کرد. در مقابل آن، مذهب معتزله قرار دارد که آن هم یک مذهب کلامی است و واصل بن عطا(80ـ 130هـ) شاگرد حسن بصری (م110هـ) آن را بنیان نهاد. در این موارد، می‌توان برای پیدایش مذهب، تاریخ مشخصی تعیین کرد.
این گفته در خصوص مذاهب فقهی نیز صادق است. مذهب حنفی به وسیله ابوحنیفه(80ـ 150هـ) و مذهب شافعی به وسیله محمد بن ادریس شافعی(150ـ 204هـ) پدید آمد و همچنین دیگر مذاهب فقهی نیز تاریخ پیدایش مشخصی دارند. امّا تشیع یک مذهب کلامی و فقهی نیست که پس از پیدایش اسلام و درگذشت رسول خدا صل الله علیه وآله پدید آمده باشد.
تشیع، با اسلام تاریخ یکسان دارد.
سعادت آختاران قرآن اؤرگشسین
یازار : میرزه عبدالصمد ملکی | بؤلوم : دین
+0 به یه ن
 | ||
قال رسول اللّه(ص): «إِنْ أَرَدْتُمْ عَیْشَ السُّعَدَاءِ وَ مَوْتَ الشُّهَدَاءِ وَ النَّجَاةَ یَوْمَ الْحَسْرَةِ وَ الظِّلَّ یَوْمَ الْحَرُورِ وَ الْهُدَی یَوْمَ الضَّلَالَةِ فَادْرُسُوا الْقُرْآنَ فَإِنَّهُ کَلَامُ الرَّحْمَنِ وَ حِرْزٌ مِنَ الشَّیْطَانِ وَ رُجْحَانٌ فِی الْمِیزَان». پیغمبر اکرم (ص) بویوروب: سعادتلی‌لرین یاشاییشین و شهیدلرین اؤلومونو، حسرت گونون نجاتینی، یاندیران گونون کؤلگه‌سینی، ضلالت گونون هدایتینی ایسته‌سز حتماً قرآنی اؤرگشین. البته او رحمان الله‌ین کلامی و شیطان مقابلینده قالخان و قیامت ترازیسیندا آغیرلیقدیر. بو شریف حدیثده بویورمور کی قرآنی اوخویون بلکه اونون اؤرگشیلمه‌سینه تأکید بویورور. یعنی صرفا اوخوماق و اوندا درینلشمه‌مک فایداسیز اولماسا دا ایشی یاریمچیق گؤرمک ساییلیر. قرآن انسانین یاشاماسی اوچون برنامه‌دیر. برنامه‌نی خوش سسله اوخویوب عمل ائله‌مه‌مک البته کی لازم اولان نتیجه‌نی وئرمیه‌جک. | ||
کاییناتین 8 مرحله‌ده تشکیل تاپماسی
یازار : میرزه عبدالصمد ملکی | بؤلوم : دین
+0 به یه ن
| ||
ایلکین ثانیه‌لرین نئجه تشکیل تاپماسی باره‌ده منجم‌لردن یوخ بلکه فیزیک بیلنلردن سوروشماق لازمدیر. بو فیزیک بیلنلر کاییناتین تاریخینی 8 مرحله‌یه بؤلوبلر. بیرینجی مرحله: صفردن 10 به توان 43 ثانیه‌یه قدر) هله بیزه بللی اولماییب کی ثانیه‌نین بو ایلکین اجزاسیندا نه‌منه اود توپونا چئوریلیب کی کایینات اوندان یارانسین. او زمانین یوخاری حرارتین اؤلچمه‌سی اوچون هئچ معیار و معادله یوخدور. ایکینجی مرحله: 10 به توان 43 دن 10 به توان 32 ثانیه‌یه قدر)کوارکلار، الکترونلار کیمی ماده‌نین ایلکین تمل داشلاری یارانیر. بو تمل داشلارین بعضیسی بیر بیرینه چاققیشیب تشعشع شکلینده تؤکولورلر. چوخ ایلکین آنلاردا فوق آغیر X ذره‌لری یارانا بیلردیلر. X ذره‌لری فقط ثانیه‌لرین او ایلکین کیچیک جزءلرینده اولا بیلردی. اوچونجو مرحله: 10 به توان 32 دن 10 به توان 6 ثانیه‌یه قدر) کایینات کوارکلار، لیتونلار، فوتونلار و آیری ذره‌لرین ترکیبیندن دوزلدی. بیر حالداکی بیر بیرنی نابود ائتمکده و حرارت آزالتماقدادیلار. دؤدونجو مرحله: (10 به توان 6 دان 10 به توان 3 ثانیه‌یه قدر) آز ما چوخ بوتون کوارکلاری و ضد کوارکلار انرژی‌یه تبدیل اولورلار. حرارتین آزالماسی اوچون داها تازا کوارکلار یارانمیرلار و کوارکلارین ضد کوارکلاردان داها چوخ اولدوقلارینا گؤره کوارکلارین بعضیسی اؤزلرینه جوت تاپا بیلمیرلر و آرتیق قالیرلار. اوچ کوارک بیرلیکده بیر پروتون و یا نوترون دوزلدیرلر. گله‌جک اتوملارین تمل داشلاری یارانیب. بئشینجی مرحله: 10 به توان 3 دن 100 ثانیه‌یه قدر) الکترونلار و ضد الکترونلار بیر بیرینه چاققیشماقلا اشعه‌یه چئوریلیرلر. الکترونلارین بیر تعدادی قالیر چونکی ضد الکترونا گؤره سایلاری چوخدور. بو الکترونلار سونرا اتوملارین مدارلارین تشکیل وئریرلر. آلتینجی مرحله: 100 ثانیه دن 30 دقیقه‌یه قدر) ایندیکی اولدوزلارین چردگینده تاپیلا بیلن حرارتده، یونگول اتوملار مخصوصاً چوخ قالارگی هلیوم چردکلری دوزلیر. هله بو مرحله‌ده دمیر و کربون کیمی آغیر اتوملارین چردگی دوزلمه‌ییب. یارانیشین اوّلینده هرزاددان یونگول اولان هلیوم و هیدروژن واریدیلر. یئددینجی مرحله: (30 دقیقه‌دن یارانیشدان بیر میلیون ایل سونرایا قدر) 300 ایلدن سونرا اود توپو اتوم چردکلری و الکترونلارین 3 مین درجه‌ده بیر بیرینه یاپیشیب اتوملاری تشکیل وئره بیلن حرارته قدر سرینله‌ییر. نتیجه‌ده گؤرونمه‌ین قاریشیق ذره، ایندی گؤرونور. سککیزینجی مرحله: (یارانیشدان بیر میلیون ایل سونرادان ایندی‌یه قدر) کهکشانلارین هیدورژن بولوتلاریندان اولدوزلار و سیاره‌لر یارانیر. اولدوزلارین ایچینده اکسیژن و دمیر کیمی آغیر اتوملارین چردگی تشکیل تاپیر کی سونرالار اولدوزلارین پارتلاماسیندا آزاد اولورلار و اولدوزلار و سیاره‌لرین و تازا یاشاییشین دوزلمه‌سی اوچون ایشلنیر. بیگ بنگ (بؤیوک پارتلاما) نظریه‌سی کاییناتین قورولوشونا باخماقلا مطرح اولوب. بو پروژه‌نی «وستو اسلیفر» 1912 ده باشلادی. بو نظریه ایله مخالف اولانلار دا وار. | ||